.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `القلب صافي ونية زينة ديما كاتبان على وجه مولاها ..لي مايبغيش لخير لولاد ناس عمر لخير يكون فيه ولا في ولادو ..لوجه لمبشور يفاجي عليك ويدخل لخاطر وهادشي كاينطابق على الحاجة خديجة زينة سمية لي ماعندوش فدار يكتبها في لحيط...حمقوها لبنات غير كاتشوف فيهم وضحك ..دخلاتهم ولبلاصة لمخيرة جلساتها فيهم ..جلسو لبنات في صالون مقابلين مع خديجة أسيل طاح ليها لما في ركابي ملي عرفاتها مامات أديب ندمات على الوقت لي بغات تجي فيه مع ريم وكون يصحاب ليا ما تخرجش من دار الواعرة هي يلا جا ولقاهم تما وهي عارفاه شاد حدو معاهم من غير المساعدة لي عاونهم بيها ملي تݣريسات.. جلس جلال حدا لحاجة مدور يديو على كتفها... خديجة:مرحبا ..مرحبااا زينات تبارك الله ماشاء الله غزالات ياربي ماشفت فزين بحالكم الله يحفظكم لوليديكم[نغزات جلال من فخضو وهمسات ليه]: الله يا ولدي الله هاد زين يقولو عليه "يكون خير" هذا راه دايموند خاصك ضرب لحديد ماحدو سخون تبارك الله زينة الله يحجبها.. جلال:[تبسم ليها]: ضربي وقيصي الحاجة سيدة بحال دجاج رومي تعودي معايناها لينا مايبقا لا حديد لا ديامون ريم«غرقات بالحشمة»:الله يبارك فيك اخالتو عينيك لي مزيونين تبارك الله حتى نتينا غزالة الله يطول في عمرك خديجة :الله يحفظك احبيبتي [شافت في أسيل]:أجي ابنتي حدايا أجي.. ناضت حداها حشمانة غاطرطق خديجة:تبااارك الله ماشاء الله عليك حتى نتي خدامة عند أديب ياك ابنتي؟ هضرات تحت منها [يعطيه لعمى يلا ماشافش هاد زين ] أسيل«غرقات في حوايجها»:اه اخالتو حتى انا ..سمحلنا اخالتو راه جلال ماقلناشي غايجيبنا عندك ماعملناشي صواب خديجة:لا لا ابنتي فرحتوني ملي جيتو الله يرضي عليكم . ياله نجلسو في صالون لداخل رقية غاتكون حطات لغدا...زيدو مرحبا بيكم دخلو لصالون وهما يضربهم ضو تاويل والهمة صالون مغربي على حقو وطريقو سقف منقوش زليج بلدي ولفراش بلدي متقون لهمة وشان ريم واسيل بقاو مشوكين عكس جلال مولف دخل بلا ضيافة لراس صالة شد بلاصتو هالك مو جوع... خديجة«حطت يديها على حنكها »:جلال!! ويلي مالك عليها سبق ضياف ولا جلال«حل صدايف كمامو »: خليني الحاجة كرشي مامعاهاش صواب ناكل وندير صواب«شاف ف ريم وطبطب على لبلاصة لي حداه»:شمالية دوزي تݣلسي ها بلاصتك .. ريم[مرݣات قدام لمرا]:احم ..ماشي مشكل أنا نݣلس حدا أسيل جلال:[عݣدهم فيها]:زيدي ݣلسي راه دويت ناضت بزز منها كاتنفخ جنها وجنونها يتحكم فيها شي حد..وكون ماكانتش فدار ناس والله مادوزها ليه تجمعو على طبلة واحد مولاتي بسطيلة بالحوت مدورة بشلايض على شكال ولعواصر منوعين..ماجاو يسميو الله حتى وقف عليهم كي قباط روح جاي بادي سلااام من برا غير شافهم وقطع لحس شداتو اللقوة سرط لسانو جميع ألوان الطيف بانو في كمارتو زعامة كبيرة هاذي عليه ومايقدش عليها فين ما ضار تبانليه أديب:سلاااااااااام وعلييي....كم.. أسيل كانت كاتشرب لعصير خرج ليها من نيفها ملي شافتو ريم«شافتها قوسات حجبانها»:بشويش عليك .. جلال«طانز عليه»:هاد نسيبة لي غاتكون عندك غاتكون عزييز عليها ا معلم..جيتي مع طبلة كاتحضر غير وقت لماكلة ..عاداك سلطان ولا خديجة«خرجت عينيها فيه»:اويلي هذا مالو تكوفر أديب غسل ايدك واجي تغدا من لبهلان [شافت في جلال]..نوض حركو شوف جدو مالو أديب [شاف في جلال ماتسوقش لبنات]:نتا الحمار شتك ورتي ديلمي فهاد دار فينما درت لقاك كي زلط جلال:دوز تغدا دوز [غمزو]..بلان المحمدية ديال لبارح وصلني حتى لمن بعد ونتفاهمو.. أديب:سكتنا ا صحبي.. «هز عينو في البنات وهضر ببرود»:مرحبا بيكم.. أسيل:الله يبارك فيك سي أديب شكرا أديب:[شاف في الحاجة]:ݣولي لرقية تحط ليا انا طالع لفوق عندي شي خدمة .. خديجة «ديقات عينيها فولدها وفهماتو مابغاش يݣلس معاهم»:واخا انا نݣولها ليها جر رجليه ومشا أسيل حسات براسها غاتخنق ماعجبهاش تصرف حست بيه فحال يلا مابغاش يݣلس معاهم وتصرفو معاهم فهموه وهضموه اكيد ماغايتاواوش هما والمدير ديالهم.. خديجة كاتغزل في أسيل ماكاينااش في هاد العالم حمقاتها...كملو لغدا وخرجو لجردة ريم عجبها لحال ماسخاتش تخرج من داك الجو لي فاقداه من صغرها مرة مرة كاطلع ليها ديك تنهيدة ملي كاتشوف خديجة كيفاش كاتهضر مع جلال شي لي لاحظو فيها جلال كيفاش متبعة ليهم العين..كملوها بشريب اتاي وحلاوي ديال لوز ماحسو بالوقت حتى ضلام لحال..فرحات بيهم لحاجة وتمنات لخير لجلال من بعد ما طمناتو لبنت مافيها مايتعاب والحشمة باينة عليها وكيف كانقولو لوجه يعطيك خبار مولاه من شوفة يبان لعربون..ركبو مع جلال من بعد تسالمو مع خديجة وجه أديب ماشافوهش من ديك ساعة...ماشي بزاف حتى وصلو حدا باب لغيزيدونس... جلال[شاف في أسيل من لمرايا]:ختي أسيل غير نزلي أنا مازال محتاج ب ريم .. ريم[شافت فيه مبهوطة]: أنا غانطلع ندار مشا لحال .. جلال[شاف ف ساعة لقا 20:30]:مازال لحال شوية ورجعك أسيل[شافت ف ريم وقربات عندها من جيهة سرجم]:غي مشي ا ريم ما شي مشكل شوف كفاش ملهوف عليك... ريم[حركات راسها]: واخا طلع نتينا انا شوية ونجي .. هاد المرة فضل يݣلس معاها فشي قهوة باش تكون مرتاحة..جالسين في القهوة شادين واحد القنت كالم..عينو في عينها كايسقي عينيه بدوك شفيرات لي كادبل فيهم وشفاشفها كي شهدة عينيه مرة على عينها مرة على شفايفها شي لي لاحظاتو فيه وتزنݣت بقوة ماشاف فيها.. جلال: تصرفت خايب معاك داك نهار ديال lclub ريم[حطات يديها على حنكها مسندة عليه]:ماشي مشكل ديكشي فات .. ديك بلاصة ماشي ديالي غي تزرفت وكنت محتاجة نبدل لجو .. جلال:اه ولكن ماشي بلايص لي يمشيو ليهم بنات ناس ريم«رجعاتها ليه في لبلاصة»:و ماشي د ولاد الناس..وانا اصلا باش غنعرف... أنا العايلة قاتلي مشي نهاد قهوة مزيونة .... عجبني لحال صراحة ..ولكن نتينا لي صدعتني وبغيتي تشبرني صحة حتى خويت عليك لعصير جلال«جاها من لخر»:مانويتهاش فيك زوينة دوك لبلايص معروفين ديالاش ريم:[كاتشوف ليه في عينو]:جلال...؟! جلال:[غمزها]. اش تم اشمالية... ريم«كادور فعينيها»:احم..دابا أنا ونتينا غاتكون بيناتنا شي حاجة؟! جلال«مسح على لحيتو »:باغا تخرجيني على طوعي اشمالية.. ريم:لاء لاء ولكن بغيت نعرف وصافي..[حدرات راسها]..مترددة وخوفانة جلال«حط يدو فوق يدها »:فيضي نيتك ابنت ناس ريم[مازال مازعمت]:واخا اجلال ولكن نتينا باقي ماعارف عليا والو وشنو ك..[قاطعها قبل ماتكمل].. جلال:[زير على يديها]:ششش كوني كيفما بغيتي تكوني ..ماكايهمنيش لي عارف هو يلا كانت شي حاجة لي خايبة فيك انا متقبلها وعلى يدي غانصلحها.. ريم[تصدمت من كلامو ]:ولكن واش مبغيتي تعرف عليا والو ؟!! جلال«ماباغيش يحكر»:غانعرف...غير كل حاجة ف وقتها نهار تكوني قادرة تعاودي ليا غاتلقايني كانسمع ليك .. ريم:ولكن را بصح نتينا باقي ماعارف عليا والو .. جلال:«جمع لوقفة شد ف يديها منوضها »:زيدي اشمالية تمشي لعند صاحبتك...ملي كاتوصلي لهاد "نتينا " كاتعوريها .. ريم«فلتت ليها ضحكة»:شنو نقوليك نتايا!؟..تؤ تؤ ماتجينييشي مع الهضرة ديالي خليك نتينا في اللهجة ديالك وانا فديالي الله يرحم يماك .. جلال:نتي اللخر معاك غاندوزو مع هاد اللهجة.. خرجو مشادين قاصدين طوموبيل رتاحت ريم ملي هضرو وبين ليها بلي ماشي قاصح كيف تخيلات وعندو واحد لاتوش ديال الهضرة وهادي حاجة مزيانة انه من نوع لي كايهضر ماشي معقد كاتمنى يكون كيف كانت باغا وكاتخايل بينها وبين راسها ويكون هو راجل لي غايصونها ويكون بيها... في لڤيلا جالس حدا لبيسين كايخربق في تيليفون مسرح رجليه على لكرسي ..حتى سمعها هضرات من موراه حط تيليفون من يديه و هزز راسو فيها ... أديب:لحاجة !! ماجاكش نعاس..!؟ خديجة«هازة كاس ديال لحليب سخون بالويزة مداتو ليه»:..ها لحليب لي كايعجبك ... أديب«شدو من عندها»:الله يحفظك الواليدة كنت محتاجو.. خديجة«جلسات حداه»:احم ...عجباتك!؟ أديب«شرب من كاسو»:اه لويزة مع لحليب من ديما كاتعجبني كاتريحني.. خديجة«بتاسمات»:لا ماشي لويزة ..أسيل أديب شاف فيها حتى لكاس مال جيهتو شوية مايحرق ق**ويه بداك لحليب... خديجة«قفزات من بلاصتها»:نتا فعار الله بشوية عليك... أديب«شاف فيها »:..احم..الله يهديك الحاجة لبنت خدامة عندي وصافي !! خديجة:نتا لي الله يهديك حتى نكون ماكانشوفش..كنتي غاتاكلها بعينيك فاش دخلتي أديب:«جاها من لخر»:هادشي كولو حضيتيه الحاجة..سلااامة معاك والله لي فيك مامهنيك ..عااارف اش كايدور فداك راس..وغير هني بالك أنا ماديال زواج خديجة «حمرت فيه»:تما مبقاك كي جن..لبنت كي ذهب حداك الله يعطيك لعما لي ماتشوفش ديك لبلارة ..ديك لمرة جايب ليا ديك لمسلݣمة ديال أروى الله يمسخها لا صواب فيها لا أداب لا حترام..[ناضت منفرزة]..هذاك سهمك حتى نتا غير بحال أروى هما لي كايعرفو ليك فلوسك كايمشيو. غير على بحالها....تصبح على خير أديب:«عرف راسو كحلها »..الله يهديك الحاجة غير هضرنا ..لااش أعصاب لاااااش و أجي غير نكملو الهضرة... خديجة«ضارت عندو»:نوض تنعس نوض الله يهديك على نفسك... جرات رجليها لبيتها كاتنهد من ديما عارفة ولدها زهو ولبنات مايخطاوه معصب وعلى نقشة من صغرو .. كاطلب الله يعفو عليه وينوض يدير ولادو تهنا عليه ..لي قال هو لي بغا مازال ماتزادت لقا راحتو في هبالو راكب عليه ..ماينكرش أسيل عجباتو وفتناتو حس بشي حاجة ولكن باش يبغيها ويدخل الحب لراسو رافض ديك لفكرة ..بقا گالس كايفكر كايبقا فيه لحال يلا تعصبت لحاجة عندو لعمر فيها ..خاطرها فوق خاطرو ولكن في موضوع زواج كايقطع ليها لياس ..بقا كايكمي حتى ريتو طلبات معاه شرع عينو مضيقين كايشوف غير بين شفارو...و هو هاكاك سرحات بيه ذاكرتو لبعيد فلاش باك معنقها كايمسح على راسها وهي كاتبكي وتشهق ماعرف مايدير ليها من غير يواسيها عمر صغير والعقل كبير ... أديب:صافي ا ماما صافي ماتبكيش ..شوفي أنا حداك.. خديجة [عنقاتو خاشياه فيها]:ماديرش في بالك اولدي ..مافيا والو شوف أنا سكت مانعاودش نبكي صافي أديب[بخوف]:بابا..بابا خايب مامزيانش ماكانبغيهش كايضربك ..كايبقا يغوت كايخلعني .. خديجة:شششش اولدي صافي ..[شدات وجهو بين يديها]:نوض نزل عند جلال لعب معاه أنا شوية ونجي عندك قول ل خالتك زهور تعطيك لحليب باللويزة لي كاتبغي حتى نجي عندك.. أديب [باسها في حنكها بوسة حنينة]:واخا اماما انا نمشي عند جلال .. اند فلاش باك كل واحد في دنيا عندو لي كافيه من الهم ولي كبر فشي عقدة كاتكبر معاه وكايكبر معاه الخوف هذا ماكان لي ماعندو قليل عندو لكثير ف سوق الهم كانشوفو بنادم من برا وماكانشوفوهش من لداخل شنو مهرس شنو خاصو يتصلح ..فاق من سهوتو جر جرة طويييلة من دخانو وساطو لفوووق طفاه في طفاية ونجر رجليه لبيتو ينعس ... (شي حد هنا عاش نفس المعانات ديال ريم وأمينة بطريقة اخرى وتجاوزات..حاولت نبين ليكم فهاد 40 جزء كل واحد وشخصيتو باش ندخلو في تفاصيل إن شاء الله) أصبحنا وأصبح الملك لله... طنجة... مرشان... ناس كاتصبح كاترزق الله وتجري مور طرف ديال الخبز وناس الله يحضر سلامة كي أولهم كي أخرهم مادارو ربح لا فراسهم لا في ناسهم ..كل صباح يصبح بحال جيفة خاانزز كي لݣط ماعارف ساسو من راسو ..جالس مع رباعتو كاتشبه ليه كاس قهوة كحلة قدامو تݣيح لݣلب..و ريحت شقوفة جايا منهم يباتو يشربو ويصبحو على طرح ضامة شادين بيه الوقت يدوز نهار ويمشي يقلب على ما يحنجر ويخشي في وجهو الله يقطعهم بحال هادو وينعلها قاعدة خاسر مع العبد وربي مايشبه لناس تشوفو تعدفو بين ناس... لمكي:لعب أصاحبي ونتنا غي حادي معايا .. راجل1:هانا كانلعب ..نتينا لي ولا فيك الغش .. لمكي«حتى هو على سبة قلب عليه داك طرح لي لاعبين»:ها هو دابا..ياله نوض تق**ود عليا مبقيتشي لاعب.. راجل1:عمل فيها راجل ولا ا مكي..كاترجل علينا از**ل .. "واحد في القنت عاجبو لحال وجاااري مع لبلان غير بغا يتفرج ودير راسو كايدخل بخيط بيض" راجل2:اااانعلو شيطان صباح هذا اصحبي مكي زعما تينا بعقلك ا الله يا خاي طرح دضامة عاملين عليه هاد شوهة .. راجل1«كايهز في يديه»:ااايمشي يق**ود كايترجل غي علينا ..يمشي يجمع غير عراضو الناس كاملين ساقولو لخبار ..بنتو مشات تهززو في كازا وتصردلو (تصيفطلو) باش يترجل علينا..شماتة راجل2 :مشي أصاحبي واش بغيتيه يقتلك كاتجبدلو ف بنتو كاتقلب على شي هلكة .. راجل1 :يمشي يتق**ود شعندي كدبت عليه معروف على بنتو شني كتعمل يمشي يترجل عليها مكي«شنق عليه ملي عايرو ببنتو»: عاود شني قولتي اقو**اد انا لغنجي نهزو فيماك دبا تلاح عليه المكي شانق عليه و بداو كيضاربو و هداك لي موراهم عاجبو الحال و كيتفرج فالفيلم حيت عارفهم بزوج بيهم شمايت ولكن من سم لي فيه خاصو يشوف القضية حامضة كثر من هادشي قرب هو واحد لعكاز ومدو لصاحبو شدو من عندو و نزل بيه على المكي للراس المكي :اااااااي ..... الزا**ل راجل1:هادي باش تعاود ترجل على سيادك اولد ق***بة «هز داك عكاز و عاودنزل عليه»:هاك تا هادي.. خلاه تما مليوح كيف الكلب هلكو هلكا ديال الكلاب خلاه تما كيتوجع بيديه و راسو..اوا هادشي ليستاهل هاد خانز العفطة لكيعرف غير القمر و الشراب و الگارو بغا يدير فيها واعر وماكايرضاش ها هو جابها في راسو وكلا ما كلا طبل نهار العرس ******* عند لبنات صبحو خدامين كيف عادتهم ..غادين مع روتين لخدمة كل نهار كايجيو غير ناس لكلاص كايتحطو فلوس صحيحة وكايمشو ضاحكين كايبدلو طوموبيلات بحال لي كايبدلو حوايجهم..جالسين أسيل&ريم في لپوز ديال لغدا فواحد ريسطو قريبة كايتغداو باش يرجعو لخدمة حتى كايوقف عليهم كي قباط روح فوق راسهم ضرباتهم اللقوة..حتى نطقت أسيل مصدومة أسيل:ولد عمي!!! ماين خرجتي..بغيت نقول شكتعمل هنايا!؟ عماد«تحنا يسلم عليها»:سلم بعدا ا قطة ونتينا ليفيك مامهنيك خلعتك ولا... أسيل:هاااا...احم أنا لاء ماخلعتنيشي غي ماتوقعتشي نشوفك هنايا و صافي.. عماد«جر كرسي جلس حداهم»:امم ماتوقعتيييشي ايوا هانتينا دابا توقع على خااطرك«شاف في ريم»:ريم لباس كلشي مزيان!؟ ريم«ماحاملاهش»:الححمدو لله هاد ساعة الله يبعد مني غي كحل راس .. عماد«غمزها»:هاد كحل راس ماتعطيهشي الوقت ابنت مكي ولا .. ريم:شوف بعد مني الله يرحم ولديك «شافت في أسيل»:هضر نتينا مع ولد عمك قولو يعطيني تيساع .. أسيل«خنزرات فيه»:عمااد بعد من العايلة ..واش كاتحضينا ولا شني؟! عماد:لا حاشة غي مرات عمي وصاتني مرة مرة نشوفكم واش لباس أسيل&ريم:لباس علينا الله يكثر خيرك «وحدة شافت ف وحدة».. عماد:ريم!! شفتك بارح فواحد قهوة حدا بحر مع واحد خينا؟؟ خلاطة مع راسك من طنجة نكازا .. ريم«هزت صبعها فيه معصبة»:شوف نتينا ا عماد ولا شني اسمك..ديها فراسك ومادخلشي فشي حاجة بعيدة عليك ..«ناضت هزات صاكها»:انا غانرجع نالخدمة قول لهاد ولد عمك يبعد مني ولا غانتفاهم معاه ..بقا لي غي هو يحضيني .. أسيل«حتى هي ناضت هزات صاكها»:بلاتي حتى انا غانمشي تعطلنا اصلا «شافت ف عماد»عماد!! قول نبهية تعفيك من هاد الخدمة دلحضية راك غاتجيبا في جنابك...وريم عطيها شبر تيساع حسن ماتمشي لحبيبيس تاكل لعديديس .. ديك لهضرة لاحها موراه..مشاو خارجين تبعهم لباب ديال ريسطو شد ريم من دراعها دورها عندو .. عماد:ا شعندك ابنت مكي دافعة علينا كبير يلا كان غي نوعك فطنجة يانا عارفو شني ساوي«غمزها»:عطينا وقت فحال ناس.. ريم«هزات يديها حتى ليسما ونزلات عليه حتى دار وجهو شنقت عليه»:الله ينعللللك ا لحمااااار تعاااااود تحط علياااااا يدك ندييييك فاين تربا ..ماين تسسلطتي علياااااا ماييييين..«ماجات تكمل كلامها حتى كان ترفع لسما سابعة ماعرفت باش تبلات»... طنجة مرشان الزهر يجي مرة في العمر كاين لي عندو زهر يفتت لحجر وكاين لي زهرو عاطيه بضهر وكي قالو ناس زمان كاين لي زهرها بظفارها تهبش عليه وكاين لي زهرها زايد معاها باها ذابـ*ح عليه ومها مزغرتا عليه ايوا أمينة مادات من زهرها غير لمكي لي فليل سكران وفنهار قمار وبين لوقات مسهوط ناعس ماشافت منو خير غير لخسران من غير نعمة وحدة لي تحمد الله عليها ديك الكبدة لمخفية في ضل (ريـم) بنتها ومقطرة ليها من عينها ..وكيف مولفة جابدة صنعتها كاتغرز في طرز لفاسي على ليزور لناس تعمي عينيها وتقول ماعليش على وجه بنتي واخا تنقص عليها غير البلية ديال المسخوط ديال باها وماشي عيب الصنعة يلا ماغناتك تزيدك العيب في شماتة لي كايديهم باردين..من بعد ديك تفليقة لي كلا دخل لدار وجهو كولو دمايات ومخسر سيفتو ... لمكي«تجبد على سداري»:نوض..نوض جيبلي شي دوا نداوي بيها راسي.. هادشي كامل بسباب شايطة لي ولدت أمينة«هزات فيه عينيها»:معامن دابزتي عوتاني حالك مابقاشي كيعجب كل نهار ماجي مضروب من جيهة«همسات تحت منها وعينيها في الخيط ولبرا»:انا بغيت هاد مرة يجيبوكلي مكفن يابن اليـ*هودي لمكي«غمض عينيه كايتصنت لحريق»: شكاتبرݣم تما تحت منك هضر نسمعك ولا مابقيتشي كاتخاف أمينة«شافتو مغمض عينيه هزات طاسة ديال ليباري خوات منها شوية فوق زربية ديال صوف حدا رجليه ورجعات بلاصتها»:ماقلت والو انا غانوض نجيبلك دوا حمر ولا بيطادين ديك جرحة نوض غسلا بالما حرك راسو وهي طلعت كاتجري تجيب دوا لحمر وكاتسنا تسمعو غوت..لمكي مع جا ينوض يغسل عفط على واحد مولاتي يبرا ديال تغراز لغليض طلعات معاه حتى غوت بالعداااو وسمعاتو عاد برد ليها خاطرها ونزلت كاتجري عندو أمينة:اااوعدي شعندك..عاد خليتك غاتغسل شني وقعلك لمكي«العرق بان في جبهتو»: لعدااااااااااااو العداااو رجلي رجلليييي ابنت لحراااام أمينة «دارت راسها كاتقلب فيه»:اااوعدي ليبرا دخلتلك فوسط رجلك اااوعدي يانا كانعيا نجمع فيهم وكايتشتو غي سمحلي لمكي«زير على سنانو بحر لحريق»:انا بغييييتلك لعورة ابنت لحرام بغيتي تقتلني أمينة: أنا نمشي نجيب ليخية(جاڤيل) نخويهلك عليها صبر شويش «دخلات لكوزينة كاتسلت وكاتهضر بوحدها»:الله يعطيه سخانة أنا بغيتو يبقا شابر فراش سيمانة وسخانة كتاكل فيه..باش نوريه شكون لي شايط هو ولا بنتي الله يعطيك مصيبة يا الشايط دبصح لمكي:ادغيا ازبل دغيا و تينا كاتمشى على بيطات(البيض) عاجبك لحال..دوز داويلي جرحي الله يغبرك عليا خرجات هازة جاڤيل وطاسة دارتها تحت رجلو جبدات ليبرا لي ماكانتش غارقة بزاف خوات عليها جاڤيل دارت ليها دوا ولواتها في واحد شرويطة وهو بن البوحاطي لاخر غير كايوحوح كي القحـ*بة مشبعها معيور وزايد كايݣوليها داوي ليا جرحي هذا هو لي كايغوت مع البومة وماحاملش لغاها ويبكي مع ليتيمة وياكل عشاها..مسحات ليه جرح ديال راسو ودواتو ليه وخلاتو مسرح فوق سداري كطلب من الله يشد لفراش وتهنا من صداعو و فضايحو .. المحمدية David plage.. ݣالسين على لكراسا ريح كايطير شعرها ريحتها كايوصلها ليه ريح دخلات لدماغو وتغلغلات في نيوفو...كايتنغم بيها سكات غالب من مور روينة لي ناضت جرها وزاد حتى الخدمة مارجعاتش ليها .. ريم[شافت فيه]:جلال! جبتيني نهنا وخليت الخدمة شنو غانقول لسي أديب.. جلال:صيفطت ليه ميساج غير رتاحي.. ريم:مابغيتشي يقول راه كنستغلك و نخرج من الخدمة لوقت لي بغيت عاد ماكنتشي بغيتك ضرب عماد كيف ما كان لحال كيبقا ولد عما دصاحبتي .. جلال«خنزر فيها»:ماكانفهمش أنا هاد الهضرة.. ريم:«ميقات فيه»:كنت غانتفاهم معاه بوحدي غي تسرعتي جلال:لا تبارك الله عليك على أساس كنتي غاتخليه صحيح نتي بقات كادبل ليه فعينيها تما وضارت كاتشوف في لبحر وتعض على شفتها فيها البلية ديال تمصميص الفم وهاد القاعدة لي فيها كاتخرج ليها ملي كاتوتر ولا كاتحشم بقا كايشوف فيها شحال عاد نطق بصوتو رجولي :مالك !! ريم:أنا!؟ معندي والو قرب عندها لاح يديه على كتافها مقرب راسها عندو وطبع قبلة وسط شعرها وشحال جبرات بخاطرها ديك لبوسة وجاتها حنينة على قلبها حتى غمضات عينيها سرات مع داتها تبوريشة شافها قربت تسخف على يديه .. جلال«طانز عليها»: هه غير بشوية عليك راغير بسناك كون حو**تك كون متي ليا هنا.. ريم«حناكها تزنگو من لبوسة وكملها ليها بلكلمة لي قال ليها خلاها تغرق في حوايجها »:واش نتينا دقمك دايما خاسر هايدا !؟ ماكاتحشمشي جلال«خشاها بين دراعو»:نحشم !! ماكاين حشمة معاك من هنا لقدام اشمالية.. ايوا لي لقا علامن يحط راس يحطو ويحط معاه الهم لي عندو ريم عارفة راسها ناقصة حنان وهي براسها كانت كاتقولها "ناقصة حنان وكانقلب عليه عند براني" ولكن ديك البوسة ديال راس ردات فيها روح وزادتها على الموقف ديال القهوة فلاش باك ريم«هزات يديها حتى ليسما ونزلات عليه حتى دار وجهو شنقت عليه»:الله ينعللللك ا لحمااااار تعاااااود تحط علياااااا يدك ندييييك فاين تربا ..ماين تسسلطتي علياااااا ماييييين..«ماجات تكمل كلامها حتى كان ترفع لسما سابعة ماعرفت باش تبلات»... جلال«دخل ليه كروشي رعفو»:أجي نوري لز*ل بوك ترجل على لبنات... ريم«شهقت ملي شافتو غايمـ*وت ليه فيديه»:جلال طلقو غايجيف لك فيديك طلقووو جلال«غوت عليها حتى قفزت»:طللللللعيييي لطووووموبيييل أسيل«كاتحاول تفك»:خاي جلال طلقو الله يرحم يماك.. را ولد عمي غي سوء تفاهم طلقو ... جلال«هضر ساخط حتى خصر الهضرة قدامها»:يكووون ولد عمك ولا ز**ي مايقيسهاش «زاد زير عليه»:شوف تاقيت فيك وجه الله ..غاتغبر تق*ود من قدامي قبل مانعاود لولدي ترابي... عماد«روح مابقاتش فيه »:اععع..ااااطلق اصحبي طلللق رااا غي هضرت معاها «شاف ف أسيل»:الهضرة نتينا ماشي معاك جلال«رجع شدو من لكول دخل فيه براسو جابو طايح»:مازااال زاااايد فييه نعاود نشوف مك قربتي جيهتهم نحييكك.. ريم لقلب ديالها غايسكت تهزات وتحطات في طوموبيل بلا هواها ..طلق منو خلاه مليوح ومشا بقات أسيل كاتنوضو وتطلب الله مايوصلهاش لبهية حيت غاتندمها على نهار لي فكرت فيه تسافر لشي قنت... اند فلاش ريم«تنهدات»:واقيلة غير نوضو نمشيو أسيل غتخاف عليا جلال«مسح على لحيتو»:ياله نوضي غاتكذب يلا ماكاتحسش براسها فرحانة ومرتاحة معاه كاتحس براسها غادا مع رااجل مسيطر وݣاد كيهضر كيشرح لي عندو كايحطو سوا خايب سوا زوين يلا ماݣالتش عجبها غاتكون كاتكذب على راسها..كلمتو مسموعة وكاتحس بهييتو..وصلو لطوموبيل وقلع شاد طريق كازا..طريق كاملة وهي كاتفكر في لبوسة لي باسها بوسة مهيبة وعندها قيمة كبيرة لإيبتسامة على شفايفها ماتحيدتش شي لي لاحظو هو حيت فكل فرصة كاضور يخطف فيها شوفة وعجبو تأثيرو عليها حيت بانت فيها.. عند اسيل رجعات من بعد ما تفارقات مع ولد عمها كاتحس براسها عيانة وراسها غاينفاجر سلكات معاه دعوة باش مايمشيش يݣول لمها شي حاجة ..غير دخلات لقات كليانة كاتسناها ماعاندهاش الخاطر لخدمة مور داك المشكل وكاتحس براسها مريضة..ساعفات وحاولات معاها كاتشوف معاها سيارة لي بغات..من بعد ماختارت طوموبيل حتى شحفاتها دازو ديريكت لمعاملات ديال لوراق باش يتم البيع..خدات شيكات قيمتها 90 مليون حتى دفعهم لريم في المحاسبة ويتم توقيع بالكاشي من طرف حفصة..رجعات عمرات الوراق ديال الملكية ولكاشي بدون تركيز منها حطات فيهم 80 مليون وطلعاتو لحفصة حطات لكاشي سينياتوغ وعطاتهم ليها باش تكمل الإجراءات الخاصة بيها غافلة على المشكل لي دارت ... أسيل«شادة في راسها كتيحرقها»:مرحبا بيك ا مدام غدا تكون سيارة عندك تشرفنا بيك ... سيدة:شكرا بزاف أنا لي فرحانة بتعامل ديالكم ..سلمي ليا على سي أديب .. مشات من عندها فرحانة .. جرات رجليها لعند ريم لي كانت عاد دخلات مور ماجابها جلال ..غير دخلات عطاتها شيكات باش تسيفطهم يتصرفو فالبنك لي كايتعاملو معاه ..گلسات حداها كاتنين بلا ماتهضر خلاتها مستغربة منها... ريم:أسيل شعندك!؟؟ واش ديك لحمار عملك شي حاجة أسيل«حركات راسها ب لا»:اختي راسي غيطرطق عليا .. بغيت غي نعس.. ريم : تكا اصحيبتي على لفوطوي على مانكمل هاد لخدمة لي جبتيلي ونشوف شي وحدة فبنات الا عندا شي pastiya (كينة) دراس ..ملي كاتعصب كايحرقك راسك... شفتي بلاتنا بهية بهاد ولد عمك الله يعطيه شي تلفة تلفو علينا .. أسيل:بغات تخرج عليا مصردالي ديك بغال يحضيني فحال الا انا عاد خلقت بارح ...زمر ريم:«خدامة كاطابي في لبيسي»:صافي تهدن حتى لمن بعد وهضر معاها... متعصبشي راه الأعصاب ديالك خيبين..«تفكرات جلال»:احم جلال كان بغا يطلب منك سماحة على موقف دقبيلاتي ملي جابني شافك خدامة ومابغاشي يبرزطك أسيل:ماشي مشكل ا ريم..عماد ما عمل فيها مايصلاح.. ريم«شافت فيها بستيغراب»:سي أديب ماكاينشي!؟ مابانليشي .. أسيل:سقسيت بنات قالولي خرج يتغدا ومارجعشي.. ريم:ممم تلقاه دابا مع شي وحدة كايدوز الوقت أسيل«عوجات فمها»: أنا شغلي يكون ولا مايكونشي..«شدات في راسها»احح راسي اربييي غايطرطق ريم:بسم الله عليك انا غير قلتلك شنو فكرت ونتينا تعصبتي ...«غمزاتها»:ياكما غرتي ا ملعوقة.. أسيل«ناضت منفرزة»:بعد مني ا ريم ماتزيدشي تعصبني لي فيا يكفيني ...قالك غيرة هادشي لبقا ناقصني جرات رجليها لبرا بقات ليهم ساعة ديال الخدمة ويخرجو ..دوزاتها باش عطا الله حتى وصل الوقت وخرجو أسيل همها راسها لي ملي كاتجيها شقيقة اتشدها باليوماين وثلتيام عاد كاطلقها أما ريم مازال الفرحة ديال جلال غالبة عليها ملي كاتفكر كايشدها الوجع في كرشها (ماشي الفراشات ههه).. شدو طاكسي قاصدين دار ماعارفينش شنو مخبي ليهم الغد ولا شنو قادرين يواجهو وبيني وبينكم لي مكتوبة عليهم تجيهم واخا يطيرو بجناح... الدار البيضاء المدينة القديمة بين دروبة وزناقي وسط الهراج مكاين لا زواق ولا شيكي وكل باب فيها عندو قصة..وللي كبر فيها وغاب عليها ملي كايرجع ضاروري ماتحرك فيه شي حاجة واخا تكون عتبة منحوسة وماشفتي فيها غير القرحة..طوموبيل پاركاها بعيد ونزل كايتمشا بين زناقي غوباشتو باينة في حجبانو..يديه هاز فيهم ساشيات بزاف وللي داز من حداه كايطلعو ويهبطو عارفين طريقو لي قاصد..وقف قدام واحد دار بابها من شوفة فيه قديم وعتيق جبد ساروت حل لباب طلع مثقل الخطوة..وكي لاح رجلو في دروج لي كانو واقفين ومضيقين زليج بلدي في لحيط وباين على ديك دار من زمان وهي على حال وماتغير فيها لا باب ولا سرجم تدور دنيا وتبدل لحوال مايبقى شي على حالو ..ريحة ديال لݣارو غامقة دار ضور عينيه كايبان ليه ݣالس على سداري راجل كبير في العمر ضعيف حناكو داخلين شعرو شايب ولحيتو كتر كايبخ في دخان حتى هزز عينيه فيه مضيق عينو ... منير:جيتي ! أديب«حرك راسو »:"الصمت" منير«طفا لݣارو في طفاية ويديه كايقفقفو»:طولتي عليا هاد نوبة فين تعطلتي أديب«حط ساشيات في لكوزينة وخرج»:الخدمة ماساليتش منير:جبتي معاك شي ماكلة ؟ أديب:كلشي حطيتو ليك تما..«جبد من بزطامو 1500 درهم»:خود شنو ناقصك والباقي لدخان منير«تحلو عينيه وشدهم من عندو»:هادشي را ماكافينيش زيد را عندك لي يتحرݣ مايتم أديب«هز حاجبو فيه مغيلف منو»:بدراعي درتهم وماناويش نضيعهم عليك حمد الله لي باقي كانطل عليك وهازك واخا سميتي مابقات هازة سميتك كايبقا دمك فعروقي منير«جمع لفلوس ضامسهم تحتو»:وليتي تمن عليا اولد خدوج أديب«قرب عندو»:ماتعاودش تجبد سميتها على فمك..كلشي عندك لفلوس خديتيها ماتبقاش تصدع ليا راسي كل مرة مصوني عليا..طريق لدارك عارفها ولي عليا كانديرو منير«مالقا باش يجاوبو حرك راسو»:ماݣلتي عيب.. جر رجليه خارج وهو يوقف رجع بخطوات للور لجيهة ديال بيت نعاس عينيه لمعو قصدو وجبد ساروت من سوارت لي عندو حل بيه داك الباب المسدود..دخل ومد يديه شعل ضو ضور عينيه فيه مازال على حالو بناموسيتو بمرايتو بماريوه وفي الحيط معلقة صورة قديمة ديال مرا زينة وزينها غزااال لعين والخدود شفايف وشعر كحل كي ليل ..سها فيها كيف موالف ماكاينش نهار لي مايجيش فيه ويدخل لداك لبيت يتفكر شوية من زين و الخايب حتى سمعو هضر... منير:مازال ماهداك الله تحل عليا هاد البيت راه غايتسكن بجنون ومك معلقة تما أديب:هاد لباب عمرو لا تحل غير نسا..بيت مي هذا ويبقا مسدود ماشي شغلك فيه منير:مك ناعسة على الحرير اما انا راه لعضوما كايتساسو فوق سداري أديب«خرج وسورت لباب بلا مايشوف فيه»:بيت مي يبقا مسدود خلاه واقف حال فمو وزاد جار رجليه من عندو قلبو مشحون خشا نضاضرو في عينيه وقصد الباب خلاها في باه كاطع وتهبط ماهي شمتة ولا فقصة خلا فيه لغبينة والغصة لي ولدو ولا بكلمتو وقد وقامة يمكن حسدو ويمكن بقا فيه الحال على مادوز عليه وماداش غلتو دنيا غدارة وتلعب برجال..وجهد الصغر يتهد ويطيحو كواريه في الكبر.. ريحة ديال طاجين في دار عاطية الجو بارد ورشقات ليها تصاوب شي طويجن ياكلوه ويعقلو عليه مور مارتاحت من عيا الخدمة..وجداتو على حقو وطريقو وداكشي لي كايعجبها هي تقاد طويجنات السيدة واقفة في الكوزينة مرة مرة تفلت ليها ضحكة ملي تفكر جلال وديك البوسة دارت فيها لعجب هذا حال المحروم واخا تكون بسيطة عندها هي كاتعني بزاف ديال الحوايج..طلات على طاجين لقاتو طاب نقصات عليه البوطة باش يبقا يغلي ودازت صاوبات صالاد لأسيل حيت كاتعجبها صالاد بماطيشة والبصلة..شوات على البوطة فلفلة حارة وحدة حلوة قطعاتهم عليها و مشات تشوفها كيبقات مور ماجاو راسها غايطيح بشقيقة دخلات عليها لبيت لقاتها ملوية في مانطة قربات عندها كاتشوف واش ناعسة ولا غير كاتصنت لحريقها ريم«حيدات ليها لغطا على راسها»:أسيل! الحبيبة شويش ولا باقي فيك لحريق أسيل«حلات عينيها فيها»:شويش..باقي راسي كيزدح واخا شربت pastiya ريم:pastiya ماعندا ماتعملك..خصك تشرب دوا لي مخرجولك طبيب نهاد شقيقة لي كاتجيك...علاش راسك قاصح أسيل«هزات راسها وتكات على الكادر ديال ناموسية»:مافياشي كايهلكني فمعدة ديالي..فيا غي جوع خصني ناكل ريم«دوزات يديها على راسها»:واخا انا طيبت لعشا عدلتلك طاجين بجداد (دجاج)لي كايعجبك وشلاضة ياله نوض أسيل«بتاسمات في وجها»:الله يسهل عليك ا ريم لهلا يخطيك عليا وصافي تينا لكتفهمني ريم:ياله نوض العزيزة غسل وجهك ويدك وأجي حتى هاد نعاس غايزيدك غي لعيا أسيل«ناضت شادة واحد جيهة من راسها »:احح.. تقول غي شي قطيب وغايخرجلي من راسي..مشي تينا أنا غنجي موارك جرات رجليها وخرجات عارفة لحريق لي كايجيها كايسوسها عاد عندها الأعصاب في المعدة..دخلات ريم لكوزينة طفات على طاجين وعراتو حطات صالاد في طبيسلات الخبز كانت جابتو من المخبزة دارتو في شبيكة وحطات لعشا ..خرجات أسيل حازمة راسها بزيف حياتي غير شافتها شنو موجدة وكان فيها جوع نسات حريق راس دخلات في داك طاجين طول وعرض كاتاكل وتبنن ... أسيل:ممم..الله يعطيك صحة..يخليلي هاد الصبعين لكيطيبولي الطاجين ريم«فرحات حيت عجبها»:بصحتك اختي مصاب غي تبرا.. حنات على طاجين مازال كاتقطع في دجاج وتاكل..داك الحريق رجع ليها بجوع وحل ليها شاهية كلات حتى شبعت و كحزات..حسات براسها تحلو عينيها مور الماكلة..جابت ليها ريم دوا وشرباتو ودخلات لبلاصتها تنعس باش تقدر تنوض لخدمتها في صباح..بقات ريم كاتجمع ديك روينة لي بقات ودخلات طرفات حالتها وحطات راسها ونعسات..حنينة وقلبها صافي زبدة غير دنيا عطاتها لكاوي من صغر صاحبتها ديال ݣلبها وماتبغيش ليها لمضرة ورباتها أمينة على لي يعطيها يديه وقت شدة تعطيه عينيها وقت رخفة .. (صحبة ديال صح) يوم جديد الوقت كايدوز في الخدمة واخا لمورال ديالها صبح طايح مع المرضة لي مرضت ولكن عاطية جهد في الخدمة كايقولو لي ماعندو زهر راه ماعندوش واخا يكون حتى ف خلا دار جدو ..وبحال أسيل زهر عندها مكوزز ..كانت خدامة مع كليان عاطياه الوقت واخا مرة مرة راسها كاينغزها كاتحس براسها بحال يلا مضروبة بشي حديدة..من بعد شي ساعة وهي كاتهضر مع لكليان هزات راسها كاتبان ليها السيدة لي شرات طوموبيل لبارح داخلة وقدرات تميز من وجها بلي ماكاتبشرش بالخير داخلة كاتغوت وجها غايطرطق بالأعصاب ..حتى قفززات من بلاصتها ..ماحسات حتى كانت واقفة عليها لايحة ليها لوراق على وجها سيدة:واااااش هادي هي الخدمة ششفرة عاين بااااين.. أسيل«ودنيها كايصفرو مافاهما والو»:مدام لعمراني !!سمحلي شني المشكل ..تهدن ممكن تشرحلي .. سيدة«دارت يديها على خصرها شافت في ساعة»:حتى يجيو لبوليس ويشرحو ليك ..خسارة ف سي أديب يخدم عندو ناس بحالك وماشي بروفيسيونيل...واشش شفتيني عندي لݣرون ولا ماقارياش مغانشوفش لوراق .. أسيل«مافاهمة والو حدها تحنات هزات وحدة من لوراق حتى شداتها دوخة وودنيها زادو تصمكو وجها تزنگ ملي قرات شنو دارت...مايمكنش طيح ف خطأ بحال هذا ليوم يسكت ليها لگلب»:مدام العمراني خليني نشرحلك ..غي سوء تفاهم وقع خطأ كتابي را ماكاين لا سرقة لا والو .. قبل ماتهضر بانو ليها جوج رجال طوول بعرض داخلين في دراعهم شارات ديال بوليس..قلبها بدا كايضرب ولكن علااش!؟. هي في بالها مادارت والو لفلوس كاينة كاملة ودفعات شيكات كاملين يلا كان شي غلط غايكون في الوراق..فشلو عليها ركابيها حيت عارفة حتى لوراق مافيهمش اللعب لفلوس تما ملي غادوز طوموبيل لضرائب غاتحسب عليها كاتخلص طوموبيل ديال 90 مليون وهي معمرة ليها 80..عيون الشك كاملين دازو لجيهت أسيل وحتى يلا كانت غاتسرق راه الوراق غاتحط فيهم نفس ثمن ماشي غاتنقص..وكلات أمرها تشوف حريرتها كيفاش غاتخرج شرطي:مدام لعمراني ! فين الأنسة!؟ سيدة:[نعتات ل أسيل كاطلع فيها وتهبط]:هاذي ..خاصني نعرف 10 ديال مليون فين مشات..جوج احتمالات يا شفراتهم يا بصح مارداتش لبال شنو حطات في لوراق ..ف لحالتين بزوج ماخاصوش يكون هاد الغلط ..كانحاول نعيط على مول شي ماكايجاوبش.. شرطي:ممكن تفضلي معانا ا أنسة !!اجراءات روتينية أسيل«برد ليها لما في ركابي من نهار حطات رجليها هنا وهي في لمشاكل ولات كاتقفقف»:واخا ا سيدي انا نمشي معاكم.. نجيب غي صاك ديالي «شدات في راسها من دوخة لي جاتها».. ريم«خرجات كاتجري مافراسها والو»:اويلي شني واقع هنايا «شافت في أسيل لي قريبة طيح»:أسيل!!؟شني واااقع.. أسيل:عيط نسي أديب..وقع واحد مش..«قبل ماتكملها دخل عاݣدهم من لباب مورالو طايح وساخط ومايتلاقا غير معاهم كايشوف ف أسيل وجها صفر والبوليس واقفين عليها قرب عندهم».. أديب:شنو واقع هنا!؟ مدام لعمراني!!ياك لباس... سيدة:اهلا اسي أديب ..مزيان هادشي لي ولا عندك هنا اش هاد الاستهتار عندكم في الخدمة .. شرطي «كايشوف في أسيل»:أنسة تفضلي را كاضيعي لينا الوقت ديالنا حلو لمشكل من بعد خلينا نديرو خدمتنا.. أديب«شافو كايهضر معاها زير على يدو كايشوف فيها ماشي هي هاديك ومافاهم والو»:مدام العمراني راك كليانة عندي يلا وقع شي مشكل نحلوه حبيا ونتي عارفاني..مكاين لاش هادشي كامل... سيدة :حاطة فلوس تما ا سي أديب خاصك تشكرني على هادشي لي درت راه استهتار ..شوف لوراق واش انا حطيت شيكات ديال 90 مليون وهي حاطة ليا تما 80 وكون ماشي المحامي لي لاحضها ماكنتش غانشوفها أديب«هز لوراق شافهم وشاف نوع ديال طوموبيل وثمن لي محطوط شاف ف ريم»: ريم دخلي شوفي ليا لحسابات ديال هاد شي لي خرج لبارح واش لفلوس كاملين..«شاف في لبوليس »:رتاحو ا دراري واحد دقيقة.. أسيل«لعقل ديالها غايخرج على أخر يامي تاهموني بسرقة »: سي أديب..و..وقع خطأ ماكنتشي مركزة شنو حطيت ولكن والله مآديت شي فلوس شيكات دفعاتم ريم نبنكة يتصرفو.. أديب«بصوت مهدن واخا لداخل كايغلي»:تهدني اأسيل هادشي كايوقع..«هز تيليفون دوز الخط لجلال عاود ليه شنو وقع وعطا تيليفون لبوليسي يهضر معاه».. شرطي«بانت فيه دهشة»:واخا اشاااف ..تحياتي سيادة العميد...تحياتي «رجع تيليفون ل أديب»: سمح لينا ا سي أديب على ازعاج «خرجو بلا مايشوفو وراهم» جات ريم كاتجري عطاتو ورقة فيها جوج طوموبيلات لي خرجو لبارح ومعاهم ورقة ديال البنكة وشيكات لي دفعو لقاو ثمن ديالهم ماناقص حتى درهم شيكات تصرفو ودازو لكونط ديال الشركة ماناقصة درهم يعني المشكل في الكتابة .. أديب:«خنز فيها»مدام العمراني !هاد المشكل لي درتي عليه هاد دراما مايستاهلش خطأ وقع في لكتبة ديال الإجراءات...أنا مخدم عندي ناس تيقة وحيت ماكنتش لبارح حفصة وأسيل تكلفو ..زائد لي ماغايصبرش علينا وهو من les meilleures clients عندنا وعارفنا ماعندنا مانديرو بيه ا مدام «قطع داك لوراق قدامها وهي كاتشوف جبد شيك ديالو حط فيه 90 مليون عطاه ليها »: تفضلي فلوسك عندك وسيارتي عندي ..عطا الله منين تشري «هز يديه جيهت لباب»: ...تفضلي خدات داك شيك غاطرطق بالفقصة مارضاتش جات دير فيها واعرة قدامو ساعة عطاها مناش عطاه الله..ايوا هذا هو بنادم لي لباس عليه و على سبة جوج كلمات كايجيب البوليس وخاصو غير سبة بلا مايحاول يفهم المشكل خرجات كاتصوط من تما ... ريم ترمتها كاتصفق بالفرحة على صاحبتها لي بقا ليها شوية وطيح ..ماجات ترجع نفس فيها وترتاح حتى ضار عندها عاقد لغوباشة وعينيه حمرين خنزر فيها تخنزيرة ديال لقت*يلة زاد كمل على ما بيها ملي جر رجليه لجيه لبيرو ديالو ونطق... أديب:تبعيييني .. `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
