.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `نرجعو دار البيضاء.. dar bouazza صواني ديال أتاي والقهوة محطوطين مع واحد مولاتي رزة القاضي فوسط طبلة مدورة بالعسل وزبدة لبلدية..لحلاوي ديال لوزز مشكلين تمر ولوز ولݣرݣاع لي تشهاتو لخاطر محطوط..مجمعين ضحكهم معمر صالون وأش منك يا صالون داكشي لفريع ديال ناس الهمة وشان صالون مغريبي بزليجو بفراشو بݣبصو تشها تݣلس وتبقا تمنظر فيه...حديتهم و ضحكهم معمر لڤيلا شحال هاذي ماتجمعو جميع المواضيع جبدوهم ولي ماقالو فيه لقليل قالو فيه كثير شوية نميمة شوية ݣال وݣلتي وهما مدوزين الوقت مهازينهاش منين تقالت ولادهم كبرو وتهناو مقرقبين ناب بيناتهم... خديجة:الله يا لحاجة زهور فوجتي.. عليا كانت ناقصاني هاد الگلسة زهور:حتى انا توحشت جموعك ..الغالب الله سيدي جلال عيت معاه يجيبني كايبقا عليا مامساليش ..ونتي عارفة الحاجة ماعندو لي يجيبني.. خديجة«ميقات فيها»:ماتزيديش فيه الحاجة ..كلشي قريب كازا مابعيداش عليك غير نتي كاتشدي رجلك عليا وصافي ولفتي المحمدية ازهور ياك .. زهور:من ناحية الولف ولفتها لقيت فيها راحتي..وكون ماجابتني غيثة الله يرضي عليها عندك مانجي جلال راه ماعمرو يسالي.. خديجة«ميقات فيها»:هاد غيثة هي بنت خوك لي في اگادير ياك ازهور..! زهور«كادوز كاسها»:اييه هي هاذي زوينة ياك ..يااااربي ماتكون من زهر جلال خديجة«عوجت فمها ماعجبها حال»:امم تبارك الله..مرحبا بيك ابنتي غيثة:الله يبارك فيك اخالتي شكرا...فين لحمام عفاك!؟ خديجة«بتسامة صفرة»:انا نعيط لرقية توصلك.. خديجة:رقية ..رقيييية !دي عفا بنتي لبنت لحمام تبعاتها لعين حتى غابت وهي تنوض حدا زهور ݣلسات جنبها تقلقل سوق ولݣفة شنو هازة خديجة«غمزاتهاا»: اش تحت راسك ا زهور..راني كانعرفك زهور:نويت نزوجو ..صافي هذا الله عيت مابغا يجمع راسو هاذي ربع سنين وهو حازن الله يجعل البراكة خديجة:انا راه هادي مارتاحيتش ليها واخا بنت خوك بغيني ولا كرهني وماشي دوق حبيبي جلال راه تربيت يدي ازهور زهور:ايوا دابا تعجبك وتعجبو راك ماكاتعرفيهاش ملي جات وهي هازاني في كفوف راحة..ولدي وبغيت نزوجو خديجة «ميقت فيها»:ايوا شغلكم هذاك... ماحسو براسهم حتى سمعو صوتو داخل كايفرنس كي عادتو ملي علماتو خديجة مو جات عندها جا يشوفها حيت عارف لا طاح في لسانها مايفكو حد.. جلال:مجمعييين بلا بيا ولا... خديجة: زارتنا براكة مرحبا بولدي جلال جلال«قرب باس على راسها»لحاجة بيخير!! «سلم على مو»:الوليدة مفاجأة زينة هادي زهور:ايوا عيت نقوليك ديني عند خديجة نشوفها ونشوف أديب ونتا مشغول لصقت غير في غيثة جابتني.. جلال:هكاااك قول أم الغيت هنا «حرك راسو»:مزيان..مزيان.. خديجة «قربات عندو»:داك لمسلگم ديال أديب فيين غاطس من لبارح ماشفتو.. جلال:راه في المحمدية ياله هضرت معاه.. خديجة:مشا لديك لخربة عاوتاني ..الله يعفو زهور:ايوا اولدي كيغادي مع لخدمة !؟ شفتك ضعافيتي جلال:لا لا امي باقي هو هو «قرب عند خديجة هضر ليها ف ودنها»:نحلف عليها كانت جابداني خديجة:ششش..تسمعك نوليو فشي طاب وشي ما طاب..نفس الموضوع وصافي راك عارفها ونتا مابغيتيش دير ليها خاطرها خلاص جلال«حك على لحيتو»:يكون خير الحاجة خديجة«ضحكات حتى لحنوكها»:ربي ربي ههه هي شي حاجة جايا في طريق ! جلال:راه قلنا يكون خير.. خديجة«حبست ضحكة»:اسيدي مانزيدك غالخير حتى أنا زهور«ميقت فيهم»:امالكم عليه هضرو مجهد نسمعوكم حتى حنا..شفتكم ݣرنتو ريوس وݣلستو حتحت.. جلال:والو الوليدة غير كانعاود ليها على ولدها.. زهور :فرقو عليكم أديب مالو اش كايدير بحالك بحالو ..ولا جمل كايشوف غير حدبتو غيثة عاد طفات عليها شمعة كانت خارجة سمعات صوتو رجعات لطواليط تقاد لحالة شكون داها فيك الحريرة صباح لعيد ترمتها كاتشطح بالفرحة جاية كاطقطق باطالون ... غيثة«قربات تسلم عليه»:جلال ..بيخير جلال«مد ليها يدو»:أم الغيت مرحبا...لباس اش خبارك غيثة:الحمد لله لباس .. جلال:غبورات هاذي .. واحد لخويل لباس غيثة:الحمد لله كلشي مزيان .. ايوا مع لخدمة وصافي ملي شركة لي خدامة فيها دارت فاييت خرجت وجيت نرتاح عند عمتي شوية .. جلال«حرك راسو »:مزيان الله يوفق «شاف ساعتو»:زهور نوضي نوصلك راه تابعاني الخدمة غير جيت نشوفكم ملي ݣالتها ليا الحاجة..خليت لخدمة واقفة زهور:غير سير راه غيثة غاتديني جابتني في طوموبيل كارياها..غير تيسر جلال«ناض وقف وناضت معاه خديجة»:واااعليه ياله الله يهنيكم..حتى لسبت جاي ونجي عندك الوليدة.. زهور:واخا اوليدي الله يرضي عليك.. خديجة«جراتو جيهت لباب»: ديك "يكون خير" جيبها نهار الأحد تغدا معايا نشوفها ونوزنها.. جلال«باس على راسها»:ماكاين والو الحاجة الله يهديك شفتك غير ݣلت ليك يكون خير فرحتي كيفاش بلانك خديجة:راني عارفاك عشاق زين داكشي علاش..سير قبل ماتسمعنا زهور وتقول ليا كاتعمري عليا ولدي ههه خرج كايفرنس الحاجة خديجة كبر معاها وقريبة ليه على مو رباتو هو وأديب وحتى هي حاسباه ولدها وحنينة فيه وأكثر وحدة بغات تشوفو فرحان هو وأديب فمرتبة وحدة عندها .. العشية تعاشات أسيل مور ديك الخرجة رجعات لخدمة ومن زهرها لقاتو ماكاينش كملو خدمتهم ورجعو لدار بدلو عليهم وخرجو كايتمشاو جنب طريق يقلبو فين يدوزو لعشية عجبهم لجو وناس خارجين ..البيضاء مضوية على زناقيها لهاراج شي غادي شي جاي لحديد معمر طريق ..كايتمشاو فوق طروطوار ليد في اليد ماخاصهم خير طوموبيل لي دازت تكلاكصوني عليهم ..حتى هما مامقصرينش غير مقزبين على بطاعيهم (سيقانهم) وشعوراتهم كايطيرهم ريح لي داز من حداهم يعبرهم ويزيد صراحة هذاك هو لبسهم ومولفين بيه وماجاتهمش فيها مولفين لمقزب.. دايرين ابيل ڤيديو مع بهية مقشبين معاها ضحكهم واصل لراس شاريع..مايجي غير واحد خونا في الله يقوليها يدك فيه..طير ليها تيليفون من يديها حتى جات راكعة موراه زاد مع طريق ماجات تغوت حتى كان طار بيه..راه راه والغوات وراه أسيل صلاة لعشا بلا وضو جر تيليفون وجرها معاه.. أسيل«مازال طايحة ركابيها تحردو»:شفااار...ولد لحرام دالي تيليفون ا أريم داه ريم«كاتنوض فيها»:اااوعدي يانا طيرو ولد لحرام الله يعطيه شي مصيبة..الله يجعلو يخرجلو فصحتو جرو ليهو**دي ....نوض اصحبتي نوض تقصحتي؟ ناس تجوقو عليهم خاصهم غا علاش يتجمعو لݣنازة كبيرة ولمـ*يت فار واحد لكوفرات كايبانو غير فبحال هاد الحوادث سبحان الله وحدة متكية على وحدة حاتيين على واحد بكية ديال زريعة.. لبنت1:أويلييي اختتي نتي هازة تيليفون كاتشالي بيه في شاريع بحال كاتگولي ليهم أجيو ديوه لبنت2:باااينة نتوما ماشي من هنا أختي هاد لقنت معرووف حمدي الله ماخصرش ليك وجهك لمرا1:الله يستر هاد بنات ليوم مابقاوش كايحيدو لمشقوف من يديهم غير خاشيين وجهم فيه .. لمرا2:هااانتي تشوفي انا داك نهار لبرهوشة عندي حيدوه ليها من ايدها بقات مريضة شهر غير بالقطعة ديالو .. اايوا هذا الله أسيل قلبها غايتفرگع أما ريم بقات غير كاتخنززر فيهم ماعرفت واش تنوض ليهم ولا تنعل شيطان قواو عليهم الهضرة ونصائح بلا نفع .. ريم:صافي اختي راه مافيها والو فرقو علينا هاد الروينة الله يرحم الوالدين ...حمرات فيهم ورجعات لأسيل رجليها كلهم دمايات لحمها معدوي (حساس) أسيل«جلسات فوق طروطوار كاتبكي»:شنو غنعملو دابا خصنا نديكلاريو ولاكارط عملاها فبوشيطة دتيليفون اايمااا الحبيبة شداني نجبد شي تيليفون«شهقت ملي تفكرات بهية»:اااوعدي ا أريم ماما هاد نهار تاكلا عليا بفقايص ريم:تهدن ا صحبة دابا حتى لاكارط مشات خصنا نديكلاريو..ماكانعرفو حتى فاين نمشيو..واش نصونيو على حفصة !!؟ أسيل:صوني..عليها سربي مابغيتشي نبقا منشورة هنايا و عباد الله كايتفرجو فيا ريم«دوزت لخط لحفصة جاوباتها في لبلاصة»:ختي حفصة لباس..الله يرحم والديك أسيل سرقولا تيليفون ولاكارط وبقينا منشورين فالطريق بغينا نديكلاريو ماكانعرفو حتا واحد هنايا.. حفصة:ختي ريم سمحيليا والله راني في المحمديه دابا وطوموبيل عندي فالݣاراج (لمعلم)..غير سمحلي اختي شوف أنا غانصوني لسي أديب يصيفط ليكم شي حد صيفطيلي لوكال دابا ريم:واخا اختي أنا نصردالك دابا الله يرحم الوالدين شكرا... قطعات عليها ورجعات عند أسيل جلسو تما كي ليتاما كايتسناو لفراااج ينززل عليهم كانو بغاو يفوجو ساعة زهر لعور لي عندهم من للول ديالو عاطيهم بخـ*رزتو جالس كايكمي في لبالكون منغم بيه وشكون بحالو فيض خيرو حتى شبع وسب جيرانو خرج عليهم عريان شكون بحالو..جبد تيليفونو من جيب كايصونو برزطو طاح عليه لعجب علاش كاتصوني عليه جاوبها مستغرب حيت ماكاتعيطش ليه فهاد الوقت ..غير كملات كلامها وسمعها شنو قالت خرج طاير هز طوموبيل وعفط عفطة وحدة لعندهم .. الوقت كايدوز عليهم قتـ لهم غالبرد فداك القنت والحال كايمشي خرجو روطال كانو عوالين يسرحو رجليهم ويرجعو لدار بكري ساعة صدقو في شي طاب وشي ما طاب كانو في تمنية دلعشية ولاو في لعشرة وزيادة كل مرة يݣولو هاذي لخرة لينا هاذي وتوبة وكل مرة كايطيحو في حفرة كبر من لي قبلها.. وصل لشارع كايضور فعينيه واش يبانو ليه دعوة عامرة بشار وحديد كايحاول يفرزهم ..بانت ليه ريم واقفة وأسيل جالسة في الأرض وقف طوموبيل حداهم ونزل ساخط كايتهز ويتحط..شاف رجليها مدميين ..بلا سلام بلا كلام سبقها ليهم كي موالف .. أديب«شاف ف ريم»:أش خرجكم فهاد لوقت بغيت غير نفهم..!؟ ريم«توتر غالب عليها»:سي أديب سمحلنا خرجناك فهاد الساعة..أسيل سرقولا تيليفون ولاكارط كانت عاملاها فبوشيطة أديب«تحنا شد في أسيل وقفها وكايشوف فيها وجها مافيهش قطرة ديال دم»:تهدني ماوقع والو تيليفون ماشي مشكل يتعوض ملي ماجاتكش في صحتك.. أسيل:ماعرفتشي كيفاش وقع ديكشي دغيا مشاا وتخلعت«غلبوها دموع نطقت بحال شي ستيتوا»:كايحرقوني رجليييي أديب:نديك لكلينيك؟! ولا نمشيو نديكلاريو هو لول!؟ أسيل:بلاش كلينيك حتى نمشي ندار ونداويهم سمحلنا خرجناك في هاد لوقت.. ماجاوبهاش ركبهم في طوموبيل أسيل حداه وريم للور دوز لمكالمة دغيا كايتسناه يجاوب.. أديب:اشمن قنت شاد اشاف..؟! صافي تسناني انا جاي عندك دابا[قطع] غير وقفو قدام الكوميسيرية وهي طلع مع ريم سخانة جاتها ساكتة قلبها بدا يضرب رجليها شداتهم رعدة بزز باش كاطلع نفس يسحاب ليها غاتمشي لشي بوسط وصافي مازال فبالها دخلة لي دخلات ليها ديك لمرة وتخايلت يكون تاني هنا وهي خلات نمرتو مبلوكية ونمرة لي كاتصوني عليها ماكاتعرفهاش كاتبلوكيها في لبلاصة يلا مشا حتى كان لداخل ما هي فخير كاتهرب منو وربي كايجيبها حتى لعندو وبرجليها..دخل أديب ديريكت قاصد لبيرو حيت كلشي كايعرفو تما معنگر عليهم كي طاوس بحال القيد...جلسو لبنات كايتسناو في لكولوار وحدة كاتشوف في وحدة تنواو ودخلهم شك حل الباب بلا مايدق ودخل راسو كايطل عليهم لقاهم مجمعين على القهوة .. أديب:شاااف مسالي ولا رجع بحالي ههه جلال«هز راسو فيه »:زيد المنتيف زيد..بريكولاتك كثروووو هاد الأيام.. الكوميسير:زارتنا براكة اسي أديب..زيد اراس لمحاين اش تما؟ أديب«هضر بجدية»:لبنات لي خدامين عندي وحدة فيهم شفرو ليها تيليفونها فشارع **** ولاكارط خاشياها فيه ..تبليسات من رجليها يلا كان مايتقدا قديو مابغيتش نهبطهم لبوسط جلال«حرك ليه يدو باش يدخلهم»:على قلت لبزاطم دايرة لاكارط في تيليفون«شاف ساعة في يدو»:لي خارج في هاد الوقت كايقلب على خليان عشتو ماشي لݣريساج أديب:لبنات ماشي من هنا بلا ماتقويو عليهم الأسئلة.. الكوميسير:الله يااودي نتا طلب وحنا نفدو اسي أديب نتا لي وليتي شااف دابا جلال:غير خليه كايقلب عليا ندير ليه إعادة تأهيل لبنات جالسين كايتغامزو في لباب غير وصلو لداك القنت شدهم لوجع وسخفة و لبولة وكلشي تخلط ليهم تقول دايرين علاش..أما ريم كادعي الله مايكونش لي فبالها تما .. أسيل:واش يكون هو ولا غي جاب لي الله ريم«وقفت»: و نووووض اختي نمشي فحالي .. أسيل«جراتها من يديها»:ݣلس مابقا لك فاين تمشي دبا أديب«خرج عندهم شد في أسيل وقفها »:ياله دخلو حطو déclaration ديالكم صاحبي غايعاونكم جرو رجيلهم جيهت لبيرو أسيل كاتعرج تبعاتهم ريم من للور غير دخلو متابعين وجات لعين عليها بحالي ضرب طسيلتو ضو سلوكا ديال دماغو تسوطاو كان كايشرب القهوة شوية ماتشرݣ ليه ويتخنق كايقول واش هادي هي ولا كايحلم كايفلي فيها من راسها لرجليها ماعرف راسو باش تبلى واش هاد زهر عندو لي كيطيحها غير بين ايديه سرح عينيه عليها كايحاول يستوعب .. الكوميسير:عاقلين على وجه هاد خينا لي دا ليك تيليفون ؟ أسيل:ااا!..لااء..ماعقلتشي ديكشي دغيا وقع وطيحت ريم«نقزات في الوسط لي فيها مايهنيها عينيها مرة على جلال مرة على لكوميسير»: أنا عقلت عليه مزيان مايخفاشي عليا..هو طويل وجهو عامر شويش عندو شعر صفر وماسمر ما بيط وعلى ماحققت من بعيد بان لي واشم عنقو ..والا كان عقلي ينفعني ودنو كبارين شويش.. بقاو مبهوطين فيها حالين فمهم وبالأخص جلال لي ݣالسة كاتوصف ليه في شفار لي شفرهم في رمشة عين وقدرات تعقل عليه..مافراصوش سيدة راه خبرة ودكتورة في تحنزيز..ملي عاقت براسها جمعات فمها كاتمغزز وعينيها على جلال لي مازال مادار حتى رد فعل حتى يبقاو راس فراس الكوميسير«دوز المكالمة حيت عرفو غير من المواصفات»:وي..شوف يلا جابو ليكم دراري "زريقة" صيفطوه عندي هاذي سادسة في شكايات عليه..طلعو ليا بكولشي ليه ماتحيدو ليه والو«قطع وناض شاف فيهم»:جلال كمل نتا انا غنهبط لتحت بين ما جابو داك البرهوش جلال«حرك ليه راسو وحط يده على دقنو بطريقة رجولية»:الشمالية!!..اش كديري هنا!! أديب«هز حاجبو »:كاتعرفها!! جلال«طلقها ليهم بلا فرانات»:واااايلي الشمالية لي شحفات لمي لعروق.. ريم خرجو عينيها كاتسرط فريقها لي نشف و أسيل كثر منها أما أديب ضربات ليه في راسو طرن عرفو علامن داوي..صدمة هي ماكانش عارفها شكون وهي خدامة عندو..ماعرف يهضم صدمة ولا يضحك على شاف ولا شنو يدير حدو بقا كايشوف فيهم جلال«شاف في أسيل ماقاداش توقف برجليها»:ختي مزيانة؟!جلسي رتاحي «حركات راسها وجلسو بزوج على لكراسة وأديب بقا واقف مالقاش فين يݣلس» أديب:ملي كايحضر لما كايترفع تايموم ..شي يجلس شي يبقا واقف سمعاتو ريم لي شاداها لخلعة غير صابرة وقفات بغات تعطيه يجلس من الإحترام كيف ما كان الحال راه المدير ديالها أديب«حابس ضحكة»:ههه غير جلسي لا تصدق جاياني شي دقة من حيث لا أحتسب..خليني واقف نهضم هادشي لي سمعت... زعامة لي شايطة طارت قدامو عارفة راسها اش دارت معاه ولكن حتى حاجة ماكاتجي بزز.. من بعد ما لونصاو على خونا لي معروف فداك سيكتور يلا قرقبو عليه يجيبوه طلب زهرها يكون تيليفونها باقي و ماباعوش في لبلاصة..علمهم يتسناو شوية يلا بانت شي حاجة هو كايهضر وعينو ماحيدوش على ريم ملي دخلات قرب ياكلها بعينيه غمز أديب باش يخرج أسيل ويخرج عيا يحنحن والو واش بغا يعيق مصمكها عليه جلال«خرج عينيه فيه»:قربت نديماري اصحبي ولا بغيتي تعيق على ك*«رجع الهضرة لفمو»:أديب !خرجو واحد دقيقة أديب:خرج ليك سربيس واعر هاد ليلة اشاف جلال«خنزر فيه»:أديب...لباب ماعاودهاش معاه ناضو هو وأسيل خرجو وتبعاتهم ريم دايرة مافراسها مايتعاود حتى قفزها صوتو .. جلال:شكون عطاك الإذن باش تخرجي نتي ضارت عندو بالعرض البطيئ شير ليها بعينيه باش تگلس..رجعات لبلاصتها تكونات فيها شوف فيا نشوف فيك ا طاجين لحوت .. جلال«بقا كيشوف فيها مديق عينيه وحتى هي مامقصراش من جهدها بقات كاتحنزز فيه»:المكتوب كايجيبك حتى لعندي الشمالية..كيفاش لبلان؟! ريم«قصحت جبهتها»:ريييم..اسمي ريييم ماتبقاشي تقولي الشمالية.. جلال:واخا الآلة ريم..اش خرجك فداك الوقت ونتي برانية زعمة«طلعها وهبطها»:وزايداها بالمققزب ريم«جاتو من لخر»خرجت نشم لهوا دربي ونضور..ماشي انا لي نݣلس فالدار..طاوطيح انا مولاتو .. جلال«حك حاجبو»:ماشي موشكيل..نعاودو ليك تربية ونعلمك تحطي مسعودة علبرودة وتصنتي ليها.. ريم«فمها كاياكلها»:مسعودتي شابرة ميزان دلخروج من شحايلا (شحال هذا) ورجلي ماعليهم حكام نهار يتحكمو غنجمعم و نشبر الأرض.. جلال«ضحك ضحكة خاترة »:حتى هذا كلام الشماليه..ولكن لي يقاد ليا لمجاج مازاااال مانطقتيه وعليه كانهبش من صباح.. ريم«ربعات ايديها»:معوالشي تبعد مني..؟! جلال«غمزها»:لا غاشوفي شي حاجة خرى من غير هاد تويشية لي ݣلتي دابا ريم:شنو لي غيضمنلي ماكاتفلاشي وقصدك شريف..ونتينا طليتيني بمعايرة من راسي نرجلي..مخليتي فيا غي لي نسيتي جلال«هضر بديك لبحة مرجلة»:حنا رجال كلامنا ماكايتعاودش ولمعيار نتي قلبتي عليه عطيني لموفيد بلا دوران.. ريم«ماتاقتش»:هاد سلم عليه زرب عليه مادخلاتليشي نراسي.. جلال:ندخلوها الشمالية... ريم:وااش صحة وامابغيتشي «نطقتها حرف بحرف»: ما بـ غـ يـ تـ ش ي جلال:مناش خايفة ؟ خوي لمزيودة ريم:ماخاوفانة من والو خليني عليك خايلاه..حيت انا ماشي دهاد طريق جلال:وأنا ماباغيش ديك طريق لي كاتفكري فيها نتي..طلقينا ونتي نيتك ناقصة ريم قلبها قرب يخرج من بلاصتو ماعرفات تجاوب ولا تسكت ولا تنوض تهرب وتهنا...وكلات امرها الله حركات راسها بأه بلا ماتهضر...و بلا ماتفكر خلاتو طلع تنهيدة طويلة تݣولي كان هاز الملح ملي شافها وهو حابسها كانت مغلغلة ليه في ݣلبو وماكان عارف راسو غايطيح طيحة بحال هاذي وغير من شوفة وحدة..بتاسم في وجها وهاذي أول مرة تشوف تبسيمتو من نهار شافتو وهو مخنزر خلاها حالة فمها فيه وهي لي في الزين كاتعشق وعينيها كايفليو فيه كملها ليها بتبسيمة خلاها كاترعد.. جلال«باغي يزيد يتأكد»:هي آش ..!؟ ريم«علات حاجبها فيه»:انا ماشي كيف كايسحابلك والا دبصح قاصد لخير أنا شوروطي كتااارين عليك..يخليوك تندم على رايك[هزات كتافيهاو هبطاتهم] و شوف تينا عينك ميزانك واش تقدر عليهم ولا لااء جلال«ضيق عينو فيها»: اري من اللخر.. ريم«لي عندها حطاتو ليه»: الشمالية حاررة عليك اشاف و الحاجة ديالي كنمو**ت عليها..عيني زايغة نهار لنلقا ليعمرا نحجب على يماها..و انا دوغرية ولي كانت كنحطا نبنادم ف وجهو بلا نيفاق..مشات عليا شنعة (نظرة) دباطرونة فالحومة كولشي كاينعت فيا حيت ماعنديشي الراجل علامن نحط راس..ضربت تمارة حتى شبعت و باقا وماعنديشي جهد لي نحطو معاك ف لخاوي.. جلال«حك لحيتو كايشوف فيها سكتاتو» تنغم ديك الهضرة مزيان و دخلها لدماغو وحدة وحدة ..زادت حفرات فيه حتى لݣاع ݣلبو ..مابغاش يحكر في كلامها وشنو قصدات بيه حتى يفهم منها كل حاجة فوقتها وبين شين ونووون شلاااااا مايكوون ... ناض على وقفتو بديك تقالة هزز سوارتو وتيليفون بلا مايهضر..قرب عندها مد ليها يدو زعمة غا نوضي راه مايفرقني عليك حد لعين طاحت عليك وماعندها فين عليك غانوضي وفيضي نيتك..بقات كاتشوف فيديه لممدودة ليها واش تزعم ولا تشد ايديها عندها ماعندها مادير بصداع راس وتزيار لحزام..طلعت نفس وتنهدات عاد هزات يديها ليه عاطياه طوع فيد الله غاربحة ولا دبحـ*ة..شبك يدو في يديها مفيض نيتو فينما خرجات وخرج بلا مايعرف عليها حتى حاجة ولا يسولها على شي حاجة بغاها ورببي كبيير زين راجل الكلمة وكلمتو عطاها ولاحها ليها في وجها..من لأول كان واضح وجاها من تالي شافها عجباتو حفرت فعقلو..ولقاها سبة ملي فكل مرة ربي كايجيبها حتى لعندو بلا مجهود لصق عليها لصقة ديال لعمى في ضلمة وكيف ݣال ونوا غير زيدي مايفرقني عليك حد فيضي نيتك.. نزلو لتحت فين كان داك لكوميسير ݣلسها على واحد لكرسي تما ودخل فين لقاه جامع ليه نقيلات ديال شفارة المعروفين فداك سيكتور مستفين فواحد لحاجز فيمي ماكايبينش واحد فيهم لي عندو نفس المواصفات لي عطاتهم..رجع عند ريم باش يدخلها لقا غايدو ورحمة .. عند أديب واقفين حدا طوموبيل كايتسناو ريم تخرج.. ملي خرجو وهو شاد ليها فيديها و هي غير كتبقلل مفهمات فيه واالو تديرونجات من ديك شدة "قبايلاتي كنت كانعرج دابا واقفين علاش شابرلي في يدي"..هادشي لي كانت كتگول بينها وبين نفسها أسيل:احم..سي أديب وخا طلقلي يدي أديب«ببرود»:اه سمحي ليا مارديتش البال اسيل«حدرات عينيها شوية وهي ترجع هزاتهم كتشوف فيه»:شكرا بزااف على الوقفة لي وقفتي معايا..معمري ننسالك هاد الخيرر ..وسمحلي عليت صوتي عليك فصباح.. أديب «شاف فيها كيحقق فيها»: ولو هادا واجب..داكشي ديال صباح نسايه ومانبغيش مرة خرى يتعاود نفس لبلان سكتات ماجاوباتوش فقصها بهاد تنبيهات ديال كل مرة بقا واحد الصمت غريب بيناتهم مدة...ضارت كتشوف بانت ليها ريم خارجة كاتسلت وتشوف موراها حتى وصلات عندها أسيل«خبطات حنكها»: ااوعدي على بنت الحراااام ماتكون غاعملتي شي مصيبة ياك ريم«سيدة مابقات مسوقة لا لمدير لا والو باغا غير تفك»:خايلاه سكت ماعملت والو بغيت نمشي فحالي انا غاركب ماشفتوني ماشفتكم تحشات في طوموبيل للور خلاتهم شي كايشوف فشي مفاهمين والو عند جلال جر رجليه خارج قلب عليها بعينيه مالقاهاش..خرج برا سرح عينيه مابان ليه والو من غير أديب وأسيل رجع فين كان في لأول مالقاهاش..زير على يديه هاد اللعب ديال لبراهش ماعندوش معاه خرج عندهم كايشوف واش تبان ليه حتى وصل حقق مزيان بانت ليه مخشية في طوموبيل للور وأديب وأسيل من جيهة لخرى كايشوفو فيه .. جلال«حل لباب مامسوق لحد»:خرجي اشمالية لي شاف حالتك يݣول دايرة مونتيف ريم:خليني الله يرحم يماك شوف ديك الهضرة لي قلت قبايلاتي نساها غي تحمست و صافي جلال «جابت ليه ضحك»:دابا غا نزلي ولا ندخلك تݣلاصاي لي بان ليك أديب:يلا ماكان والو اجلال نتحركو من هنا .. جلال:حتى نشوفو لأنسة دخل تعرف على شفار لي مهندساه وطلقنا من لعب دراري صغار قبل ماتهضر جرها من يديها مدخلها كاتنتر عليه حتى دخلها لقاعة .. جلال«خنز فيها»:شوفي واش هو هذا ولا لا !؟ ريم«دغيا قشعاتو»: اه اه هو هاداك لي في لوسط عقلت عليه جلال«بصرامة»:خرجي ݣلسي انا جاي لقاك مشيتي غانوريك لوجه لخايب داكشي لي دارت خرجات تسناه تشوف هاد لحريرة فين واصلة .دخل عند الكوميسير كيشوف داكشي لي شدوه عندو طريفات..تيليفونات..بزيطمات محلق على لمصيريف..من زهر أسيل لقاو تيليفونها معاهم مدو ليه صاحبو.. الكوميسير:هو هدا باقي بكولشي فيه جلال«شدو من عندو»:ياله نتقاشعو غدا في الولاية عندنا خدمة خاصها تكمل الكوميسير:صافي كون هاني تيسر نتا دابا خرج لقاها ݣالسة فين قاليها شبك يديه مع يديها بلا ما يهضر معاها زير عليها زعما راه ما مني فكاك... وخرجو بزوج قاصدين طوموبيل دورات اسيل تا بانوليها خارجين مشادين ..ياك عاد كانت كتگول هو ماشي ديالي وانا ماشي ديال الحب دبا "خارجا يديا فيديه الحبيب ديالي" ضار اديب يشوفها فاش تبلوكات تا بانليه المنضر.. اديب [كيفرنس]: و الله الى دارها الشاف اسيل[تصدمات]: بنت الحراااام غير وصلو عندهم طلق من يديها وقفات حدا أسيل مبعدة عليه كاتهضر غي بشوية باش مايسمعوهاش ريم«دايرة فيها لبراءة»:شعندك مصدومة بحال يلا ماتولك بقار .. أسيل: كنتي شابرالو فيدو ولا غي جاب لي الله !«ضرباتها ليها بواحد لقرصة»:خارجة شابرالو فيدو ا سلكوطة ريم:احح..قصحتيني ا الزمر عاد هضرت معاه دبا قلت نعطيه فرصة..غايبقا لاصق فيا شني نعمل معاه وماكنتشي شابرالو فيدو هو لي كان مشبرني صحة أسيل : اه دبا تعطيه فرصة...و يا بنت الحرام ملي كنت كنقولالك كتقولي « كتعوج فيها»: لاااا انا ماشي دالحب ..لاا هاداك ميصلحليشي..ميصلحلكشي ياك«حتات عليها بواااحد مولاتي القرصة سامة كثر من لولةحتى غوتات» عند جلال أديب: «هبط على كتافو ساسهم ليه بواحد لخبطة»:هاد لمرة دواام ولا غير باغي ضرب لمليح ..(تنعس معاها) جلال«تنهد داوي بمعقول»:قنعت ا صاحبي من داكشي كانقلب على نقا الله يجعل لباركة عيت أديب: فين واصل باللخر ديالك معاها.. جلال«حك لحيتو»:نشوفو جرتها كي دايرة ولي بغاتو نديروه..لحلال لي فراسي هاد ساعة اديب «ضحك»: نتا و الزواج ؟!ياكما سخانة لاعبة عليك.. جلال:مال ملتك على هاد دخلان صح «أجي بعدا»: اشمن بوسط عاطيها..؟! أديب «شاف فيه حابس ضحكة»: comptabilité جلال:مزيااان! سيدة حدايا و انا كانقلب عليها زادو جيهت لبنات وقفو معاهم ريم مازال حر القرصة كاحرگها جلال«شاف فريم» :اجي نتي يالاه معايا بغيت نهضر معاك ريم«تزاد معاها زايد»:فاين غانمشي معاك!؟ لااء خصني نمشي ندار حتى لمن بعد جلال:ماغاديش ناكلك غانهضرو..زيدي راه ماكانحملش نعاود الهضرة.. ريم«شافت راسها غاتبقا تلاج معاه وماغايتفاكش»:واخا ولكن راه ماغنتعطلشي «شافت ف أسيل »:انا غانمشي صافي ماغنتعطلشي أسيل «دارت فيها مسؤولة عليها» : مشي ا گرانة(ضفضعة) مشي و ادا تعطلتي نبيت يماك فالزنقة « ضارت عند جلال هزات صبعها كاتشالي بيه حدا وجهو »:شوف فيا ا شااف هادي لقدامك ختي ماشي صاحيبتي شوفتي نهار نشوفا كتبكي بسبابك... بلالط ديالك نجبدوملك..غننسا شكون تينا جلال[طلع حاجبو فيها من هضرتها والزعامة لزعمات عليه ] حتى نتي كاتݣولي نتينا... شنو هوما هاد البلالط ؟..[ضار لقا أديب مكرشخ بضحك]مال ديلمك نتا !! أديب«جمع ضحكة»:اا. احم والو ... أسيل«سيدة زعمات»:الهضرة ديالي هايدا عاملا ماغانبدلاشي على حسابك بلالط هوما لكتشوف بيهم .. والى جات ناقصة فيها شي بياسة غنجبدوملك «شافت ف ريم»و نعطيهوملا تلعب بيهم بومبات(لبي) ... جلال«شاف في أديب لي تكرشخ بضحك »:ياله دابا هادي خاصني معاها طراديكسيون من "البلالط" "لبومبات".. درجحي معانا ا ختي راه نية على قد لحال ريم«كاتغمز ليها باش تسكت ووالو»: صافي ا أسيل غي مشي أنا شويش ونجي موراك أسيل:شويش وتجي مورايا ..واخا دابا نشوف «طلعات طوموبيل ديال أديب كاتهضر راسها»...هانتينا على الحمارة طلقلا جوج دكلمات وهي تحل..العوجة غي بلاتي عليها تا ترجع طلع أديب مازال شادة فيه ضحكة غاشافها وهو يجمعها ورجع عقد غوباشتو وأكتيڤا لكاريزمة ديال مدير متناقد غير مع راسو خفيف ومتقل كايعجبو ضحك وماكايبغيش لي يضسر عليه كاتعجبو لحاجة وكايتعفر عليها الحصول مريض وصافي..ديمارا طوموبيلتو و قلع كل واحد شد طريق.. المحمدية من بعد مارجعو لدار وهي منفخة..هادي هي لي قالو عليها لعلكة خلاها فيها كاطلع وتهبط مابغات تبرد ليها...مجبدة رجليها على سداري وجامعة شعرها لفوق عاݣدة غوباشتها وتسوط بحال رابوز ماعاحبها حال... غيثة:شفتيه اعمتي ياااك شفتيه اش دار ليا...سلم عليا سلام ناقص بحال يلا برانية عليه.. زهور:الله يهديك ابنتي راه غير مزروب مع الخدمة سيمانة جايا ها هو عندي ونتفاهم معاه غير هني بالك .. غيثة:هذا ا عمتي معمرة عينو شي وحدة راها باينة..غدا نمشي بحالي ماعندي ماندير هنا زهور:لاواه لاواه نتي مولات لعقل جلسي مع عمتك حتى يتقدا مورادك ماتكونيش زربانة راه لا زربة على صلاح غيثة:[بنفخة]الله يهديك اعمتي اشمن زربة ولا مرض هاد ولدك أنا مابانش ليا فيه زهور:تقلي...الله يرضي عليك راه بالمهل يتكال بودنجال غاصبري مايكون غا خاطرك... غيثة«تنوات»:اعمتي!! مايكونش زعمة باقي مانسى المرحومة.. زهور«عوجات فمها »:اااش جبدك فيها تاني الله يرحمهاااا والحي ولى من الميت يلا بغا رضايا غايتبع كلامي... غيثة«حالفة حتى تعصبها»:وكان كايبغيها ماشفتيهش بقا هاز عليه للومة هادي سنين.. زهور«بدا يطيح ليها سكر»:غيثة! اش جبدنا ف لعقود راشية ݣلبي عليا هاد لمنجل لمصدي لي داز عليه شحال غيتة«سم منها كايقطر باغا تعصبها وسلام»:وديك صاحبتك خديجة بقات كاطلع فيا وتهبط بحال يلا ماحملتنيش ... زهور«بغا تبرد طرح»:واتي خديجة هكاك دايرة ابنتي راه قلبها بيض صفا من لحليب ماديريش فبالك عيش ميمتي...نوض ا حبيبة ترتاحي وجلال راه مايكون غير ليك غير تهناي.. غيثة«ترمتها كاتشطح بالفرحة»:بصح اعمتي..من فمك لربي ..انا نوض نعس زهور:سيري ابنتي الله يرضي عليك قهراتها ولات غا كاترضي عليها بلا فرانات..ناس في ناس والقرع في مشيط راس ..تبني و تخيط وتفصل لولدها وهو مافخباروش..كاتعلق فين تفلق ونهار طيح فصح عاد تحس بدقة.. ليل زاد في ضلامو وهو مازال مپاركي طوموبيل فواحد لقنت خاوي..ݣالس وهي حداه قلبو مرتاح ليها من نهار شافها شي حاجة جذباتو ليها حلاوتها و ضحكتها و زينها بياضها هضرتها كلشي فيها هندسو وغلغل فيه لداخل وها هي دابا جالسة حداه بخاطرها ولا بزز ماشي شغلو مهم حداه منين ما جيتيه يجيك عندو نيشان ولكن لي قلب عليه يلقاه خايب نهار طلع ليه القردة مايبقى فيه مايعجب ونهار يكون مهدن وعلى لݣانة هذاك ما ترضى زين وقامة وهيبة..مايبغي ضسارة زايدة ماعندو مع قوة ناس وصحاب لمخلطين..قانع بناسو وللي كايعرف قراب ليه وزاد عليهم الشمالية لي دات العقل ولعين عشت فيها ومبقا عليها فين ... جلال«هز عينو فيها حاط يدو على لحيتو»:علاش جيتي لكازا بضبط.. ريم:«هزات كتافها»:مكتاب لي جابني ماكنتشي ناوياها صراحة..غي أسيل زعمتني عليها..وقف معانا واحد السيد ونهار تقبلنا طرنا بالفرحة..من شحال هادي ويانا خصني نشوف كازا ساعة جيت خدمت فيها هه جلال«سها فيها شوية عاد هضر»:لمكتاب جابك عندي الشمالية «حط يدو على قلبو»: فيقتي لمنسي هادي سنيين ريم«فهمت وما فهمت»:شني بغيتي تقصد مافهمتشي جلال: نهار للول شفتك واخا كنت متقل في لميزان(شارب) كنت قادر نميزك بين الخلق قلبت عليك وهاني لقيتك ريم:ولكن مالقيتينيشي انا لي جيت نعندك وبرجلي ملفوق جلال«شاد معاها لخط»:المكتوب جابك حتى لعندي ونتي باغا تهربي؟ ريم:«باغا توزنو بالهضرة »:را والله منصلحلك..زهوانية وعيني زاااايغة وشابعة مشاكيل..غير ردني فحالي وعمل فحال لي ماكاين والو وهاتينا مهني جلال«متقل معاها يشوفها فين غاتوصل»:نشدو مو هاد لجام لي مزيغك«ضيق عينو فيها»:كايبان ليا غاااتشيبيني ا شمالية وأنا لݣرام ديال لخاطر مانكسابوش ريم«باغا تسل منو»:قولتالك أنا عارفة راسي..غي عملتلك خاطرك نشوفك واش تصبر عليا..وفاين الحد دجهدك جلال:العين لي زايغة عندك نعمرو مها«سكت شوية ورجع هضر»:وجهك ماشي ديال night club اش دا ݣنسمك تما ريم«ربعات يديها»:مامشيتشي بنية خايبة مشيت نفوج ونبدل لجو..نتناا لي ماعرفتشي ماين جيتي و بغيتي تشبرني بزز جلال:«غمزها»:هااا أنا شديتك وبخاطرك.. هذا الله قهرها منين ما جاتو كايجيها حتى شهمها كلمة بكلمة حتى طلقات واحد ضحكة فوجهو ومزينها ضحكة خرجات ليها.. ضحكتها كانت شابعة هم خرجاتها مع تنهيدة طويلة..بدا شوية ديال لخوف كايحيد من جيهتها معاه وكلاتها لعالي وخلات امرها لله..بقا يشوف فيها حتى شبع عينيه حس بخوفها وعارف موراها شي حاجة مضموسة فݣلبها نهار يدير بلاصتو عندها وترتاح ليه ديك ساعة يعرف لݣفة شنو هاززة..ديمارا مرجعها لدار وعرف الكدبة لي طلقات عليه فاش حطها حدا ديك العمارة وقف طوموبيل حدا لغيزيدونس جلال«حرك راسو بتقالة »:دوك لكدوب وتاحراميات ماخدامينش معايا باش نكونو واضحين ريم:ماعندي علاش نكدب وماكنتشي عارفة نيتك باش غانوريك فاين ساكنة جلال«طلع حاجبو فيها»:سيري دابا وديبلوكي النمرة حركات راسها بأه ونزلت هي وݣانتها رشقات ليها ترجعها مارشقاتش ليها غاتخليها مبلوكية ولهلا يقلب شي بشار ..تبع ليها لعين حتى طلعات عاد زاد مع طريق كايحس بشمتة لي سيدة كانت غير حداه وهو مافراسوش وصلات قلبها كايضرب دخلات كاتسلت على صباع رجليها على الله ماتسمعهاش أسيل وتسمعها خل ودنيها فهاد ليل ..بدلات حوايجها وتخشات في بلاصتها كاتسلت جبدات تيليفون حيدات ليه بلوك وتجبدت تنعس حتى يصبح ويفتح ماقادة على نݣيرها عارفاها يلا بدات معاها تحقيق مايكملو حتى يصبح لحال ... صباح الأحد شرقات ديك شميسة ديال صباح دافية مازال زناقي خاويين الجو ديال صباح ونهار الأحد كلشي روپو ... شراجم مهبطين ليهم ريدوات تحلف عليه مازال عندهم الليل ناعسة كل رجل لايحاها فبلاد ماتݣولش عليها كانت ناعسة..تحلف عليها كانت كاتحـ*ارب..ماتحس غير بالما بارد تخوا فوق وجها..ناضت شاهقة ماعرفت باش تبلات واش هي في ليوم ولا غدا واش صباح ولا ليل لمهم بنت الهم تخلطو عليها وداخت... ريم:اعععع شني هادشي «عين مغمضة وعين مسدودة»:شني واقع ... أسيل:نوض الله يمسخك اشيخة مجالي حتى نز*ك د ليل بلا حسس يسحابلك هربتي مني ولا ريم«كاتمسح عينيها وتفوه»: واااااا أسيييييييل شعندك على صباح واش جااتك لحالة عليا ..هادشي ماعلماتك بهية غي تهرق الما على بنادم أسيل:«جراتها من ودنها»:فاين مشيتي معاه اااا صافي قالك جوج دكلمات ونتينا تحل ا الهيشة «كاتمخد فيها»أناااا عارفاك وحافضاك علم الله شني عمليتي...الى مكونتيشي غتاص*بتي السيد.. ريم:احح طلق مني أزمر صبح هادا «كاتحك ودنها»:احح الله يعطيك الحكة قصحتني.. أسيل«تلاحت عليها»:أجي نزيد نقصح يماك أجي...فاين مشيتي بارح هضر .. ريم:«بنفخة»:كنا غي ݣالسين فواحد قنت وهضرنا وصافي..من بعد جابني ندار اقليلة نية.. تفوو عقلك شحال خانز أسيل«جمعات لوقفة مخنزرة» :دوز قدامي تفطر..الله يعطيني وجهك قول آمين..شي نهار غطرطقلي مرارة ديالي ماعرفت ماين نشبرك.. ريم«خلاتها حتى خرجات ورجعات لبلاصتها كاتعير»:علماتك بهية شني تعملي ا كلبة... حتى نعاس مانعسوشي فخاطري.. أسيل«كاتغوت عليها من برا»:ريييييييم...! ريم«ناضت واقفة»:هااا يانااا الله ييغبرني عليييك وتهنا .. عين دياب فاق على صوت تيليفون مكره شكون هذا لي مصدع ليه راسو على صباح مازال ماشبع نعاس ناعس عريان ساتر غير المسائل ديالو كايدور فوق ناموسية مشتت على كرشو...حط تيليفون على ودنو بلا مايشوف شكون... جلال«بصوت مبحوح ناعس »:ماااعندكمش شي حاجة من غيري فهاد الحياة اصحبي.. خديجة«صوتها خرج من تيليفون»: نوض راه ظهر غاتودن ونتا باقي مجبد.. جلال«خرج عينيه ملي سمع صوت»:احم لحاجة صباح الخير شوية كنا نخطيو صوااب..(يخصر الهضرة) خديجة:راني عارفاك فزعي وماعندك لجام لداك لفم..نوض توگد باش تجي تغدا وجيب معاك لبنت .. جلال:«تفكر لبلان »:الحاجة واش ماكاتنسايش ..راه قلنا ليك ماكاين والو خديجة :ماشي شغلي جيبها وربي كبير ماݣلتي ديك يكون خير حتى كاينة شي حاجة عمرك ݣلتيها جلال«مسح على لحيتو»:وايكون خير الحاجة يكون خير خديجة:كولني بهاد الهضرة.. راه مانتفاكش معاك .. «غوتات عليه حتى قفزز»:داااك كينكو لي ولدت فييين باييت لباااارح.. جلال:«حبس ضحكة»:مااااهضرتش معاه أنا ملي شفتو لبارح فليل..احم يكون مشا لدارو الحاجة خديجة:ماعلينا نوض راك شركتي نهار مع ليل نوض قضي حاجة لراسك غانتسناك لغدا «قطعت عليه» جلال «ناض مكره خاسر فيه نعاس كاينگر»نستاهل أش داني نهضر يكون خير ولا لملاوي... خرج من دوش دخان خارج منو لاوي عليه فوطة شعرو كايقطر تقابل مع لمرايا هز تيليفون فلبلاصة دوز نمرة كايتسناها تجاوب جلال: صباح الخير ا شمالية ريم«نهصراتو»: و اسمي ريم ريمم ..صباح الخير جلال«مبرد الوقت»: كيصبحتي مزيان !؟ ريم:الحمد لله ..شني بايت كتحلم بيا ولا..مصوني على الصباح جلال«شاد معاها الخط»:كانحلم بيك وأنا فايق اشمالية.. ريم : اه اه اه...اوا الله يجعلني نتيق...نتوما عندكم مع السلام عليكم بغيت نتعرف عليك...مع توحشك مع كانحلم بيك..سلم عليه زرب عليه اشاف جلال «طلع حاجبو»: تبلدتي دغيا..الهضرة ديال هنا عطيها شبر تيساع راه ماغاتجيش معاك الله يرضي على بنتي«قاطعها قبل ماتهضر»:المفيد..عارض عليك للغدا شوية لقاك واجدة ريم «زربات عليه»: سمحلي ولكن انا و أسيل عملين هاد النهار غنتغداو بارا و عنا ميتقضا جلال«يشوفها فين غاتلحگ»: الالة جيبي معاك حتى صاحبتك من مور لغدا سيرو قضيو شغالكم ريم شافت ف أسيل بعينيها واش نمشيو ولا لا معرفات ما تقول حيت كانت دايرا سبيكر و هي كتهضر معاه..كاتشوفها مترددة تخرج معاه وماعطاتهاش خاطرها تزيد تعكس ليها على الله يخرج هاد ولد الناس فيه شوية الخير ويشوف فصاحبتها وجه الله يعوضها على ما داز حركات ليها راسها بواخا هذا الله مع هاد شاف يشوفوه فين غايوصل ريم«بانت بتسامة على شفايفها»: واخا شويش ونكون واجدة .. جلال:ياله شوية ونكون عندك ريم:يالاه اديوس «قطعت» أسيل «ميقات فيها بنص عين»: اوا هانتيناا عارض عليك للغدا... ريم «طلعات فيها حاجبها»: عارض علينا بجوج ا أسيل اسيل: امم مزيان ..الله يسر ريم «شافت فيها ساهية كاتشوف فنقطة وحدة»:أسيل واش تسرعت فالقرار ديالي !!؟ اسيل «عرفاتها علاياش داويا » :علاش عطي فرصة نراسك اصحيبتي على الله يكون هادا حسن من ياخرين ..جلال كيبان معقول و ماشي دالتفلية صراحة ولكن دراسات كاتقول بلي القرارات مور 12 دليل كاملين شهوانيين وبدون تفكير«حبست ضحكة»:عملو إعادة النظر.. ريم: «ميقت فيها»..المصدر بقال دالحومة(مول الحانوت) ياااك ا موكة شوفتني هازالو رجلي اجروة ... زيد قدامي دوز نشوفو شنو نلبسو.. جراتها باش يشوفو شنو يلبسو و الضحك و نݣير ديالهم مسموع فالدار..وجدو حوايجهم.. ريم لبسات سروال دجينز بيج مع شوميز فالبيض سبادري في البيض دايرة نضيظرات على راسها و اسيل حتا هي سروال كحل مزير من الفوق عازل طايتها وواسع من لتحت دباردور فالكحل و عليه فيست كتلمع ف الكري صباط طالع.. وصلها مساج... jalal :habtto Ana ltahtt.. نزلو عندو لقاوه حدا الباب..مشات عينو نيشان لريم تعطاتو لݣلب فينما يشوفها يتبورش غاتخرج على جدو وتسكت ليه القلب..ݣلبو وماعشق فيها ربي زينها في عينيه واخا يكون ما زين منها ..سلم عليهم..طلعو البنات فطوموبيل ريم القدام و أسيل اللور جلال «شاف ف ريم غمزها »: غير لخيمار هو لي غا يليق لجدك.. ريم«ميقات فيه»:بااقي معملنا ف طاجين مايتحرق أنا ماااا شي دالخمار نقولالك من دابا.. جلال:دابا ماكيناش الهضرة حتى نوصلو لصح اشمالية.. «هز عينيه فالمرايا كيشوف ف أسيل لي تاهي لا تقل جمالا على ريم» ختي لباس أسيل:لباس اسي العميد نتينا بخير جلال:الحمد لله ريم تزادت معاها نغزة غير كاتشوفو كايشدها الخوف والوجع في كرشها والو واش بغات تأمن ليه حاجة و كاتحس براسها غا بزز غادة معاه السيد مكبر بيها وبصاحبتها وهي عقلها كايمشي غير لتوقعات السلبية كملو طريق ساكتين كايتسناوه يحبس حدا شي ريسطو ماحبس بيهم غير في دار بوعززة قدام لڤيلا ماعرفو باش تبلاو وحدة كاتشوف في وحدة..فين جايبهم هاد لمسخوط..حتى نطقات مطلعة حاجب ومهبطة حاجب ريم«تزاد معاها زايد»:فاين جيبتينا !! جلال«جاهت من لخر»:معروضين لغدا..نزلي يلا باغا تغداي.. ريم : اااوعدي..لاء لاء ردني فحالي..شكون عندك نداخل جلال: [بدات تطلع ليه القردة ماعندوش جهد يعاود الهضرة]:نزلي..شي ناس كانعرفهم ريم:واش عرفتني غيي بارح و ماجي بيا ليوم عند ناس كاتعرفم اويلي وحدي هادشي لي بقالي ..ردني ماين جبتيني الله يرحم باباك حل لباب على جهدو ودار ليها اشارة بيديه باش تنزل بلا مايعاود الهضرة..خنزرات فيه منفخة أما أسيل اللور قربو يدفنوها ويعزيو فيها سيدة شافت لڤيلا تلفت وشداتها الخلعة شكات يسد عليهم تما ومايجيب حد خبارهم ولات غير كاضور فعينيها ضرباتها اللقوة مالقات ماتقول .. ريم «بعصبيةذ»:واش غاندخلو بيدنا خاوين انا را كانحشم وناس ماكانعرفمشي.. ردني ندار الله يرحم باباك خنزر فيها واحد مولاتي تخنزيرة ديال لقتـ*يلة حتى دخلها الخوف منو نزلو حل لكوفر جبد منو جوج ساشيات كبار ديال باتيسري معرووف هزهم ودخل وقفو في الباب أسيل متوترة بحال يلا غادوز الباك غادة عند الناس ماكاتعرفهمش حلات ليهم لخدامة ..تلقات ليهم خديجة في لباب وابتسامة على وجهها.. في قهوة لي فيه شي لولة ماكاتحيد ولي فيه شي بلية يبقا بيها حتى يمـ*وت والبلية ديال سلطان هو ضحك يلا ماضحكش مايدوزش عندو النهار مكرشخ بضحك عيا يحبسا والو واش بغات تحبس نص ساعة وهو يضحك بحال يلا ضارب المعجون تحلف عليه واكل شي عجب مرة مرة يدورو ناس يشوفو فيه ملي كايطلق شي ضحكة ولا تكرشيخة ... سلطان:هههه ياك اولد لحرام باغي تقتلني كاتعود ليا هادشي...عارفني خاصني علاش نفرنس أديب:سكت اصحبي شوهتينا راه گالسين في قهوة ازبـ*ي سلطان:احم...كانتخايلك مهبطينك بتهمة الفساد والإخلال بالحياء لعام..وبربي جلال لا عقل عليك هاد المرة أديب:جبتها نبررد حرري واحد بنت لقاف ماعرفت ديلمها منين صيفطوها ليا تحلف عليها كاتاكل لعصا...غاجروة جاهلة وݣالو لديلمها هززي رجليك سلطان«تكرشخ بضحك»:صافي اصحبي غانم*وت ليك هنا..اش داك مابغيتي توب الق**وي غاتجيبها في ك**رك أديب:عرفتي آش دير نوض قو*د شوهتي ديلمي فهاد لقنت بضحك «ناض هز سوارتو وتيليفون»: غانمشي عند الوليدة نتغدا من لبارح ماشافت كمارتي ماݣاد نهزز نݣيرها «شافو باقي كايضحك»: واكل شي حاجة اولد الق**ة عاد جاي عندي!؟ سلطان«كاييحرك ليه يدو باش يمشي»:سير ههه سير الله يعطيك لعـ ذاب..سير أديب«حرك راسو بلا حولة»:فرنس مع راسك عطاتك الوقت..يلا شفتي شي طوموبيل مانكونش أنا أديب ياله خشي راسك فداك لبيسي دخل شي190 مليون وأجي نبيعها ليك سلطان:ماتدينيش معاك نتغدا ونسا عليا طوموبيل؟ أديب:والله شي غدا لا شفتيه درتي ليا شوهة هنا بضحك نديك دير ليا شوهة عند الحاجة.. سلطان:كانݣوليكم ماتبقاوش تعاودو ليا داكشي ديالكم ساليت أنا من داكشي شحال هذا الله يعفو علينا غاكانشوفو أديب: شوف مع راسك شي نهار لقا عينيك حاطاهم مرتك في جوميا للبيع أنا مشيت جر رجليه خارج ركب في حديدتو مقلع لدارهم كايفكر لحاجة منين يجيها واشمن سبة يدير ليها هاد المرة..عيات معاه مايبقاش يبات فشي جيه من غير لڤيلا كاتبقا بوحدها وبالها كايبقا معاه وهو لي فراسو فراسو الخوف ديالها عليه شي مرات كايخنقو ولكن فاهمو وماتايحكرش خاطرها فوݣ خاطرو داك ضو زوين لي فحياتو هو خديجة ولي بغاتها هي لي تكون ... `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
