.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `كانت بحال شي واحد عطشان فوسط صحرا وشاف الما هكاك كانت هي غير شافتو رجعت فيها روح ترمت فحضنو كتبكي أماني:هو لي بغى يتعدا عليا انا غير دافعت على راسي عثمان حط يديه على ظهرها:صافي غير سكتي وعاوديلي شنو وقع بعدها عليها وهي كتبكي شاف لباسها وحرك راسو بلا حولا عثمان:فين كنتي حتى وقع ليك هكا اش جابك لهنا دخل ضابط مشا جلس فالمكتب ديالو وهو يتقدم عندو عثمان عثمان:ممكن نعرف هي علاش هنا ضباط:شكون نت واش كتجيها عثمان:انا...انا خطيبها شافت فيه بعيون كتلمع.. ضابط:هي اسيدي كانت فالكلوب فعين دياب قالك هو حاول يتعدا عليها وهي ضرباتو بقرعة ديال جاج لراس خلات دمو سايل هو دابة راه فسبيطار عثمان:وعلاش شادينها هي راه هو لي خاصو يكون هنا ماشي هي ضباط:اسيدي هي ضرباتو وكولشي شهد فيها هي دابة كنتسناوه يفيق باش نعرف اش وقع عثمان:شفتو غير شهود لي شافوها ضرباتو ما سولتوش علاش واش شافوه شنو دار ليها ضباط:كلوب كان عامر ولبلاصة فين طرا المشكيل كانت بعيدة شوية هادشي لي قالوه دراري لي تم عثمان:علاه بسلامة ما كاينبش كاميرات تم ما كتعرفوش تقلبو ولا صافي غير شفتوها بوحدها وكلشي شهد فيها جبتوها لهنا علاه بسلامة هادوك شافها غير هي لي ضرباتو ماشفوهش وهو كيحاول.. سكت معصب ما بغاش ينطقها بقى كيمشي ويجي معصب ضابط:حنا عارفين خدمتنا ماشي نت لي غتجي وتورينا شنو نديرو وهي غتبقى هنا حتى يتكلم لولد لي ضرباتو بالخوف شدات ليه فيديه و شاف فيها هي لي كترجاه بعينيها مسح على وجهو عثمان:واخا ها حنا غنشوفو جبد تليفون من جيبو وهبط المحامي ..وهو كيهدر شاف واحد البوليسي كان وقف وكيشوف مني دور وجهو لقاه كيشوفيها وهو يخنزر فيها عثمان:غتجمع عينيك ولا نجي نجمعهم ليك انا لبوليسي لي حدر عينيه و هو لي حيد لافيست ديالو ولاحها عليها عثمان بحدة:شدي ستري راسك... خداتها من عندو ودارتها على كتافها جلس كيتسنى فالمحامي. فالڤيلة العلمي سامية جالسة ومرعودة غير بوحدها ياخوفها يجي براهيم ولا مهدي وما يلقاوهاش ليوم نهارها كل شوية كتصوني ولكن اماني كانت كتقطع فالخر طفات تليفون بمرة سامية:شفتي بنت لحرام طفات تليفون فوجهي...واخا سري والله وجاو ما نخبي عليهم أميمة:الله يهديك اخالتي غير جلسي دابة تجي المحامي لي جا ودار الازم واماني صافي غتخرج الضابط:وقعي على هاد لوراق ما تمشي فين نقدرو نحتاجوك تجي لعندنا وقعات على دوك لوراق واخيرا تهنات من هاد الموصيبة عثمان عطاها سوارت طموبيل:هاكي خودي هاديك طموبيلتي سبقيني هاني جاي خداتهم من عندو هو لي بقى واقف كيهدر مع المحامي...سلم عليه وما واحد مشى بحالو. حل باب وطلع ديمارا طموبيل وزاد كان ساكت وسكوتو هدا ما كيبشرش بالخير مزير على الڤلون وعينيه على طريق..... أماني لي كانت جالسة وتويتر غيقتلها كتفرك يديها مع بعض، عينيها كيشوفو فالارض ما قدراش تعليهم حشمانة منو بزاف لدرجة ما قدرات تنطق بحتى حرف، هو لي كان سايق بسرعة متوسطه فداخل ديال غضب وعصبية كيحاول يكبتهم زير على الڤلون بيديه حتى د//م تقطع منهم من شدة عثمان بصوت بارد عكس نار لي فداخل ديالو وبحدة نطق: بغيت غير نعرف واش عندك شي عقل ولا ما تكسابيهش...حيت لبنات لي بعقلهم ما كيديروش هادشي لي كدير نتي أماني بصوت هامس ضعيف: انا مابغيتش الامور توصل حتى لبوليس مشيت غير نستمتع حتى خرج كولشي على السيطرة عثمان لي ضحك بسخرية وعينيه فيهم غضب:خرج على السيطرة؟...راه نتي لي خارجة على سيطرة؟ واش أماني هادوك بلايص يمشيو ليهم ناس واحد اللحضة عم الصمت وسكات فسيارة، هي لي كانت كتحاول تجمع شجاعتها باش تهدر واخر غير كلمة مقادة...اما هو فوصل بيه الغضب لحد الغليان هادي هي لبنت لي بغاوه يتزوجها؟...هادي هي لبنت لي غيأمنها على بنتو؟ هي براسها خاصها لي يربيها ويرد ليها لبال عاد غادي تقدر تربي بنت صغيرة هادو كاملين افكار كانو كيدورو فبالو نطق بصوت شبه هادئ ولكن بنبرة تهديد:كون كنتي مخطوبة لشي واحد اخر كان غيخليك تم تعومي بحرك ويسمح فيك....ولكن طحتي فيا انا لي جاي لعندك كنجري ونخلي خدمتي...باش نجي نخرجك من عند البوليس...انا راه ما مضطرش فكل مرة تعيطيلي نجي لعندك كنجري راه ما عنديش غير نتي كاينين حوايج اهم فحياتي من غيرك هي لي نزلت دمعة حارة على خدها دغيا مسحتها ما بغاتوش يشوفها ضعيفة، خدات نفس عميق كتحاول تهدن راسها تبت ولكن الغصة لي فحلقها بقى واحلة نطقات بصوت متقطع: عندك الحق ماشي ضروري تجي ديما تنقدني ماشي ضروري تخلي خدمتك على قبلي...حتى دابة باقي لحال نقدرو نحبسو كولشي هاد الخطبة نايحة نحبسوها باش تهنا مني ومن مشاكيلي تشد فران قوي حتى مشات وجات معاه وقف طموبيل ودار كيشوف فيها متفاجأ وصدمة مكتسية ملامحو وفكو لي تشنج..... تشد فران قوي حتى مشات وجات معاه وقف طموبيل ودار كيشوف فيها متفاجأ وصدمة مكتسية ملامحو وفكو لي تشنج... عثمان ضيق عينيه بحال ما متيقش داكشي لي سمعت:شنو قلتي...عاودي أماني بقات ساكتة عاد عاقت بالهدرة لي خرجات ما عرفاتش كيفاش حتى خرجتاها من فمها بقات مزيرة على يديها عثمان:ابنت ناس واش عارفة فين لقيتك ولا...لقيتك عند البوليس فنضرك هادشي عادي...انا لي خاصني نفسخ هاد الخطبة ماشي نتي..انا لي خاصني دابة نديك لداركم ونقول لباك ما عندي ما ندير بالمرة لي نبقى على اخر يامي تابعها من الكوميسارية لكوميسارية..ماشي نتي دايراها قد راسك وتلعبي فيها دور ضحية...نتي باقي صغيرة وطايشة وانا ابنت ناس ما ناقصيني مشاكل براكة عليا غير لي عندي راه كافيني خاص تكون عندك شوية ديال المسؤولية والا انا ونتي راه ما غنطولوش..لي فيا راه كافيني هزات عينيها فيه كانو حمرين بدموع:دابة بغيتي تقول انا عبء عليك ياك؟ زفر بقوة وهو مزردير على الڤلون ما عرف واش يجاوب ولا يسكت...ولكن فالخير نطقها: الى كنتي غتبقاي هكا...اه، راكي عبء ....وعبء كبير عليا. فهاد اللحضة الدموع لي كانت كتقاوم باش ينزلوش حررتهم نزلو وحدة مور وحدة...ولكن مسحاتهم ما بغاتش تزيد تبين ليه ضعفها قدامو نطقات بصوت مغنغن بالبكى أماني:عفاك بغيت نمشي لدارنا.... ديمارا طموبيل بلاما ينطق وحتى هي دورات وجهها لجاج ساهية...ما حسات حتى دخلو لحي ديالهم قبل ما ينزلها اخرا هدر عثمان:احم انا ما غنقول والو لباك...هادشي غيبقى بيناتنا نتمنى يكون اول واخر مرة... هزات ليه راسها ونزلات لمرايا كتمسح دموعها وتقاد شعرها حتى حسات بيه وقف قدام دار انا حلات لباب وقبل ما تنزل دارت لعندو لقاتو كيشوف فيها أماني:شكرا...وسمحلي عدبتك.. هز ليها غير راسو وهي سدات لباب ودخلات وهو تحرك من تم غير دخلات لقات سامية واقفة فالباب كتسناها سامية:فين كنتي أماني:ماما انا كنت مع عثمان.. سامية بشك:مع عثمان...وعلاش ما عيطتيش ليا قلتيلي راكي خارجة معاه أماني بتعب:وصافي اماما عفاك راني عيانة... سامية:مالك...فين مشيتو واش مدينة لخواتم أماني:اه ولكن ما لقيتش شي حاجة قالي حتى لمن بعد ونولي نخرجو...عيانة ماما غنطلع لبيتي خلات واقفة كتشوف فيها وطلعات.... و لي حتى كان غيمشي لدار ورجع قلب روايض لخدمة دوز لي بقالو من نهار فالخدمة وهو باقي مديرونجي وعقلو كامل فهاد تزويجة لي زرفوه فيها... تعاشات لعشية فالڤيلة المنصوري هما لي كانو مجموعين على طبلة ديال لعشا كان كياكل وباين فوجهو طايرة غير ساكت ما نطق ما تكلم فاطمة:ولدي عثمان اوا هدرتو نت واماني فوقاش ناوين تمشيو نت وياها تاخدو لخاتم راه الوقت دغيا كيفوت عثمان حط الماكلة من يدو ودار شاف فيها:كانت معايا ليوم... فاطمة شافت فقاسم ورجعت شافت فيه:اربي ربي اولدي خرجتو...اوا تفاهمتو ياك...شفتي لبنت غزالة متبتة و رزينة بعقلها عثمان:اه الوليدة رزييينة وبعقلها انا لي حمق وكنطير... حتى كان غينوض وهي تنطق فاطمة فاطمة:اوا تفقتو فوقاش دير لعقد عثمان:لا مزال فاطمة:اوا ولدي فوقاش باش حتى حنا نوجدو والوا توجد راسها عثمان: ديرو نتما لي بغيتو شوفو لوقت لي يناسبكم لاح سربيتة وطلع لبيتو لفوق غير دخل لبيت زدح لباب موراه معصب بقى غادي جاي كيفكر خايف غير يتزطم فهاد تزويجة ويصدقو فشي طاب وشي ما طاب مشى جلس فالبالكون جبد باكية ديال الگارو وخدا واحد شعلو جبد منو جبدا طويلة كيتنغم بيه أما عندها كانت جالسة وساهية شاف فيها مهدي وهو مضيق عينيه مهدي:درتي شي زبلة ليوم أماني:ش...شنو درت مهدي:هاد سكات ديال مني كتكوني طاوية على شي حاجة ياكما حتى ليوم هربتي أماني ميقات فيه:سير سير بعد مني ظيها غير فمرتك وقيلني عليك براهيم لي شاف فيها مطول: خرجتي ليوم مع عثمان أماني توترت:اه...هو لي قالها ليك براهيم:لا ياك نتي لي قلتيها امك أماني:اه خرجنا فصباح ورجعت ما لقيتش داكشي لي بغيت وقالي حتى نرجعو مرة أخرى مهدي:شفتي نتي غير موصيبة وغيتبلى ليها داك سيد علم الله شمن دنب دار فحياتو حتى كيعاقبو ربي بيك.. سامية:مهدي ولدي براكة من ضحك الباسل مهدي:وغير بيني وبينك الوليدة دابة الى عرفها كانت كتهرب من سكن جامعي وتمشي تسهر فنضرك غيبغي...فالك تربيلو بنتو هي براسها خاصها لي يقابلها... بقات كتشوف وهي ما عجبها لحال ناضت وخلاتهم غير كيشوفو فيها دارت سامية شافت فمهدي بعتاب مهدي:مالكم راه والله غير كنضحك معاها وصافي... ✨ أصبحنا وأصبح الملك لله ✨ صبح صباح جديد كانت فبيتها عينيها ساهين على برا سرجم ولكن دماغها ما حاضرش لابسة بيجامة حريرية فالحمر مغلوق طالقة شعرها لكحل على راحتو وجهها مافيه حتى نقطة ديال المكياج تحل الباب ودخلت الخدامة وهي كتقلب عليها بعينيها فالغرفة حتى شافتها جالسة حدا سرجم مشات لعندها يطو:لالة أماني... أماني دارت شافت فيها:وا يطو شحال من مرة كنقولك عيطيلي أماني ما كيعجبنيش لي يقولي لالة يطو تبسمات:واخا...أماني هبطي تفطري راه كيتسناوك لتحت هزات ليها راسها لوخرا مشات لتحت عند باب الڤيلة هو لي كان فسيارة لداخل كيصوني والو تليفون طافي زفر بقوة عثمان:دابة انا غنبقى نتسنى هنا ولا شنو.. سمع دقان فجاج ديال طموبيل حل لباب وهبط مني شاف براهيم لي واقف وكيتبسم ليه عثمان:صباح الخير عمي سلم عليه بسلام روجولي براهيم:اهلا وسهلا نهار كبير هدا مني شفناك عثمان:الله يكبر بيك اعمي..كيف داير صحيحة بخير براهيم:الحمدلله اولدي شرفنا ما بقينا صالحين لوالو عثمان:الله يودي اعمي نتما هما كولشي... براهيم:ياله دخل تفطر معانا عثمان:لا عمي مرة انشاءالله انا كنتسنى غير أماني تهبط كتصوني عليها تليفونها طافي براهيم:أماني تكون باقي ناعسة ياله دخل على ما توجد نشربو حنا قهيوة عثمان لي ما لقى ما يقول دخل لداخل لقاهم كيحطو الفطور سلم على سامية ومهدي ومرتو وجلس معاهم أماني لي تمت هابطة وهي مرخية حتى سمعات هدرة زايد فدار ستغربات وهبطات كان عاطيها بالضهر كملت على طريقها مهدي:صافي مشات... عثمان:واخا علاش لا غير نسالي شغالي هاد الايام مزير بالخدمة نجلس ونمشيو مجموعين انشاءالله أماني وهي مضيقة عينيها:صباح الخير.. مهدي:ها شنيولة جات... دور وجهو و شافها بديك البيجامة فالحمر وفيها دونتيل فالكمام والعنق بالكحل حمحم وتقاد فالجلسة. سامية شافت فيه ورجعات شافت فبنتها محرجة من لباسها:بنتي مزال لبستي حوايجك..[قربت لودنيها] اويلي حشومة هابطة هكا حالتك يشوفك سيد أماني:وانا باش غنعرفو هو هنا وأصلا ديما كنهبط هكا .. خلاتها ومشات جلسات قبالتو شافت فيه:صباح الخير عثمان:صباح النور.... براهيم:بنتي باقي ما لبستي عثمان جا لعندك باش تخرجو تقضيو شغالكم أماني:نخرجو؟؟...ما فخباري والو عثمان حك حاجبو:كنت كنصوني عليك تليفونك طافي... أماني:واخا غنفطر ونوجد راسي دغيا بداو كيفطرو اما عثمان كتفى غير بكاس ديال القهوة مرة مرة عينيه كتفات لعندها شاف فيها مضيق عينيه هدر مع راسو "هــــادي كـــل صــبــــاح كـــــتــــفــيــــق هــــكـــــا؟" كانت بلعاني كتقل فالماكلة وكتشوف فيه غير من لتحت عاد تحلات ليها شاهية وجلسات غير تاكل حتى لي ما كيعجبهاش هاد صباح حلى ليها سامية نغزتها سامية:يا هاد لبنت دغيا شوفي راجل كيف كل شوية كيشوف فساعتو حتى تجي وكولي أماني:مالك اماما راه صابحة شاهيتي مفتوحة... سامية تحت سنانها:أماني... أماني:واصافي ماما دارت شافت فيه هو لي هز ليها حجباتو بمعنى دغيا كولي أماني:عثمان عفاك عطيني كرواسون لي حداك.. مهدي:شفتك ليوم محلولة عندك شاهية شوية تاكلينا كاملين شنو سر عطاها طبسيل ديال لكرواصة خداتها أماني:شنو فيها ما ناكلش نبقى بجوع عثمان نطق بتفاد صبر: انا راه عندي ما يتقدا وجدي راسك دغيا نخرجو مني نساليو نديك تاكلي ياله غتنطق وهي تسبقها سامية "ياله ابنتي نوضي سيري وجدي راسك تعطلتو" وقفات بلهلى يگزيه ليها طلعات كتخبط فدروج هو لي ساط براهيم:ما تديش عليها اولدي...خود حلوة عثمان:لا عمي شكرا ما قدرتش هي لي حلات لبلاكار خدات سروال جينز لونو ازرق فاتح مع ديباردور بيض لبساتهم وزادت من لفوق لكيمونو فالزرق فيه طرزة فلبيض والكحل خفيفة من جهة صدر لبسات صندالة مريحة وفنفس لوقت أنيقة فلكحل وصاك فنفس لون طلقات شعرها دارت مكياج خفيف دارت گلوص فالغوز لشفايفها جاو كيشهيو لبسات اكسيسوارات خدات تليفون ونضارات شمسيه ديالها تعطرات وهبطات تمت هابطة هو لي كان واقف حدا لباب مع مهدي ابراهيم دور عينيه بملل حتى شافها هابطة هي لي كانت حانية راسها كتسد فصاك أميمة:هاي هاي على لبنت خالتي بنتك ناوية طير لعقل لهاد راجل جات فنة سامية:شنو الفائدة ديال الجمال بلا عقل ماشفتيش شدارت أميمة:اوا صافي خالتي خليها تفشش هاهي طلقات عليه زينها دابة ينسى أماني:هاني وجدت نمشيو عثمان:عمي بسلامة عليكم... براهيم:بسلامة ولدي ما تغيبش عثمان: انشاءالله خرج مشى لطموبيل يديماريها وهي تبعاتو وسامية موراها كتوصي فيها ركبت حداه ما هدر ما تكلم ديمارا طموبيل وزاد دارت شافت فيه مطولة وتنهدت تحركو من تم بقى سايق ما هدر ما تكلم حتى هرس داك الصمت نبرة صوتها رنان أماني بصوت هادئ كلو أنوثة: باقي مقلق من لبارح عثمان ببرود:لا أماني:ومالك ساكت.. عثمان:ما عندي ما نقول... أماني: زعما ما تقوليش كيف جيت ليوم...لبيسة جاتني زوينة هي لي كانت كتحاول تكسر الحواجز بيناتهم ولكن ما فراسهاش بلي هو بنا حيط بينها وبينو... سمعها ولكن فضل انه يلتزم صمت خلاها غير كتشوف...حولات تبدل الموضوع وهي تسولو "دابــة فـيـن غـاديـن" عثمان: نـاخـدو الخـاتـم أماني: واخا... شافت فيه بنص عين مدات يديها خدمات موسيقى من زهرها طاحت فأغنية رومانسية "مشاعر...تشاور تودع مسافر مشاعر...تموت وتحي مشاعر يادي....يادي...المشاعر يادي...يادي...المشاعر" بقات كدندن مع الأغنية وهو سايق عينيه غير فطريق ما دارش لجيهتها نهائيا حتى وصلو وقف طموبيل حدا واحد لبلاصة فيها غير لقيساريات ديال دهب نزلو بجوج بقات كتشوف وهي مبتسمة شافت واحد لكوپل غادين مشادين وكيضحكو شافت جيهتو هو لي كان غادي قدامها سابقها وهي وراه دخلو لمحل ستقبلوهم مولاه عثمان:الحاج الله يجازيك بغينا موديلات الخواتم ديال زواج الحاج:مرحبا ولدي واحد دقيقة دخل راجل من واحد لباب صغير عندو فالمحل بقى شي 5 دقائق عاد خرج وفيديه صندوق مستطيل مغطي بجاج حطو قدامهم الحاج:هانتما هادو من احسن الموديلات باقين جداد نتما الاولين قربات بقات كتشوف فيهم خاتم بخاتم بحيرة شافت هو كانت بغات تسولو ساعة لقاتو كيخربق فتليفون ما مسوقش حطات صبعها على فمها كتفكر حتى طاحت عينيها على خاتم ديال دهب الابيض مرصع بالحجر على دورة ديال صبع وفيه حجرة كبيرة "عفاك عمي بغيت نشوف هدا" جبدو ليها وهو مبتسم:تبارك الله دوقك غزال.. دور عينو شاف فيها مني سمع راجل لبساتو ودارت لعندو كتوريه أماني:عتمان شوف زوين ياك... شد يديها شاف شحال فالخاتم مطول هو ينطق "ســـــــر فالـــابـــــس مــاشــــــي الــــملـــــبــــوس" شافت فيه بعيون لامعة هادي اول مرة غتسمع منو بحال هاد لهدرة.... أماني:عتمان شوف زوين ياك... شد يديها شاف شحال فالخاتم مطول هو ينطق "ســـــــر فالـــابـــــس مــاشــــــي الــــملـــــبــــوس" شافت فيه بعيون لامعة هادي اول مرة غتسمع منو بحال هاد لهدرة.... أماني وهي كتشوف فيه ونطقت بداك صوت شتوي لي عندها: شكرا... عثمان حك على أرنبة نيفو:احمحم....زوين زوين...صافي عجبك هدا تشوفي واحد اخر أماني:لا صافي هدا احسن...ونت عثمان:انا شنو أماني:خاتمك.. عثمان:اه لا ما كاين لاش اما عقدات غوباشتها: كيفاش ما كاين لاش...خاصك تلبس لخاتم اعثمان الحاج ضحك:اوا عندها الحق اولدي حتى نت خاصك تلبس لخاتم باش يعرفوك ماشي ديال راسك عتمان:واخا عندك ديال رجال.. الحاج: موجودين جبدليه طابلو فيه خواتم بقى كيشوف فيهم أماني:نختار معاك هز ليها راسو أه بقات كتشوف فدوك لخواتم حتى طاحت على واحد لخاتم سامپل رقيق وزوين هزاتو أماني:هدا زوين... شدات فيديه لبساتو ليه وهو غير متبعة معاها تنهد وهو كيشوفها شحال فرحانة ومتحمسة لهاد زواج للحضة ندم...ندم حيت تبع واليديه و وافق غير غيضلم راسو وهاد لبنت هي شنو دنبها تزوج بواحد ماةباغيهاش وما عندوش امل نهائيا فهاد زواج كون ما بنتو لي محتاجة ام فجنبها لي تكون معاها حتى مني تكبر تلقى معاها ام لي تنصحها ودير معاها بزاف ديال الحوايج ما كانش ابدا غيتزوج... أماني:جاك غزال بيدك حطات يديها على يديه بقات كتشوف فيه شحال سهى بعينيها لخضرين لي كيسلبو النوم من العنين حس براسو غينجارف مع عاصفة ديال المشاعر هوا ما بغيش يحس بيهم بعد يديه على يديها بنترة حتى تفجأة منو... عثمان بلع ريقو:جمع لينا هاد لخواتم...أماني شوفي حاجة إلى عجباتك خوديها.... عثمان بلع ريقو:جمع لينا هاد لخواتم...أماني شوفي حاجة إلى عجباتك خوديها.... أماني: لا ما كاين لاش.. عثمان:لا ضروري راجل كياخد...كياخد لمرتو شي حاجة ديال دهب كيديه ليها مع دفوع وشحال جاتو تقيلة كلمة "مرتو" وفنفس لوقت فشكل.. أماني هزات راسها مبتسمة عثمان:الحاج عفاك ورينا الى عندك شي موديلات نشوفهم الحاج:عندي وحدين قدام ولكن الجديد غيوصلني ليوم الى تقدرو تمشيو تجلسو فشي قهيوة خليلي نمرتك غير يوصلوني نصوني ليك عند عماد لي كان جالس فواحد الكافي كطل على البحر وكل شوية كيشوف فالساعة ويرجع يشوف جهة الباب بحال الى كيتسنى شي واحد حتى بتسم مني شافها داخلة مع الباب لابسة كسوة تحت ركبة نص كم لكول ديالها بحال شوميز فالغوز مع صندالة پلا وصاك فيه لوينات شعرها نص جامعاه بالمقبط ونص مطلوق ميكاب خفييف جاية وابتسامتها على وجهها تقاد فالجلسة اول ما شافها غزال:سلام عماد وقف:سلام... قرب بغى يسلم عليها بالوجه وهي تمد ليه غير يديها شاف فيها شحال ومد حتى هو يدو غزال:سمحلي تعطلت عليك...راك عارف طاكسيات عماد:قلت ليك نجي لعندك ما بغيتيش غزال:منيتك بغيتي عمتي تقتلني اصلا غير هاد لجلسة لي جالسة معاك كون تشوفني تصيفطني لدارنا عماد:ههههه ما قلتيليش نتي منين زعما فين كنتي ساكنة باش جيتي لهنا..دويلي على راسك غزال: انا بنت مدينه صغيرة نقدرو نقولو عليها عروبية ..قريت خديت لباك كنت بغيت نكمل وبطليب ورغيب حتى بابا خلاني نجي نقرا هنا عماد:مزيان غير نتي لي واليديك غزال:لا كاينة وعندي خويا صغير عليا عندو 12 لعام عماد:الله يخليه ليك غزال:امين....ونت عندك خوتك عماد:انا اه عن ي ختي ختي مزوجة سميتها جيهان راها حاملة قريبة تولد وكاين انا هو لكبير هي دابة عندها 27 عام وانا 31 هزات ليه راسها "مزيان" عماد:تشربي شي حاجة غزال: نشرب عصير شير لسرباي جا لعندهم سجل شنو بغاو ومشى يجيب طلبهم هز تليفون كان كيصوني لقاه عثمان عماد:افين اولد العم فين شادها "عثمان: راني خارج نقضي الغراض لي قلت ليك...نت فينك" عماد:اااه قولي راك مع المدام انا راني غير جالس شاف فغزال وهو ينطق "أجي جلسو معانا شوية انا بغيت نعرفك على شي واحد عندو هو كان على برا كيدوي فتليفون خلاها هي لداخل كتشوف وتمنضر شاف فيها ورجع شاف قدامو عثمان:واش شي بلاصة نقية الى كانت شي بلاصة ماهياش بلاش "عماد:واجي اصحبي راني فالقهوة حدا لبحر.." عثمان:واخا هاحنا جاين قطع الخط معه ودخل لعندها عثمان:أماني ياله نمشيو حتى نرجعو.. أماني:واش غنمشيو لدار عثمان:لا... شير لحاج ومشاو ركبو فطموبيل وزادو... طريق كاملة وهو سايق بسكات هي كانت قالبة وجهها كتشوف فطريق ومرة مرة كتشوف هو كان حاس بيها كتشوف وخلاها مافيه لي يهدر بقى ساكت حتى وصلو... لداخل كانو جالسين بجوج غزال:واش غيجي شي واحد عماد:اه ولد عمي وخاطيبتو غزال:اه مزيان... عماد دور وجهو لجهة لباب وهما يبانو ليه شير ليهم حتى شافوه وجاو لعندهم وقف عماد كيتسالم هو وعثمان وسلم على أماني غير باليد عثمان:تعطلنا عليكم...سلام اختي. هز ليها غير راسو غزال:سلام عماد:زينب هادي أماني خطيبة عثمان ....أماني هادي زينب أماني تسالمت هي وغزال أماني بالإبتسامة:متشرفين احبيبة. غزال:الشرف ليا... جلسو دراري حدا بعضياتهم ولبنات كدالكلبو شنو بغاو يشربو عماد:اوا صافي قضيتو الغرض خديتو الخواتم عثمان:الخواتم اه خدينهم بقات غير شي حاجة حتى نرجعو ليها غزال:قالي عماد راكم مخطوبين مبروك الله يكمل عليكم بالخير أماني:امين شكرا احبيبتي زينب...لعقبة لعندك غزال لي قربات جلسات حدا أماني وحطو رأس على راس تفاهمو وبقاو كيضحكو ويهدرو واماني كتوريها الخاتم لي خدات غزال:عرفتي كيحمق دوقك غزال أماني:ياك شكرا.. غزال:نسولك نتي وعثمان غتزوجو عن حب ولا غير تقليدي دارت شافت فيه كان كيبان مركز مع عماد ولكن ودنيه لتقطو سؤال غزال وكان كيتسنها تجاوب أماني:صراحة هو زواج تقليدي عائلتنا صحاب وو.. غزال: ووو... أماني: ما عرفتش صراحة.. غزال:يا لعفريتة باينة نتي طايحة فيه أماني لي ضحكات:منيتك.... عرفتي انا ونتي غنتفاهمو خليلي رقمك تبادلو الارقام بيناتهم عماد:بانت لي أماني ضريفة غتفاهم نت وياها.. عثمان ضحك بسخرية:نتفاهمو...اودي هي قدها قد لبونتة نتاع لگارو وافعالها ديال شياطين كيفاش غنتفاهم معاها وأصلا مابغيتش نتفاهمو هادشي كامل على نور اما انا هاد ساعة ما باغي حد فحياتي...تقدر تقول جبتها مربية بعقد دائم عماد:اممم دابة نشوفو...الله يطول فعمري حتى نشوفك اولدي يا عثمان كتكل شراوط عليها.. عثمان:امم شكون كيهدر...ما قلتيليش شكون هادي ياكما شي وحدة من هادوك..[غمز ليه] عماد: الا صحبي منيتك...هادي ديال دار ولكن ماشي دابة عثمان:وعلاش ماشي دابة عماد:باقي ما شبعت بعدا نضمنها فجيبي حتى نقنع ونجيبها لعندي عثمان:اودي اولدي عماد غير كتخربق زعما لطيفة غتخليك بلا زواج...الى عينيك فالمعقول سير خطب بنت ناس لحلال ما كاينش بحالو عماد:ياك لحلال ما كاينش بحالو وهادشي لي كدير فيه من شنو هو مزوج لبنت تخليها فدار مربية لبنتك شنو ما عليهاش الله... عتمان تنهد بقلة حيلة...`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
