.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `المعطي: الحمدلله ابنتي واخيرا ربي ستجب لدعواتي وغادي تولي سلطانة فدار الحكام زين الورد :بتعجب !! سلطانة؟! المعطي :(قرب حط ايدو على راسها) ايه ابنتي هذا راه سلطان قاسم ولد سلطان جبران الله يرحمو و الله يسعدكم ياربي هنا حست بتصرفقة مانها فرحانة منها حزنانة بقات كتقول «اش هدشي انا انتزوج سلطان الحمدلله ياربي على نعمتك ولكن كيفاش ايقدر يفهمني ويعرف شنو صرى لي » حست براسها بحال دخلة وسط شي شبكة معندها حل .... مشات لبيتها حطت راسهاعلى المخدة كتفكر فشنو ادير فهد الحريرة حتى غفات ..... صبح الحال صبحت عليها زينة مع الصباح لمني دخلت وزين الورد كتعاودت ليها كاع لوقع ...فالليل فرحت ليها غير ماشي من قلبها وحمدت الله ملئ مقالت ليها على لصرى معاها.. بقات عونتها وكل ساعة كتسولها زينة:فين شافك أ زين الورد هد السلطان زين الورد: انا براسي معرفت مكنخرج مكندرج تغيرات ملامح زينة قلبها تمزط كتبين الابتسامة لغير من فوق خاطرها أما زين الورد لكتشوف فلون وجهة ابدا يتبدل كعروس شتاء هنا فهمت بلي زينة مفرحناش ليها من قلبها ....اكيد مني يسمعو بنات القبيلة بلي زين الورد خطبها سلطان ايحسدها .... فالوقت لي هي ديرها قد راسها وملقيا ليها حل بقو كيضحكو بشوية ويهضرو وصلت وقت الغداء مشات زينة لفقلبها غيرة كبيرة من جهت صحبتها عمر توقعت تزوج سلطان هنا تفكرت داك النهار فاش كانت كتمنى تزوج سلطان وزادت كضحك عليها جات فبالها معنى "كيقولو حكر العود يعورك.."..... اما زين الورد من بعد ماوجدت الغداء كانت جالسة كتفكر فهد شي لوقع ليها حتى جات فبالها لآلة خيرة ..هذي مرأة كبيرة لبيبة بصيرة لكن فيدها حكمة لحطت عليه أيدها يبرأ من العلة حتال السرة ...جمعت زين الورد الوقفة لبست الحيك بالكحل وتغطات مزيان باش مايشوفها حد واصلا مع وقيتة الغداء عرفت كل شي ناس القبيلة سادين عليهم خيمتهم ..خرجت كتمشى حاضية جنابها وكتزرب فالمشية حتال لقبة المردولة لفيها لآلة خيرة مع حطت رجلها على العتبة .. لآلة خيرة :طلبي تسليم ابنت العطار الزينة سعداك تسكم واتولي لاليات النساء وتسدي عينين الحساد بنغمتك وفهامتك الرزينة زين الورد: تسلم تسلم لرجال المكان لآلة خيرة: تعالي ازين الورد وحكي ليا اش حب الخاطر زين الورد: «حشمنة»عارفة راسي شحال هذا مازرتك ومازرت مقامك نسيت ليام ومدرت بحسابك وماجيت غير وقيتة الحزة سمحي ليا الآلة خيرة لآلة خيرة :«كضحك» يعلى شأني حتى يعلى وميكونش من مقامك حكي ليا شنو عندك زين الورد: عندي الله وعوني الله ومن بعدو انت انا حايرة معارفة ساسي من رجليا خائفة لا شرفي يضيع ونكون لعدياني ضحية رماني حماض ألالة خيرة «عاودت ليها زين الورد كل شي لوقع من نهار العاصفة وضباح الخيل حتال لنهار للقات راسها تحت الشجرة» وقفت لآلة خيرة تمشات حتال لوحد الصندوقة فيها بزاف الاعشاب هالبسيبسة ها قعقلة ها سنة حرام ها الرطم وزيد وزيد...كل بلاصة معرها بعشبة وصلت لوحد البلاصة فيها شي حبات كبار بحال حبات سبري هزات منهم خمسة جابتهم حطاتهم فحجرها لآلة خيرة: «مدت ليها الحبات» هاكي ابنت العطار هذا دواك وسرك هنا وصلي على لمينساك زين الورد: حبيب الله عليه الصلاة ...ولكن شنو هدشي الآلة خيرة عمري شفت بحالو لآلة خيرة: هذي العفص اتغير منك وتبدل من حوال رمانك اتمشي دبا تسخني وحد المقراج مزيان حتى يغلى وحطيهم فحد الهراج وخليه حتى يطلق وجلسي وسط منو شي ساعة بالحساب غير هو عندك يحرقك ديريه ليوم وعاودي ليه غداء زين الورد: وزعمة ينفعني ويسد حيلتي لآلة خيرة: طلبي التسليم ونوضي دري لقلت ليك ناضت زين الورد باست ليها على رأسها وعطاتها شي براكا فيديها وخرجات وصلت لدار طبقت كاع لقالت ليها الحكيمة بالحرف...هكا دزت العيشة جاء بهاعطتو الماء غسل وتعشاو مشا ينعس باش يستعد لغدا لهو نهار الكبير عند بنتو لمقفرها ومعرفة منين تبدها دخلت لبيت بقات كتفكر نصها فرحان ونصها ناقص وخا درات لقالت ليها لآلة خيرة الخوف راكبها ....حسات بشي دوخة شداتها تسرحت بقات ساهيا بأفكارها حتى داها النعاس .. فالنهار لاخور لكيون نهار طويل عليها خايفة كتحس بالرجفة فقلبها... فيقت باها فطرو جمعت الدار عدلت حوايجها... داق الباب مشا باها حل كانو جوج من الخدم ديال سلطان قاسم قالو ليه الكلام لأمر به السلطان لبست حوايجها كانت عبارة عن كسوة ديال مها الله يرحمها بالخضر درت حيك ديالها واللتام وخرجت ركبها فحد الهودج مزيون كلو ورد كانت كتشوف زينة لطلات عليها كنشير ليها بيدها و مدتها فيها زين الورد بقا فيها الحال ....هنا عرفت بلي فعلا كما قال لولين صحبتك هي ركبتك لتهزك وطلعك وتهبطك اما الباقي بحالهم بحال شي قناع إلا مايجي شي نهار ويبان اصلهم ،حيدت هد الافكار لكن غير نتفكر حريرتها وكتخنق معرفت شنو ادير ولا فين غادية الافكار كتمشي وتجي فراسها «الى مقدرت بركة لآلة خيرة تنفع و فضحني قدام العادي والبادي ولات سيرتي على كل لسان شنو ندير » ...طريق كاملة وهي كتفكر حتى كرشها ضراتها من الخلعة من بعد مدة ديال الطريق حبسو ونزلو الهودج وعرفت بلي وصلو لقبيلة ايت زم نزلت من الهودج كانو بزااف الناس واقفين وكيستقبلو فالضياف ويرحبو بهم هالروايح هالبخور هالجمال ديال العرس خرجت لالة مغنية ،كترحب بيها معها جوج باين عليهم خدمات من لونهم لالة مغنية: مرحبا نهار كبير هذا بزين والهبة زين الورد:سلمت عليها.... الله ينور مقامك الآلة مغنية الآلة مغنية:ولاواه دبا قولي ليا إما اولا خالتي زين الورد:هههه وخا اخالتي حطت ليها وحد البانيو فيه الماء وسط منو خاتم ودبليج قالت ليها تحط رجليها وسط ماء ديال النقرة باش يبقى زوجي ديما صافي ... اما زين الورد كتقول مع راسها «ويلي ياربي كيفاش ايكون صافي وحريرتي حريرة» ...من بعد جبدت ليها وحد البلغة مذهبة لبستها ودخلوها لوحد البيت بالزغاريت والصلاة والسلام على نبينا رسول الله كانت فيه وحد المرأة بشرتها سوداء وغليضة بين عليها شي نكافة لكتقاد لعرايس جلست ودخلت معاها لالة مغنية لالة مغنية: سالكة بغيتك دري ليا احسن تقاد لمرات السلطان سالكة: هي لمتعود امات سيدي خرجت لالة مغنية مشات تشوف ولدها لكيجهز فراسو وفرحان فرحتو معطيها لحد بسيف ،ميفرح وهو ايتزوج بلي دات عقلو وقلبو ...دخلت لقاتو بكامل اناقتو وسامتو لمعروف بلي اجمل ولد فولاد سلطان جبران هو قاسم مني كان فعمر صغير وطيش كان صياد وكانو البنات كلهم كيحمقو عليه ومني عرفوه رجع واقرر يتزوج كاين لندبت راسها وحضها عليه لالة مغنية: تبارك الرحمن ماشاء الله أولدي وتاج راسي ربي يحفضك من العين سلطان قاسم: كيف جيتك الآلات السلطانات لالة مغنية: ماشاء الله خايفة عليك من العين سلطان قاسم :بس ليها راسها وايدها لهلا يخطيك اميمتي... خرجو لواحد القاعة جلسو... مع ضياف حتى وصل شيخ القبيلة والفقيه كلسو فطابلة جاء قاسم جلس ناضو كيباركو ليه واي واحد جاء كيبارك ليه كاين لكيبوس ليه ايدو ولشافو كبر منو ميخليه ...المعطي جالس فرحان بين ناس حلمو تحقق بنت لقات نصيبها ....شوية خرجو زين الورد مغطين ليها وجها جلسها فالطابلة وبدأ عقد القران ديالهم شيخ كيعقد زواجهم وقعو على زواجهم شهد الامام وكذلك عون سلطان قاسم وتم زواج على خير وبخير... بدات الاحتفالات والهتفات والمسيقى وطرب الشعبي ديال ناس القبيلة وكل شي فرحان واكلين شاربين ركبو الخواتم لبعضياتهم كانت زين الورد خايفة بزاف ومضيومة معرفة متالي ولا توخر....وصلت الوقت لغادي طلع لبيت السلطان وصلتها سالكة حتال لحدا البيت ديالو وصاتها متخاف مدهش غير ترخى باش يكون كل شي على خير ،حلت باب الجناح تقدمت جوج خطوات حشمنة ... اما سلطان واقف عاطيها بالضهر .. تسد لباب درت لقاتو تسد بحدو شهقت، شوية بدات كتسمع نفس الشعر بنفس النبرة وبنفس الصوت تفكرت فهد اللحظة سلطان الظلام خرجت عينها ودموع نازلين منهم ... دار عندها حاط قماش اسود على عينو تصدمت ممتيقاش واش لكتشوف قدامها.. دمو عها نازلين فصمت تم جاي لجهتها ومزال غير كيردد فكلمات شعر لطربو مسامعها فديك الخربة... قبل ميقرب ليها طاحت على وقفيتها مجابت العقلة أما هو تبهض مشا كيجري عندها يحاول يفيقها.. سلطان قاسم: «بخوف » زين الورد كتسمعني جاوبني اش وقع ليك « خرج سلطان قاسم مبهوض والخوف راكبو تلقا بسالكة .».. سيري سيري عيطي لحكيمة يالله سربي ومتقولها لحد عيطي لمي تجي دبا سالكة :مخلوعة... وخا اسيدي مشات سالكة كتجري لحكيمة ديال السلطان قالت ليها بلي سيد السلطان طالبها ودزت لعند الآلة مغنية خبرتها لغير سمعت أن سلطان قاسم طلب الحكيمة تخلعت مشاو بزوج اما الحكيمة سبقتهم لعندو دخلو سالكة ولالة مغنية لقو الحكيمة يالله اتقلبها وتشوف شنو عندها شافت فلالة مغنية وفهمت لغير شافت فسلطان قاسم وفهم بلي اتحيد ليها حوايجها خرج سلطان قاسم وحتى سالكة لطلب منها متحل فمها بحتى كلمة سلطان قاسم: سالكة سالكة :نعم اسيدي سلطان سلطان قاسم: نبغي هدشي يبقا هنا مفهوم سالكة :حادرة راسها .... كون هاني اسيدي لعين شافت ولا قلب وجع لتقلت عليكم خفافت علينا الله ينصركم نعم اسيدي سلطان قاسم: هكاك نبغي الله يرضي عليك يمكن لك تمشي مشات سالكة هي مني كان باقي سلطان جبران وهي معاهم عمرها فارقت لالة مغنية مشات لعند شغالها ...اما سلطان قاسم غير جاي غادي حدا البيت بغي يعرف شنو صرى لزين الورد من بعد مافحصتها الحكمة وقالت للالة مغنية شنو كاين لهد الأخيرة غير سمعت الكلام وتصدمت ولات صفراء معرفت باش تبلات قطعت العهد على الحكيمة مدي خبار متجيب خبار ويبقى سرهم هنا فبير مايوصلو لا عطشان ولا قرحان. الحكيمة : لالة مرات سيدي سرك فبير يموت معايا وميطلع ونعهدك ولعايش فقصر سلطان بخير عمرو يغدر لالة مغنية: الله يرضي عليك ربي يحفضك ولادك كما حفضتي شرف السلطان خرجت الحكيمة حادرة راسها دخل سلطان قاسم مخلوع على زين الورد اما لالة مغنية معرفة متسبق ولا تالي واش الكلام ولا الحصرى على الشمتة سلطان قاسم: لالة مغنية شنو واقع لزين الورد ياك لباس لالة مغنية : هدشي لتسمع عمرو وقع فدار سلطان جبران كيحشم ويغطي الوجه من الناس ويطيح الدل على بنات الناس تشمت أولدي تشمت سلطان قاسم : تخلع ودخلو شك ....ياك لباس اميمتي هني ليا قلبي وريحي شطنتي لالة مغنية: بحزن ..البنت عامرة أولدي سلطان قاسم: فرح من قلبو زين الورد حاملة لالة مغنية شافتو بدا يضحك تخلعت يحساب ليها ولدها خرج عقلو لالة مغنية: ولدي عفاك الله يرضي عليك متصدم ومتهز ها نجيب ليك المخيرة فبنات القبيلة وهذي من بعد شهر وطلقها سلطان قاسم: لا اميمتي راني مخرجت عقلي ومقهرت قلبي زين الورد هازة ولد سلطان زادت لالة مغنية تصدمت حست بقلبها تقبض .. هنا زين الورد فاقت وسمعت الخبار زين الورد :أااا شنو انا عامرة؟!! لالة مغنية: شرح ليا راني قربت نخرج عقلي شنو هدشي لمتا وكفاش ( تلفتت لالة مغنية عند زين الورد لغير شافتها وحدرت راسها ودموع فعينيها) من امتا كتعرف هد البنت أولدي هضر دوي سلطان قاسم : اه دبا جاء الوقت باش تعرف كل شي من اللول حتى اللاخر (تلفت عند زين الورد ) اه وانا هو سلطان الظلام لكانت حكيتو مكتخطى حتى لسان باش نرجع كما كنت ضحيت بشرفك اعود الورد #قبل 10سنوات: هذي قبل ١٠سنين فاش كنت صغير كنصيد فالغابة القريبة الغار الجان لمحت هداك الغار وجاني الفضول وقتلني التخمام نعرف شنو كاين واش فعلا كاين جان ولا غير الكدوب والبهتان قربت ليه حتى شفت وحد البنت صغيرة تعجبت كفاش بنت صغيرة بهد العمر كدور فهد البلاصة المخلية لمفيها الخيمة ولا بيبان بقيت تابعها حتى مبقا بان ليها آثار والمكان غاب فيه الامان ولات سماء كحلة والدنيا ضلامت والعاصفة وبالشتاء سماء تغطات ...شوية كتبان ليا نفس البنت الصغيرة كتمشى وسالفها كحل وطويل كطول الليل بقيت كنجري ونعيط ليها ونعرف شنو دير هنا فهد المكان.... لصبتني... قابلت ابانوخ وخبرتو بلي لقيت ملات سالف تالف لطويل وكحل ...حط ليا شروط كان اول شرط هي تكون المجيا لقصر الجان فنهار العاصفة وضباح الخيل الشرط تاني منقرب ليها حتى ترضى هيا الشرط التالت نلبسها خاتم الحكمة توافق على الشروط تعاويذ لاتحطهم بنت الجان وتكون بكر والشرط الرابط نرجع الخصلة لكتاب الخفي هذ الكتاب توحد ميقدر يعرف شنو فيه من غير قبلة الشماشقة الغاوون واخر شرط هو تولي فملك سلطان الظلام هلي نقدر نرجع كما كنت ونسى لشفت ونوفي بالعهد لقطعتو على زين الورد وكلامي لكم هنا ايبقا ميخرج ميعرفو انسان .. وهذي هي قصة سلطان الظلام لكانت حكاية على كل لسان وحتى وحد معرف الحقيقة من البهتان هالي يخرف وهالي يضحك وهالي مصدق وهلي شادبيها ناب بحالك ازين الورد «ضحك » ولا لا هههه... زين الورد: «حدرت عينيها مرغرين» امممم وعلاش انا سلطان الظلام: قدر ونصيبك تولي سلطانة لالة مغنية: كتبكي» هد شي كامل وقع لولدي وانا مفخباري ومقلوبة عليا القفة مكنت عرف واش ميت ولا حي ...قربت لزين الورد .... باست ليها راسها حطت ايديها على كرشها لآلة مغنية: انت بنتي وهذا ولد ولدي وانا متيقنة ايكون ولد أنسموه جبران على المرحوم السلطان جبران نطق سلطان قاسم: والى كانت بنت انسمها عود الريحان لالة مغنية: الله يوتيكم لخير اولدي.وترزقكم الذرية الصالحة خرجت لالة مغنية وبقات غير زين الورد وسلطان الظلام راس فراس قرب ليها هز ايدها باسها سلطان قاسم: باقي حاجة مقلتها ازين الورد زين الورد: كنسمعك اسيدي حط ايدو على فمها سلطان قاسم: سيدي وسيدك رسول الله اما انت ملكة قلب سلطان الظلام لمنهار عهد وفى قلبو ولا بحال معلق فسماء طاير بين الطيور ويقلب على معاشو (باس ايدها) وها معاشو ولا حلالو جرها لحضنو العريض وضمها تحت جوانحو اما زين الورد فتزنكات وحشمات سلطان قاسم: سلطان الظلام طاح فغرامك ابنت العطار وتسلب قلبو من وسط عظامو ولا فملك عود الورد كنعشقك أ زينة البنات « زير عليها بين دراعو بيدو خدا خصلة من شعرها كيستنشق فيها من اعماق قلبو » الله على ريحة فشعرك امولات السالف التالف زين الورد: « بصوت خفيف» حتى انا قلبي ولفك اسلطان قلبي « زادت تخشات فيه محاوطها بدرعانو العراض مغمضين عينيهم نفسو بنفسها وذقات قلبو بذقات قلبها نطقت » بغيت نسمع لمرة ثالثة كلام سلطان قاسم لطرب سمعي وبرد قلبي نهار لول ابتسم سلطان قاسم بعد عليها شوية حتى تقابلت الاعيون لكلها سرحا فجمال الآخر نطق: سلطان الظلام: « كادت ان تؤديني تلك الوردة التي تفوح عطرا وكأنها صراب يداهم عقلي ولا يتركه لحظة جمالها فتان كحباتي رمل ذهبية اين العاصفة وانت من قصفتي عقل سلطان بجمالكي فاصبحت حياته بين يديك فارحمي هذا البائس ايتها الوردة الجميلة فلا حياة بعدك ايتها الفضة الصافيه» زين الورد ترسمت ابتسامة رضى وحنين فقلبها هزات ايدو قبلتها وخدات شحال وهي حطها على شفايفها شافت فيه هد الاخير لبدا كيقرب ليها وكيحس بها حشمانة حط ايدو على خدودها قرب لجبينها باسها وفقلبو فرحة كبيرة قرب لقنديل طفاه بقات غير دوك الشميعات الملونين عطين نور لجناح باش تكمل ليلة وتسكى فيها الأرواح ...وهذي هي قصة سلطان الظلام وعود الورد ومشات حكيتي من قبيلة لقبيلة وتسارات كل قلب وكل درب وانا بقيت مع ولاد لهبيلة لطيقو خرفتي القصيرة....... ♥️♥️الــنــهـــايــــــة♥️♥️`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
