.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `عينيها كايدورو في راسها زعامة ديالها تبخرات قدامو ..بقا كايسقي عينيه فيها كايشوف زين لي قدامو كل حاجة في بلاصتها دوزهم أشكال ألوان وعمرو طاح فزينها واخا جاتو على ݣانتو دار سبة باتبهديلة لي دارت ليه وهو راه عينو عشقت فزينها جابت لمو تمام عيا يتهرب شافها نهار واحد ݣلب عليها دنيا بتقلاب بقات كاتفرك في صباعها وتفكر كفاش تفك منو ،عرفاتو غادي يفدي فيها داك تصرف لي دارت قدام ناس كلشي كيعرفو تما عمر شي حد زعم عليه تجي برهوشة ضحك فيه ناس وضربها بسلتة ، جاها لخوف منو ملي عرفاتو ولد لمخزن وعميد من لفوق نشاتها لعرق كاتحس بداتها فازݣة و ريقها نشف .. جلال«عاقد لغوباشة»:لي شافك دابا يݣول خبز ربي في طبݣو ونتي يالق*بة خليتيها فيا طلع وتهبط.. ريـم«ببرود عكس لخوف لي فيها»:شوف أنا ماكانعرفكشي ديك نهار تينا لي بسلتي عليا ولكل فعل رد فعل ماغانبقاشي نتفرج فيك .. جلال«مضيق عينو فيها وكيحك على دقنو قرب عندها جلس مقابل معاها»:دوك لبلايص ااا أنسة ماكايمشيو ليهم غير لق*اب بالعربية .. ملي نتي حجابي عفتي كون حطيتي مسعودة على البرودة فخربتكم ومايضسر على مك حد.. ريـم«خرجات فيه عينيها»:مايسحابليشي هايدك بغيت نبدل لجو ومشيت ن تما ..وحتى واحد ماهضر معايا غير نتينا لي جيتي عندي جلال«طلع حاجبو فيها»:جهدك تخلصي ولا نقسط ليك نتي وجهدك... ريـم«خافت»: اوووعدي شني غانخلص معملتلك والو غير العصير خويتو الله يسامح... جلال«غمزها بسفالة»:شي ح**وية فوق هاد لبيرو تصفي لخاطر... ريـم«طلعات معاها تزنيݣة»:ش.شش..شنييي جلال«حط يديه على لمكتب»: أجي نوريك لابغيتي تخرجي من هنا.. ريـم«كاتشوف فيه بترجي»:شوف انا ماااشي د هادشي غلط ووقع .. شايطة عليا الزعامة ولكن نهادشي لاء .. طلقني نمشي فحالي الله يرحم يماك .. ماتعاودشي تشوف وجهي جلال«طلعاات ليه نقشة عليها زويعمة وخاصو يربيها»:نعاود نشوف ق*حبة مك فدوك لبلايص ن*ويك من نيفك هاد المرة فلتي المرة جاية غانسد على مك تبردي لتحت .. مانسيتش فمك داكشي لي درتي ومازال غانتفاهم معاك «نهصرها حتى قفزت»:طلقي داك تيليفون هنا ... ريـم«كاترعد»:عـ .. علاش بغيتيه ..!؟ جلال«خنزر فيها حتى تجمعت وجبداتو عطاتو ليه»: ݣنس كاموني خداه لقا فيه لكود ورجعو ليها »:حلي لمرض شداتو من عندو شوية مايطيح ليها من يديها قابلاتو مع وجها حتى تحل ورجعاتو ليه .. خدا نمرتها بلا ماتعرف شنو بغاه دخلها عندو ورجع ليها تيليفون ببرود كايشوف فيها جلال: نوضي سيري فحالك .. نقصي من زعامتك وفعايل لقحـ*اب حيت يلا بقيتي بيها غانتشاوفو بزاااف فهاد لبنيقة .. ريـم«كانت على سبة غير قاليها سيري ناضت كاتجري عينيها غرغرو بقات كاتسب فيه حتى خرجات»:الله يعطيك مصيبة ا مدود زا**ل قالك يح**ني عندك جهد ديالي اجرو الحمار تفووو خلاني كانترعد أسيل«تلقات ليها»:اويلي شعندك كاتهضر بوحديتك ياكما ضربك .. ريم: لا لا ماضربنيشي ..غي بغا يح**ني نداخل أسيل:[حبسات ضحكة]:احمم .. كون خليتيه ا صاحيبتي ترجع عندك معرفة مع مخزززن ريم«تعصبت»:الله ينعل يماك اجروة انا مفقوصة ونتينا كاتنشط بيا لوقت يسحابلك انا بصح ق**بة وكانعطيه ولا شني أسيل«حطات يديها على فمها»:ها يانا ساكتا صافي غير ماتعصبشي العوجة واخا زاعمة ماكاتبغيش لي يحݣرها وكلمة قحـ*بة كاتحسس منها بزاف وكاضرها فخاطرها وماكاتبغيش شي حد ينعتها بشي حاجة مافيهاش .. خرجات من عندو مغيرة شي حاجة توشاتها ف قلبها لحݣرة زهر ناقص دل ݣاع هادشي حسات بيه .. شدو طاكسي ديريكت لدار ندمات على نهار لي فكرات فيه تنتف شي وحدة حتى وصلات عندو برجليها وسمعها الهضرة لي اصلا مولفة بيها في حومتهم عارفة ماعندها زهرر وزهرها مكوزز ليها دات منو غا لباطل اما الحق حتى لعند الله .. «دار بوعزة » كايتسمع غير ضحك وتقشاب مطلعينها على سي لعميد بلا حشمة بلا حيا حتى هو سرو فينما كانت شي حزقة كايجي يعاودها ليهم مجموعين على واحد طاجين من داكشي رفيع محطوط قدامهم بلحم بجلبانة و لبرقوق .. كاياكلو ويضحكو ماخاصهم خير لكبير فيهم كايخشي فوجهو بحال لمحروم كاياكل بجوج حنوك ولد لهم ... سلطان«كايشوف في أديب»:هادشي بنين أصاحبي .. الله يعطي صحة لحاجة ويخليها ليك .. الله شحال ماكاليت هاد لماكل أديب: كول خشي فوجهك وهنينا .. مزوج أصاحبي بحالي مامزوجش .. جلال«كايطنز عليه»:باركة عليه غير سوشي و سالاض ينعس خفيف ... ماكايبغيش يمحن مرتو سلطان:بقاو تابعيني عاجبني راسي هكا الله يخلي ليا الحاجة طيب ليا طواجن .. نتوما لي ديرو نفس ونوضو تزوجو خالينا نشوفو اش غاتصنعو .. أديب«كيضحك»:أنا يلا ماكانت كاتصرع طواجن غير تبقا عند مها .. سلطان«طلقها ليهم في وجهك بلا حشمة»: گول كاتصرع لحـ*وا ماشي طواجن جلال«خنزر فيه»:جمع فمك ولا نوض تݣعد لدارك سلطان«وحلت ليه»:احم..احمم حيت عارفو ولد لحرام يموت بجوع ومايفرطش في لك**وا بحالك اشاف جلال:زب•ي غالي مانخشيهش فيمن كان بحالو غا برد سووق وهنينا أديب:ششش اصحبي لحاجة غاتسمعكم المرض [غمز جلال]:أجي "نتييينا" لقيتيها ولا مازال جلال:جات برجليها .. ولكن عندها زهر جاتني ماشي ديال تكرفيص شي حاجة موراها رطبت معاها طرح أديب&سلطان:اممممم ماشي ديال تكرفييييص جلال«مسح يديه هز سوارتو وناض»:حيد حيد خليني نق**ود بحالي .. أديب&سلطان:[تفرشخو بضحك ]..سير ياله توصل خديجة:[تلاقاتو غادي]:فين غادي اجلال كمل ماكلتك اولدي.. جلال«باس على راسها»:الله يجعل لبراكة الحاجة كليت الله يخلف ..عندي الخدمة تعطلت خديجة:بصحتك اولدي سلم على الحاجة راه طالت لغيبة ..شحال مازارتنا جلال:كاتسناني نكون مسالي ونجيبها عندك ..الله يخليكم لينا نتوما ركيزة علاش واقفين خديجة:الله يرضي عليك اولدي .. سير الله يسهل امرك جلال:امين الحاجة ..نخليك دابا خرج ركب في سيارتو عفط عفطة وحدة ...خلا لمناطح كاياكلو لي شافهم مجمعين وݣلس في مجمعهم يݣول هادو معندهم عقل هاذي قاعيدتهم مع ناس حاجة وبيناتهم حاجة تانية كايحسبو لي جامعهم اخوة كثر من صحبة عشرة ديال سنين بحلوها ومرها ولي طاح يهزو لاخر صحبتهم ماهي ديال طمع ولا مصلحة.. صحبتهم ديال صح وديال لݣلب موس واحد يدوز عليهم .. سلطان«نغزز أديب في فخضو»:هذا مالو ..جاني بحال والو طاح على زنافرو أديب:شكون!! جلال!! كلشي ليه الحل غير قلب جلال لي ماعندوش ساروت ... سلطان :نتخاطرو ..تحط فيها صح؟! أديب«هز حاجبو فيه»: شرفتي وباقي فيك لعب لبراهش .. سير علاش بغيتي نتخاطرو؟ سلطان:طوموبيل لي غاتدخل من لجديد غاتعطيها ليا يلا ربحتك .. ربحتي نتا نعطيك دار لي فتطوان .. اش ݣلتي أديب:اوكي.. مشات ابا سلطان (ونتوما عندكم شي صحبة بحال هادي) شمس غابت وليل سرح ضلامو وعند لگمرات حط راسو .. جالسة في لبالكون على لكرسي جامعة رجليها عندها حاطة راسها على ركابيها دموعها على خدها وحدة مور وحدة مضيومة وخاطرها مريض .. شعرها طايح على كتافها ضحكة مكاتفارقهاش ولكن القلب ما يعلم بيه غير الله ساعاتو لله شحال قد بنادم يهزز فݣلبو ويخزن شي مرات غير نقطة كاتفيض لكاس وهادشي لي وقع مع ريم لمحاتها أسيل جالسة ومشات عندها تشوفها ماشي من عادتها هاد سكات ملي رجعو من" لكوميسيرية "وهي ساكتة وحالها مايعجبش أسيل:ريم شعندك كالسة بوحدك!؟ «شافت عينيها حمرين»:اوااعدي شعندك اصحبا علاش هاد بكا ؟ عنقاتها حتى شهقت ليها في صدرها كاتبكي بحرقة .. واش هادي ريم لي كاضحك وتفوج على لواحد ؟ اه اه شحال لمظاهر خداعة ونحكمو على ناس بلا موجب شرع.. ريم:«كاتنخصص»:..واش أنا خايبة ا أسيل لهاد الدرجة ...علاش زهري معوج علاش ..كلشي كايشوفني غير لحم أسيل«كاتمسح ليها على شعرها»:لا ماتقولشي هايدا ..نتينا مزييونة وقلبك صفا ملحليب .. أنا لي كانعرفك و كبرت معاك.. غير هما ولاد لحرام لكايشوفونا من برا بلا مايعرفونا شنو ساوين من داخل واش عصبك ديك الجرو بديك الهضرة!؟ ريم«ضحكات بستهزاء»:كون جات عليه ماشي مشكيل كلمة دق•بة ولفت عليها بقوة ما سمعتا .. حتى يلا قال لي نح•ويك راه عندو لحق نهار لول لقاني ف بار شني غايفكر ف نضارك .. كيبقا فيا لحال على سعد لي ماعنديشي ولي جا يمسح فيا رجلو ،صغري كامل وانا معدبة مع باا كرهني فحياتي وفراسي بكثرة الدق(لعصا) لي عطاني دائما لحمي مزوق .. وماما كاتاكل كثر مني يلا دافعات عليا وانا كانتفرج ... أسيل«قلبها ضرها عليها»:عارفة اريم عارفة شنو داز عليك ..صبر دابا يفوت كلشي وغايجي النهار لنفرحو فيه... شوف انا شحال من حاجة دازت عليا وصبرت ... ريم«غمضات عينيها ونزلو دموعها »:لاء ا أسيل تينا معارفة واالو معرفاشي شنو وقعلي نتنا معارفا والوو .. «زادت في الوتيرة ديال البكا» معارفاشي ... هاداك لخصو يكون با ويخاف عليا من ولاد الزنقة و يخاف عليا منوم كان هو قبح منوم و كتر منوم كايمشي يقول لناس عندي قح•بة فدار (كتبكي بحرقة) ملي كنقولو فلوس تقاداولي كايبدا يقلب فيا وفلحمي حتى كانبغي نمـ*وت شي مرات كانحس بلي انا ماشي بنتو غي مربيني أسيل[جراتها معنقاها]:ششش تهدن ريم«خوات لي فگلبها»:كان كيسكر تا يسكر و يجي يعملنا الشوهة فالحومة و يضحك فينا الناس .... كان كل مرة مدخل علينا قح**ة فشكل ... وماما بزز منها تخدم عليهم «طلعات ليها شهقة» كاينوضني نشطحلم رجعني شيخة كيقصر بيااااا مع بناااات مع كل كلمة كات كتخرجها كانت غير مكتزيد فحدة البكا ديالها، خاطرها تهرس ونقطة فيضت لكاس ... تسمرات أسيل فبلاصتها معرفات ما تقول ما عرفاتش كفاش تواسيها حيت هادشي هي مكانتش عارفاه وعمرها مقالتو ليها عارفة باها سكايري خانزز ولكن حتى لهادشي مافراسهاش.. أسيل:[مسحات دمعة نازلة على عينها]:هازا هادشي كامل فقلبك و ساكتة علاش معمرك قولتيلي هادشي علاشش ريم [حدرات عينيها]:شني غنقولك هادشي شني فيه ما يتقاال ... ماكنتشي كنرضا نقولك مقدرتشي ... فالوقت لكان خصني يكون عندي اب يسخنلي كتافي صدق هو وزمان عليا حتى وليت كنطلب الم//وت ... كنمشي نقلب على الحنان عند براني .. ولاد ق•اب كاملين جربتهم وكاملين طلعو شمايت ... كيقالبو غير على حاجتم أسيل [شدات ليها ف يديها] :ششش اصحيبتي صافي كلشي فات ..«كتمسح ليها دموعها »..صافي براكة عليك...ربي كبيير باقي ان شاء الله يعوضك بشي واحد يجبر قلبك ...وانا دائما معاك عمرني مغنخليك ... ريم: عمرك تخلي شي واحد يدخل بينتنا عمرك تخليني ..نتينا لي بقيتي عندي خلاها مولاها دنيا بحال لكوزينة ...كل واحد آش ذوقاتو كاين لي ضحكت عليه وخدعاتو هذا من العسل وكلاتو .. وهذاك حتى خبزة ماعطاتو... "تستحق التمعن" يام الله كادوز طايرة ناقصة من عمرنا من بعد داك لحالة لي جات لريم تهدنت وطاح جهدها شوية.. داز شهر عليهم وهما غير الخدمة ودار حتى لخروج حبساتو في "دار بوعزة" واقف بهيبتو كي موالف بتيشورط في نواغ مزير على كتافو وسروال تجينز زرق مع سبرديلة بيضة مطلع شعرو ..رش من باغفان ديالو كايشوف راسو في لمرايا باش ينزل حتى لحظة سهات عينو فيها بلا مقدمات مشا بالو غير لصورتها ضحكتها.. عينيها.. كيفاش كاتهضر مع les clients ماحسش براسو حتى عقد غوباشتو مستغرب من راسو علاش جاتو في بالو وتفكرها هكا وعلى صباح .. هز تيليفونو سوارتو ونزل ديمارا طوموبيل متاجه لخدمتو .. "auto Iraki" عند أسيل&ريم كانو بداو الخدمة بكري ريم في بوسط ديالها و أسيل مع لكليان ... ضاربة شوميز بيضة خاشياها في سروال ديال توب في بلو ماغين شعرها مطلوق على كتافعها فرقة ديال صدرها كاتبان مزينة عنقها بسنيسلة نقرية .. مع دخلة لمحها كاتهضر مع Les clients بتاويل واحترام .. لمح فيها الجدية ديال الخدمة عجباتو كيفاش كاتصرف .. جر عينيه لكليان لي مايخفاش عليه كايبدل طوموبيلاتو بحالي كايبدل حوايجو شارف شوية وعارفو عينيه فالتين ، لمحو حاط عين عليها وعين ف طرف كايعبرها .. ماعجبوش لمنظر جر رجليه عندها غير شافتو كانت كاتهضر و سكتات سلم على شويرف و عطاها ل اوكي باش تكمل خدمتها وهو واقف عليها ... طلق تخنزيراتو فيه شاف ريوگو سالو تما وهو يرجع مخليها تكمل خدمتها داخل لبيرو ديالو كايتنهد على هاد لحالة لي جاتو مافاهمش حتى علاش معصب خدمتها كاديرها وهكاك خاصها تلبس ولكليان خاصو يخرج عاجبو لحال من جميع نواحي الإستقبال .. البيع .. طريقة توجيه والإختيار واكيد يلا ماكنتيش محترف فهاد لمجال راه ماغادير والو وداكشي باش ختاروها اصلا ماعرفش فين كاين لمشكل .. هادشي لي كان كايدور فراسو هاد ساعة .. من بعد ما كملات الخدمة وطلعات عندو دقات في لباب حتى سمعات الإذن ودخلات .. أسيل :موسيو أديب ..بغيتيني أديب :اه دخلي غير بغيت نسولك على شي حوايج وصافي.. أسيل«جلسات وديك ابتسامة على فمها»:علاياش بغيتي تسقسيني...!؟ أديب:كي جاك سكن لي جالسين فيه بعدا مرتاحين مامبرزطينش.. أسيل«كاتشوف ليه في عينيه وهادي عادة عندها ملي كاتهضر مع شي حد كاتشوف ليه في عينيه ديريكت»:لاء مزيان هاد ساعة مرتاحين ..شكرا أديب:الخدمة ديالك حاليا مزيانة وعاجبانا .. غير حاجة وحدة نهار الأول عاطينكم uniforme من ضمنها لاڤيست ياك ؟ بقاي تلبسي لاڤيست ديالك فوق شوميز لبسة وحدة كيفك كي لبنات وكاملين لابسين لي ڤيست ديالهم ..كليان داخل خارج ولعين كاتسارا .. أسيل«تزنگو حناكها حيت فهماتو شنو قصد في لبلاصة»:احم واخا اسي أديب لڤيست حيدتا ومارديتشي بال تلهيت ف لخدمة وصافي .. أديب«لي فيه ماكايحملش رضان الهضرة»:سيري دابا و يلا جا عندي شي حد مادخليهش حتى تاخدي لإذن حفصة مشات تدي شي وراق وعندي شي خدمة خاصني نكملها شدي بلاصتها على ماتجي.. حركات ليه راسها وخرجات كاتمايل بداك نص لي عندها وهو متبعها حتى خرجات هو من نوع لي ماعندوش مع زواق وقوة المكياج أما يلا كانت حاسة براسها ماكايشوفش فيها وكايبقا على مها بالقمع حتى تعيا وتخرج بحالها نوع ديالو كايبغي لخفيف طبيعي وهادشي لاحظو في أسيل ملي خدمات معاهم طريقة لبسها شعرها مكياجها كلشي فيها بسيط ولكن لمؤلهات لي عندها فديك لمؤخرة كاتخلي لعين عليها بدون مجهود .. 14:00 توقفات سيارة من نوع مرسيدس CLS63S حدا باب société ... خرجات منها واحد البنت زوينة عندها حقها فالزين ضعيفة و طويلة و ملامحها حادين ضاربة كسوة بالزرق وصاك فيديها ديال برادا هي كاملة من راسها لرجليها مقيومة بزابلة فلوس واخا كاتبان عليها مسيميمة ولكن زوينة.. داخلة وهزا راسها الفوق عاجبها راسها كتقول غير انا لكاينة..مع دخلة ضربت على أسيل بعينيها طولات فيها الشوفة كتطلعها و تهبطها من راسها لرجليها وحيت هي من نوع لي ماكايبغيش يكون شي حد حسن منها نسبيا غارت منها حيت عندها كلشي فبلاصتو فصالتها فنة هي بنت وبقات حالة فمها فيها تمشات جيهتها كاتهزز وتحط منفخة .. .....: أديب كاين!؟... أسيل:وي مدموزيل كاين و لكن هو دبا مشغول و مبغا حتا واحد يبرزطو .. تقدر تسنا هنايا شويش على ما يسالي .....: مزيان انا غندخل أسيل«حبساتها»: ااختي سمحلي .. ولكن وصانا ميبرزطو حتا واحد عندو شي حاجة ضرورية أروى«طلعات حاجبها مخنزرة فيها»:واش نتي سوقك شتك وليتي كتراضي مع سيادك ... (هالي مابغيناااش مرحبا بالفيعة جديدة) قالك لي جبدك عطيه جوابو حيت يلا خليتيه غايعضك بنيابو ..حتى ماتكونش شمالية حرة غرة باش تخلي ليجا يركب عليها جمعات بتسامتها لي كانت عاطياها ليها "وجه لبيع" ساعة شي ݣنس مايصلاح معاه لوجه زين .. حتى ماتكونش بنت "مرشان" وتخليها تركب عليها .. أسيل«خنزرات فيها و رجعات ليها نفس النضرات و هي تنطق»:الشريفة مكاينشي شي واحد حسن من ياخور باش تقولي سيادي .. سيادة ماجات لا بصيكان لا بحوايج ا الزاين... الأخلاق هوما كلشي و الا بغيتي يحتارموك الناس خصك تحتارموم ... أروى«تقرصات»: واش نتي مريضة ولا شنو ... كانت جايا"حفصة"البنت لجابتهم النهار اللول وهي اسيسطونت ديال أديب غير شافت شكون و هي تكحل بالعما عااارفها مزيان كدايرة مستفزة و عاجبها راسها كلشي كيكرهها متسلطة بزااف ومتكبرة و ديما كتجي دير صداع أروى«شافت فيها»:حفصة! شكون هاد خيتتي هادي واش جديدة ..حيت كيبانليا معرفاش راسها معامن داويا .. حفصة[لي فيها ماكايحملهاش]:هه هادي أسيل ...جديدة معانا أروى[كاطلع وتهبط فيها]:وعلميها تحتارم سيادها .. تا لمݣجفين ولاو كيتراضو فالهضرة كون ماحنا كاع متلقاو هاد الخدمة «هزات حاجب وحطات حاجب »:السلعة الناقصة أسيل«عينيها خرجو بلعصاب»:اا زاين حتارم راسك راك فوتي الخط لحمر و جمع راسك معايا خدامين اه ولكن ماشي تجي وحدة فحالك.. تهضر معايا هايدا [خبطات على كتافها]:الخدمة جيبتا بدراعي بقرايتي ماشي بفشوش الخاوي .. وماشي نتينا لكتفرق رزق ربي هو رزاق أروى«ناوية على خزيت»:يلا مبغيتش نحتارم راسي اش عند وحدا مݣجفة فحالك مادير..نتي غتطردي منهنا وأنا لي غانجري عليك أسيل «ماعرفتش كيفاش حتى وصلو يديها لشعرها جرتها منو»:شعندك .. شعندك ..الحماارة مريطة فعقلك ولا عاجبينك هاد الحوايج لي لابسة و هاد الصاك لي هازا فيدك ..(شدات ليها داك الصاك وهي تفتحو خوات منو داك الشي لي فيه كامل و قطعات ليه السمطة و رماتو للارض ) كيف جاك دبا «حفصة شهقات من المنضر و هي تمشي كتجري عند أديب تعيط ليه يفك هاد الروينة لي شبكت».. أروى«واكلة الدق ولكن كتبكي على صاكها»: و لا وا صاكي الكلبة شنو درتي أسيل«رجعات ليها كتنتف»: الجروة هي لمعرفتشي تربيك ..دبا شنو بقا ساوي هااا .. قولي الزرمومة[خرجات عينيها وزادت جهدات صوتها] هاا قول ...ا لعوجة .. فيك النفخة و تينا وجهك كامل معاود..[شنتفاتها من جميع الجوانب] حفصة حلات الباب و تمات مدرمة عندو بلا اذن هاكاك كيف الرعدة وجهها صفر أديب عقد غوباشتو يلاه بغا يخاصم عليها و هو يسمع الغوات شاف فيها لقاها وجهها مخطوف و هو ينطق: اش واقع ... اش هاد الغوات حفصة (مخلوعة): سي أديب جات الآنسة أروى ..احمم تخاصمات مع أسيل و دبا راهم كيتناتفو لتحت... مجات فين تكملها تاكان ناض كيطير خارج عارف المجيات ديال أروى كلهم صداعات و مشاكيل... خرج طاير يشوف اش كاين تا قشع المنضر دايراها بين رجليها و كتنتف فيها و تغوت تجوقو الموضفين كاملين كيتفرجو معرفو واش يضحكو على المنظر ولا على الهضرة ديال أسيل لبحد ذاتها كضحك و لا يخافو من هادشي يلا وصل لأديب أسيل« كاتنخض ف أروى»الوجه دالعشلوش ..عاجباك هاد كمارة شني بانلك نخصرا ن يماك ..تا يانا شحال هادي مبهدلت شي وحدا ريم«قربات كتجري تفك »:اصحيبتي براكة عليها هاتينا غتق**تلا ..طلق العايلة راك غاتق**تلا اسيل: واا خليني ا ريم خلينييي انا تقولي كنسعى عليهم الخدمة ..انا تقولي لمݣجفة ..خليني نوريها لمݣجفة شني هي .. [ريم طلقاتها خلاتها تفرسها حيت عرفتها نقصات منها]وااا خليني npelez(نزرق)نيماها عينا ... ريم«ربعات يديها كاضحك»:عطي نيماها والله منشبرك (مانشدكش) أديب فهاد اللحظة معرف يضحك و لا يندب حناكو على الفضيحة لدارت ليه ..وديجا معصب مع لخدمة ولكن منضرها و هضرتها جابو ليه ضحك مع لفقصة و كان باغيها فهاد بنت لق*بة لي مابغات تفرق عليه ولكن ماشي بهاد الطريقة .. أديب«غوت معصب»:ااش هادشي واقع هنااا .. اش هاد شووهة.. أروى:أديييب .. أجي فكني من هاد الحمقة أجيي راه غتقتلننني أسيل«نسات راسها»يفكك! مكاين لي يفكك من يدي هاد النهار ...االعود د سبسي أديب«نترها من يديها»:اسيل طلقيها «مداتهاش فيه ...و رجع غوت»:اااسيييل شافها مغطلقاش و هو يجرها .. بقاات كتنتر ليه بين يديه باش ترجع ليها تنتفها وهو يهزها بقاو رجليها كايلعبو فالخوا .. أديب [غوت]:صااااااافي هنيننننننا قفزات من غواتو عاد فاقت وحسات بشنو واقع و شكون ليهازها وشنو دارت (سلامة ياربي هادو غير لي بغا يجبدهم) أسيل«رجليها كايلعبو في لهوا وأديب مزير عليها من خصرها»:نزلني ...صافي نزلني ... مغنأديهاشي أديب: تهدني وغانطلقك ...تهههدني أسيل«رخفات فيها نفس»:واخا غي نزلني نزلها شافها تهدنت رجع عقد ميا وحضاش وشاف في أروى مازال كاتبكي على حالتها أديب«غوت حتى لي كانو واقفين تززعزعو من بلاصتهم]..كل واااااااحد خددددمتوووو فرقو عليا هاد الجوقا أديب:«شاف في أسيل وهضر معصب عليها» نتيي طللعي لبييرو أنا جااااي أسيل:ولكن اسي أ.... أديب:قللللت ليييييك ططططلعييي مارضاتش يغوت عليها قدامهم شدات فمها حابسة لبكية وطلعات كاتجري أديب «شاف في أروى جرها من يديها حتى طراساو صباعو»:غاتق**ودي لطوموبيل ديالي تسنايني حتى نجي... نلقا ديلمك سلتي غانشتف عليك.. أروى«كاتبكي مقصحة»:واخا أنا نتسناك جر رجليه طالع عندها تعصب عليها ولكن راه الخدمة خدمة مايمكنش ينحاز لشي جيها وهما فوسط الخدمة .. المدة القليلة لي خدمات عندو عرفها وعرف لكراكطير ديالها مهدنا وماكاديرش لمشاكل اذن شي حد لعب عليها وستفزها .. دخل ومشا وقف عليها كايشوف فيها أديب:هاذي هي الإحترافية لي عندك في الخدمة؟! أسيل«عرات على نيابها»: أنا معملتلا والو هي لجبدتني و مايمكنشي نسكتلا ...انا موضفة هنايا ماشي جفاف باش تجي تمسح فيا رجلا حدا كلشي .. يوقع لي بغا يوقع إلا كرامتي أديب:لي وقع هو هادي بلاصت الخدمة وخاصك تعرفي تحكمي في راسك ..كلشي تفرج فيكم ..حتى لي برا ردو ليكم لبال ..«زير على سنانو »:أخر مرة توقع شي حاجة فحال هادي ولا غايكون عندي تصرف آخر أسيل «جهد لي بقا عندها حطاتو ليه»:و..واخا اسي أديب سمحلي كانعتاذر و لكن تا انا منبغيشي نتهان مرة ياخرى بهاد الطريقة أديب«كايشوف فساعة»:تفضلي سيري ترتاحي مابقات خدمة بهاد لمورال أسيل:ولك... أديب:«قاطعها»:سيري دابا بلا ماتزيدي كلمة حدرات قمقومها وخرجت ضرب ايدو مع لبيرو محقد على صداع أروى لي مابغاش يكمل ندم على نهار لي ك**واها من ديك ساعة وهي لاصقاه خرج لقاها مازال في طوموبيل طلع مشربن طلع وسد لباب حتى قفزت من بلاصتها .. ديمارا و كسيرا مبعد على بلاصت الخدمة أديب:كانقول لق*بة مك ماتجيش عندي «جرها من شعرها»:دايرا ليا سكوندار ابنت الق*بة في الخدمة..مشاركاها معايا ! أروى:اااييي طلق اأديب ضريتيني طلللق ..شكون هي لي تقول ليا مادخليش أديب«دخان خرج ليه من ودنيه بالعصاب »:أنا لي قلت مايدخل عندي حد ..وكون عرفتك نتي بظبط ماندخلش ديلمك «خبط لڤولون بجهد»:بببعدي مني عطي لك**ري تيسااااااع خنقتي ديلمي ..لي بيناتنا كملناه شحال هااادي .. أروى«كلامو كامل لاحتو وراها»:صافي ماتعصبش تهدن ..هانتا حتى تبرد ونهضرو صافي أديب«ضحك بالفقصة»: وااااشوف دابا هاد الق**بة كانگوليها صايم كاتعطيني زك**ها «شاف فيها مخنزر»نزلي قو**دي ..نزلي«دار السينيال ووقف جنب الطريق» أروى:وطوموبيلتي خليتها ف شركة ...رجعني منين جبتيني بعدا.. أديب«خزز منها»:ديري اطوسطوب راك مولفة كاتهززي ضبري على لي يهززك... نزلات بلا مايطريه لمها شافتو شعل لبولة حمرة بالأعصاب وغايفوت فيها هبطات كاترعدد ...مع سدات لباب عفط عفطة وحدة بطوموبيل شوية مايطير بيها .. خدامة مركزة في خدمتها لحاجة لي كاتموت عليها هي مجالها في المحاسبة قرات وتمحنات عمرها تنسا لخير ديال أسيل عليها هي لي دفعات ليها معاها عند السيد لي توسط ليهم في الخدمة وتقبلو بزوجهم فين مازال تلقا صحبة لي تحن فيك ودير فيك الخير بلا مقابل وتقلب ليك على خدمة ... گالسة عاصرة على الخدمة حتى كاتسمع تيليفون لي برزطها كايصوني في صاك ناضت معصبة من بلاصتها ماعرفتش الرقم جاها غريب بقات كاتأكد واش كاتعرفو ولا لا عاد جاوبات.. ريم: ألو ... جلال:[بقا ساكت كيتصنت لديك "ألو"] ريم: ألو... شكون معايا!! جلال:قباط روحك الشماليه ريم:[صوت ماغريبش عليها دغيا تصور قدامها]:هذا نتينا ... ماين جاتك النمرة ديالي جلال:[متقل الهضرة]:تعطيونا نوامركم وتسولونا منين جبناهم ياكما نسيتي نهار الكوميسيرية ! ريم«تفكرات فاش خدا ليها تيليفون»:كاين فرق مابين عطيتالك و ديتيها صحة جلال:نقصي من الهضرة خلينا في الموفيد ..لحساب قوا عندك وأنا مكانساش ريم:كيفاش مافهمتشي!؟ جلال:خرجتك من لكوميسيرية بلا حتى إجراءات من جيهتك وحسابك بدا يكثر ريم:[تأفأفت] : دابا شني بغيتي جيني نيشان جلال: في العشية غاتلقايني كانتسناك حدا station ****«تفكر بلي هي ماشي بنت كازا»:قوليها الطاكسي غايجيبك مع تمنية لقاك واقفة ريم«ببرود»:صافي واخا «قطعات عليه»افففف زبل بقا لك ا اريم غير مخزن تا هو ها نتينا وحلتي معاه .. الا مشيت عندك ح**ني اشاف ******* لعشية تعاشات ..ناعسة على كرشها فوق ناموسية ماكيناش في هاد العالم رتاحت مور ديك تبهديلة لي دارت .. شبعت نعاس وناضت كانت لعشية وشمس قريبة تغيب .. هزات تيليفونها لقات ميساج من "لبنك" فرنست ملي شافتو دغيا دوزات لمكالمة واتساب ترمتها غاتنقز بالفرحة .. وركات على سبيكر أسيل:شكرا العزيز ديالي وصلني ميساج غدا نخرج نجيبم حاميد:بصحتك الحبيبة ديالي رد بال نراسك ..ماماك هاد صباح قالتلي ملي مشيتي ماصونيتي عليها هضر معاها.. أسيل:واخا ابا دابا نهضر معاها لهلا يخطيك عليا ..فوقاش نشوفك طولتي لغيبة حاميد:فصيف لي ماجي ان شاء الله غنجي ابنتي .. الخدمة دلفلاحة معنديشي كفاش نعمل نحبسا ... غير يسالي موسم ونجي ...الله يرضي عليك سول في يماك أسيل:واخا ابا ياله الله يعاونك «قطعات الخط فرحانة غاتفكرت ريم وحالها وهي تقلب وجها » دخلات لدوش دوشات غير لحمها خرجات لبسات عليها بيجامة صيفية لاحت عليها عباية كحلة محلولة من لقدام جمعات شعرها لفوق مخلية زغيبات نازلين على وجها .. هزات بزطامها وخرجات كاتمشا كاتقلب بعينيها على "بيم" حتى بانت ليها لبانو ديالها ومشات جيهتها .. دخلات هزات سباغيتي وصوص طوماط مع لفرماج هزات لعصير مشكل خدات حتى زبدة لحليب داكشي لي غايحتاجوه لفطور ..و هي ضايرة ماحساتش براسها حتى دخلات فشي حد جبهتها وزوزات عليها بالحريق الله يهديهم حتى هاد صحاب بيم دايرينها حـ بس كرف دخل من هنا تخرج فواحد من هنا ... علات راسها تشوف شكون هاد لحيط فاش دخلات ... أسيل«شدات جبهتنا»:سمحلي أخاي ماشفتكشي ......:«شاف فيها شوفة ديال واش من نيتك هاد شي كامل وماشفتينيش»:ماشي مشكل اختي..واش تقصحتي أسيل«كاتحك بلاصت ضربة»:اه شويش... مشي مشكل أنا لي مارديتشي بال ......:«من لهجتها بانت ليه ماشي من هنا ..عاد بدا كايتمعن في ملامحها حاجة بحاجة... بقا غا لي يݣوليه رجوع الله احنيني سها فيها ومالقا لي يفيقو » أسيل«ضارت باش تمشي لاكيس تخلص »:سمحلي مرة أخرة ......:«تبسم في وجها»:ماشي مشكل اختي نتي لي سمحي ليا بادلاتو الابتسامة و ضارت مشات خلصات و خرجات فحالها اما هو بقا متبع ليها العين فلاها بعينيه حتى خرجات عاد طلق لي فجوفو : قوقا بنت العبد أسيل خرجات فحالها مشات نيشان للدار من بعد ما خدات التقدية .. دخلات للدار و هي تلقا ريم جات و كتهضر فتيليفون شافت فيها حيت كانت دايرا سبيكر و سمعات صوت راجل مافهمات والو ... يلاه بغات تهضر شيرات ليها باش تسكت وتسد فمها حتى تكمل الهضرة (علاش كاتقلب هاد المسخوطة تاني) تبهديلة لي دار ليها في لبنيقة بردات وناضت فيها لفارة وتاحراميات تاني .. مافكراتش بزاااف ولي فراسها باغا ديرو وسلام.. جلال:فينك!؟ كانتسناك.. ريم:باقي ماساليت غير تسنا ..شويش ونجي جلال«بنرفزة»:صيفطي لوكال انا نجي عندك ريم«حابسة ضحكة»را قربت نكمل غير تسنا شويش... ياك قولتيلي حدا station**** ! ايوا صافي نسالي و نجي جلال:كانقسم فمي بالله وماتجي وديري معايا تشيطين لق**اب حتى ندمك .. ريم«كاتهضر ببرود»:واخا يله بسلامة تسناني «قطعات عليه ونطقت » الا شوفتي وجهي بزق عليا .. أسيل مازال تحت تأتير صدمة بقات كاتسناها تشوفها شنو كاتصنع .. أسيل:اوعدي اريم واش هذا لعميد لي كنا عندو ديك مرة !؟ ريم:هو هذا قالك خصني نمشي نعندو ..علاش مانعرف هذا وااااقيلة تغالطلو يصحابلو انا من هادوك أسيل«كاتحيد لعباية لي لابسة »:ديك ساعة قولالو نيشان علاش تشري لعداوة معاه .. هانتينا خليتيه منشور والله و طحتي فيدو و عرفك فاين كاينة حتى يربي يماك ريم:حتى مانكونشي أنا رييم ..«كاتقلب ساشيات لي جابت أسيل»:بقالي غا هو ا أسيل لقيت لخير حتى فلي ݣاازوو ملقيتوشي تا فبا لي عرالي كتافي خايلاه خليني ساكتة «تنهدات وقلبات لموضوع»: هي غتعدلنا شي شهيوة اصحبة أسيل:اه تشهيت نعدل patte fromage بصوص حمرة ... مممم كاتجي كاتحمق ريم:واخا.. حتى انا فيا جوع عيت هاد النهار نمشي ندوش ونجي«رجعات عندها بخطوات تقال شافت فيها غامزاها»:شني قالك سي أديب في مكتب فاش طلعتي؟! أسيل:ااه...احم ماقال والو غير قالك خصني نتحكم فراسي وبلي بلاصة د الخدمة ماخصشي يوقع فيها ديكشي لي وقع .. ريم«ماتاقتش»:ممممم صاافي هادشي لي كاااين زعمة «غمزاتها»:ماكيناشي شي حاجة ياخرى أسيل:مشي دوش مشي .. بعد مني هاد ساعة الله يرحم باباك ريم:هاهي ماشا كانعرفك ملي كاتبدا دبل فديك العينين ✨في بلاصة أخرة مرشان كاتبكي في ركنة ديال لبيت... أمينة 43 سنة .. ماباينش فيها عمرها .. زوينة بلارة ... شعرها مزين بشيبات بيضين .. دموعها هابطين بحال شلال .. كايتسمع غير صوت ديالو كايغوت ويضرب في لباب جهدو كامل وهي كاترعد بالخوف .. لمكي:[صوت سك*راااان ]فتتتاااح ابنننت لحراااام فتااح.. مشااااات بنتك ونتينا تفرعننن عليااااا امينة:[كاتشهق بالبكا]:دعييييتك لله ياااااااخد فيييييك الححححق اسسسسكاييييري ندممممت على نهااااار لي قبلللللت بييييييك اجرووو لمكي[ماقادرش يوقف على رجليه جايب لكاااوو]: الله ينعل باباك اا الشايطة ..كاتجاوب معايااا فتااااح ولااا نههرسو عليك امينة:مشييي بببدل ساعة.بخرا .. رااااه قلببببي شبببع وقنننع منك اااعدووو الله طاح لأرض مغيب بكثرة شراب جبد عليه قدام باب لبيت .. غير سمعاتو قطع لحس وهي تنوض تحل لباب لقاتو ناعس..قربات عندو كاتقلب ليه في حوايجو جبدات تيليفون من جيبو ودخلات سدات عليها لباب..دوزات لخط وكاطلب ربي تجاوبها... ماشي ديما كانختارو الإختيار المناسب ..كانغلطو شي مرات ودوك لمرات كاندفعو فيهم ثمن غااالي..صعيب رجعو لماضي ولكن يلا بغينا نصلحو لي جاي كاين مانديرو أمينة عاشت فظروف صعيبة وعيشات بنتها فيهم ماحاولاتش تصلح عتامدات على صبر والصبر كايضبرر .. (هاد لمكي خاصو شي طحنة ديال لعصا) كانو دقايق قلال حتى جاوبات على تيليفون ملي شافت رقم خافت تكون واقعة شي حاجة لمها .. قلبها ضرب في تسعين ملي سمعات صوتها كاتبكي ..رجعت ليها ديك لحالة ملي كاتشوف باها كايضرب مها وكاتحبس فيها نفس كاتولي كاتشهق وترعد كاملة .. ريم:«بصوت مخنوق»:ما !!..شعندك ؟! أمينة«كاتبكي»ضربني لكافر بالله ضربني ..خصو فلوس ريم«نزلات دمعتها»الله يعطيه قطيع نيدو ..كانقولك عطيه فلوس اما غي ميآديكشي أمينة:والله ابنتي مابقاولي داهملي كاملين وقالي نصوني عليك.... ملي مابغيتشي ضربني ..دابا ها هو نعس ولكن ف صباح غايفديهم فيا ريم:صافي اما سكت مبكا .. أنا صباح غانصوني عليه و نصردلو فلوس ..ردلو تيليفون ديالو وشد عليك باب مزيان «تنهدات بألم »حتى يصبح ويفتح.. أمينة:سمحلي ابنتي سمحلي عدبتك .. و باقا كنعدبك ريم:سكت اما سكت ماتقولشي هاد الهضرة .. عمل ديكشي لي قلتلك صافي .. تصبح على خير غير قطعات رجع صونا عليها تيليفونو باتلفة ورعدة لي شاداها جاوبت بلا ماترد لبال للرقم يصحاب ليها مها عاودات صونات ريم:شنو ا ما !! جلال:جدك هذا ماشي مك ... ريم«شهقت نسات مابلوكات نمرتو»:ش..شني بغيتي!؟ جلال«كيغوت حناجرو خرجهم»:أناااا تخللللللللي ديلمي محنسسر كانتسنااااااك ابنت لقاااااف... ريم«صبرها تقادا»:شوف نجيك من لخر مابغيتشي نجي وماغانجيشي و عمل لي عجبك .. شكون تيناا لي تحكم فيا نجي ولا نگلس جلال« كشاكشو خارجين بحر شمتة»:أولاا أنااااا هو لي غادي يحدهم لزا•مل بوك ثانيا هاد المرة ملي تبغي تحزقي شي كلمة من فمك ونتي كاتهدري معايا نقطع لمك لسانك او ندوز على قحـ*بة مك من لودن تا لودن سمعتي .. سمعيني او خرݣي هضرتي في ودنيك أنا خايب خاااسر وماشي انا لي تحنسرني ق•بة .. ياله دوري تق•ودي ملي طيحي فيدي غانتحاسبو [قطع] ريم«خبطات حناكها»:اويلي وحدي معامن طحت ف هاد الأرض ايما الحبيبة و بقا ناقصني غي هدا وتكمل عندي القضية دخلات بلوكات نمرة وطفات تيليفون وخرجات بحال يلا ماواقع والو باركة غير هي هازة لهم وماباغا حد يهزو معاها .. نزلو لعشا وتعشاو و كل وحدة شدات بلاصتها وقليلة سعد هازة همها معاها ومنعساه حداها تخمم فيه .. (لي ماعندو هم تولدو ليه حمـ ارتو حشاكم) أصبحنا وأصبح الملك لله 🌄 صباح الأحد صبحو فايقين باغين يبدلو لجو ومولاها ربي غانعيشو غير مرة وحدة في دنيا ماكاين لاش نهزو في قلبنا هادشي لي كان فبال ريم من بعد ليلة لي دوزات وهي عقلها كايدي ويجيب .. وجدو راسهم باش يخرجو لبسات أسيل كسوة حد ركبة بلوريدات نص كم وريم سروال بيج مع شوميز بيضة وحدا تنسيك فالثانية صاوبو شعرهم خلاوه مطلوق زينهم عاطي لعين بلا ميكاب هبطوا و شدو طاكسي حمرة نزلهم ف عين دياب دخلو لواحد لقهوة تما بانت ليهم من لواجهة زوينة ونقية زعمو عليها و دخلو شدو بلاصة برا فالطيغاس كايطل على البحر كان المنضر ديالو كيفتح النفس و الشهية .. جا عندهم السيرفور طلبو فطورهم .. أسيل فرحانة و عاجبها الحال و لكن ريم واحلة ليها لغصة فجوفها ساهية و كتفكر فمها لي كلات لعصا و شاف لي خرج ليها من جنب عقلها ماشي فهاد العالم عقل يدي وعقل يجيب .. اسيل بقات كاتهضر راسها حتى لاحظات بلي راه ماكاتسمعهاش وعينيها ماكايرمشوش... أسيل «غمزاتها»:ااارجووع الله ا ريم ..شعندو الزاين معصب ..فاش كتفكر !؟ ريم«تنهدات»:كنفكر فماما اسيل:شعندا ماماك ... وقعا شي حاجة؟ ريم «دمعة على طرف عينها هضرت وهي مزيرة على سنانها»:با ضرب ماما عاوتاني حيت تقاضاولو فلوس .. و ملقا باش يقمر ويشرب ديك سم أسيل: اوعدي يانا ... وماماك مزيانة بعدا ... واش رجع أداها ريم«كتنهد »:كمداتا فحال دايما وصبرت ماعندا متعمل .. غدا نطلب الإذن ونمشي نڤيرسيلو لفلوس فشي بوسطة أسيل«تعصبت عليها»:علاش اصحيبتي مكتقولي والو علاش ... ريم «قلبها طايب دموعها دغيا نزلو»: شغنقلك هادشي شنو فيه ميتقال .. راه وليت كنكره راسي حيت انا بنت واحد فحالو اسيل : شششش .. صافي الحبيبة ديالي صافي تهدن دبا كلشي يفوت براكة عليك مبكا .. ريم«كاتعبر بيديها»: انا كنكرهو .. كنكرهو بـا هو لضمرني و ها هو باقي غي مزايد فيه مبغاشي يتهد كاياكل عرق كتافي بدم بارد الله ياخد فيه الحق «شهقت»: شي مرات كنطلب ربي كون يمووت وي يهنينا منو كرهتو طيبات القلب بالبكا فشات لغصة لي بايتة كاطلع فيها وتهبط عاد سكتات هي بعدا لقات صدر لحنين صحبة لحنينة علامن توسد همها ، أسيل نزلو دموعها وضياق خاطرها كتقول مع راسها كفاش الأب يقدر يآدي طرف منو كفاش يقدر هو يضمر ولادو فبلاصت ميكون هو الظهر الحامي ليهم .. فهاد الحياة ماشي كلشي كيستاهل يكون اب و لا ام ... ماماها صبرات و لكن ما كانتش نتيجة اجابية و هاد المرة الصبر عطا نتائج سلبية لضمرات طفولة واحد البنت كانت كتحلم بعائلة زوينة و لكن هي حلات عينيها فأب فا**سد و عائلة منتهية من أولها أسيل :صافي اختي باركة عليك من الدموع طيبتي عينك براكة«طبعات قبلة حنينة على جبهتها حتى بتاسمات ليها ريم» ريم«زفرت»:زاد كمل عليا ديك زبل أسيل:شكون!!؟ ريم:شااف ولا مانعرف نحسو .. لعميد لي مشينا عندو عاق بيا ضحكت عليه و حلف فيا .. خفت غي يمشي يعملي شي مشكل أسيل«خرجات عينيها»:اويلي .. شفتي شنو قلتلك .. ياختي ماغاتهنا حتى تكحلا علينا ريم:ماعندو مايعمل هو ماكايعرفنيشي وكازا كبيرة ماعندو فاين يلقاني بحالي كايفتش على ليبرا فوسط تبن أسيل:ماتنسايشي هو شكون يدوو واصلة كون قلتيلو لي عندك وخرجتي من باب واسع .. هو را غلط فيك وصافي ريم:يغلط ولا يزبل يبعد غي مني .يالاه تهنيت من ولد لمداني في طنجة خرجلي هذا مجنب سعدي سعد كحُل فالعينينة دقرد في نفس الوقت لي كانو فيه لبنات كايفطرو .. حدا الباب ديال القهوة توقفات سيارة من نوع "audi Q8" فالأسود كتلمع .. نزل منها واااحد العضمة اش منك يا طولة و تجريدة و كتااف عرااض داكشي ديال سلهام هيبتو عطات من بعيد ضارب سروال دجين فالكحل و تيشرت ديال polo فالأبيض مع كاسكيط نواغ و داير تحسينة بعقلها نظيظرات ݣوتشي في لكحل مهم كايبان نخوة .. «قالك زمان يدور ولمكتوب يلاقي» سد الطموبيل و تم داخل للقهوة كيتمختر بديك الهيبة غير دخل ستقبلو gérant ديال لكافي عارفو كليان واززن فداك لقنت .. هو داخل ولبنات كايتغامزو عليه الله ياودي يكون شي زين داخل ومايهزوش عينيهم فيه يخافو يديو تقليد .. مع دخلة ديال طيراس كايشوف شي كوان فين يرتاح يكون خاوي من بنادم مكطيح عينيه غيرر عليها طيراس خاوي غير هما لي كانو تما كايفطرو حس براسو عندو زهر وماشي أي زهر داكشي كايجي حتى لعندو عيا يتحلف عليها حتى طاحت بين ايديه بلا مجهوود هاد المرة .. زادت قود*ات معاه سوايع ملي حنسراتو ديك تحنسيرا لي ماشي ديالو وماشي فمقامو ويزيدها ليها في لحساب حتى تخلص بثاني ولمثني .. سي العمييد بقيمتو وبقامتو خلاتو منشور كيستناها حلف حتى يندمها على فعلتها وفينما بغات تخرج واخا غير يركب فيها رعـ ب وعندو رباح مشا جيهتهم وهو عاقد واااحد ميا وحضاش في حجبانو كتخلع .. جر لكرسي ببرود وجلس مقابل معاها مصبح عليهم تما ماكايسالو حد شي حاجة خلاهم وحدة تشوف في وحدة .. ريم ماجات تستوعبو شكون حتى كان جلس قدامها عرفت راسها هادي لخرة ليها معاه ليوم يفدي فيها لقديم وجديد وشمتة لي شمتاتو أسيل مافهمت والو غير كاتشوف هاااا لقرد لي جبدوه بان مشات تبول فسروالها تسنا قدرها باش حكم جلال«غمزها»:كيجاتك المفاجأة .. لقيتك ولا مالقيتكش! ريم«كاتفرك صباعها»:اا..احم..بلا شوهة الله يرحم الوالدين .. لي كان قلتولك ف تيليفون.. وقعلي مشكل ديكشي علاش مامشيتشي نعندك جلال:قدييييمة«حرك يدو»:شوفي ليك شي حاجة جديدة ريم«دفعات جبهة معاه»:شوف نجيك ملخر ..عطيني التيساع ماكانعرفك ماكاتعرفني ..جيت نهاد مدينة نخدم على راسي ماجيتشي نضيع الوقت ف لخاوي راك قريتيني من راسي نرجلي غالط وديكشي لي كاتفكر فيه ماشي ديالي جلال:«حط يدو على طبلة مقرب لوجها»:على أساس داك نهار في lclub كنتي كاتنقصي دنوب «شاف عينيها حمرين ناض وقف وشدها من يديها موقفها»..نوضي! أسيل«خنزرات فيه»:فاين ماشي بيها اخاي .. شوف حنا ماشي د شوهة .. شني بغيتي ف العايلة! جلال«طلعها وهبطها بعينيه»:ماتخافيش غانهضر معاها شوية ونجيبها ليك ريم«حناكها تزنݣو بالعصاب»:طللللقني ولا نعملك الشوهة هنايا ماعندكشي لحق تعملي هايدا ططلق جلال«قرب لودنها»:تحركيي.. غانهضر معاك ونرجعك مال ݣنسك راسك قاصح ريم«نترات يدها منو هزات صاكها»:تسناني ا أسيل أنا راجعا مشات قدامو وهو موراها كيطلع فيها ويهبط حتى خرجو من داك لكافي لي كان ناوي يفطر ولا بان ليه بلان اخر حسن من لفطور وحسن من القهوة حل ليها لباب طلعات وطلع هو لبلاصتو .. ديمارا طوموبيل وهي غير كادور عينيها .. ماعرفتش فين غادي بيها .. جميع سيناريوهات ديال لغتص*اب جاو ف بالها بجميع الوضعيات (هه) ولا يوقع ليها ماوقع في الأفلام يسد عليها ويعطيها طحنة ديال لعصا يزوقها ويصيفطها بدا الخوف كايسرا في داتها آش هاد لوحلة لي وحلات فيها معاه ريم:فاين ماشين ..شوف اخاي قولي شنو بغيتي مني ..الا علا ديكشي قديم سمحلي وطلبت سماحة قبل جلال«شاف فيها ببرود مامسوقش لهضرتها»علاش كنتي كاتبكي!؟ هادي هي كاتشكي ليه بالعݣر وكايسولها اش خبار دراري .. همو عينيها لي حمرين اما زابـ ور لي قرات عليه ماسمعوش ريم«هزات حاجب وحطات تاني »هاا !!!.. جلال:عرفتي شحال كانعاود معاك الهضرة نتي! علاش كنتي كاتبكي!؟ ريم«بنفعال»:ماشي شغلك فيا وماكنتشي كانبكي جلال«دور لڤولون وقف طوموبيل جنب طريق دار عندها شاد وجها مزير عليه »غايولي شغلي من هنا لقدام ريم[بصدمة]:هاااا !! جلال طلق منها ورجع تقاد في بلاصتو عكسها هي لي بقات مصدومة في بلاصتها كيف خلاها (عرفتكم كاملين قلتو هااااا بحال ريم هه) `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
فوقاش كتحطو لبارت
ردحذف