الجزء 1 | قصة عـود الـورد

.formatted-text { text-align: center; font-weight: bold; white-space: pre-wrap; margin: 20px auto; }

تتمة البارت

const text = `جنب واد" فول جوامع " معروف فالقبيلة مايقربو ليه رجال وميتغسل فيه رجلين صافي وكيلمع بحالو بحال توب الحرير ... بين جوج شجرات وحدة يابسة والأخرى خضراء... جالسة بنت زينها زين الفانوس... هازة وردة بالعمان فيدها وكتقطف وكتردد زين الورد:انتزوج سلطان، انتزوج بوهلي انتزوج ،سلطان انتزوج بوهلي،... وقف عليها بحال جن الزرق.. فرن:تي أسيرة ديري ازينت البنات زين الورد:(كتدفل فحضنها)تتت بسم الله رحمن الرحيم منين طلعتي نت فرن:ملك شفتي جن زين الورد:(ناضت ساست عبيتها ولحت داك العود ديال وردة) اوا بحال هكاك متخلي ليتمنا ولا ليتنوة دبا يشوفك البارحة ويقولها لشيخ لقبيلة ولا نستي بلي واد فول جوامع ميقرب ليه رجال .. اوا دوز بخير تخطاتو وخلاتو حال فمو عود الورد بنت زوينة وزينها فايح معروفة فالدور بزينها وفهامتها وشطارتها .... ولجا خطبها مكيعجبهاحݣا قالت هي بنت الزين والمهة خصها تزوج الزين ماشي لكان .... فقبيلتها كيعيطو عليها غير زين الورد بنت العطار...سمعت الباب كيدق مشات تحل زين الورد:أشكون فالباب المعطي:غير انا ابنيتي حلي لباب رتاح ليها البال مني عرفت بلي غير باها وخا معروفة بشطرتها ... كتخاف شوية محيت ديما كتسمعهم كيعاودو على وحد الخرافة قديمة بلي كان وحد الرجل مانو انس مانو جن كيقولو لو سلطان الظلام وبلي كيكول البنات وكيخرج غير فالظلام ومن نهار عودت ليها جدها الله يرحمها هد الخرافة ولات شادة بها الناب مع بنات القبيلة وخا خوفة مكتيقش ديرا منها ضحكة.. ولكن كما كيقولو اللوالة لخاف نجى حلت لباها لباب سلمات عليه زين الورد:با غسل ايديك باش نحط ليك تعشا المعطي:وخا ابنيتي الله يرضي عليك مشات سخنت لقسم الله طجين فيه الخظرة والجلبان والخبز ديال الفرينة وعمرت ليه براد ديال اتاي وجدت ليه كل شي فوق الميدة جلسو يتعشو بشوية وعلى خاطر خاطرهم حتى كملو عشهم...ناضت جمعت الماعن وغسلتهم.... غادية تفرش بلاصتها باش تنعس حتى سمعت باها عيط عليها المعطي:عود الورد نوضني عند الفجر ابنتي خصني نشد الطريق لقبيلة سيدي جابر زين الورد:وخا أبا تصبح على خير

المعطي هو بات زين الورد ...وكيقولو ليه فالدوار العطار المعيطي كيعطر كيبيع السواك والورد البلدي والحويح وكاع لكتخص النساء ...ودبا اجي نكمل لكم نعسات زين الورد بلاصتها وعند الفجر فقت توضات ومشات نوضت بها يصلي وجدت ليه فطورو باش يشد الطريق.... فطرو بزوج غير كمل فطورو خشا ايدو فجيبو وسل وحد البركة ديال الفلوس المعطي:بنتي هكي هد البراكة وردي لراسك لبال فهد الصمانة ومتخرجي.. والظلام ميلقاك برا ومتحلي لتوحد بليل زين الورد: وخا أبا علاه شحال اتبقى فسيدي جابر المعطي:صمانة انعطر تما ونتقدة شي سلعة وانرجع نت غير دري اش قلت ليك زين الورد:كون هاني ابا الله يوصلك سالم غانم المعطي: الله يرضي عليك ازين الورد

وقف المعطي غادي مشات وصلتو حتى لباب باست ليه ايدو ومن بعد شد الطريق... كان باقي شوية الظلمة بقات متبعة ليه العين حتى غبى ....يالله اتسد لباب وهي يبان ليها وحد الضوء حمر بعيد تعجبت وخا هكاك مدتهاش فيه سدات الباب ومشات كملت نعاسها حتى لصباح .. صباح الحال كيتسمع صوت الديوك والطيور ... نضت كتكسل يالله جمعت فراشها وهي تسمع الباب كيدق مشات كتجر فرجليا حلت الباب كانت زاينة بنت الجيران كدقر

زين الورد: صباح الخير زينة اشهد تبكيرا زينة: صباح الخير اويلي حي على تبكيرا راه ظهر قرب تي زدي معايا بغيت نمشي نصبن شي حويج وخص لهز معايا زين الورد: وخا بلاتي نلبس وهاني معاك مشات دارت الملحاف واللتام على وجها هزات ... شي حويج باش تصبنهم معاها بلاصة ميبقو يتلمو سورتت الباب وخرجت مع زينة كيتمشو فوصت القبيلة حتى خرج ليهم فرن من الجنب تخلعو

زين الورد:تف تف بسم الله الرحمن الرحيم منين خرجتي تاني متودر كيميت العصر زينة: خلعتنا افرن فرن:شديتكوم فين غادين ونت ازين الورود معامن تشورتي واش معارفة بلي اتكوني مراتي ومتخرجيش الى متشورتي معايا زين الورد:هكني هكني على الوليد تيق راسو ومعامن تشورتي بسلامة ياك ماشي مع موك الكبيرة باش نكون مراتك زينة:هههه لواه تشاور مع سلطان الظلام فرن:سكتو اشبيتو سلطان الظلام ذكروه حنب الله بالشرع زين الورد:هاي هاي هاي على فرن خاف من خرفة وتجي تݣول نتزوجك انا والله لتزوجت غير رجل فيه شهم والرجلة ماشي خوف ودبا حيد من طريقي

تخطتو هي وزينة بقو طريق كاملة وهما كيضحكو عليه ... محيت خايف من خرافة سلطان الظلام "علاه هدشي بعدا يتيقوه الناس" كملو طريقهم حتى وصلو جنب الواد "عوينات الطرف" هد الواد مفصول على الواد" فول الجوامع " ...كانو عرام ديال بنات القبيلة ها لي كتصبن وهلي كالسة وسط نوار وهالي كتعوم... اما شي وحدات غير شفهم وزاد. يوشوشو نطقت زينة

زينة:شتي ياختي معكودة بنت الفقيه قالك اتزوج بولد تاجر جعفر لمعروف فالقبيلة عرش السلام زين الورد:اه ياختي قالك الله يعطي لفول لمعندو دروس زينة:ههههههه اوا الله يعطينا زهر الخيبات زين الورد: ههههه منصاب حتى حنى نتزوجو شي امير ولا سلطان زينة:هههه هزي هزي رزمة وزدي نشتفو هدشي بان ليا بدا شياط يطلع ليك لراس كالك امير ههه...

هزت زين الورد رزمة لفيها الحويج وزينة هزات ضراب والفركة وحدة تصبت والأخرى تنشر على الطرف مكملهم حتى غبات الشمس .... جمعو الحويج راجعين لدار عياو من كثرة الشراوط لصبنو هزات زين الورد رزمة لفيها حويج ... فوق راسها وزينة هزات لباقي ... وغادين كيتمشاو موصلو لقبيلة حتى بدأ الضلام يطيح ... زين الورد كتمشي مرة مرة كتسمع شي خطوات تابعنها تلفت ملقات والو تعجبت

زينة:زين الورد ملك وقفتي زين الورد:ياختي حسيت بحالة شي حاجة تابعنا زينة:هههه شمس اترت عليك خلاتك تخيلي زين الورد: ههههن والله الى كملو طريقهم ولينها كتمشي وهي كيبان ليها وحد الضوء حمر بحالو بحال لشافت عند الفجر وراتو لزينة زين الورد:زينة شوفي زينة:شنو انشوف زين الورد:شوفي الضوء لحمر لكيبان فداك الجبل زينة: ("تلفتت زينة كتبربق فعينها") قلت ليك انت شمس دوختك هههه هداك غير ديال شعة ديال غروب زين الورد:وقيلة غير شمس كما قلتي خلينا نسربو نرجعو لديورنا راه الظلام بدا يطيح زينة:هههه ياك ممتيقة ديك الخرافة ديال سلطان ظلام زين الورد:منيتك ياختي نتيق دكشي راه كيبقى غير خرفات كانو يخلعونا بها زينة: اه ياختي يركبو فينا الرعب ههه

كملو الطريق وصلو لدار توادعت معها وكلها دا حويجو ...مشات زين الوردحلت لباب دخلت دوك الحويج شعلت لمبا وجوج شمعات.. ومشات كتوجد متاكل حتى كتسمع دقير فالباب يلاه اتحل وتفكرت وصية باها غادية راجعة وهي تسمع دقان مرة أخرى" قالت مع راسها متعرف يكون شي مسكين قاتلو جوع ولا بغا يشرب ولا مقطوع" رجعت حلت الباب ملقات توحد " ستغربت طلت ملبان ليها حد قفلت لباب... طيبت وحد جوج بيضات فالطاجين ودرت اتاي وسخنت الخبز من بعد ما تعشات حسات بشي نعاس من العياء ديال الصابون مشات تخشات بلاصتها طفات شمعات لحدها وخلات لمبا شعلة ...يلاه بدأ يضرب بيها النعاس حتى كتحس بشئ نفس ورها تجمدت بلاصتها معرفت دور ولا تغطا ...تلفتت وراها ملقات والو شوية وهي تطفى لمبا بحدها درت على جنبها بان ليها شي عينين حمرين وجه غريب... حطات أيدها على عينها وبدأت كتغوت ... ولكن شكون ايسمعها وهما معزولين من الناس شوية حسات بالضوء ديال لمبا تحل بحدو بدات كتزول ايديها على وجهي بشوية دورت عينيها فالبيت ملقات توحد الضوء ديال اللامبا لمحلول تعجبت وركبتها الرهبة والخوف معرفت واش كتحلم ولا هدشي بصاح برد ليها الماء فالركابي نضت بشوية وكتلفت فجنابها و الخلعة شداها حطت ايديها على المانطة اتحيدها ولقات وحد الورقة ديال الشجرة يابسة مكتوب فيها شي حاجة بقات كتهجاء مع هي قارية غير فالجامع اما المدرسة مكاينة كتحاول تجمع فدوك الحروف وتقول مكتوبين بالشنوية

زين الورد:واه منين جات هد الورقة لهنا واش انا كنحلم ولا هدشي شفتو بصاح تخلطو عليها العرارم معرفت واش بصاح نيت هدشي حلم ولا حقيقة حطت ديك الورقة ديال شجرة تحت راسها لمفهمت والو اش مكتوب فيها جرت عليها المانطة وبدات كتعود بالله وتقرأة آية الكرسي حتى داتها عينها مبقت حست بوالو. ..فالنهار لاخور فاقت على صوات الديوك لكيقعتو نضت مسحت وجهاغير تفكرت لبارح وضحكت على رأسها.. زين الورد:هههه كنت كنحلم هذي غير الشمس ديال لبارح دوختني ايمكن.. نوض اوكان نسالي شغلي نضت جمعت المانطات باش كانت مغطية طواتهم وقدات البيت والوسايد يالله حيدات الوسادة علاش كانت نعسة وهي تشوف الورقة هزتها كتحاول تجمع دوك الكلمات هنا تأكدت بلي مكانت كنحلم بدأ الشك كيدخلها والشيطان كيوسوس ليا فراسها زين الورد: زعمة يكون بصاح ولا غير كنت نحلم ولكن شنو مكتوب لازم نعرف شنو هدشي .. حطت الورقة فحزام ديال كسوتها مع الفلوس مشات رضت وحد الطاجين لفطور فيه البيض وشعلت الفران ديال الحطب باش تخبز كانت ساهية حتى وقفت عليا زينة زينة:اصباح الخير ازين الورد ...زين الورد ويلي فين ساهية زين الورد:انا لالا مساهية والو غير كنفكر زينة:امممم فاش تفكري ياك ماشي وحد هذا زين الورد: ههههه ونوضي يالعوجة قالك شي وحد فين القى هد الوحد انا باش نفكر فيه زينة: اوا منعرف وساع فاش تفكري زين الورد:(شديت ليها فيدها)زينة بغيت نقولك شي هضرة لكن تعاهدني تبقى هنا زينة:اوا ها حنى بدينا فالتنوعير ياك حنا صحبات فين عمري خرجت هضرتك زين الورد: وانا غير قلت لك راه هدشي غريب وخلاني غير كنتوهم زينة: اوا هاودنتي كيسمعو لك دوي نضت جمعت داك الطبݣ لفيه الخبز دخلتو وردات وحد القمقوم ديال الماء حدا الفران ودخلو لدار زين الورد: زينة اجي معايا بغيت نوريك زينة: هي اللولة...

مشو دخلو لبيت هزت ديك الورقة من حزامهاوعطتها ليها زينة:شنو هد الورقة ديال شجرة زين الورد: اه ديال شجرة شوفي واش اتقدري تقراي دكشي لفيها زينة: (كتحاول تجمع الكلمات)...لالا هدشي راه ميكتبو غير لقارئ ومقري مفهمت منو والو ..عودي ليا فين لقيتها تنفست وبقات كتعود ليها كل شي من نهار خرجت مع باهاحتى لبارح وشنو طرأ مخلات والو زينة:اهيااااناري واش كدوي بصاااح ولا غير كتفلي عليا زين الورد: زينة كنهضر بنتي وصرحة تخلعت مني شفت صباح هد الورقة زينة: شوكتي ليا لحمي ياختي عرفتي عندي وحد الفكرة باش نعرفو شنو هدشي فهد الورقة زين الورد: اماهي زينة: لبسي لتامك ويالله معايا زين الورد: فين؟ زينة:فطريق وتعرفي لفين غير تقي بيا ويالله وحد اللحظة ترددت مني تفكرت وصيت باها... ولكن فضولها تعرف شنو لفي الورقة مخلها دخلها شك وقتلها الوسواس لبست لتام والحيك بالكحل وخرجو... عاودت ليها زينة الحيلة وشنو فراسها ومشو كيتسلتو باش ميشوفهم شي واحد من القبيلة غير وصلو دخلت زينة تبعتها زين الورد لقو وحد الرجل كبييير فالعمر فحد البيت شاد ركنة وقدامو عرام ديال الكتوب ومن شكلهم باين عليهم قدام بزاف حط وحد اللوحة وكيكتب عليها بالحبر كحل شاف فهم ونطق

الشارف: اش حب الخطار اضياف الله زينة: جينا طالبين العون اسيدي الشارف: كلسو وهضرو شنو هد العون زينة: بغيناك تفسر لينا وحد البراء الى جات على خاطرك سلت ورقة الشجرة ومدتها لزينة لعطتها ليه اما زين الورد فغير ساكتة وكطلب تخرج العقيبة على خير غير شد الشارف الورقة وبدأ كيقرأ فيها وشافت تعابير وجهو تغيرو هنا عرفت كاين شي حاجة مرة يشوف فيها مرة يشوف فجهة زينة ..نطق

الشارف: شكون فيكم عود الورد؟

زين الورد: ءءء انا انا سيدي زينة: ياك مكائن باس اسيدي شنو فالبراء... الشارف:(كيشوف فيها شوفات ممفسرينش) ليل عكضخ بحروف نار سميتك وعلى عرشي عليتك برحت الورد زينتك وبعودو شريتك وبسالفك حررتك زينة: ولكن اسيدي شنو المقصود من هد الكلام الشارف: ع ك ض خ هذي لنشرح لكم .لبغيت منك اعود الورد نهار لعاصفة وضباح الخيل متخرجي مدرجي تبعي وصتي باش تأمني على راسك زين الورد: كفاش اسيدي شرح ليا يالله زدت فضولي زينة: اه اسيدي وضح كلامك شارف: كلامي باين واضح نت تبعي الوصية وعليك الامان جمعة الوقفة نضو سلمو ليه على يدو عطاتو شي براكة وخرجو طريق كاملة وهي مرفوعة... زين الورد: الله ياربي مهناني مخلاني غير زاد فتخمامي زينة: زين الورد شوفي اجي معايا لدار بلا متبقي بحدك زين الورد: لالا اختي يجي با وميلقاني فدار وانا وخا هكاك متيقت ديك الهضرة ديال داك الشارف زينة: انا بعد خلعني ياختي وتيقتو زين الورد: دوزي بخير وسمحي ليا عدبتك معايا زينة: مكاين حتى عداب ياختي صحابات زعمة مشات زينة لدارهم كملت زين الورد طريقها وخايفة وخا ݣلت ليها مخايفة غير باش متشطنها ... وصلت لدار طرقت لباب وكطلب ربي يحفضها من كل شر مشات حنجرت وخا معندها خاطر لماكلة ...من بعد جابت طحنة ديال البور جلست كطحن البشنة وزرعة وتخممها فهد شي لوقع معها نهار ومطال وهي تخمم....من بعد مسلات مشات طوات حويج لصبو يامس ...راسها مشغول بالقيل لقال داك الشارف... وصلت العشية توضات وصلاة فتحت كتاب الله .... كتقرأ وتهجاء محيت مقرياش بزاف محسات حتى ضرب بيا نعاس وداتها عينها... ماجابت الوكدضة حتى سمعت الديوك يقعتو فاقت لقات راسها ناعسة بلاصت باها جمعت الوقفة عند شغلها... شعلت الماء يسخن وتوضات وصلات شوية بشوية بدأت كتحس بالأمان ....

فنهار لاخور جات عندها زينة وختها عويشة مشاو لواد فول الجوامع كيسقو محيت مبقا عندهم لماء ضحكو ولعبو شادين ناب وعمو محيت شحال هذي مغسلو مجموعين هد جماعة ونساتها خلتها تنسى شوية الوقيعة اوا بدأت شمس تغرب هزو كلال ديالهم وراجعين وكيضحكو حتى شافوا الصويحة الكويرحة جاي كتلوك فالطريق.... زينة: زين الورد شوفي صويلحة الكويرحة جاية تاني كتلوك زين الورد: هههه سكتي سكتي دبا تسمعك صويلحة: «ديزة وتنمنم غير بحدها» زينة: صويلحة فين غادية فهد الوقت ملكي تنمنمي غير بحدك هههه صويلحة:«شدات جنابها» وملك شغلك فيا نمشي ولا نجي وزيدون بنات ناس ميديعو فجنب الودان حتى يطيح ظلام زين الورد: اوا حنى إلى ديعين عرفنا علاش باش نسقو وانت فين غادية تلوكي ياك مغادية تقلبي على سلطان الظلام هههههه زينة: هههههه متنسي تسلمي عليه معاك صويلحة: لهلا يحيك ولا يمنيك ياديعات المديعات واعلم الله شنو كنت ديرو حتى لهد الوقت اما انا بنت دار الوقار ماشي بحالك يابنت العطار عويشة: ايوا ايوا قالك ديعين لهلا يحيك ويمنيك ديرا معنى المسلوخة ضحك فالمدبوحة صويلحة:« دازت كضحك» يشوني فيكم زينة:سمعتيها شنو قالت هد النقرة المصدية زين الورد: هههههه خليها تهضر راه ݣلبها فايض من جهتنا عويشة: اوا مسكينة كاويها زهرها المتعوس زينة:مشي مشي لسمعك يقول زهرنا زين زين الورد:اوا انا وصلت لدار دزو بخير وسلمي على خالتي ضاوية زينة:دزي بخير سلمك العزيز

كملو البنات طريقهم اما زين الورد دخلت الدار حطات الماء لجابت ..طيبت متكل من بعد توضات وصلات صلاتها هزات القرآن بقات كتقرى بخشية حتى حسات بالنعاس جرات عليها المانطة وتغطات ... هكا دازت الايام متلات عمرها شافت والو ونسات حتى داك المنام وداك شي لوقع معاها ونسات الخوف قربات الصمانة تكمل بقا يومين ويجي باها من تعطارت خرجات لبيت ديالو لمياتو وجمعاتو مزيان وشمسات الفراصد كملات شغلها ومشات بعدها وجدت لحوايج لباها طيبت ليه الخليع وجدات ليه شي مسقوعات وغطاتهم مشات تجمع الحوائج لمنشورين محيت سمعات الرعد باين اطيح شتاء خرجات كتجمع الحوائج والشتاء خيط من السماء كلها ترطبت يالله اتدخل ووهي تحس بشي خوف ركبها من رجليها دخلت لدار وطرقت لباب كتنفس بالزربة

زين الورد:ويلي عمرت بالماء نمشي وكان نبدل قبل منمرض كتسوس سالفها لبحال لون الليل من الماء ..بدلات عليها كتحس بشي حاجة ماشي هي هديك دخلها الشك والخوف شوية تفكرات كلام الشارف( الى جات شي عاصفة متخرجي مدرجي ) تقبض عليها قلبها شوية سمعت ضبحة الخيل ولات كترعد كتقرا على راسها ودموعها على خدها نازلين... جلست فالركن وتغطات والخوف راكبها من صبعانها الصغار ...

زين الورد:هئ هئ هئ فينك ابا وهيا ميمتي شنو هدشي ياربي حفضني هئ هئ هئ شوية كتشوف شي ضو من تحت لباب البيت زادت تخلعت كثر من كثرة الخلعة سخفات مثلات جابت خبار....

فاقت كتحاول تحل عينها وتقول واش ناعسة عام ماشي ليلة وحدة شافت سقف بان ليها مغير على سقف دارهوم ناضت قافزة من بلاصتها كدور فعينيها

زين الورد:فين انا وشكون جابني هنا واش كنحلم لا وقيلة كنحلم

قرست ايدها وحد القرسة وهنا عرفات بلي هي راها فايقة ماشي فحلم زدت كتبكي وكتغوت ربي لي خلقها خايفة ومرعوبة

زين الورد:هئ هئ هئ هئ شكون هنااا هئ هئ فين انا بسم الله الرحمن الرحيم حنابالله وبالشرع واش كاين هنا شي وحد

وقفت كتجري وسط دوك البيوت المخربين بحال شي كهف قديم كل شي مخلي.... كتجري ومرة مرة تلفت وراها بان ليها وحد ضوء ديال شعاء بعيد كتجري تحاول توصل ليه ...وقفت قدام وحد لباب ديال لحديد كحل... وهو يوقف قدامها واحد طويل وكحل ودير وحد جلدة كحلة على عينه ومنضر ديالو كيخلع لبس كل كحل وعندو عين حمراء غير شافتو غواتات غوتا وحدة متلات عقلات على راسها ... فاقت كتحل فعينيها لمبغاو يتحلو غير تفكرت داك المخلوق وهي تنوض قافزة زين الورد: « كتبكي »لازم نخرج من هنا بشي طريقة ولا غادي نبقى هنا حتى نموت فكري ازين الورد فكري فين مشات شطارتك وتخرج لعينين فكري هئ هى هى

وقفت كتمشي على صباع رجليها بشوية وحاضية جنابها حتى سمعت صوت غليض من وراها كيخلع ....دخول الحمام ماشي بحال خرجو ... دارت لعندو شدها تقفقف... من الخلعة الهضرة مشات ليها من فمها زين الورد:ششش شكوون ن ن.نتا ووو ش بغتي ..ع ع عندي .......انا هو لخلا ليك ورقة الشجر انا هو شراك بعود الورد وخلا زينك فايح بين النجوم والقمر انا هو لبلسانك كتمازحي به وعلى خرافتو كضحي بنات القبيلة زين الورد:سس...سلطان الظلام !! انا غير كنحلم هدشي غير حلمة كحلة ماشي بصاح هئ هئ هى واااهيا ناري شنو درت هئ هئ

بقات كتهرنن تخلعات معرفات واش تيق راسها ولا تكدبو قرب لجهتها ،وقابل وجهو معاها ديك العين الحمراء كتخلع مقدرت حتى تكمل الشوفة فيه نطق سلطان الظلام: لبدها بالجراء يسالها بهواه ،ولنقص من حق الخلق يبكي بلا هواه ودبا من اليوم انت فقصر سلطان الظلام ولدخل ليه مكيخرج منو زين الورد: (طاحت على رجليه كترغب وتزااوك لعلى وعسى يرجعها لدارهم) هاااااا لعار الى مخلني نمشي هئ هئ هئ مدرت لا بديا ولا برجليا قلت عقلي وفهمتي هي لجابتها ليا هئ هئ با ايجي وميلقاني فدار وفوم الناس اتولي الهضرو عليا والعديان ايتشفاو فيا هئ هئ هئ

سلطان الظلام: جمعي الوقفة ابنت المعطي الحكام حكامي والقرار ديالي لانت الامرة ولا ناهية فقصر السلطان جنبي ركنة و هنينا من صداعك خلي نهار يدوز بخير وتزول العاصفة ومن بعد يطبق الحكام

تخطاها مبقا بان ليها الآثار معرفت جن ولا انس ...

،كتدور عينها فهد الخربة لقال عليها قصر والخلعة شادها من صباع رجليها حتال لݣنيت راسها ،اما سنيها ولو يقرقبو بالخلعة والبرد قربت حدا وحد الحيط مكمشة فرجليها وميجي فبالها غير كلام فرن

زين الورد:هئ هئ هئ فرن عند الحق قلبت على النحس وهاني لقيت هئ يابا وفينك اجي تشوف بنتك فين كاينة يابا اجي تشوف بنتك واش صرا فيها يابا وراني مدرت بوصيتك هئ هئ ياربي خرجني من هد العقدة المعقودة ، بقات كتهرنن وتهضر مع راسيها وتأنب فنفسها كنوغير سمعت وصية...حتى سمعت شي وحد نطق. ..... اسكينا نتيا راك صدعتنا مخليتي اهل المكان يرتاحو زين الورد: (تخلعت شهقت حتى كانت اتوحل ليا شهقة بقات كدور فعيها مكاين حد) بسم الله الرحمن الرحيم شكون انت تف تف تف اعوذ بالله من الشيطان الرجيم مسلمين وطالبين تسليم شكون نت ، هئ هئ يارب عاوني ...... لدار راسو فنخال ينبشو دجاج وانت ازين الورد طيحتي بقيمة لعطاك الهم والشان وخلا زين وجهك يفوح فكل مكان زين الورد: باني عليك لأمان وشرحي ليا شنو تقصدي بالكلام ....... لأمان فسدي سلطان الظلام اما بنادم لنوار مافيه أمان وحسن لك تجنبي وتسكتي لتكتري عليك الرزمةوتهتري زين الورد:(تخلعت بقات كتقرأ على راسها شي ايات حفضتهم من القرآن حتى داتها عينها ومبقات جبت خبار .... داز شحال ديال الوقت وهي ناعسة فاش حلات عينيها لقات راسها فحد البيت ماشي لكانت فيه هذا بيت مقاد شي شوية فيه توب بالحمر داير به بقات كتقلب بعينيها فوسط داك البيت ..تلفت وراها وهي تشهق ...

عود الورد: بسم الله الرحمن الرحيم هئ هئ هئ حنا بالله بالشرع شكون نتما الله يارب اشهد شي فاش تحط (كانو جوج رجال واقفين وراها لبسين كحل وعينيهم مغطين وجهم بحال عليهم الحموم ) وقفت غادي تجري تقلب منين تخرج.. حتى وقف قدامها تصمكت بلاصتها صفتو كتخلعها معرفتو انس ولا جن ... ركبيها ولاو كيقفقفو بالخلعة وبالخصوص فاش كيمرمق فيها عينو الحمراء حسات بالبول اينزل معاها من الخوف. نطق بصوت غليض كيخلع.

سلطان الظلام: ياك قلت ليك جنبي ركنة ومتلمي رزمة عليك ابنت العطار ممنوع يطبق لحكام الى مازالت العاصفة وصفات الوقت وهنات الخاطر من جيهتك فالقبيلة زين الورد:هاااالعار الى مخليني نمشي مزاوكة فيك هئ هئ هئ با معندو لا حنين لا رحيم سلطان الظلام: «وجه كلامو لدوك جوج» قيدو ليها رجليها مع ايديها ومن سمع حسها. طحت على رجليها كتغوت وتبكي على زهرها المنحوس لتهرس وسط لفانوس هئ هئ هئ ...

يارب وشنو درت مبيا معليا حتى لقيت راسي فعقدة ملها لاساس ولا راس هئ هئ ياربي انا غير ولية شوف من حلي وحال با لخضو يتسنى فيا هئ هئ هئ

وقفها قربها لوحد تكية وربطو ليها رجليها مع ايديها اما هي فشلت اش عند الميت ميدير قدام غسالو... تضرب فرجليها مع الأرض وتبكي حتى من دموعها نشفو نهار على خوه تبكي... وترغب وتسنى الفرج و والعاصفة تزول والخاطر تصفى كما قال هد الظلام لمانو لا جن ولا انس ،..... من داك نهار للقات راسها فداك البيت واهي فيه ملت من الحيوط لتشوف فيهم ويشوف فيها متعرف ليل من نهار ولا صباح من العشية ....بقات تما حتى جاء وحد النهار تحل الباب ودخل سلطان الظلام غير شافت وقفت على رجليها متمتمت محلت فمها مطلبت رجاء مشكت همها ...سلمت امرها الله العالي لقادر يفكها ،

بقا كيشوف فيها شحال بعينو الحمراء وحدا هي لباينة اما لأخرى عليها غطأ بالكحل سلطان الظلام: العاصفة هدأت والحكام وقت وصلات والخاطر من جهتك فالقبيلة صفات هنا طحت على رجليها كتبكي... وتهرنن «هو قصد بلي توحد فالقبيلة مبقا كيقلب عليها وتقطع الياس والامل فخروجها سلمت امرها الله، مسحت دموعها اول مرة زين الورد كتشجع وتواجه سلطان الظلام لمركب الرعب فكاع القبيلة من الصغير لكبير

زين الورد: على أرض الله واقفة وفقصرك جالسة ولحكامك انا جاهزة هى هئ هى غير طلق صراحي

سفق جوج تصفقات بيديه لأول مرة ترد لهم البال كانو بحال الشب البلدي لشافهم وشاف وجهو ميقولش جني دخلو هدوك رجال للبسين الكحل هزين جوج صينيات مغطين حطوهم فوق وحد ...الطابلة ديال العود وخا قديمة ولكن كتبان زوينة ..وخرجوا ، قرب سلطان الظلام لدوك صينيات زول الغطا عليهم ونطق :

سلطان الظلام: يالله ازين الورد بنت العطار خطاري تفاحة من بين تفاحات وخطاري ورقة من ورق الشجار... وزهرك هو لغادي يقرر مصيرك فالاول ترددت «قلت هذا غير كيضحك عليا عرفني هبيلة ولية داكشي علاش ايديرها بيا » غير نطق بصوت كيخلع مرة أخرى زعزعها وهي تقرب لصينيات بزوجهم وحدا عامرة بالتفاح حمر وحدا عامرة بورق الشجر .... بقات كتشوف فالتفاحات وكتطلب الله... زهرها يكون بحال حجر الواد الحملة لجأت تنقيه وتخليه يبري بحال القمرا فالليل وتخرج من هد جهنم تع الويل هزت تفاحة ، وخدات وحدة من ورقة الشجر حلت عينيها كتشوف فعينو الحمراء لكتخلع سلطان الظلام: كولي التفاح ازين الورد زين الورد: «كنتعجب» واش دبا خطريت تفاح باش ناكلو سلطان الظلام: دري بالكلام وبركا من قلة شي وكثرةالفهامة عضت التفاحة بقات كتكل فيها حتى حست بشي ورقة خرجت دك الورقة لبحال جلد من فمها ...مكتوب عليها حروف مفرقة غير هد المرة فهمتها قراتها حست بحال شي وحد صمرها بطرشة... تخلعت متيقت بلي زهرها مكوز كشعير المخرق .... نزلو دموعها حلات ديك الورقة ديال شجار لعلى وعسى تعطيها شوية الضوء قراتها حتى هي وهنا فشلت بدأت كتبكي عرفت بلي زهر المغلوب مامنو هروب... `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0;

if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }

الجزء 1 | قصة عـود الـورد

التعليقات

1 تعليقات

نموذج الاتصال

تصفح القصص