.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `تبعاتو الدروج فين خرج و وقفات قدامو كتناظرو بحب ... مد يديه لشعرها لي خارج دخلو بصبعو و قال: شهاد الزين؟ وصال: هههه غي المكياج، أسامة: (دوز ظهر يديه على حنكها بلمسة حنينة) انا ديما كنشوفك زوينة، وصال: (تنهدات) تزوجنا، هز يديه قربها منو كتر و قبلها بحنية فكتفها: تزوجنا المهبلاني، وصال: (حطات يديه على كتفو كتمسح ليه على القميجة) دابا ياك ا أسامة مأكد عمرك تضرني و لا تغدرني و ديما معايا؟ أسامة: اليام توريك احبيبة ديالي، وصال: (شافت فعينيه) انا بعدا مأكدة عمرني نخليك، أسامة: عمرنا غنخليو بعضياتنا، حطات راسها على كتفو و تنهدات: الله يخليك ليا، أسامة: اش هادا بحالا طواليتي! وصال: ههههه طالون احبيبي، أسامة: عنداك تجي مرابعة ... (بعدها و شاف فرجليها) مخفتيش على ديك الرجل؟ وصال: وا صافي راه غي مقصحة منها دابا تبرا ... (عقدات فيه حجبانها بالضحك) متنكدهاش عليا عافاك، أسامة: هانا الالة ساكت، وصال: هههه غدا غنبرز بوحدي؟ أسامة: هادشي لي عطى الله ختك محجبة شغانديرو ليها، وصال: هههه مهم غتوصلني لفين غنبرز و سير الله يعرضك السلامة، حرك ليها راسو و ضور يديه على خصرها معنقها بحب ... بدورها عنقاتو ساكتة ... ماحتاجوش للكلمات باش يعبرو على فرحتهم بلم شملهم عناقهم كان كافي باش يخرجو فيه جميع أحاسيسهم ... تسمع صوت موراهم خلاها تقفز من بلاصتها راخية منو: اش كديرو تم! هز عينيه بتتقال فحيدر و قال: مالك فيك الدودة اصاحبي! حيدر: ههههه دخل العشى كيتحط ... (طل براسو على وصال لي حلفات ما تهز راسها) دخل خليني مع مرت خويا، خرجات عينيها فبلاصتها و شدات فيدين أسامة مكنززة عليهم ... هز يديها باسها و قال: رخفي فيك النفس غي غيدوي معاك، عطاها بالظهر و دخل لباب الدار تكى عليه و بقا واقف ... قرب منها حيدر بهدوء و قال: كتخافي مني لهاد الدرجة؟ وصال: (بخفوت) اممم لا مكنخافش، حرك راسو بالايجاب و قال: هزي راسك اختي حسبيني بحال خوك ماعندك علاش تحشمي و لا تخافي لي وقع وقع و معمرتش بالي و ماهازش فخاطري عليك مكنتيش اختي سباب الضر بالعكس حليتي لي عيني، وصال: (هزات فيه راسها حناكها غيطرطقو) والله اخويا ماكنت باغة نجبد الصداع، حرك ليها راسو و قال بهدوء: عارف اختي بقات فيك زهور من شنو عاودو ليك فاهم و عارف ديكشي باش قلت ليك مامعمرش بالي و ما هازش فخاطري، وصال: سمحليا، حيدر: (خبط يديه مع بعض كيضحك) لا حول الله يا رب معدوور أسامة فيك، أسامة: (من مور الحيط) متلقا ما دير جبدني، تجبد طل عليه و قال: اهيا نتا هنا، أسامة: راه مرتي هاديك، حيدر: راه ختي هادي ... (هز فيه حاجب) ياله هضر، أسامة: نوض جمع راسك، حيدر: (شاف فوصال و غمزها) خوك انا و لا لا؟ وصال: خوويااا، أسامة: دخلي اديك الغليضة لبلاصتك حسن ليك، وصال: الغليضة هي بنت عمتك، أسامة: هههههه عليها درتيها بحال الكرة فيديك، وصال: بقاات فيك ... (تمشات لعندو طلات عليه) لا غي قول بقات فيك، أسامة: عليا باليمين تا دخلي تعشاي والله منجاوبك، ميقات فيه و دخلات للدار خلات حيدر مخرج عينيه باستغراب: هناء؟؟ أسامة: هههههه نتفاتها نتييييف يا خويا، حيدر: معاودتييييش ليا اصاحبي، أسامة: هههههه مجابتهاش الفرصة ... (وقت ما يتفكر كيكانت شاداها كيضحك) هههههه امي على بلانات، حيدر: (خبطو على كتفو) دوز تدخل دوز، المجمع تفرق للقاء الغد ... تفرقو على الطوموبيلات كي عادتهم و بوجمعة واقف معاهم مودعهم ... دخلو و كل واحد فين تلاح فالصالون ... باهية: عشية غزالة، منال: (كتفوه) عيييت انا شطحت، حجيبة: ههههه تا وصال برداااات، نجية: هههه مخلاتش من حقها، كريم: الشرفة بغينا نعسو لي عندو شي بلاصة يتخش فيها، هزات زهور عينيها فنهى لي مامشاتش معاهم و تمشات لعندها جلسات حداها و قالت بحنية: مال ختي؟ نهى: (الدموع مجمعين فعينيها) بغيت نخرج نشم الهوا، زهور: مالكي اختي ... (دوزات يديها على شعرها) مالكي؟ نهى: قولي لرقية عافاك تنوض تضرب بينا ضويرة بطوموبيل، حركات ليها زهور راسها و مشات عند رقية قالتها ليها فوذنيها و خبرو زياد و حيدر لي ما مانعوش خصوصا فاش شافو حالتها ... بدلو حالتهم بالزربة و خرجو بالطوموبيل و زياد و حيدر تحركو من موراهم ... وقفو الآخرين قادو البلايص فين ينعسو و كل واحد فين تلاح من فرط التعب و باقي تابعهم غدا و نهار طويل ... غير مصعب لي دخل هو و رميساء لبالكون و سد عليهم الباب ... جلسو ففوطوي تما و قال: عيتي، برخوة هزات يديه حطاتها على كرشها بحركتها المعهودة لي ولفاتها من نهار رجعات ليه ... تبسم و بلمسة حنينة دوز يديه على كرشها و قال: باش كتحسي؟ رميساء: حك ليا، حك بصباعو بالشوية على كرشها خلاها كترخى و كتنفس و تنهد بارتياح ... قرب باسها على راسها و قال: شنو ما مريحكش امم؟ رميساء: والو غي عيانة و صافي احبيبي، مصعب: مأكدة، رميساء: (تقادات فبلاصتها مكمشة فيه) اممم حك ليا شعري، لبا ليها طلبها عن طيب خاطر و جر عليهم الملاية لي جاب فيديه ... خلاها كتكمش فيه و تنهد ... وقفو فبلاصة هادئة غير طوموبيلات لي مباركيين ... تلفتو لنهيلة لي دموعها على خدها كيطيحو شلال ... زهور: (عينيها دمعو) دابا مالك اختي؟ نهى: (بحرقة) انا مكنولدش! عينيهم خرجو فيها بالصدمة و لسانهم تلجم ... ما قدرو يقولو تا حرف و كيشوفو فيها زادت من حدة بكائها ... نهى: اهئ اهئ ديك النهار فاش قلت ليك يمكن حاملة هىءهىء حمل كاذب و ق قالت ليا الطبيبة انا منقدرش نولد هىءهىء، حلات زهور الباب القدام و طلعات عندها للور بالزربة ... تلاحت عليها عنقاتها خلاتها كتبكي بحرقة فصدرها تا بدا تيليفونها كيصوني ... هزاتو زهور و قالت: خويا كيصوني ليك، نهى: (شداتو من عندها التنخصيصة كطلع ليها) ا هىء الو، نوفل: (بغصة) معييتيش من البكا انهى؟ نهى: كنتحرق انوفل هىءهىء قلبي كيتحرق، نوفل: نجي عندك نجي نجيبك معندك مديري تما بعيدة عليا خليتك تمشي تفوجي ماشي تق تلي فراسك، نهى: (حركات راسها) اجي عافاك هىءهىء اجي عندي، نوفل: (بحب) نجي احبيبة ديالي انا انشد الطريق دابا ... (ضحك بخفة) مجابش الله الولاد نتي بنتي و انا ولدك، نهى: (وسط بكائها خرجات ليها ضحكة) ههه ولدي نتا اصلا، نوفل: انا نجي ندي مامي ديالي وجدي راسك، قطعات عليه حطات تيليفون كتكالمي راسها ... بعد المرات كنخرجو من منطقة الراحة ديالنا على اساس نرتاحو فبلاصة اخرى كنلقاو راسنا غي كنزيدو نتدمرو ... هادي حالة نهى كانت كضن انها لا خرجات و بعدات من نوفل اتلقا راحتها لاكن العكس ... زهور: (باستها كتمسح دموعها) متبكيش ولادي هوما ولادك، نهى: هههه انا نسمي آخر ولد تولدي! زهور: ههههه سمييه، فاجاو عليها و خففو عليها و رجعوها للدار ... جمعات حويجاتها و جلسات كتساين نوفل يوصل عندها ... أمام بتي ڤيلا ... مكرية خصوصا لنهارهم هادا ... نزل من الطوموبيل بابتسامة كيقاد حوايجو ... تبعوه عائلتو كلهم لابسين واجدين و مقادين ... تقدم هو الأول سلم على بوجمعة و نادية و خولة و دخل كيضحك جر خولة جنبو كتهضر: شنو شنو لاش جارني؟ أسامة: و الطعام لي مشاركين فين مرتي؟ خولة: ههههه هانت داك البيت لي لفوق راها تم كتوجد راسها ولكن صبر ... (جراتو من دراعو طالعين بجوج) معاها ختي نخرجها و دخل عندها، وصلو قدام لبيت و حلات الباب بابتسامة: ساليتو، تلفتات ليها وصال لي كانت بمكياج سامبل و تكشيطة بيضة و شعرها مطلوق بتاج فوق راسها: كيجيت؟ خولة: فنننة اختييي! وصال: ههههه ايي عليا، خولة: سجود لبسي خمارك و دردبي مع الدروج الراجل بغا يشوف مرتو، سجود: (وقفات كتلبس) امي امي ياك باقي ايدخل لصالون العيالات؟ وصال: ااه غادي يوصلني عاد ايخرج، حركات ليها راسها و لبسات عليها فوق قفطانها و جرات خولة خارجين ... لقاتو متكي على الحيط و عينيه على الباب ... خولة: دخل و متعطلوش، أسانة: سيري الله يرضي عليك، تخطاهم و دخل عندها بابتسامة ... علات فيه عينيها كضحك و قالت: هاااي زوجي، أسامة: تتت تتت تت ... (صفر بذهول) اش هادشي! وصال: (دارت على راسها) جيت غزالة ياك؟ قرب منها شد فيديها ضورها على راسها فرحان بيها: لا لا هادشي بزاف عليا، وصال: هههه تا انا عجبنيي راسي بزاف، أسامة: نسيت مهضرتش معاك البارح ... (غمزها) كيفاش مخديتيش صداقك و ماقلتي والو! وصال: (عضات على شنافتها) ههههه نسيييت ... (هزات يديها قدامو) صداقي، أسامة: شنو كنتي قلتي فالخطوبة حدا الواليدة ... (هز راسو بحالا كيفكر) شيڤرولي؟ وصال: ههه ناري قالتها ليك، حرك راسو بالايجاب و هز يديها باسها و عينيه على الضفار لي مركبة:لاش مركبة هادو؟ وصال: زواق اويلي، أسامة: يسالي هادشي حيديهم عليا، وصال: (ميقات فيه) واخا، أسامة: مهم أنا طالع نعطيك صداقك ... (ضحك و جبد من جيب الكوستيم لداخل سوارت طوموبيل) رزقك احبيبة ديالي، شداتهم من عندو مصدومة فسوارت الطوموبيل و قالت: اويلي، أسامة: (قبلها فجبهتها بحب) فاش قلت ليك نتي آمري و انا نفذ مكنتش كنضحك باغيك تبقاي ديما ضاحكة و فرحانة و مرتاحة، وصال: (عينيها دمعو) لا بزااف، أسامة: تا حاجة ما تغلى عليك، وصال: (بحب) كنبغيك بزاااف والله، أسامة: انا كنم وت عليك ... (شابك يديهم) مشينا احبيبتي، زيرات على يديه بتملك و قالت: مشينا اراجلي، حل الباب خارجين و بخطوات تقال هابطين مع الدروج ... كيشوفو عائلتهم واقفين فآخر الدرج و على أنغام "قومو يا الناس جيبو الزغراتات العروسة جات ايما لالة البنات ... لالة البنات ها هي جات العروسة جات ايما لالة البنات ... الصلاة و السلام عليك ارسول الله ارسول الله و الجاه الى جا سيدنا محمد ... " وصال: ايي كيغني عليا، أسامة: هههه دابا ندخلك لداخل و لا نعطيك لمك، وصال: ادخلني الحرامي و بوسلي راسي عاد سير، أسامة: هههه مرحبااا نبوسوش بلاصة أخرى؟ وصال: قضي بالواجد احبيبي، هزات فيه عينيها كضحك و ضور وجهو عليها حابس الضحكة ... دخلها بهدوء حتى لبلاصتها وقف قدامها قبل ليها راسها و يديها و خرج بالزربة مخليهم كيضحكو عليه ... قربات نجية سلمات على وصال و تبعاتها باهية و نجية و حجيبة جلسو حداها ضايرين بيها و هي غي كضحك و كتسمع للشعبي مطلوق و البنات كيشطحو ... الدراري فبلاصتهم لا يقلو عنهم نشاطا ... واقف زياد طالق يديه كيشطح و قبالتو مصعب كيطبل بيديه و مفروعة فيه الضحكة و قال: نوضوه، مصعب: زيد، تمشاو عند أسامة جروه من يديه و هو كيمتنع ... داروه الوسط و وقف معاهم حيدر كيضحكو عليه ... حل الڤيست ديالو و شدها من الجناب كيضحك و يشطح ... دوزو وقتهم بالضحك و النشاط تا وقف أسامة و قال: وايلي مرتي انا منشطحش معاها، تمشا عند ديدجي طلب منو الميكرو و قال: مرتيي مرتيي تخرج عندي، ضحك و ردو ليه و خرج لكولوار لي فارق بين الصالونات و وقف كيساينها ... مدازش بزاف تا بانت ليه جاية هازة جلايلها و قالت: اححح سلت ليهم، أسامة: (شد فيديها بجوج) نشطح مع مرتي اعباد الله، لي تبعوهم تبعوهوم يتفرجو و هوما كيشطحو مامسوقينش ... عطاتو بالظهر لاسقة فيه كتلوز و هو موراها كيضحك ... "هاد الوليد زوين لا بغيتيه ديه ... أسامة لا بغيتيه ديه ... لا بغيتيه ديه ... اجي و لا بغيتيه ديه ... زيد شوية ... شطح شوية ... هاك شوية ... سيدي أسامة ... لالة وصال فيناهي هاهي ... سيدي أسامة فيناهو ... العظمة ... و الشكولا ..." قربو موراهم داروهوم الوسط و كيضحكو و ضارت شدات فيديه و قالت: اميمتي شنو جاك؟ أسامة: نشطي نشطي خلينا نشطو، وصال: احححح كتعجبني هاد الأغنية.. "نتي ناعسة و انايا سهران ... نتي حاكمة و انايا العبيد ... لالة وصال يا داك الزين اه يا لالة ... الما فالخوابي و انايا عطشان اه يا لالة ... الخبز فالطبيݣة و انايا جيعان ..." ختماتها بضحكة معنقاه من كرشو و هو مضور يديه عليها و قالت: عييت ههههه، أسامة: (باسها فراسها) سيري سالا اللعب شعرك عريان، بعدات منو كضحك شدو فيها البنات رادينها بلاصتها و هو كدلك رجع لبلاصتو كيضحك ... تتتمة الجزء 342 العشا تفرق و تهز ... و أسامة واقف ليهم حسكة فالباب باغي يديها و يمشي ... كريم: دوز تجلس من الشوهة، أسامة: خرجولي مرااااتي، حيدر: اصاحبي عطي الراحة لراسك، أسامة: انا لي داير راسي فيكم ... (غوت بالجهد) وصااال، كريم: من صغرك عكسي، خرجات عندو كتجري تخبات فظهرو و قالت: هضر معاهم مخلاونيش نمشي معاك، أسامة: شكون هادو؟ تبعاتها نادية و نجية دايرين يديهم على نصهم و قالو: طلق البنت باقي الحال، أسامة: (غمز خولة) ڤاليز ديالها اختي، حركات ليه خولة راسها و طلعات كطير هزات ليها ڤاليز الصغيرة لي عندها تما اما تا باقي بقا عندها فالدار ... نجية: طلق البنت باقي الحال، وصال: (بهمس لأسامة) اويلي واش باغينا نباتو معاهم، أسامة: الحنانة سيري بحالك خيلين نتيسر مع مرتي، نادية: (طلات على وصال) دوزي لهنا، وصال: (مخبية فأسامة) عييت بغيت اختي نمشي نرتاح، كريم: خليوهم يمشيو، وصال: ياك غدا غتشوفوني واا صافي خليوني اختي نمشي بحالي راني عييت، أسامة: (بتعب) عيااان والله خليونا نتيسرو غدا انجيو عندكم، شافو تا شافو و خلاوهم براحتهم ... سلمات عليهم بالزربة و طلعات حداه كدير الصمطة: انا اوطيل؟ أسامة: معقلتش السمية كاين تحت البرج، حركات ليه راسها و شد الطريق تا دخل الاوطيل حل ليها الباب وهبطات لايحة على راسها شال و هو مخنزر معاجبو حال على شعرها لي باقي مطلوق ... جبد ڤاليز ديالها و قبل متحرك جرها من يديها و قال: دخلي شعرك تحت القفطان، شافت فعينيه و بلا ما تزايد معاه فالهضرة جمعات شعرها و شدات فدراعو ... قاد أمورو و طلعو بجوج الغرفة لي كانت مزينة و مقادة ... تبسمات و قالت: زوين، أسامة: دخلي توضاي و اجي عندي، حركات ليه راسها و جرات ڤاليز ديالها دخلات الحمام كتشوف فراسها فالمراية و قالت: صافي وصلتي للصح وا فكيها دابا، هزات التاج حيداتو و رخفات الشدة لي كانو دايرين فراسها و هزات ديماكيون كتحيد ديكشي من وجهها حلات التكشيطة حيداتها طواتها و هزات شوميز دونوي بيضة ... حيدات كولشي و لبساتها مع سترينغ ديالها ... توضات و لبسات عبايتها الصلاة و خرجات عندو لقاتو ساهي فالأرض و قالت: أسامة، هز فيها راسو ووقف لعندها قبلها فراسها و دخل الحمام توضى و خرج عندها: نصليو، حركات ليه راسها ووقفات موراه قام الصلاة بخشوع و هز يديه بالدعاء و ضار لعندها ... جمع صلاية ديالو و ديالها و قال: مغتحيديش ديك العباية، وقفات كتحيد الشال و طلقات شعرها و قالت: ههههه الا شديتيني حيدها نتا، غي قالتها عطات رجليها للريح كتهرب ليه و هو تابعها تا جرها من شعرها لصق صدرو مع ظهرها و قال: شدييتك، تنفسها بدا كيطلع فور ما حسات بتنفسو كيضرب فعنقها ويديه كطلع ليها العباية ... بغات تهرب منو تا حسات بيه زاد زير على شعرها لي بين يديه و تأوهات بصوت خافت: ااه أسامة شعري، أسامة: شششش منسمعش حسك، بسرعة حيد ليها العباية و هزها لاحها فوق الناموسية كيتمنضر فيها ... تا تفرعات فيها الضحكة و قالت: ما قلتش ليك! أسامة: (كيحيد تيشيرت ديالو باش بدل) اممم، وصال: كانت عندي بيكالة فصغري، تهزات كضحك تحت منو فاش شافتو مخنزر فيها ... و مدات يديها شداتو مور عنقو جراتو لعندها مقبلة شفايفو: كنبغيك الزمر، تنهد بحب و زير على خصرها بيديه و قال: اجي نشوفو البيكالة لي كانت عندك كي دايرة، تهزات كضحك مرة أخرى خلاتو كيتجنن عليها و طاح على شفايفها كيقبلهم و يديه كيتلمسو فيها .... متكية على الباياص و الطبية كدوز لاباراي على كرشها و مصعب شاد فيديها و عينيه كيلمعو بحب ... زير على يديها فور ما سمع دقات قلب فلذة كبدو و هبط عينيه لرمسياء ليوكضحك ... شافت فيهم الطبيبة و قالت: تبغيو تعرفو شنو عندكم؟ رميساء: ااه ههه اه بغيت، الطبيبة: (بحب) بنيتة ان شاء الله، رميساء: (عينيها عمرو بالدموع و بصوت حنين قالت) حور، تحنى مصعب لعندها قبل راسها و قال: بنتنا، ضحكات بحب و عينيها نزلو منهم الدموع ... خلاتها الطبيبة كتمسح كرشها و مصعب معاونها هبط ليها حوايجها و خرجو لعندها عطات ليها دوا لي غتشرب و نصحاتها و خلاتهم خرجو تيسرو بحالهم ... ركبات فطوموبيل فرحانة و قالت: اححح اتولي عندي بنيتة، مصعب: الله يفك وحايلك على خير الݣلب الدار ياك؟ رميساء: لا ديني عند وصال، مصعب: قنطات عاود، رميساء: بزااف مفهمتش لاش مبعدها علينا حنا فالمحمدية و هي فكازا، مصعب: هو لي عارف علاش، رميساء: صافي فاش تكون راجع دوز مورايا، حرك ليها راسو و حبس قدام الدار سلمات عليه و هبطات شادة فكريشتها لي انتفاخها و لا واضح 4 شهور و كملاتها ... دقات فالباب تا حلات ليها عاقدة 11 فجبهتها ... سلمات عليها و قالت: دخلي رتاحي، رميساء: مالكي عاقداهم عاود، وصال: مصدقاتش ليا كيكة تفشات ولات كي فشلوق جدة، تهزات رميساء كضحك و قالت: ماشي مشكل تكال، وصال: تتت خليها تا ندير بيها براونيز غادي نعاود وحدة اخرى، رميساء: (شافت فساعتها) رقية شوية تلقايها جات، وصال: تجي انا راني غنتا حر ليه فهاد الدار، رميساء: علاش مبغيتي تدخلي لا لقراية لا والو مفهمتش؟ وصال: ولفت اختي الدار خصني غا الوناسة، رميساء: (تݣعدات من بلاصتها كضحك) اجي نشوفو هاد كيكة، وصال: والا مصدقتش عاود، رميساء: (عنقاتها بالجنب) نقلبوها حرشة، دخلو للكوزينة موانسين رونو كيكة بالضحك و اللعب دخلوها الفران تا تسمع صونيت على برا ... خرجات وصال حلات الباب تا خرجات فرقية و زهور ... سلمات عليهم بحب و قالت: توحشتكم، رقية: تا انا اححح كاينة الماكلة فيا الجوع، زهور: (كتشمشم) ريحة كيكة، وصال: هي لي كطيب، خرجات عندهم رميساء جلسات حداهم و قالت: تجمعتو و عرفتو شنو عندي؟ زهور: بنت، رميساء: هههه قالها ليك، زهور: ههههه انا اللولة سقت الخبار، رقية: واااا الجوع ابنات الحرام فيا الجوع، زهور: الوعد الكحل صبري ياه، دخلات وصال الكوزينة عمرات اتاي فيضات الحليب مرة مرة تشركهم الهضرة تا حطات كلشي فوق الطبلة و جلسات حداهم كتكب لكل وحدة اش بغات تا نطقات زهور و قالت: نقول ليكم واحد الحاجة، وصال: اتي ما عندك، زهور: شهر ما جاتني لي غيݣل، حطات رميساء الكاس من يديها وقالت: حاملة؟ زهور: والله ما عرفت بالله، وصال: ما بعيدة غي تازة شري تيست و جربي الصباح، زهور: ما بغيتش نقولها ليه، وصال: اصبري، وقفات دخلات لبيتها جبدات ليها جوج تيست ومداتهم ليها و قالت: ها هوما، رقية: نتي منين جاوك؟ وصال: هههه كنت غنتخور نسيت مشربت پيلول فسيمانة اللولة و شريتهم نجرب تا لقيت فيا لي غيݣل و بقاو، رميساء: و علاش تخوري؟ وصال: نحمل من شهري اللول هبيلة نتي لا، رقية: (كتاكل) و انا هاداك لي كينغز فيا باش نقطع الكينة، وصال: ختي قلبو عليا هاد الموضوع هههه ياه، رميساء: انا بغيت نسافر، وصال: تا انا، زهور: تا انا، رقية: بغيت نجح، ميقو فيها و قلبو الضحك عليها تا صونا الباب و وقفات وصال حلات و قالت: معندكش السوارت، جرها باسها فحنكها: كنبغي نوضك، دخل و تبعو زياد سلمات عليه و حيدر و مصعب عاد سدات الباب موراهم و مشات جلسات حدا أسامة كتمخشش فيه كيف عادتها ... كيغبر النهار كامل و كتوحشو ... وصال: توحشتك، أسامة: تا انا حبيبة ديالي، وصال: قنطت والله، أسامة: اممم عارف ... (شد كاس من عند حيدر) قيدتك تدوزي الپيرمي، وصال: (هزات فيه عينيها بحب) الله يخليك ليا، أسامة: متنقصيش لينا من دوك العاماين؟ وصال: هههه لاءح، ضار كيضحك و هز كياكل ... و قبالتهم كان زياد كيسول رقية على نهارها كي داز و شنو دارت فيه و هي طالقة عليه فشوشها ... و زهور غي دخل حيدر جلس حداها و هي كتبعد عليه مخلياه عاقدهم فيها مكره ... عكس مصعب و رميساء حطو الراس على الراس ... جماعتهم ديما عند واحد فيهم من سيمانة لسيمانة ... معمرين على بعضياتهم و عاطيين وقت لبعضياتهم ... علاقتهم كتقوى نهار على نهار و تعلقهم ببعض كيزيد نهار على نهار ... صداقة و حب و أخوة ... كتجمعهم كاملين مع بعض ... ارتباطهم قوي و مكيرشاش ... بعد اربع سنوات ... صوت ضحكات الأطفال الصغار و صراخهم ... الموسيقى مطلوقة خفيفة و صوت التطبال خفيف ... جالسين فجليسة عائلية و الحناية شادة لزهور يديداتها كتنقش ليها و يديها التانية محطوطة على كرشها لي مقنبلة قدامها فشهرها الأخير ... جنبها حيدر كياكل من فاكية و كيسمع لمو كتغني و قال: هاديك الا باهية، باهية: نفرح بوليداتي ... (جرات ليديها طفل صغير شعرو أسود و عينيه سود شبيه لحيدر فعمر 4 سنوات) اجي الكبدة المعاودة اجي اليزيد ديالي، اليزيد: ميمة ايكون عدي خويا، باهية: ايااه الحبيب خوك ان شاء الله، وصال: ها واحد السلام و عليكم، نجية: الله تعطلتو ابنتي، هبطات عنقاتها و مدات ليها ولدها دحمان لي فعمر سنتين و قالت: ولدك اخالتي لي تعطل، أسامة: نتي متلقاي ما ديري قولي ولدك، قرب لمو لي كتبوس دحمان و هو كيتجبد يهبط من عندها: ا دحمان اولدي، دحمان: ماماه ماماه، أسامة: كيعرف غي مو هاد الولد، وصال: (تلاحت على السداري بعياء) هز ولدك انا ظهري تقوص، هزو من عند مو و هو كيتجبد لعندها البكية شداتها تا طلقو فالأرض كيتمشا على رجليه و جا لعندها كيجري كيتجبد فيها ... هبطات ليه عينيها و قالت: شوف فجداك شوف فجدك شوف فعمامك شوف فخوالاتك شوف فولاد عمامك عطيني التيساع، كيمد ليها يديه و يتعصر و هي كتشوف فيه حرام واش بغات تهزو ... هبطات لعندو كتفهمو بيديها و قالت: شوف شوف عمو حيدر سير عندو، دحمان: نو ماماه، جات حور كتجري الطفلة الصغيرة كبيرة الحفايد نسمة المنزل ... وقفات على دحمان و بحب قالت: اجي اجي معايا نلعبو، شاف فيها دحمان و قال: لبو، حركات ليه راسها و جراتو معاها كضحك معاه خلاو وصال تلاحت بعياء وقالت: الولاد قالك ... (شافت فزهور) نتي شدي الفران ما فيا ما يسمع الهضرة لا نتي لا ديك العزية، على ذكرها دخلات هازة بنتها بين يديها مسمياها دعاء فعمر 3 سنوات وولدها فيد زياد مسمياه عثمان فعنر سنتين بيناتهم عام ... حطات بنتها فالأرض و قالت: جبدتيني اديك الباطوزة، وصال: البلا شدي الفران، رقية: هههه انا سديت المحل، تسالمو معاهم و جلسات حداها تا حطات عليها الراس و قالت: فين دحمان؟ وصال: مع حور كيلعبو افففف اختي بغيت غي نفهمك كي كديري مع القراية و الولاد، رقية: جات عندي ماما الزين راه خليناها فالدار مع بابا قالك يخرجو، وصال: ظهري ضرني انا، رقية: نتي ولدك غي لاصق فيك، وصال: اختي كنقيل غي انا وياه، نجية: وصال ابنتي ديري حنينة؟ وصال: الا مولداتش لينا لالة زهور نحنيو معاها، زهور: (كتغمض عينيها و تحلهم) ديكشي لي بان لي، حيدر: كيفاش؟ زهور: شادني ااااا الوجااااع، قالتها و ديكشي لي وقع شدها الوجع و هزوها طايرين بيها للكلينيك ... تبعاتهم رميساء و رقية و باهية و مصعب و زياد و حجيبة بقات وصال و أسامة و نجية و كريم و الدراري الصغار فالدار ... هزات وصال عينيها فأسامة و قالت: مالك كتشوف فيا هكك؟ أسامة: منزيدوش شي واحد، كريم: بعد من البنت مكتشوفهاش كي ولات، وصال: تا يكبر ولدي، أسامة: نتافقو من دابا على شحال؟ وصال: يكمل ولدي 7 سنين و نشوف، حرك ليها راسو و جلسو كيهضرو و التيليفون مع هادوك لي طارو لكلينيك ... شادة فيدين حيدر و كتغوت و تعصر ... حركات راسها بلا و قالت: عييت عييت عيييت، حيدر: ششششت ما بقا والو ياله الشهلة ديالي، زهور: حيداااااااار، على اتر غوتها تسمعت صرخة البيبي لي شداتو الطبيبة بين يديها و حطاتو ليها على صدرها و قالت: ماشاء الله ما شاء الله، زهور: هىء هىء ولدي، هز حيدر يديه دوزهم على وجه البيبي و قال: ولدنا، تحنا باسو على جبهتو و باسها تا هي و عينيها فعينيه قالت: هىء بابا و خويا و راجلي عوضي الجميل ... (سرطات ريقها) كنبغيك، حيدر: (حك جبهتو على جبهتها) كنبغييك ابنتي و مرتي و صاحبتي و ختي كنبغيك شهلة العياني، احبته بقلب طفلة تهوى الدلال ... و أحبها بقلب أب حنون يخشى دمعات طفلته ... He fell first but she fell harder ... و توتة توتة خلصت الحدوتة♥️🥺 __________________________ بدأت ب 05/08/2023 انتهت ب 26/02/2024 ♥️الـــــــنـــــهـــــايـــــــة♥️`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
♥️♥️
ردحذفمافهمتش علاش مكتكملوهمش😔
ردحذف