مشات دخلات لمحال جبداات لخلاص ديال سيماانة ل مهدي وزادت عليهم شوي
مهدي(باس لفلوس)الله اخلف علييك
اقبال: رق كتاافك هدااك ...واحد نص ساعة بلحسااب وسد لمحااال عنداك تنسا لبولة شااعلة بحال السبت لي فاات حيد لبيريزات
مهديى:كوني هاانية
توجهات لطموبيلتها حلات بالساروت عاد ركبوو وهيا ساايكةة لاحت لكاسكيط اللور وقدات شعرهاا ...غادين شادين لهدرة فطرييق توصلوو لبلاصة خاوية فيها طريق ديال تعليم السيااقة واقف رااجل قدام طموبييل من نوع كونكوو خمسة لبيباان فلكحل ومتوبة اللور فورقة للبيع
سلموو عليه واقبال كتشوف فالطموبييل ومعاها جاابر كيسد فلباب ويحل دار ايديه ورااه كيضرب فرواايض
اقبال:لكيلوميتراج شحال !
**ضاربا 11.000 موديل 2014 فيها 6 الخيوول
جابر(حط ايدو على لباب ليي كيدفع نيشان كوليس )هاد لباب بحال الى معكس شوياا
**شويااا اه شوياا
اقبال:واكلة لعصاا شويا الحااج
** لاااا ابدااا مكنفوتش بيها لمديينة عمرها خلاتني اونباان ...راه غير انا شوية ولاو عيني مزاكلااات مرة مخرجهاا فطروطوار مرة مخرجها فحيط غير بووحديي مقاايسني حد
اقبال(ضحكاات )لا باااينة الصرااحة لبارشوك واكل لعصاا الحاج وفيييها الاصلاحاات نييت هي نقص التمن
حلات لكاابو كتشووف فلموطوور نقيي والزيت حتى هوا نقي وجابر كيحل ويسد فلبيباان والراجل تابعوو ...غير بشووية اتهرسوو ...راه دوريجين عمرو مبدل
شدات لكونطاك ديماراات كتسمع لموطوور وكتحرك ف لبواط فيتااس والراجل كيطل حاضي معااها
جابر:دير معانا تمن مزياان
**12 لمليوون
جاابر:وطناش نشريها جديدة ابااا الحااج نقص شووية
اقبال: عشرة ونص اخر تمن مناسبك هوا هدااك مامنااسبك الله اعااون الطموبييل خاصهاا بزااف حتى لبيبان مكنجرين تعاود فصبااغة 12 مكاين لي يعطيها لييك
**راه كتجريي فطريق
اقبال:اش بغيتيها دير تنقز ههه تبت معانا الحااج 10 وهي نتقاسمو فيها صبر وصاافي
جابر:الى مسلكاك تنين نتكااتبوو
بقا الراجل سااكت مساخيش بطنوبيلتو. وكيدوور بيهاا ويطل عليهاا وقال: 10 ونص و الله اسخر اسيدي(تسالم معاا جابر )
جابر:نجربهاا
ركب ضرب بيها دويرة فالسااحة ورجع عجباتووو خفيفة ونقية من لدااخل خاصها هي شي غسلة ترجع كتبريي عطاوه لعربوون ومشااو
جابر:كيجاتك همزة ههه
اقبال:نقية ومزياانة مضارياش طريق بزااف لموطور باقيي نقيي
جابر:داكشي لي قلت ليك هادي مزيااانة بعدا نديباني بيها بينمااا تنفست شوية مع لمحاال وناخد لجديد
اقبال:ان شاء الله
##
دخلات حياة ادرااجها محملة بلميكات لقات صوت التلفازة مجهد
حياة:السلااام
الغالية: راه غداك خليتو ليك
حياة:لمرقة تاني خليتها ليكم
دخلات لبييت لقات هيبة مغطية راسها بايزاار وغيتة ناعسة فبلاصت اقبال لايحة كل رجل فقنت وشعرهاا دايرة ليه كرينات وضافرااهم سمعات تخرشيش وفااقت كتشوف فحياة كتحط فلميكات
غيتة(كتااوب)شكون هدا لي شفرتي تاني (نزلات على ركابيهاا وجرات صاشيات كتجبد وتحط )ناااري مشيتي ل شارلي تانيي ههه وااعر هدشي
حياة(عطاتها بضهر كتمسح ماكيااجهاا قدام لمراية)شوفي سبااط بيض تماا
جبداتوو لاخيرة كتبان بحال شي بريهيشة بدوك لكريناات وشورط وتيشورت لبسات سبااط جاهاا قياسها رجليهاا صغار 36
غيتة:جانييي وااحر يااك (هزات رجليهاا)رجلي امزيناتهم خاصهم هي شي خلخال تاع دهب
حياة(شافت فهيبة)كيبقات
غيتة:نعسااات ملي خرجتيي
حياة:جمعي جمعيي هدشي وطويه ليااا نمشي ندوش عراقيت يخخ وريحت لحوت بحال الى انا لي مطيباه
غيتة(هزات ديباردو وشوورط فلغوز بستاان رطب تحلو عينيها بلقلووبة )وتعطينيي هداااا عفااااك عندك بزاااف
حياة:حطييي الصوبيصة داكشيي كبير علييك حطي
غينة(ساطت )ففف حشومة عليك كاع هدشي بغيتي تديه معااك
حياة(هزات فوطتها ومشات لدووش عمراات سطل من الروبيني بلما سخوون ودارت عليه لماا باارد دارت فيه باندووش بالنعنااع وخواتو عليهاا بلا متقيس شعرهااا وخرجاات من بعد مجفاات الدوش لي جنبو طواليط رومية فلقنت ولفابوو فوقو مراياا وحداها شيتات تسنان خمسة او غسول للوجه غسلات وجهاا منهاا وخرجات مبردة بريحت النعنااع ...
تلاقات مع اقبال فبلب الداار داخلة كتحيد فالتيشوورت وتنش بييه
اقبال:لموت تصهد مطلووق الشووفوو!
حياة:عاد دوشت باقي مطلووق
اقبال:كوليي ل غيتة تجيب لياا لبينواار ملي نعيط ليهااا وتسخن ليا لباقي ميتكاال
دخلات اقبال لدووش حيدات ملاابسها وحلات شعرهاا لي واصل لمنتصف ضهرهاا لونو قهوي فاتح بدات كتعمر فسطل وتخوي عليهاا دوزات الصاابون وغسلات شعرهاا طلات عليها غيتة عطاتهاا لبينوار وفوطة لشعرهاا جمعات تهيا الدوش وخرجاات لبييت
اقبال؛سخنتي لياا لغداا
غيتة:سخنتو
اقبال:سيري حطيه فالصالة هاني جااية
غيتة:اععع
لبسات الاخيرة حواييجهاا عباارة عن سروال بتوب رطب لارج وتيشوورت ديالو لاصق ديال الداار لبسات عباايتهاا وصلاات ضهر ولعصر لي تجمعو عليهاا عاد وقفاات حيدات لعباية ومشات جيهت هيبة حيدات عليهاا لغطاا على راسها لقاتها دايرة لكييت او وجها حمر حطات ايدهاا على حنكها لقاتها سخوونة
اقبال:هيبة ... هيبة
هيبة:مممم
اقبال:مرييضة ماالك
حياة:شوف اش دار لسها داك خيناا ملي جات وهيا تبكيي
اقبال(دورات ليها وجها عندها وفعلا لقااتو منفووخ بكترت لبكاا ولعيني مورميين كمشات عينيهاا )نووضي تكعدي اش وقع !
هيبة:والو غير تخااصمناا وصافي
حياة(عيباتها )والووو غير تخاصمناا وصاافي.....وتي نووضييي مسحي كماارتك وباركة من حب لمرااهقة مشاااا لحب مع زمااانوو الالة ....قتلي فعينيك على لخاانز محال واش فايق ليك من نعاي ...انا بعدا غطرطقي لياا مرارتيي تفوو على منونخة اقبال:سكتيي شوية نفهمو هي اش وااقع
هيبة:مواقع والو ا اقبال غير تنااقشناا وطرشتوو ومرضااش (مسحات عينيهاا) وسبنيي وبقا فيا لحااا ل
حياة: علاش طرشتييه !!
اقبال(تنهدات وكلسات حداها )نوضي اهيبة غسلي حالتك الى مشا الله اعاونووو واش غتفنا الدنيااا لااا....بااااك لي ولدنااا ومعقلش علينا ايعقل عليك هدااا...توصل فيه فين توصل ميسبكش كون هوا راااجل ...ونوضي تغداي معااياا
وقفات كتمسح فنيفها لي طاب لمسييح وخرجات من لبييت
حياة(حطات ايدها فلسانها ودارتها فلحيط)نحاف لييك بالله تداك ولد لق** هي كيضحك عليهاا حلقي نشف معاهاا
كالسة اقبال كطرطق فصبعاانها وقالت؛نتي مطفرااه !! غتبقاي فهاد طيران ديالك حتى تجيبيها فقااعك وهانا هانتيي ....تخيلي يحكيها فييك شي حد على هاد لفعاايل واش مقازعاش بخدمتك
حياة:منيتك تلاتين الف هيا ليي بغات تكفااني !! ...او زايدون صاافي مبقا ليا معاكم قدما فاات لكونطرا السيمانة جاية غتجيني وندير ليككم تشاو تشاو من طيارة ههه
اقبال:عطيتيه لفلووس!!!
حياة:وعطانيي فوطوكوبي تاع لكارط احتياط وصاافي
اقبال(ضحكات بفقصة) عاطياه ستا تلمليون وعاطيك فوطوكوبي تلكاارط ...دعي الله ...دعي الله احيااة حيت راك شريتي لحوت فلماا معرفتيه يخرج معرفتيه لاا (وقفات)الله اهديك
مشات لصالة شادة تيليفونها فايدهاا لقات غيتة حاطة ليها طبسيل تاع لمرقة بدجاج والزيتون وبطاطة وشبيكة تاع الديسير ولخبز كلسات هيبة فلقنت لاخر ككيتغدااو فسكات وحدة مهموومة وكتاكل هي بزز والتاانية هاديك طبيعتهاا
الغالية: انخرج نتمشا شوي عييت بالداار ...حياة عندك شي سلفينيي
حياة:لااش
الغالية:القرعة لي ديارة مع مرت الخضاار ولعيالات خاصاني غير الفين ريال
حياة:وخة ...
تغداو لبنااات ولعشية وصاات متكين فالصالة و غيتة مع واحد صاحبتهاا لابسة سروال دجيين محكوك شوية فلزرق لاصق عليهاا وتيشوورت قصير نص كووم وشعرهاا مضفورور وكل كرن طايح على قنت ولكيصيصة فجنااب لكيت فونها ودايرة التيليفون فجييب غادية وكتعووج
غيتة:عندك شي عكر !!
**عندي حمر ايجيك وااعر مع فمك عاامر
غيتة: اراايه
شداتو من عندها مع مرااية وحكراات فمهاا وطلعات شفرانهاا بلماسكاراا ودوزات خط فوقق عينيهاا ايلاينر ولات كاتباان الكيااتة مع الانوتة
غادين فشارع كياخدو سيلفياات ولفيدوات بسناب والانسطاكراام سطاتوياات وتلووح فلانسطاا
غيتة:حنان فيا جوووع
حنان:نمشيو عند خاالد ناخدو شي طاكووس
غيتة:عندي غي 30 درهم
حنان:متخميييش يعطيه لينا فاابوور ههه
غيتة:بنت لحراام ههه عرفتي معامن تصااحبيي انا نيت مساخياش بهاد لفليسات تابعني لعرس وبغيين نقااد حجبانيي
حنان:هكا عراض جاوك فنين والله متقيصيهمش اتندميي
غيتة:مالي اختيي نمشي لعرس كي لغولة !و نبدلو شوية وخة مغيخليونيش فدار مشغلييش كلشي فليسي كتقاد حجبانها وخة كندير لماكيااج كيباقاو شي زغيبات خارجين على سطر كيفقصووني
دخلوو لسناك صغيير قداموو جوج طبيلات صافيي كلسات غيتة فلكرسيي وحنان مشات كتهدر وضحك مع مول سناك مع هزات عينيهاا هزاتهاا ف جابر قدامهاا معارفات فين تخبيي رااسهاا كلسات فبلاصتهاا ودارت ايدها على فمهاا ...قشعهاا وجاي جيهتهاا وقال:اش كديري هناا
غيتة(كتلف)والو جيت مع صااحبتيي
جابر(هز عينو فصاحبتهاا وجبد من جيبو كلينيكس لاحو ليها على وجهاا)مسحي داك لخراا لي مزوقة بيه وجهك
غيتة:مدايرة والووو ...صافي دابا نمسح
جابر:درووك قدامي
حيدات ايدهاا مفقووسة وبدات كتمسح فمها وهواا مقاابلهاا وقال:ضاربة تعكيرة تاع الشيخاات بسلاامتك ...شافتك اقبال
بدات كدور فعيينيهاا وكتمسح تخلات داك كلينيكس حمر حطاتو بزعفة فوق الطبلة وهزوو وقال:متلووحيش لوسخ فوق الطبلة الحماارة ...نوضي لدااركم
غيتة:هننن بغيت نااكول طاااكوس عفاااك مكنخرج فيين قنط...عنداك تقولها لاقباال عفاك اخوياا
جابر:تخافي متحشميي بااااز ...
خلاهاا وزااد قطع طرييق وكلس فلقهووة لي مقابلة معا سنااك وشد قهيوتو مع صحاابو وعينيه مرة مرة كتمشي ليها يوفها اش كتصنع
غيتة:حنان هزي طاكوسك ويالله نرجعو لداار
حنان:ويلي علااش
غيتة:جابر كالس فلقهوة لي حداناا والله ويوقف علينا شي وااحد تيخلطنااا معااه لخراا مكيعرفش يتفااهم نوضي بعضامنا صحاح
##
ف دار مجموعين على زريعة لي جابت حيااة وفيلم تركيي اما. اقباال عينيها حمريين بلعياا ونعاس ...هيبة كتاكل حبة وتنهد عشرة شادة تيليفون فايدها داخلة لكومط ديالو جايبة دورة شرفية وتخرج تلقاه مكونيكطيي وتمشي لواتسااب تلقاه كااين ....
حياة..هادي شخصية بدوون قلب مكتحب حد مكتفكر حد قلبها فيه غير لخارج لا غيير وتعييش قايدة على رااسهااا
صونا تيليفون اقبال فوق الطبلة وشافت فيه حياة وضحكان وقالت:نسيبي لعزيز كيصوني
اقبال(هزات تيليي وساطت)ففف
حياة:وتي جاوبيي السيد
هيبة:اهاه هيا تجاوبو وملي نبغي نهدر مع عمران تنوضي لياا
حياة:حيت نتي لي تااابعااه ماشي هوا لي تااابعك احبيي (غمزاتها)ياك فهمتي
اقبال جاوباتو وقالت:وي اميين(حكات عينيها)
امين:صافاا ...جيت عندك لمحال مع ستاا لقيت مهدي كيسد
اقبال:ممم سديت جيت لظار عيت شويةة
امين: ااا حمم اقبال غدا نتي مخدمااش قلت علا منديروش شي كافي اونصومبل شبان لييك
اقبال(حكات جبهتهاا)غدااا!! لا لا هيي خليها لوقت اخوور عندي منقضيي
امين؛وايليي ساعتيني معندكش خااوية
بعدات التيليفون من ودنهاا ورجعاتوو تاني لقاتو كيردد الوو الوو
اقبال:ويي وي امين معااك
امين:شوفي خليناا نديروو كاافيي بجوج مافيهاا والو تعرفي عليا كتر ونعرف عليك شوية ....مغنبزز عليك والو وربي شاهد كافي عادية ونرجعوو
اقبال:وخة باش مكان غنجااوبك داباا واخة
امين:ؤك كنتسنااك
قطعات عليييه لقات لبنات كيتسماوها تدويي
حياة:ترفضيي نخرااا عليييك...بغيتي تبقااي مع الغالية ضفروو الشيب ...ياك خداامة بطموبيلتك باغة تشري. دارك هدشي كلشي ملح ويني ضروري لحلوة ويلي
هيبة:اختي لكنتي مرتاحة لييه مافيها والوو ...كيبان ولد النااس مالنا حنا مامنحقناش نتنااسبو مع المهندس بااشاا
حياة(شافت فهيبة)ديلمك رااه دارهم خاانزييين فلووس ...خوك لكبير كوميسير قدي الدنياا وباه كان كونون.كولوونيل الخرا مكبغيش تسكم ليا لمهيم هااديك وختهم مزوجة بوااااااحد لبوكوص خدام فلقنصلية فربااط احححح تيتيز اخوتي كضل ناشرة تصاورهم هاهوما فرنساا كنداا المانياا يختييي النااس لي عاايشيين بحالنا حناا نفيقوو على شكاوي تاع لغاليية ونعسوو على تهرنين هاد لحمارة
هيبة:بزاف عليك
حياة:ياك اببنتيي وعينيك منفوخين برواح الله امسخ مك ...شوفي واحد لمتل كيقولو واحد لعالم مشهوووور قاليييك ابب ح** الدنياا قبل متح**
هيبة:هداك راه لهالم لكلباني تاع عقلك
حياة:لمهيم لمتل صحيح هوا باش غاديا انااا ابب
اقبال:زعمة هي لي بغا يتشااور معااك
حياة:سيري ابب ديري يدك فيدوو بري مباقي دكريي شي خدمة ههه ودي معاك تالبرهووشة تاع غييتة لا لا هاديك خليها على حسابي نجيب ليها شي كاوريي يزرق لمها لعينين كي تاضل تحلم بيهم
تقلبات اقباال وتسرحات على طليق في مشاورة مع راسها مهلية لبنلت مشاادين حداها شي كيشرق شي ميغرب لتااجأت لمول لعقل وعطاتوو لي كايين معطلهاش فلبلااصة جاوب
جابر:هوا ولد نقيي تيبان بعقلوو كلسو فببلااصة فيها الناس شوفي عقليتو كيدايرة ورجعي فحالك متمشي لا هك لا هك ساعة بلحسااب ورجعي لخربتكم
اقبال:كولشي منك لاش جايبو نهار اللول
جابر:ياعلى هضرة وازمر واش اتبقااي بووحدك اصاحبي راه كون مدرتك ختي حق رب لخليتك لكحل الرااس
جابر:راه مغيجركش بزز لعدول ...اهيا جاات غيتة
اقبال: لا مزال تلاقيتي معاها
جابر:قبييلة شفتها خارجة من الدار وصافي صوني ليها ترجع الليل هداا وديك حنان لباقيش تراافك معاهاا
اقبال: غنشوف معاها مكتسمعش لهدرة
سالات معاه في حين وصلها ميساج من امين فيه :الووغ شنو درناا
اقبال:وااخة غدا ان شاء الله نتلقااو ولكن مغنتعطلش باش تكون فبالك ..
امين:ميهمش ...غدا ندوز نديك !!
اقبال:لاا ميحتاجش قوليا فين نتلقاو وغنجيي عندك
امين:داكوغ كتعرفي كافي ***
اقبال(كمشات عينيها وضارت عند حياة سولاتهاا )عرفتيهاا
حياة:هاديك احسن قهوة فمكنااس اعشيرتي عرفتهاا
هيبة:معلوم تعرفهاا ههه
حياة:نتي بعداا كتعرفي هي سناكاات ههه
اقبال(كتبات)صافي غدا ان شاء الله
امين:ؤكي بونوي ♥️
حياة(طلات)هانا يلالة على لقلوبة هههه اجياتا هاد مكم فين زادت
هيبة:اتكون فجردة مع لعيالات
اقبال؛تنين طبيب
هيبة:لعاار اختي ديهاا رااه غنتكرفصو فالطاكسياات
اقبال:متفعو ما ضروو
صونات ل غييتة وجاوباتهااا :فينك
غيتة:مع حنان قجردة !!
اقبال:رجعي لداار كاينة شي جردة فنص الليل
غيتة(بدات كتتغبن)اقياال عفااك مكنخرجش
اقبال:هضرت معاااك خرجي بنهاار واش حابساااك الليل كلسي فداركم قلتي غاديا لدارهم ماشي لزنقة ....رجعي ولا غنجي
غيتة:صااافي هنا جاااية
اقبال وقفاات وتمشات لكوزينة قشرات تفااحة كلاتها كتفكر فهاد لموضووع ديال امين تدخلات الغالية لابسة جلابة ودايرة شال على رااسهاا كتعرج شوية
اقبال مايلة على لبوطاجي كتقشر فتفاحة بلا متشووف جيهتها زقالت: باقة كضرك ؟
الغالية:محناااتنييي
اقبال(تقدات وتخطاتهاا) تنين نرجعك لطبيب يشوف اش كااين ورخفي عليهاا من لوقووف
الغالية:ان شاء الله ....تعشاو
اقبال:لاا هي بالصحة
دخلات لبييت صلات ونعساات في انتضار يوم اجمل
لخمسة لعشية من اليوم المواالي صلات لعصر كيف عادتها وباقة مترددة من هاد لخطوة لي عمرها تجرأت عليهاا ...
حلات لماريو ديالهاا كتحك فشعرهاا معرفات اش تلبس من طبعهاا ديما متواضعة فحوايجهاا
جبدات سروال جينز كريي جاي على طايتها قصير شوية من لتحت لبسات معه شوميز بيضة طويلة من لقداام وقصيرة من القدام كتفات بساعتها الجلدية رقيقة باينة ف معصمها رقيق زوينة وراقية لبسات سبيبيط بلا بيض مواتي طول رجليها نفخاات شعرها من لقدام وشداتهم بفيليلات صغار وجمعات ما تبقا كحكة فلفيلليلات ولخلفة ضايرة على وجها طويل شوي ...مدارت ختى حاجى خرى من النوع ليي مكتهزش الصيكان كيفما كان نوعهم دارت تيليفونها فجيب ولبزطام اتحطو فالطموبييل كانت كتقااد فلعقاد تاع لميجة تبعدات هاربة من الريحة لي رشات عليها حيااة
اقبال:حيااااة
حياة:واش غاديا لعزووو رشي الريحة ويلي
بعدات من حداها وهزات لكونطاكت غاديا خارجة لقات هيبة واقفة فباب لكوزينة متكية عليه ومربعة ايدها وضحكات:هاي هاي على بيلووو تمجهدتي تانيي كون هيي طلقتي شعرك ايجيك واعر
حياة:اويليي اقبال
اقبال:شنووو
حياة:واش تسطيتي غاديا بنيفك معاااك حطييه
هيبة:ههههه بااز نتي نيفك مگرج تقول راابزينو بمعلقة
اقبال:واش نيفي لاصق فيك وبااز
حياة(ضحكات)وهي قلت هههه جاني سابقك قلت متقل عليك
اقبال(ضحكات)حمارة هادي
حياة:واسيري وكلسي عليه بتفلسييف ديالك تاتهربي لينا نسييب هههه
ركات راسها بلا حول وهبطاات ادراجهاا هزات طموبيلتهاا وزادت فطريقها وقفاات وحلات زاج وضحكات:عاس علياا ولاا ههه
جابر:بايت هي نتقداا شي لعيبات ...غاديااا (كمش عينو فيهاا)اش دايرة لوجهك
اقبال(مسحات وجهاا)والووو !!
جابر:سااعة بلحسااب انصووني ليك تكركبي لداركم معنديش لبنات لي يتعطل. فزنقة
اقبال:ياااك المرضية
جابر:ايييه المرضية
اقبال(بضحكة)شكون قالها ليك مسخووطة اخوياا تالقاع
جابر:ههههه الله اوديي ...تلاحيي تالعشية ..متعطليش
اشارت ليه براسها بواخة. وكملات طريقهاا ف اتجاه لقهوة ...وقفات بسيارتها السودااء بالقرب من القهوة ونزلات كتسرح فالسروال....خطوة جديدة معارفاتهاش كيفاش اتكوون دخلات شادة سوارت فايدها ونضاضرهاا فايدهاا كتقلب على اميين بعينيها...طلعات لطيراس فين داير معاهاا لقاتوو كالس فجنب بشوميز زرقة حال ليها صداايف وسروال كحل وساعة فضية فايدوو كيتسما فيهاا تشاافهاا جااية رتابكات من عينيه وقف ورج لكرسي اللور شوية وتبسم داير نضاضر على عينيه
امين(مد ايدوو بضحيكة وقال)نهار كبيير هداا
بدلاتو تبسيمة ومدات ايدهاا:الله اكبر بييك
جرات لكرسيي وكلسات قبالتوو اما هوا عاجبااه بجهد باينة فضحكة لي مبغاتش تجمع
اقبال(قدات لكرسي وشافت فيه )اتبقا داير نضاضر
امين(تدارك الامر كيضحك وزولهم وقال) ههه نسييت باغدوون ...احمم اااا شنوو تشربيي
اقبال: اا قهوة
امين:ؤكيي (شار لسربااي وعطاه طلبية جوج قهااوي ومشاا ورجع شااف فاقبال ) اوىى اقباال...فرحت ليي قبلتيي تعطيني فرصة
اقبال(تبسماات وحكات على حنكهاا)لوقت ولخدمة ...راك عارف
امين:بصح لخدمة كتشغل ...ولكن مافيها باس يكون وقيت لييك خااص
سكتو لبضع تواانيي تجاات لقهوة لي طلبوو وضعات فيها السكر كتحرك وحتى هوااا
امين:عارفااني علاش عيط لييك اقبال....هادي ست شهور باش كنعرفك ...شفت فيك لبنت لي بااغي نكمل معاها
اقبال(رتاشفات من قهوتهاا متبعة مع هدرتو )ف ست شخور شفتي هدشيي
امين:جاتك قليلة!! انا جاتني طويلة
اقبال(شافت فكاسها وهزات راسها فيه بهدووء وقال :امييين نتا شفتي هي جانب الخدمة فقط معارف ولو جزء بسيط فحيااتي ...فمتاخدش الامور هكاا....امين انا واحد لبمت ليي ملقيتش معلقة تاع دهب فميي وبا ومي ضايريين بيااا يقدر يجيك هدشي عادي ولكن اناا مع لوقت ولات عندي مسؤوليية لي رااجل ميقدش عليهاا...عندي ربعة لخوتات وام مبقاتش كتقدر دير والو برجلهاا ومتقدرش تبقا بووحدهاا حيت ميمكنش ليها تبقا واقفة كتر من سااعة !!
امين:هدشيي عااديي ...اقبال...انا قادر نعيشك ملكة فداارك متحتاجيش حتى تخدميي شوفيي انا كنفكر لحيااة زويينة شوفيها من منضوور واحد اخوور كاين لي يهز عليك لحمل نتي هي وافقيي ..(بمزاح)شكون بحالك هههه
اقيال(بنفس النبرة)مبحالي حد
امين؛هههه اناا واحد الرتتجل ضحووكي وباقي مرااتي تكون نشايطية بحاالي نساافروو حتى برات لبلااد فكول كوونجيي وهدشي باغيه معااك ...شفت فيك لمعثوول داخلة سووق رااسك شخال من حااجة شفتها فيك عجباتني
اقبال:جيتييني ا امين واخد لامور بزربة !! حنى عاد فتحنا مجال نتعاارفو نتا بغيتي السفر ههه ...اميين ...انا انساانة مكنفكرش فلرتبااط خصوصا داباا ...
امين:معنديش مشكييل ا اقباال نديرو خطووبة بيناتنااا ...او نخليك حتى تقتاتعي شنو قلتي
اقبال: زربتي علياا
امين؛بااغيك ا اقباال شنوو نتسنا تيجي شي واحد يطير بيك ؟ وداكشي لي حلمت بيه يديه واحد اخور
اقبال:شنو حلمتيي بسلامة !!
امين: تكوني مرااتي نولدوو وليداات وعلاش لاا نستااقرو برا لبلااد نضمنو مستقبل وليداتنات فجو زويين ناخدو شي داار جنب لبحر ...ندخل من لخدمة عياان وتلقااي لياا وتقوليا ليي كيدااز نهارك ارااجلي لعزيز ...ونجاوبك حتى انااا ونقوليك نهاريي كيدوز زويين بييك امراتي زوينة
بقات كتشووفييه وهوا كيحلم ويخطط فمستقبل لي لمفروض بجوج بيهم يخططو لييه ....لا هوا خطط وبلاناا لمشروع جوج تناس بدون استشاارة قالت بعد سكات :ولكن نسيتي واحد لحاجة
امين؛شنو هياا!!
اقبال:خدمتي...شفتك لغيتيها من تخطيط ديالك
امين:واحد موفر ليه كلشيي يجي تالعندوو فنضرك ايفكر لخدمة ...انا باغيك ترتااحي ...ملي نكونو انا وياك معنديش مشكيل تبقاي خدامة مي اينفوا يوليو وليداات تحبسي من لخدمة ولعيب ولعار غير لمكنتش راجل قااد بيك وبولادك
تكات على لكرسيوحاطة ايد فوق الطبلة كتلعب بكاسهاا وكتمعن فهضرتوو والاحلام المبعترة لي كيلوحها عليها...قاطع تفكيرها بسؤالوو وقال:شنوو درنا داباا !!
اقبال:نفكر....نفكر ونرد علييك احسن منسبقووش الاموور ونخليوها كيفما هياا ا اميين ....
امين:نتي هي قبليي وميخصك تاخيير معاياا
اقبتل:يكون خير
يالله بغات تشرب من كاسهاا صونا تيليفوونهاا وجبداتوو وجاوباات
اقبال:شوية ونجي
جابر:تزلعي لدااركم داباا
قطعات معاه وقالت:خاصني نمشيي
امين:ماشي بزااف باش كلستيي
وققات كتهز فنضاضرهاا وقالت:لاا تعطلت هدا هوا لوقت
امين:واخة (حك لخلاص على الطبلة ونزل مرافقها تالبراا )نتمنا متكونش اخر خريجة
اقبال:ان شاء الله كل حاجة بوقتها زوينة
سلمات عليه بايدها وتوجهات لطموبيلتهاا ديمارات وهوا واقف داير ايظيه فجيبوو كيشوف فيهاا حتى بعداات...خدات طريق ترجع صونا ليها تيليفونها جبداتوو من جديد وقالت:تاا مالك
جابر:فينك
اقبال:راني ساايكة قطع تنوصل
وصلات جنب الداار لقاات جاابر فراس الدرب كان يكيهدر فالتيليفوون وقطع توجه عندهاا
جابر:هااه
اقبال:مكاين لهاااه لهااه ...ختك شرات دار جنب لبحر او فرخت واحد جوج وليدات لا لا قال تلاتاا يمكن لمهيم راني حاملة داباا غدا جيب زرورة
جابر(ضحك)واش ضرباتك شمش ولا مالك هههه
اقبال:صاحبك لي ضااربااه شمش ولا هزاه تبووريشة منعرف ...السيد لقيتو مخطط لحيااتنااا او نعاماس دوزنا شهل لعسل فبراا وشرينا دار جنب لبحر ...اشوا كيخربق عليياا
جابر:ههههه وايلي
اقبال:موايلي والووو...ملي كلست وهوا انااا اناا اناا دارنا عائلتيي لفلووس براا لفيلاا لولااد؟؟....جاني متسرع بزااف ومعندووش شي حاجة فدماغة سميتهاا بجوج باغي يكلشي يمشي كيفما مخطط ليه وداكشي لي باغة انا لهلا يقلب بيييه ...مزال مدرنا فالطاجين ميتحرق والسيد كيفكر باش نكلس ورا منولد !!
جابر: جاني عااادي ا اقبال سيد متحمس لا غيرر ...راك نتي لي دمااغك فييه لعجيينة
اقبال:فيه لمسمن ...كنقوليك السيد مسولنييش حتى بالضحك شنوو بااغة شنوو شرووطك شنو ؟؟ ملي كلسناا فطبلة وهواا اش بغييت وبغيت وبغييت . ..نتا عارفني كيدايرةة...عندي نيشااان كترت زيكزاك معنديش معاها وبنادم لي فيه دغل كنبعد منوو ونبيينا عليه السلام
جابر:ا شانقوليك نتيي تعرفيي لي ينااسبك ...هوا تيبان ولد نقييي كابر فلخيير ولفشوش تفكيرو غيكون مختاالف على تفكيرنا حنا ولاد الشعب هههه...المهيم خليها فيد الله
اقبال:داكشي...قلتي غتمشي ليوم
جابر:الاااا ناخد بعدا الطموبيل نتكاتبو غداا ونقدر نمشي بليل....السبت لعرس هاه عندك تنسااي
اقبال:ايكون خير ...نطلع اناا الله اعاونك
جابر:الله اعاون
طلعات ادرااجهاا لدار لقاتهم خاطين اتااي وكيكة او طبسيل تاع لمسمن ...غسلات ايدهااا وبدلات حوايجهاا ب بيجامة بيتية خفيفة فلغوز ودخلات عندهم هزات طريف من لمسمن داقتو وقالت:مم هيبة الكأبة كتبرديها فلمسمن
حياة:هههه ديما خاصنها تبقا ممتئبة
اقبال(هزات عينيها فيهاا وكلسات جنب هيبة)الله انجييها
غيتة:اوىىىى كيداازت لخرجة
الغالية:امتااا غيجيي
اقبال:علاش بغيتيه يجي ؟؟ مجانيش فيه
كبو ليها اتااي وحياة خبطات فخضها زقالت:ناري غنسبهااا نااري
هيبة:من امتا كتشاوري باش تسبيي
حياة:واش راجل بكامونوو يفرطو فيه النااس
اقبال:انا مكنشوفش فجيبوو احيااة ...انا باغة رااجل لي نتشااركو الحيااة ماشي نتشاارك معاه حياتو هوا
الغالية:تبقاي فتشراط تاتبقاي وحدك
اقبال(شافا فيهاا بطنز) يكما متقلة علييك الغالية ...غاا سمحي ليناا
هيبة: هوا باينا فييه كيبغييك ا اقبال والله
اقبال:(هزات صبعهاا) توحدة فيكم مكتفكر بعقلها لش كتشوف لفلوس هوا كلشي ولي كتشووف الحب هوا كلشي
قاطعاتها غيتة كتشرب فاتااي وقالت فمها عامر:اختيي يكون زويين وعندو لفلوس وخة يكون عقلو فيه تا خرية نطيح معاه فلواد
حياة(ضرااباتهاا تاتكفح عليها اتااي)نوضي تقوديي من حدايا قبل منلوحك على خنشوشك ...مسحتي تا سليبك من لخراا
اقبال: انا كنفكر واش هاد السيد غنكمل معااه واش باغيني كيفما انااا واش واش ...
الغالي:هي ميكونش قماار بحال بااكم ويكون كيفما بغاا
حياة:داباا بلااتيي (بطنز)نتيي كتشوفي لعقل هوا كلشي وهانتي بسم الله ما شاء الله نتي وجابر كتاافهموو يختشييي
هيبة:هههههه وغير حداااك اختشييي
غيتة:اويييييليي على تزوج بجاابر خااايب وخة بحال خوياا ويني لمعقزل ختي خاصها شي بوكوص بحالهاا صراحطاا
حياة:فراسك اش تيقولو على دكاالة هههه
العالية(ضحكات)عندو قد لكباالة
هيبة:تشبعي كباال مع رااسك
طرطقاات حيااة بالضحك هيا وغيتة وهيبة واقبال حاضة ايدها على وجهاا كتشوفيهم بمعنى منيتكم
اقبال:مكتعرفوش تفرقو بين الضحك ولمعقوول ؟...جابر دارر معايا لي ميديروش خوياا واقف معايا لحد الان وكون كانت اتكون بيناتنا شي حاجة كان شحاااال هادي كاانت (خنزرات فغيتة)هداك راه فبلاصت خووك البرهوشة لي كتقولي عليه خاايب بقات فالزيين ولبيووضة ؟
غيتة(بدات كدور فعينيها وقال)كنبفي مشولكم وكنساا علاش شاديا بيضة وحابر سمر بزاف
اقبال:شابه لباه لمرحووم او حتى شاديا راه مبيضااش راه سمرا شوية غير فرق هياا ديما فضل وهوا كيتكرمل عادي فين لمشكيل
قلبو لموضوع ولكن مبعدوش بزااف بقاو فنطااق لهدرة تنقزات غيتة وقالت:بيلووو بغيت نكري قفطاان لعرس
حياة:واحد صاحبتي كتكرييهم خلي تنمشيو عندهاا من بعد
هيبة:انا غنلبس هي قفطااني ...اصلا مراشقاش ليا نمشيي
حياة(ميقات)نوضي الالة نوضي شربي ليك دوا لفار ولا شنقي راسك من ضوااياا (عيباتهت)مراشقاش لياا تفوو على بشر
اقبال:غدا اتبداي فلبوتيك
هيبة(بتدمر)قرينا تحفيناا ونخدمو فبوتيك تفوو
اقبال:اش غندير ليك ا هيبة دخلت لييك فسطاجاات تعييت كدوزي شهر ومتعجبكش وتجي تشكاي علياا اصلا مكناس صغيير ...حتى داباا ديبانيي بهاد لخدمة توكان نشوفو ليك شي لعبة
حياة:نتي هي ديباني بيهاا نمشي لتما غير ندير ورااقيي نطلعك وراياا تخمييش احوباي غير نساي لياا داك لكفاات
اقبال:حياااااة
حياة:والله مكدبت نبصم عليهاا (شافت فهيبة كتحرك بفمها بمعنى عقت بييك وبتصاور نص الليل )
الغالية:انا وصلوني غير عند خديجة شحال مشفتها وسيرو تاترجعو لياا مقادة على طريق
اقبال:ضبري لرااسك ...غدا فيقي بكري نديك لطبيب يالله توصلك نوبتك
بقاو مجمعييين مرة يضحكو مرة ينوضوها دبااز غير على لماعن شكون يغسلهم وعلى لحوايج فين صندالتي مال سروالي مقيووس شكون لبسو هادو حال لخوتات فالدار كي لفار ولمش وغير يغبرو على ببعضياتهم تبقا بلاصتهم كبييرة ويتوحشو بعضهم ...
فسطح المشترك بين السفلي ولفووقي لي فيه اقبال كالسة تحت الضو داير علييه فرططوو بيض وشنيولة كل مرة قارصاها شدا الرواية جديدة لي عاد خداات *
* مستمتعة بلجو السااكن بلماا تفكر فاي حااجة طافية تيليفونها وموسيقة هاادئة من تيليفونها لي محطوط على فخضهاا
*
لا تنسـوا أن " لعبة الزمن" لعبة أقوى منـا, لعبة مميتة هي, لا يمكن أن نواجهها إلا بأن نعيش الموت السابق لموتنا.. لِإماتتنا : أن نرقص على حبال المخاطرة نُشداناً للحيـاة
*مقتبس *
**
يووم الاتنين دايا كيوصل وكيبدا تاني الروتين وجري عليا نجريي عليك كانت هاد الايام اخر اياام العطلة الصيفية
فاقو من في البيت من غير غيييتة الطفلة المدللة عندهم متهز كاس متحط معلقة حاضية هي تصاور وسنابشاات وحتى لبغات تعااون تغسل ميعنات ولا تجفف لمرااح وبنفااخة مكتنوض حتى كيحماض بولهاا تخليهم تيخرجو ودخل لحوايج حياة وهيبة تبقاا تلبس وتصور ولميكاااب ولات كتفنن وتسرعو كتر من حياة لي دومين ديالهاا...
كل وحدة فييهم فاقت ولبسات عليهاا واقبال كانت وااجدا وكالسة فالطموبيل كتسخن فيهاا تهبطات هيبة مادا ايدها لغالية لي شداها كتعرج حلات ليها لباب لقدام ركباات وهيبة بانااقتها وروايح واخة لخاطر مهانيش لابسة شروال دجين غاامق سلييم وقصير مع صبادري كروونة هابطة او تيشورت نص كم كروونة مكتوب لوسط بلكحل وهازة صاكهاا فلكحل ....
هيبة:بهيد لبوتيك شوية !
اقبال: شوية ...ولكن الطوبيس كيدوز من حداه
هيبة:اففف وخة نجي على رجليي
اقبال(حركات راسها بلا حول شادة طريقها)اوى خدمي ودوزي لبيرمي ولعسب ولعار غير لمعطيتكش الطموبيل
هيبة:ان شاء الله
وقفاات اقبال فشارع وسط لمدينة كانت ارقى بلااصة فيها محلات تجاارية كبار تاع لحوايج نزلات هيبة كتشوف فلبوتيكات ولحوايج باعجااب تدخلات لبوتيك كانو فيه جوج اطبااق واحد نساائي ولفووق رجالي مجهز باضوواء خافتة فسقف وففطويات فجنب ومراياات فينما دزتيي مشات لبلاصت لاكيس شادة على صااكها سولات على مولات لمحلل ماشي بزاف تسمعات صوت الطالوون فدروج الخشبية سيدة كلاس وانيقة
**(الحوار بلفرنسية) بونجوووغ...جو بونص تي سوغ اقبال !!
هيبة:وي سي مواا مداام
(مدات ليها ايدها سلمات عليها بابتساامة ولحوار كلو كان بلفرنسية )بوون انا مكنكونش فلماكازين كل مرة مي كاينة صفااء (شيراتها لبنت لي فلاكيص )او هيتم لفووق ...الى معرفتيش شي حاجة من بعد تعرفيها ...الوغ لاكيس مغتشديهاش داباا حتى دوزي شهر بعدا ونجربووك ...صفااء وريها شنوو ديرر سيلتوبلي ما شيغي
صفاء(داكوغ مدام
وراتها شنو الدير فقط لحوايج ليي خسروهم لكليان تعاود تطوييهم وتعاون لكلياان ففالختاار الخ ...
فنفسها مرااضياش على هاد لخدمة ولكن معندها مديرر حتى لين اتبقاا تطلب لمسوورف من ختهاا
صفاء:او هدشيي اديره تا لفووق مع هيتم داكووغ كلشي واضح ...من بعد نورييك لبخاتيك او لاكيس اكستيغاا
هينة:ؤك شنو ندير داباا
صفااء:اا طلعي لفووق خاصك نرتبو السلعة جدييدة وعفاااك ردي لباال مداام يازيدي كتبغيي الانضباط وكل حاجة تكون فبلاصتهاا
سمعات ليها وحطات صاكهاا فلمجر لاحت جنب لاكيس وتيليفونها دارتو فجيب اللور يالله بغات طلع وقفاتهاا صقاء وقال:بوون تيشورت لي تلبسيي (تبسمات لسها)
شداتو من عندها وشداتو كان فلحل وفيه اسم لبوتييك فجنب بلحمر صغير مشات لبلاصت تبدال شماتوو لقاتوؤؤو نقيي حيدات تيسورت ديالها وبقات بسوتيان جامع صدرها المتوسط ولبساتوو جاهاا فوق السمطة تاع السروال نيشاان ..فورمتهاا زوييينة صدر فلقيااس ومؤخرة بارة شوية لا كرش لا فخااض ...خرجات ومشات لصاكها طوات التيشورت وصفاء كطلع وتهبط فيهاا...
طلعات الاخيرة لفوق لثات شااب عاطيها بضهر كيرتب التيشورتات وسبرديلات فبلايصهم وقالت :بونجوووغ
تلف وهبط راسو ورجع تلف كيتأكد وضار كامل بضحيييكة: هييييبة !! ههه
هيبة(ضحكات )هيتم هه
مشات عندوو تسالموو بلابييز وبقات شادة فدرااعوو وقالت:اش كدير المسخووط هناا
هيتم:هههه قلت ميداار الصيف هداا نعمرو وقتنااا ونتيي(شاف تيشورت لي بحالو تقريبا لابس)خدمتي هنااا
هيبة:اوى شنو نبقاو كالسيين نتسنااو فلخدمة تجي عندناا
هيتم:ويييه عندك الصح .. هادي مدة مشفتك ..من للعام اللول فلافااك
هيبة(هزات تيشورت من لي محطوين كديرهم فلعلاقة وكتهدر :مسلكاتنيش لفااك شديت دوݣ وخرجت درت لكونطاا السعاتيي مزاال مكتاب فشي خدمة ...شركة لي دوزت فيها سطاج نساليه وتقول سير تنعيطو لييك ومزاال ...ونتاا شنو درتي
هيتم:نو انا مزااال هاد لعام عندي الماستر ان شاء الله
هيبة:ان شاء الله الله اكمل عليييك ...فين نعلق هاد تيشوورت
هيتم:ورااك تمااا لزرق مع لزرق او لغوج حتى هوا بووحدوو ....اوى فرصة سعييدة هادي ههه
هيبة:فرصة ستيدة كون تلاقيناا فشي شركة
هيتم:هههه داباا ان شاء الله هي صبر
**
فغرفة الانتضاار كالسة الغالية ومسرحة رجل لي ضاراها كتحاول تماصيهاا باش تحيد الالم لي كيشدها بجلابة سودااء او شاال بييج دايراه بعشوائية على شعرهاا او باين شوية من القدام باين فسه الشييي ...الكبر مدا منها هي جهد اما الزيين لمشا كيبقاو حر فوو باقين عندها نفس العينين لجدابيين خضرين مكحلااهم وجها بيض وبعض لكميشات جنب عينيهاا لا غير ....
اما اقبال كانت مكروازية رجلها على لكونطزار كتلعب بسواارت كتهدرر مع لبنت تماا وكتسنا نوبتهمم ...بلباس كجوال كي عاادتهاا سروال او سبرديلة كحليين ولابسة تيشوورت خزي لارج شوية نص كم ساامبل وشعرها جامعااه حيت الصهد لوجه نقي مفيه ايي مستحضر تجميليي حجبانهاا مزالهم على حاالهم وشفرانها على طبيعتهم شفايف وردية مدا منهاا لعكر اي برييق ....
دقائق قليلة وصلات نوبتهم توجهات عند الغالية مدات ليهاا ايدهاا وتابطاتها لاخيرة ونااضت معاها ..حلات ليخا لباب وخلاتها تدخلات عاد دخلات موروها بابتساامة سلمات على طبيب وكلسوو مقابلين معااخ
دك: الغالية كي بقات رجلك ششوياا!!
الغالية:وااالو والوو لحرييق بليل وبنهاار غير نوقف علييهاا نبدا نغوت
دك:الله اهديك راك يالله مهرسة منها للمرة التااانية فنضرك باش غتحسيي...وحتى لوزن ديالك راه مامساعدش
اقبال:دوينا معاها تعيينااا
دك:وخة اجي بعدا نشووفوو ليك رجلك وندااكروو
دخلها لغرفة الفحص وبقات اقبال شادة تيليفونها كل مرة يصوني ليها واحد من لكلياان حدت لمحاال وتجاوبوو ببشوية ونجي...بقات كتربت برجلها لدقاائق حتى خرجات الغالية ومعاها طبيب وققها على لميزاان عاد مشات كلسات
دك(هاز الصورة تاع الراديو لركبوها وكيشرح ل اقبال)لما لي تيكون وسط الركبة ولي يكييمنع داك الاحتكاك بين لعضم ولعضم نقص ليييك...داكشي لاش كيعطيك صدااع الى تمشيتي فوق لقيااس ....تهريسة غادية كتبرااا...ديجا ثلت ليك عندك هشاشة لعضاام وخاصك تردي لباال ...ولكن نتييي فرطي شووية
اقبال:وشنو لمعمول ؟
دك:خاصها تنقص من لبوااا ضروريس حيت تثل كامل كيطيح على ركابيي ...فطول عندك 1.70ولكن فلبوا 111 يعني قربتي لضوبل تاع طولك وهدشي ايسبب ليك ضغط كتير على الركب ...خاصك تبعي ريجييم حااد ...ممنوع السكرياات ...نقصي من لملحة قد ما قدرتيي لحم كدالك نقصيييه حيت على مكنضن كتنهجي بزااف اتكون عندك الشحمة ولاقدر الله فلكبدة ودور على لقلب ...كتلعبي بصحتك الغالية
اقبال(تنهدات )دابا لتبعات هاد الرسجيم اتولي بخيير
دك:ان شااء الله ...دير ليا هاد التحاليل ضروري باش نعرف شنو عندهاا بالضبط واش نااقصهاا باش نعطيها رسجيم مزيان ...فاطرة الغالية
الغالية:لا ولدي مزال
دك:واخة ديريهم لياا دابااا يااك ويخرجو وجيبيهمم...ردي لبال لصحتك الغالية راه هيا كلشيي
الغالية:اوى لي بغاها الله مرحبا بييهاا
كتب ليها دوا من مسكناات وجيل تدهن بيه رجلهاا ...خلصاات اقبال وخرجوو داتها دارت التحاليل وراجعين فطرييق ساكتين تنطقات اقبال عينيها فطرييق وقالت:رديي لباال لصحتك شوية
الغالية:مم خايفة عليااا
اقبال(شافت فيها وضاارت ) لوجه الله ....الغالية لمرا ليي دات انصاف شنو سميتهاا
الغالية(دورات وجها لجنب)راه قلت ليك شحال من مرة مبقيتش عرفتهم فيين كاينين وتالمرا لي جابتهم تحولاات
اقباال:كاين شي واحد كيعطي ولادو بلااا ميعرف فين يحطهم ...(بهدوء)ننيي قلبك حجرة وكتقولي ليا مالك قاااسحة !! شاابهااك ...فرحيي شابهاك فشي حااجة باش منبقاش نسمع كل مرة منك كتشبهي لبااك
الغالية(تنهداات )الله اهديك ابنتي داكشي راه فات وماات انصااف نهار تكبر راه غتجي تقلب علييكم ...رانيي مقلدا لمراا بليي توريها خوتاتهاا
اقبال(ضحكات)هههه تيقتيها ياااك ....باز اختي باااز ...(تنهدات بديق)بيناتنا الله ...نزليي نزلي
كانت تحت الدار كلاكصونات تهبطات غيتة عاوناتها وعطاتها دواهاا وكملات اقبال طريقها ماشي لخدمتها وانماا لحومتهاا لقدييمة .
دكريات تراكماات على عينيهاا فوق موقفات فالشاارع مقابلة مع الزنقة لمحات طيفها وهيا تاابعة ختهاا كتجريي ..وهيا طاايحة فلارض وكتغوت لمحاات باها هز حوايجو وزااد...ولمحات شهييد ملي ضرب فكتفهاا ومشات...هزات عينيها فداار لي كانو فيهاا تهدمات وتعاودات تبنات ب بني صحيح وتصلحاات ودار شهيد تبدلو شراجم من لعود لزااج وتصلحاات وتبنا سطح نازلين منها دراري كيجرييو ...كامت سولات وعرفاتهم رحلو منهاا وكراوهاا ..بقات مغمضة عينيهاا كتدكر الاحداات ...حلات عينيها وديمارات طموبيلتها وضارت مشات لزنقة وحدة خراا نزلات ومشات دقات فباب حدييدي احمر قدييم دثات متتالية تخرج ليها راجل وقال:ابنتي الله اهديك رانييي معارف واالوو على هاد لمرا لي كتسول
اقبال:نتا لي كريتي من عندهااا كيفاش متعرفش
** كريت ولكن رااه عشر سنين هادي متعاملت معاها الدار تبااعت لواحد اخر
خرجات مرا من جيهة لخرا وقالت:واش كتسولي على فطوومة الفاسية !!
اقبال:اااه الحاجة هاديك
**على مافخبري ابنتيي سكنات فالدار لبيضاا معارفين عليها شاااي
اقبال(تنهدات)عندك شي عنوان ولاا تيليفوون ؟
*وصبري علياا نشوف ليك ابنتي كانت خلات لينااا لعنوان السعاتي عمرها كتابت نمشييو نزوروها وخة مات ليها ولدها مسكينة ...اصبري هناا
بصيص امل جتاح قلب اقباال ولات كتسنا على نااار داك العنوان بحال قرعة لما وسط االرملة خرجات لمرا لكبيرة فايدها ورقة من اجوندا وقالت:هااهواا ابنتييي
شداتو اقبال من عندهاا كان الستيلوو بدا كيسيح مع لميديتيي ولورقة قديمة ولخط مواضحش بزااف
اقبال:شكرا الحااجة
مشات لطموبيل وفايديها لورقة كتحاول تقراهاا وتفرز الحرووف صوراتهاا لتلف ودارتها فبزطامها وسااطت
**
حياة كدالك كاانت عاد دخلات لمحال معطلة تدخلات عليها فوزية وقالت:وليتي كتعطلي اصااحبتيي
حياة: كنجي كنبقا هي كاالسة لا كلياان لا زمر لحركة ميتاا بنهار
فوزية:بلاااتي يبدا الدخول لمدرسي وتشووفي بنادم تاني
خياة(كلسات كتنقي فدفارهاا)لعيد لكبير شحال باقي ليه
فوزية:وا يالله عيدنا رمضاان باقة ليه شهراين ونص
حياة:ممم اوى ان شاء الله
فوزية:قادي ليا حجباني معرووضة فلعشية
وققات كتقلبب على لخييط عقداتو ولواتو وبدات كتنتف ليها
فوزية(مرة مرة كتقفز وترجع تاني )رفتي معامن تلاقيت هاد صبااح
حياة:معامن ؟
فوزية:مع كريمة داخلة لعند شواافة لي فراس درب
حياة(حبساو)لعااار. اش بغاتها !
فوزية:والله واعلم هدشي لي شفت
حياة(شهقات)ديل مناا واكلة شراوط على نجاار بقا ليها هي شوافات
فوزية:اوى لهلا يطيح حبكعلى حجرة
حياة:الله ايطيح حبي على شي باليزة تاع لفلووس مكاين لا راجل لا خراا كاين ها الزرقة والقرفية
فوزية:اوى منين انجيبو حنا هاد لباليزة تاع لفلووس. ...اح بشوي مترقيهومش نفس لقيااس
حيااة:ضبري على شي شارف بقا لييه عرق كيضرب تزوجي بيه فقسي لمو مرارتوو تايطرطق لعرق وهانتي مت مرفحة
فوزية:ههههه لا اختي مافيا لي يقلبها فرملية الله اجعل لبركة دوزنا حقنا من زوااج مصدقشش الله اعااون باركة عليا غير ولدي ومحاالي
حياة:كتفكري حدا قزيبتك افوزية خاصك تفكري بعيييد احبي ..شوفي واش مقاد
شافت فلمراية وقالت:هوما هادوك الله اعطيك الصحة
حياة:نمشي نجيب منقصي كرشي كتصفر
فوزية:وسيريي انا كالسة هناا
خرحاات مخبية وجها من الشمش بايديهاا وشعرها الاشقر كيديه الرييح ديما مقادة لحاالة قطعات طريق غادية لسنااك تبانت ليهاا كريمة خارجة من عند شواافة
حياة: قلبتيها تشواافت الشيخة
كريمة(حيدات نضاضر من عيينيهاا) نشوف زهري لي مبغا ينوض
حياة: زهرك ربيييع !! اش قالت لييك هاد زينت الشوافات
كريمة(تنهدات)داكشي لي قالت كااين ....دخلت عندهاا
بدات كتعاود ليهاا بالتفااصيل
ش** فرقات لكارطة على تلاتاا ومربعة رجليهاا وقبالتهاا كريمة وقالت:قولي ها قلبيي ها تخمامي هابتش ياتيني الله
كريمة:ها قلبي ها تخمامي ها باش ياتيني اللله
ش**(سرحات لكارطة )الله يا كرييمة ختيي ...زهرك عوج قلبك عاامر وقهراتك لوحدانية...جيبك عامر ولي بغاه قلبك قلبو عامر
كريمة:بااش باش عاامر اختيي
ش**متلفااه وحدة (شارت ليها لكاطرطة)هامتي شوفيهاا. ...زييييينة وطريقهم طويييلة
كريمة(كتشوف فلورقة باهتمام) وصفيها ليتا لنكون كنعرفهاا
ش(شافت فيها ورجعات لكارطة كتكمل فيها) وااش نكوليك سااحراااه ومتلفااه على عقلوو بيضة هانتي شوفيي بيضة ماطويلة ما قصيرة
كريمة:ياكما اقبال
ش* وسمية مكلعاتش ليا هناا داكشي لي كاين قلتو لييك دريي مسحوور ومخطيييه ايشوفها يبثا تاالف ...انعطيك واحد تفوشيخة رشيهاا ويتخطاهااا غا هواا يجيك تالعندك
Tags:
حكاية أنثى