.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `أماني:خالتي وعلاش ما قلتولي والو...علاش جيتي خطبتيني وقلتي ولدك عجبتو علاش عطيتوني أمل..[ضحكت بسخرية على راسها]. وانا المكلخة لي يسحابني سيد بغاني...قول هو ما نساش مرتو ديك ساعة خالتي صارحوني ما تخليونيش نتأمل على الخوا الخاوي... فاطمة:انا عارفة ابنتي غلطنا وانا لي غلطت اكتر ولكن عدريني انا ام بغيت نشوف ولدي فرحان أماني:وانا؟...وانا شنو دنبي نبقى عايشة هكا حياتي كاملة مع واحد ما مسوقش ليا وما كيبغينيش وعقلو وقلبو مع مرتو الأولى فاطمة:بنتي هو راه ماشي حيت كيبغي مرتو رفض يتزوج...هو ما كانش كيبغي مرتو هو ونورة تزوجو زوج تقليدي وكتب ربي تموت هو صافي كيقول انا تزوجت وعشت معاها لي خاصني نعيش و ولد بنية مني ماتت صافي ما بغاش يولي يتزوج .. أماني:خالتي انا ما غنقدرش نصبر نكمل حياتي معاه هكا...انا غنمشي لدارنا فاطمة:لواه ابنتي واش نتما عاد تزوجتو لبارح وليوم كتقولي تمشي لداركم ...ما يكونش صبرك قليل انا متأكدة هو غيجي غادي يبغيك من قلبو نتي غير عطي فرصة وليه مزال انشاءالله تولدو وليدتكم و... أماني قاطعتها:خالتي غنعطي فورصة لواحد كيدير مجهود باش يتبدل كون جا صارحني انا كنت غنوقف كولشي ما كناش غنوصلو لهنا لطيفة:بنتي نتي عندك لحق فكل ما قلتي وحنا ما غنلوموكش حيت ماشي لومة عليك لومة عليه هو لي خلاك فأسعد ليلة عند كل جوج مزوجين وشنوما قلتي حنى معاك...ولكن حاولي عطي فرصة لراسك انك تعرفي عليه وتقربي منو وشوية بشوية هو غيولي ينجدب ليك ويبغيك...تقربي ليه هتمي بيه كوني نتي هي شمعة لي غضوي ضلامو..هو راه كيبقى راجل وطال زمان ولا قصار هو غيولي يموت عليك... أماني:خالتي وانا ما بقيتش فيكم راه غنظلم راسي معاه لطيفة:نسولك واش نتي كتبغيه أماني بقات ساكتة لطيفة:نسولك واش نتي كتبغيه.. أماني بقات ساكتة ولمعة غريبة بانت فعيونها لطيفة:بلا ما تكلمي عيونك فضحوك...بنتي لمرة مني كتزوج سورات راجلها بيديها وهي وشطارتها يا تخليه فصفها وتقربو ليها وتربع على عرش قلبو يا تنفرو منها وتبعدو عليها...ونتي يا أماني بيديك سوارت عثمان وسوارتو هي نور بنتو أماني:كيفاش.. لطيفة:نور هي لي غتقربك منو وطبعا حتى نتي خاصك تكوني قوية وصبارة حيت غتعدبي فالاول ولكن النتيجة غتعجبك...هو دابة رفضك ماشي حيت فيك شي عيب لا هو رفض حيت هو فناضرو صافي تزوج وعندو بنيتة صافي ما بقا خاصو والو وخا مرتو ماتت بقات عندو بنتو لي هي بنسبة ليه كااافية و وافية ولكن لا راجل بحال دري صغير ونتي علاش ولفتيه د...الى بنتي درتي بناصحتي انا متأكدة هو غيجي لعندك وما تنسايش نور هي راها محتاجة لام هو كون ما شافش فيك ماماها ما غيقبلش أماني تنهدت وهي كتشوف هاد الحياة لي غتعيشها كيف دايرة فاطمة:بنتي لطيفة عندها لحق انا عارفة بلي بهادشي لي درنا ضلمناك بزاااف وسمحيلي بزاف انا بغيتو يعيش حياتو وبنتو تكبر فالاسرة بين ام واب وانا ما نلقاش وحدة بحالك مرت ولدي أماني:انا غنحاول ولكن هدا ما كيعنيش انني غنصبر على حوايج فوق طاقتي انا على قبل نور ما ليها دنب.. عندو هو لي كان جالسة فالمكتب ديالو متكي على الكرسي مغمض عينيه وكيدور بالكرسي كيفكر فالحريرة ديالو..تحل لباب ودخل عماد عثمان:ما علموكش تدق لباب قبل ما دخل عماد:اوا صافي حتى نت... جلس قبالتو وملامحو ولات جدية:شنو درتي اعثمان اش قررتي عثمان:قررت غنهدر معاها غنعاود ليها كولشي قدرات تبقى مرحبا وما قدراتش الله يعاونا و بعاونها عماد:اوا فوقاش غترجع لدار دابة نتما غتبقاو فبوسكورة ولا غتمشيو الفيلة عثمان:لا غنمشي و نوجعو الڤيلة تما حسن عماد:صحبي نعطيك نصيحة لوجه الله لبنت باينة كتبغيك شفتي غير مني ما جمعاتش حوايجها ومشات لدارهم ...انا متأكد هي عندها مشاعر جيهتك خاصك غير نت تحل عينيك...ما ضيعاهاش تيقني هي راها جوهرة وثميبتة غمض عينيه وحلهم بقلة حيلة... وقفت طموبيل فالباب ديال الڤيلة نزلت منها الحاجة فاطمة هي ولطيفة ومعاهم أماني بقات كتشوف كانت كتمنى هاد دخلة دخلها هي وياه ويديهم متشابكين مع بعضياتهم فاطمة:مرحبا بيك ابنتي دخلات تلاقاتهم منانة بصينية فيها لحليب وتمر خدات منهم ودخلات وهي جارة شانطة منانة:مرحبا بيك ابنتي أماني:شكرا اخالتي... فاطمة:منانة لبيت لفوق واجد ياك منانة:اه راه واجد الى بغيتي ابنتي تمشي ترتاحي أماني:اه بغيت نرتاح شوية ...سمحولي اخالتي فاطمة:سيري ابنتي رتاحي وحنا غير يوجد لعشا غنعيطوليك طلعات وهي جارة شانطة ديالها دخلت لبيت لي من المفروض يكون بيتها هي وياه ولكن هاهي فيه غير بوحدها هو علم الله فين غاطس....جبدات حوايجها سروال ديال نعاس البيجامة مع ديباردور ديالو والپينور من الفوق فالازرق مغلوق ومستلزماتها ديال الحمام ودخلات لتحت كانو جالسين فاطمة لي كانت كتحاول تصوني على ولدها فاطمة:ما كيجاوبش غيحمقني هاد لولد الى اخر يامي نولي نضرب بالحجر بسبابو لطيفة: وا صافي ياك سمعتي عماد مني قال راه غيحي غيكون جاي فاطمة:انا بعدا ما بقيتش كنتيق فعثمان لطيفة:كوني هانيا غيجي دابة تشوفي... داز تقريبا ساعة ونص تحلات الباب ديال الڤيلة ودخلت طموبيل ميرسيدس جي كلاس فالكحل نزل منها وسد موراه لباب عطى سوارت لعساس يدخلها دخل وهو كيتمختر شافهم جالسين ومنانة كتحط لعشا فوق طبلة دور عينيه ما بانتش ليه " زعما تكون باقي تم ما بغاتش" مشى لعندهم سلم عليهم وفاطمة قالبة وجهها ما كدويش معاه عثمان: الوليدة ياك لباس..شفتك قالبة وجهك اش كاين. فاطمة:لااا اوليدي اش واقع گاع ما واقع والو.. غير سمحتي فمرتك فليلة عرسكم حتى غيمشي وهي توقفو بهدرتها فاطمة:راه مراتك هنا جبناها.. خرجات من لحمام وهي كتنشف شعرها لابسة غير سروال وديباردور ديالو...حتى تحل الباب وقفت وهي مسمرة فبلاصتها هو لي دخل وقف كيشوف فيها وكيطلعها وينزلها لبست الپينوار بزربة وهو دخل نيشان هو حوايجو ودخل لحمام...خرج ما لقاهاش بالبيت هبط حتى هو لتحت كانو جالسين كيتعشاو عثمان:الواليدة ما كاينش الواليد فاطمة: لا هو مشى ليوم فصباح عند شي ناس من العائلة هو وعمك داكشي باش حتى مرات عمك لطيفة غتبقى معانا هاد ليلة هنا عثمان:مزيان.... لعشا كامل هو وهي ساكتين من غير لطيفة والحاجة لي مرة مرة كيهدرو واماني غير كتهز ليهم راسها أماني حطت الفرشيطة من يديها: بصحة والراحة فاطمة:صافي ابنتي ولكن ما كليتي والو أماني:لا كليت والله....خالتي سمحولي غنطلع ننعس تصبحو على خير طلعت بحالها لبيت غير دخلات حيدات البينوار وتلاحت فوق ناموسية تنعس... فبلاصة اخرى كان جالس فواحد المطعم عينيه مفكسيين على جهة وحدة كيشوف وهو مزير على يديه معصب كانت جالسة مع البنات ومعاهم جوج دراري كانت كضحك مع البنت لي حداها ما علابالهاش بيه هو لي كانو عينيه غيخرجو عليها كيفاش كضحك ومامسوقاش ليه عماد:قولي نتي هكا وانا كنتي دايرة عليا فيها الشريفة العفيفة... بقا طول الجلسة وهو غير حاضيها حتى ناضت وهزات صاكها ومشات بحلاتها.... صبح صباح جديد أماني لي فاقت دورات عينيها حتى جاو عليه هو لي كان ناعس على الفوتوي معدب شافت فيه مطولة وناضت لباب مني سمعات شي حد كيدق.. أماني: صباح الخير خالتي فاطمة:صباح النور كيف صبحتي نعستي مزيان ابنتي أماني:حمدالله اخالتي شافت فنور لي كان عند فاطمة غير شافتها بتسمات أماني:وينو خالتي عطيهالي فاطمة:غتعدبك ابنتي خليها حتى تهبطي أماني:لا غير عطيهالي ما كاين حتى عد//اب خدماتها من عندها وهي فرحانة بيها وسدات الباب مشات لجهة الناموسية حطاتها وجلست حداها أماني:حبيبة ديالي صباح الخير....جيتي تشوفني ادوي احبيبة... نور لي بقات كتلعب بيديها واماني كتلعب معاها وكضحك عندو هو لي كان ناعس حتى فيقو صوت ضحك بدا كيحل عينيه جاو نيشان عليها هي لي كانت كتلعب مع بنتو و نور فرحانة كتلعب بيديها ورجليها واماني كتبوس فيها وتعنق هادي اول مرة غيفيق على بحال هاد المشهد سهى بضحكة ديال بنتو ناض وقف غادي الحمام غسل وجهو بقى كيشوف فالمرايا شحال عثمان:انت غيخاصني نهدر معاها ضروري...ما بغيتش يكون عندها امل من جيهتي... خرج لقاهم باقين أماني كانت هزا نور و واقفة بيها حدا السرجم قرب لناحيتها عثمان:أماني ممكن نهدرو... أماني بلاما تشوف فيه:ما عندنا فاش نهدرو نت ما خليتي لينا ما نقولو.. عثمان:ولكن انا عندي ما نقوليك...أماني انا ما بغيتكش تبني امل من جهتي انا هاد زواج كامل كنت رافضو من اساسو...ولكن... شاف فيها هي كانت عاطياه بضهر محجربن فعينيها الدموع كمل كلامو عثمان:انا تزوجتك مربية لبنتي فقط الى كانت شي حاجة فبالك غير حيديها حيت عمرها غتكون انا عارف قصحت الهدرا معاك ولكن راه القاصح حسن من الكداب... شاف فيها هي كانت عاطياه بضهر محجربن فعينيها الدموع كمل كلامو عثمان:انا تزوجتك مربية لبنتي فقط الى كانت شي حاجة فبالك غير حيديها حيت عمرها غتكون انا عارف قصحت الهدرا معاك ولكن راه القاصح حسن من الكداب... غمضت عيونها من حر الن//ار لي شعل فيها بهدرتو عثمان: انا عارف هدرتي غتجرحك ولكن... أماني حطت نور دارت لعندو مقاطعاه: ولكن شنو...هدر شنو...منين نت باغي مربية علاش جيتي تزوجتيني ديك ساعة كنتي تمشي تقلب على شي وحدة تقابل ليك بنتك عطاهم الله باغين غير يخدمو علاش جيتي لعندي انا...اش بغيتي عندي منين نت مابغيش تزوج علاش تزوجتيني...ودابة جاي لعندي كتقولي ما باغيش تجرحني راك جرحتيني اعثمان...جرحتيني نهار خليتيني فليلة عرسها ومشيتي ديك ساعة جرحتيني...انا...انا بغيتك اعثمان نت هو اول رجل غيدخل لقلبي انا لي كانو كيتمناو غير شوفة مني جيتي نت هرستيني...ولكن [ضرب على صدرو] غتندم...غتندم غير صبر غيجي نهار انا غنخليك ونت غتترجاني نبقى غير صبر.. دخلت لحمام شافت فلمرايا ودموعها نازلين غسلات وجهها بزاف ديال لمرات سمعات لباب تسد وهي تخرج لبسات حوايجها وهبطات لتحت لقات الحاجة جالسة فجردة ونور حداها فالارض كتلعب وهو ما كاينش أماني:خالتي... فاطمة بإبتسامة:أجي بنتي.... تفطري دابة نقول لمنانة تجيبو ليك لهنا أماني: لا خالتي ما قاداش بلاتي...خالتي لطيفة ما كيناش فاطمة:لا مشات هاد صباح عيطو ليها بنتها جيهان ولدات اماني:بصح....مبروك عليها ونتي ما تمشيش تشوفيها فاطمة:انا حتى لعشية ونمشي...لعقبة لعندك نتي و ولدي عثمان كتفت أماني بإبتسامة باهتة فاطمة:تمشي معايا فلعشية نشوفو جيهان أماني:اه واخا نمشي... شافت نور كتلعب فالارض ولعب حداها أماني: بنتي...الحبيبة كتلعبي بوحدك جلست حداها كتلعب معاها كل شوية تبوس وتعنق فيها فاطمة شافت فيهم شحال وناضت دخلت بقات غير أماني ونور صوت ضحك ديالهم مسموع هو لي تم داخل كيتمشى بخطوات سريعة حتى وقف مني سمع صوت ضحك بقى واقف كيشوف فيهم أماني: نتي بنتي احبيبة ياك...قولي ماما ياله قولي ماما نور:ما....ما...با... هزتها بقات كدور بيها فرحانة حتى وقفت مني شافتو كيشوف فيهم.... هزتها بقات كدور بيها فرحانة حتى وقفت مني شافتو كيشوف فيهم.... دور راسو ببرود ودخل لداخل مشى نيشان لمكتب ديالو بقى كيقلب على شي وراق هزم وخرج فالكلينيك فوحدة من الغرف المزينة بديكور انثوي كانت جيهان محامية على سرير وعند راسها من جهة ماماها لطيفة وعجوزتها فضيلة من جهة أخرى وراجلها كان ملهي مع لوراق كانو جالسين كيهدرو حتى تسمع دقات فلباب دخلات نجاة وفوزية نجاة غير دخلت ضر//بتها بتزغريتة دايزها لكلام نجاة:مبروك...مبروك يا بنت ختي تكبر فعزكم انشاءالله جيهان:الله يبارك فيك اخالتي تسالمو لعيالات بقاو جالسين كيهدرو وفرحانين بالبنية كل شوية تهزها وحدة هزتها جيهان حاولات ترضعها وهي كتوجع جيهان مغمضة عينيها بحر الألم:ميمتي....ما قدراش نرضعها فضيلة: ياويلي على لمرا ارضعي لبنت دابة تولفي...امهات اخر الزمان ضحكت نجاة ونطقت: اييه يا ختي حنا كنا نولدو وفنهارنا نوضو نطيبو ونصبنو تمارة السبوع كدوز كاملة على ضهرنا...هاد بنات ديال دابة دايرين بحال الميكة رضاعة هي تالية ما يقدوش عليها ولاو يرضعو بالرضاعة لطيفة:اوا شغانديرو وقتهم هدا خليهم يتفششو لقاو علمن كل وقت و وقتو جيهان:خالتي غزال فين هي ما جاتش فوزية: لا بنتي ما جاتش قارية ولكن انشاءالله ناوية دوز لعندك فلعشية مني تسالي لطيفة: لبنت غزالة الله يحفظها فوزية:امين لطيفة:غير يدوز هادشي ديال جيهان انشاءالله نجيو لعندكم فوزية:مرحبا والف مرحبا... الحاجة فاطمة لي لبسات جلابتها وزيف ونزلات كتسنى أماني تنزل كان حتى عثمان جالس فاطمة:ولدي غتمشي معانا ياك عثمان:الوليدة نتي عارفاني ما عنديش مع هاد الاجواء غنوصلكم ونرجع فاطمة:اوا لواه اولدي غتمشي معانا ضروري بنت عمك هاديك خاصك تبارك ليها حشومة عثمان هز راسو أه لفوق أماني لي كانت لابسة جلابة فالحمر كمامها مغلفين من لداخل بالكحل هما ولقب طلقات شعرها لكحل سوادو بحال سواد الفحم براسلي وخاتم زوج فيديها سنسلة رقيقة فعنقها وحويلقات فودنيها دايرة عكر حمر خفيف مطلعا شفرانها بالمسكارة مكحلة عوينتها رشات العطر ديالها هزات صاكها وخرجات دازت لبيت نور كانت منانة لبساتها هزتها وهبطات فدروج فاطمة غير شافتها نطقات بلا هواها: ماشاءالله عليك ابنيتي جيتي كتفتني علا عينو كيطلعها وينزلها ركز على عينيها كانت شي حاجة مبدلة فيهم ضيق عينيه كيحاول يشوف شنو هو فاطمة: احم احم...مشينا ولدي عثمان وعى على راسو:ياله زيدو خرج وخلاهوم مراه فاطمة جرات لعندها أماني:شفتيه كيفاش تلف مني شافك... أماني هزات راسها فاطمة:هكا خاصك تكوني ديما تلفي بوه على لقبلة انا فصفك تكوني هانية ما غنخليش من جهدي حتى نخليه يموت على تراب رجليك أماني ضحكات:واخا خالتي.... خرجو كيجريو مني سمعوه كيكلاكسوني عليهم... فاطمة طلعات لور وعندها نور واماني طلعات حداه دارت سمطة وهو يتحرك.... وقف طموبيل حدا الكلينيك نزلت منها فاطمة هازة نور سابقاهم أماني كانتزل حتى وقفها عثمان مد ليها كارت:خودي .. أماني:شنو هادي... عثمان:هادي فلوس أماني:ما بغيتش جات تنزل هو يسد عليها لباب عثمان:ما تقصحيش راسك خودي... أماني:شنو زعما مسبقلي خلاصي...دير فبالك حاجة وحدة انا ماشي مربية بنتك انا غنكون ماماها يعني انا مرتك وشي حاجة من غير هادشي ما كاينش...حلي لباب حل لباب نزلت منها و تبعها حتى هو طلعو غير بجوج الحاجة سبقاتهم دقو لباب ودخلو أماني:سلام عليكم.. لطيفة:مرحبا بنتي أماني سلمات عليها وعلى عثمان اماني:مبروك عليك تتربى فعزكم انشاءالله جيهان:الله يبارك فيك ازين لعقبة لعندكم نتي وعثمان شافت فيه وبتسمات: انشاءالله...ولكن ماشي دابة حتى تكبر بنتي نور وديك ساعة نولدو علاش لا فضيلة:اوا انشاءالله ابنتي الله يفرحكم قرب لعند سرير لبنية حط ليها زرورة باسها من جبهتها عثمان:مبروك عليك اختي جيهان جيهان:الله يبارك فيك بعد عليها ومشى وقف مع يوسف راجل جيهان واماني بقات كتهعاود مع العيالات حتى تسمع صوت دقان فالباب تحل وهي دخل غزال فيديها صاشي فيه كادو غزال:سلام عليكم... تسالمو كاملين وهي باركات لجيهان ومشات جلست مع أماني غزال:زين تزوجتي ونتي تغبري...[بهمس] كيف جاك زواج اممم أماني ضحكت:عادي ماشي كيف كيحساب ليك غزال:امممم نفهم منك غير بلاما نتزوج ياك هههه.. أماني:خاصك تعرفي تختاري وصافي... دخل عماد وهو هاز فيديه بوكي ديال الورد وشكلاط وشي كادويات كان فرحان حيت ختو ولدات وغيولي خال عماد داخل فرحان وناشط: جماعة الخير كلهم هنا....جيهان مشى لعندها باس على راسها وعنقها "مبروك اختي على سلامتك.." جيهان:الله يسلمك اخويا مشى سلم يوسف راجل ختو عماد:مبروك اصحبي وليتي اب يوسف:الله يبارك فيك لعقبة لعندك حتى نت عماد:نلقاو مهم بعدا.. عماد:فين هي بنت خالها قرب لسرير وهز بنت ختو فرحان بيها بقاو كيضحكو عليه هي لي كانت جالسة دايرة رجل على رجل وكتشوف بكل برود جالسة وعاجبها راسها دور عينو شافها طلعها ونزلها كانت لابسة سروال كلاس فالكحل مع تيشرت زيتي وصاك بيج طالقة الشعر ومقادة على الحالة سهى فيها لطيفة:اوا لعقبة لعندك اوليدي حتى تتزوج ونفرحو بيك وتولد لينا حتى نت عماد:قريب الوليدة انشاءالله غير وجدو راسكم لطيفة:اربي ربي اولدي...[عبسات] شكون هي... عماد:صافي الوليدة هادشي ماشي وقتو من بعد مني نمشيو. لدار جيهان:صراحة بقات بلاصت بابا وعمي فاطمة:دابة يجيو ابنتي بحال والو غدا يكونو هنا.. أماني:نتي فوقاش غتخرجي من طبيب جيهان:غدا صباح انشاءالله...ياك ايوسف يوسف:اه غدا غتخرج فصباح...`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
