.formatted-text { text-align: center; font-weight: bold; white-space: pre-wrap; margin: 20px auto; } تتمة البارت const text = `قطعات عليه وبقات كالسة مكمشة فطموبيل وهي خايفة ودموع مابغاوش يحبسو من عنيها ... داازت مدة وسمعات صوت الفران بجهد قفزات مزيرة على يديهاا والخوف متملكها حسات بالباب تحل عليها دورات راسها بسسسسرعة بان ليها لبوص كايشوف فيها كيفاش الخوف باين عليها ودموع فعنقها تنهد ونطق : ماتخافييش ابنتي هاني جييت شروق بدموع : بغييت داوود لبوص كايضور راسو فالأنحاء : غانلقاه ماتخافييش... هبطيي دبا اجي نوصلك شرووق كاتحرك راسها بلا : لا لا لا اانا بغيت دداوود ( كاتمسح دموعها بضهر يديها وتغوت ) مغغغغاديييش ننرررجع لداااار بلااا بييه .... مستحييييييل لبوص : شووووفي رااه من لأحسن ترجعي دبا لداار .... انا كانواعدك باش نلقاه ونرجعو لييك شرووق كاتمسح دموعها : ولكن هو راه مضرووب فكرشو للبوص تنهد : عااارف شرووق مابقاتش قادرة تهضر تخنقات بالبكى مدات يديها للبوص وخررجات من طموبيل وهي كولها كاترعد والمنضر ديال داوود وهو مضروب وكيفاش هزووه. وداوه مابغاش يتحيد ليها من بين عنيها مشات معاه لطموبيلتو طلعها وعطا. سوارت لواحد من رجالو وكالو اوصلها لدار هو رجع نيشاان لطوموبيل ديال داوود ديمارا لمجهول ...... كانت كالسة كتفرج فتلفازة حاطة قدامها طبسيل ديال لكلية مرة مرة كتهز منو وهيا كظحك مع لمسلسل حتا سمعات صوت دقان ناضت قفزات ومشات كاتجري حلات الباب وهي تعقد حجبانها فاش بانت ليها شروق واقفة ومسندة راسها على العتبة ودموع فعنيها ونطقات: اويلي مالك ( هزات راسها كاتشوف موراها ) فيين داوود شروق كاتشوف فيها بحال شي جتة يلاه بغات تهضرة وهي تحس بالدنياة ضارت بيها ورجليها كابقاوش هازينها طاحت واخلاص حلات عنيها بالصدمة وغوتات وهي كاتحرك فبها ولكن والو طه كان فبيتو حتى سمع الغوات هبط مع الدروج كايجري هز شروق دخلها لبيت وجوهرة وإخلاص معاها حطها فوق الناموسية وحط يديه على راسها لقاها سخونة شاف ف إخلاص ونطق: جيبو ديرو ليها شي حاجة على راسها قلب نبض ديالها لقاه منخافض تنهد وناض وقف وهو متفادي شوفة فيهم بجوج : انا غانعيط على داوود ردو ليها البال إخلاص بسرعة : ولكن اخويا هما راه خرجو بجوج طه حنا راسو وخرج كايصوني على داوود ولكن كايلقا الخط مشغول زفر بغضب ومشا طلع لبيتو بدل حوايجو ورجع خرج وهو يسمع تليفونو جبدو لقا لبوص عقد حجبانو وجاوب ؛ اش داكشي البوص لبوص صايك : غانصيفط ليك واحد الموقع دبا تكون فيه طه : اشمن م.... مجاا فين يكمل كلامو سمع صوت تقطع وفالبلاصة سمع صوت مساج دخل ليه لقاه منو زفر بغضب ومشا طلع طموبيلتو ديمارة بسررررعة البلاصة اللي قالو البوص حلات عنيها وهي كاتحس بداتها مدكدكة وراسها كايضرها شافت ف إخلاص لي كالسة حداها وغمضات عنيها مزيرة عليهم كاتفكر كاع داكشي لي وقع إخلاص حطات عليها يديها : شرووق مالك اش وقع .... فين هو خوويا شروق مزيرة على يديها : داوود مشا إخلاص : كيفاش مشا ... فيين شروق شافت فبها وهي مقدراش تهضرر رجعات قلبات راسها جيهة السرجم إخلاص تنهدات : انا غانمشي نقاد ليك شي حاجه تاكليها شافت فيها لأخر مرة وناضت خرجات خلاتها وتوجهات الكوزينة لقات جوهرة كالسة فوق الكرسي كلسات مقابلة معها ونطقات: ماعرفتش اش وقع ليها ..سولتها مابغاتش تجاوبني جوهرة تنهدات : فين مشا طه إخلاص : ماعرفتش ... يقدر مشا عند داوود جوهرة ؛: اه ممكن ... ولكن راه خاصهم يجييو يقوولو لينا اش وقع ...... كان غادي صايك وهو كايصوط حتى عقد حجبانو بستغراب وشد الفران بسررررعة حتى تحطو الروايض مع الأرض بقا مصدوم وهو كايشوف فطموبيل لي قدامو وهي كاتحرق فوسط طريق حل الباب ونزل بخطوات تقال وهو كايحاول يكدب الاحساس ديالو ويفني الأفكار لي فراسو بقا واقف كاايشوف فيها كيفاش كاتحرق حتى سمع موراه :: شرفتييينا اسي عدنان لبوص دار بسرعة حتى كايبان ليه رجل طوييل قدامو طلعو وهبطو ونطق : فيين ولدي هو كايشوف فديك العاافيه: هاهو موراه لبوص بصدمة: لاااا مستحيل هو حل الباب طموبيلتو لي كانت واقفة تما : هدا جزاء اي واحد كاييتحداني لبوص بالغوات : جيييييمس جييمس كايشوف فيه: عدنااان. بقا بعييد عليا ولا نهاية ديالك غاتكوون بحال ولدك لبوص جبد الفردي من سمطة ديالو وبدون تردد وجهو ليه وطلق الرصاص ... ضضربة مور ضربة وهو كايغووت : لااااااااااااااااااااااا شافو طااح قدامو جتة عاد هبط يديه ووطاح فالأرض وهو كايشوف فالعافية ورجع غووت مرة أخرى: دااااااااوووووووددددد ... لااااااااااااااااا ....... داز الوقت طويل وهي مزالة ناعسة وكاتشوف السرجم سمعات دقان ناضت بسرعة كاتجري خرجات من البيت بان ليها طه والبوص داخلين وعلامات الحزن على وجههم مشات كاتجري وقفات قدامهم ونطقات : فيين داوود ... واش لقيتوه هو لباس دبا. ... واش ديتوه السبيطار اءءء لبوص كايشوف فيها : دااوود .... شروق شدات فيه : داوود مالو .... ولا لباس يااك لبوص حننا راسو: هما راهم قتتلوه شروق كاتشوف فيه بالصدمة مامتيقاش اش سمعات : شنووو ... كيفاش قتلوه للبوص مزال كايشوف فبها : كييف سمعتي هو رااه ماتت صافي شروق بدات كاطلق منو شوية بالشوية رجعات الور تكات على الحيط والدنياة كادوور بيها : لاا مستحيل .... هو كايمكنش يخليني ( غمضات عنيها كاتفكر اخر مرة عنقها وقال ليها انا معاك وعمري نخليك رجعات حلات عنيها ونطقات بحرقة ) يااك قلتي عمرك تخلييني طه مسح دموع ديالو وهو كايحاول مايضعافش قدامها زاد فخطواتو عندها شد فيها ونطق : كوني قويية شروق هزات فيه عنيها: لا داوود مستحيل يمشي ويخليني ... نتم كاتكدبو عليا طه تنهد : كنت كانتمنا ان هادشي يكون كدوب شروق رجليها ففشلو عليها وطاحت الأرض وغوتات : لاااااااا داووووووود إخلاص وجوهرة جاو كايجريو من الكوزينة نطقات إخلاص: مالك .... اش وقع طه طاح الأرض وسند رراسو على الحيط : داوود مااات ... قتلوه إخلاص بالصدمة : كيييفاااش داز داك نهار هكاك غير بالغوات والبكى صدمة كبيرة تلقاوها كاملين حتى واحد فيهم مكايقل ححزن على الأخر كان كالس فالجردة كايكمي ويشرب من واحد الكاس ودموع فعنيه مقادرش يستوعب ان خوه مات زير عللى عنيه ونطق بصوت مبحوح: اانا كيفاش غانقدر نعييش بلا ببييك اخويا ... حياتي كيفاش غاتكوون ونت بعييد حس بيد تحطات عليه هز راسه لقاها جوهرة وبدون تردد ناض تلاح علبها مزيرها عندو كاييبكي فحضنها وهي محاوطاه بيديها وونطقات: الله يصبرك ويرحمو .... كون قوي على قبل ختك طه مزير عليها اصلا هو كان محتاج لحضنها: مقادرش ...... بعد مرور شهر كانت ناعسة فبلاصتها ومكمشة على شكل جنين ودموع كاينزلو من عنيها على المخدة شهر كامل وهي هكا نهار هلى نهار كاتزيد حالتها تأزم وموتو مابغاتش دخل ليها راسها تحل عليها الباب ودخلات إخلاص ومعاها طبيبة لي توجها نيشان عند شروق حطات شكارتها وشافت ف إخلاص ونطقات: شننو االمشكل لي عندها إخلاص : شهر هدا وهي هكا مكاتااكل مكاتشرب وزيداها بالردان والى غير وقفات كاطيح الطبيبة بدات فالفحص ديالها شروق بحال شي جتة مخلياها كادير فيها مابغات كملات خدمتها وجمعات داكشي ورجعات شافت ف إخلاص ونطقات: اجي معيا إخلاص حلات الباب ووخرجو شافت فيه فيها ونطقات ؛ شنو كاين ادكتورة طبيبة بتاسممات : مبروك عليكم لبنت راها حاملة عندها 5 اسابع ....... فوسط واحد البيت كولها من الخشب والأثاثها القديم فوق نمووسية فالقنت. ديال االبيت كان ناعس ووجهو ولحمو كاامل ملوية عليه وسيروم. لاسق ففيديه ذذ مرة مرة كايحل عنيه ويرجع يسدهم ولكن القوة باش يتتحرك واالو تحل عليه الباب ودخلات بنت فمقتبل العمر وهازة فيديها علبة ديال الاسعافات حطاتها وشافت فيه وبتاسمات ونطقات: سلاااام كايحرك عنيه كايشوف فيها وهي حىلات ديك العلبة ورجعات نطقات: شوية ليووم ؟؟ جبدات دوا حطات حداها: شوووف غانحيد ليك الفاصمة ليوم غير بوحدي حيت جلال مكاينش هو غير كايشوف فيها بلا حتى. حركة فالحين لي مدات هي كاتحيد ليه الفاصمة لي على وجهو شوية بشوية وهو مرة مرة كايطلق صوت الأنين بفعل الألم حيداتها ليه كاملة حتى بان وجهو لي كولو محروق يلاه العنين لي منعو عاد حتى هما قاسهم شوي تنهدات وبدات ددير ليه الدواء حتى كملات وناضت وقفات ونطقات: غانخليك لبوم هكا وجهك يضربو الريح حتى يوصل جلال ويدير ليك اللحمك كامل خرجات من تما خلاتو مغمض عينيه وكايتسنط الألم لي كايحس بيه مبقاتش حتى بلاصة مكاتحررقو خارج ديك الغرفة كانت كالسة مربعة يديها كاتنهد شافت فمرأة لي كالسة مقابلة معها ونطقات: هاد السيد مسكين معجزة انه بقا عايش لحاجة : ربي سخركم ليه وفضلكم نتي وولدي جلال الله كتب ليه عمر جديد هي : اه سبحان الله... فاش جبدناه من ووسط دديك العافية كانݣولو صافي مات ولكن بفضل الله هو بقا عايش لحاجة : ايييه ابنتي مريم ربي راه كبير مريم تنهدات : ونعم بالله اخالتي (( اجيو نديرو فلاش باك صغيير باش تفهمو )) كان صايݣ بيد وتانية شاد بيها فيديها وهي كاتضحك وتعاود ليه على نهارها كيفاش داز حتى شافتو شد الفران بالجهد حتى تحركات مت بلاصتها شافت فيه ونطقات مريم : اويلي جلال مالك جلال كايشوف قدامو : واش ماشفتي والو مريم قلبات شوفتها لجهة فين كايشوف هو وحلات عنيها بصدمة وهي كاتشوف العافية شاعلة قدامها رجعات شافت فجلال لقاتو هبط غادي كايجري حلات الباب ومشات تبعاتو بخوف وهي كاتغوت: جلاااااال وقف اش باغي دير جلال وقف مد ليها يديه: ماتخافييش انا ببغيت غير نشوف مريم كاتجرو : يلاااه عفاك نمشيو بحالنا جلال بعدها : وقفي هنا خليني نشوف .... وقيلة كاين شي واحد ههنا مريم : جلال لا عفاك جلال مشا كايطل حتى كايبان ليه شي واحد فوسط العافية حل عنيه بالصدمة ومشا رجع لطموبيلتو كايجري جبد كاشة من الكوفر وبيدو ديال الماء لاحها عليه وجا عند مريم مد ليها داك البيدو ونطق: خويه عليا بالزربة مريم حلات البيدو وهي كاترعد كبباتنو. فوق راسو. حتى ديك الكاشة فزݣات مزيااان وهو مشا كايجري هز واحد العصاء كبييرة كايدابز حتى حل الباب وتخشا وسط العافية كايجبد داوود بزز حتى لاحو على برا ولاح ديك الكاشة فوق منو كايطفي بيها لعافية لي شاعلة فيه ححتى طفات عاد قرب عندو كايقلبو لقا نبض ديالو ضعيف حنا علليه هزو للاحو فطموبيل ومريم طلعات حداه كاتراقب النبض ديالو وجلال ديمارة بسررررعة متوجه المستشفى هما بعدو من تتما طموبيلل ديال لبوص وصلات ووالباقي راكم عارفينو كانت ناعسة وكاتشوف فصورة ديالو لي فوق كوافوزة وهي معنقة مخدة صغيرة مدات يديها وهزاتها كتشوف فيها مدة عاد نطقات : نت كذاب .... اه كداااااااب ... وعدتيني باش عمرك تخليني ولكن موفيتيش بوعدك ( عنيها عمرو بالدموع وونبرت صوتها تبدلات ) ... علاااش اداوود هئ هئ هئ علاااش خليتيني بوحدي ... حتى قلت الدنياة ضحكات ليا وعوضاتني بييك ولكن ( مسحات دموعها ورجعات نطقات) ولتاني مرة هي كتاخد مني انسان بغيتو وتعلقت بييه ...... كانت كالسة فصالون كاتشوف جيهة السرجم وهي ساهية حتى قفزات من صووت جداتها لي ككلسات قدامها ونطقات ؛ دبا غيير قولي لي حتى لإمتا غاتبقاي هكا غفران مسحات دموعها وتقدات فكلستها كاتشوف فيها بلا حتى كلمة سعدية : مغاديش تقوليلي مالكي وفبين كنتي شحال هادي غفران وقفاات ولبسات صندالتها: ماعندي مانقول ليك اجدة سعدية كاتشوف فيها: ياااويييلي على البنت غفران مشاات كاتجري دخلات لبيتها وسدات علبها الباب وكلسات فوق الناموسية جمعات رجليها ععندها كاتبكي فصمت هزات راسها مسحات دموعها ونطقات: دبا انا علااس كانبكي يااك انا لي مابغيتش نكلس معااه ورفضت نتزوج بييه حطات يديها على قلبها ورجعات نطقات) علااش كاضرني ااااء ... انا لي رفضتو وختاريت نخرج من حياتو علااااش دبا كانبكي مسحات دموعها وسهات كاتفكر اخر حاجة دازت بيناتهم كايشوف فيها وكايتسنا الرد ديالها فالحين لي ناضت هي وقفات ونطقات: واش عارف اش كاتقول لبوص هز فيها راسو وبهدوء نطق : اه عاارف ... موافقة ولا لا غفران : الصراحة صدمتيني وو.. لبوص بنفس نضرة : مواقفة ولا لا ؟؟ عفران كاتشوف فيه: ولكن لبوص وقف ودار يديه فجيبو : الجواب ديالك وصلني غفران كاتشوف فيه: اناااا... لبوص : وجدي راسك غانرجع نوصلك لدااركم غفران شدات فيه : سمعني بعدا لبوص شاف فبن شادة : غانرجع نوصلك ...... الرجوع الواقع مسحات ددموعها لي مابغاوش ككاع يحبسو : اوووف صافي براكة انا راه مابغيييييتش نبكي سمعات دقان فالباب هزات راسها ونطقات بصوت مرتفع: جدة سيييري بعدي مني الله يرحم باااك اووف تححل الباب ودخلات سعدية مخنزرة : نووضي خرجي من هنا ونتي خمرتي فهاد البيت غفران تكات فوق الناموسية كاتمسح دموعها : سيري بعدي مني عفااك سعدية كلسات حداها : ابنتي قولي لي مالك اش وقع ليك فهاد المدة لي كنتي غايبة فيها وفيين كنتي غفران ؛ بغيت نعس سعدية : وااش فكل مرة كانسولك فيها تبقاي تهربي بحال هكا غفران : نووضي هبطي عليا ريدوات وسدي لباب خليني نعس كانت وقفة كاتغسل الماعن وإخلاص كالسة فوق الكرسي كاتنقي الخضرة هزات فيها عنيها ونطقات : معرفتش كيفاش غانقول ليها بلي هي حاملة جوهرة كاتشلل الماعن ؛ غير علميها يقدر يكون سبب باش تخرج من الحالة لي هي فيها اإخلاص ؛ والله ماعرفت جوهرة مسحات يديها وجات كلسات حداها : حالتها الصراحة خلعاتني شهر هادي وهي مخشية فداك البيت وراداها غير على البكاء إخلاص : داكشي لي وقع اتر علينا كامليين ماشي ساهل نفقد و داوود وفرمشة عين بحال الى عمرو كان جوهرة تنهدات : اه صدمة كبييرة لينا حنا عساكا هي لي كانت كاتوجد راسها باش تعقد وتكون مراتو إخلاص مسحات ددموعها ؛ خوويا كان فرحان بزااف ... مسكين داك نهار قالي انا فرحاان لدرجة كانتمنا زمان يحبس ومايتحركش سممعو صوت موراهم دارو بان ليهم طه داخل كان مزال مأتر ووجهو مزال باين عليه الحزن .... جر الكرسي كلس مقابل معاهم ونطق موجه كلامو ل إخلاص : امدرا كلات شي حاجة إخلاص كاتمسح دموعها : لا اخوويا مزالة حالتها هكاك طه : شافتها طبيبة ... اش ݣالت إخلاص بتاسمات: كالت بلي هي حاملة .... خويا داوود بصح مشا ولكن خلا لينا كادو زوين طه بفرحة والأول مرة من بعد موت داوود ضحكة تبان على وجهو : بصصح ... واش هي بصح حاملة... اش قالت اكيد فرحات يااك إخلاص تنهدات: هي مزالة معارفة ... مقدرت نقول ليها حتى حاجة طه : كيييفاش... انا غانهضر معها إخلاص وقفات ؛ لا لا غير خلييك انا غانهضر معها . انا كانعرف ليها ( شافت ف جوهرة ونطقات) كملي معاك ديك الخضرة علاما نرجع كالت هاد الهضرة وتمات خارجة فالحين لي شافت جوهرة فطه ونطقات: كي بقيتي شوية ليوم طه تنهد : كانحاول نولف حياة بلا خويا داوود جوهرة دمعو عنيها مدات يديها شدات فيه: كون قوي غير على قبل هاد البنت وداكشي لي فكرشها .... هي محتجاكم دبا طه شد فيديها مزير عليها: معرفتش كيفاش كنت غاندير بلا بيك جوهرة مسحات دموعها: اش غادير كااع طه قرب عندها بالكرسيي وهز يديه مرجع ليها شعرها مور ودنيها : كنت غادي نحماق ولا كانضرب بالحجر جوهرة ضحكات وهي كاتشوف ف إخلاص لي مربعة يديها كاتشوف فيهم نطقات بهمس ؛ وتهز عليا لهيه قبل ماتولي كاتنقي الخضر طه بستغراب ؛؛ علااش إخلاص قربات عندو وشداتو من القب وجاراه : هااااا علاش طه خنزر فيها: تفووو ديما محررماها عليا .... يياك مشيتي عند شرووق اش رجعك إخلاص كلسات : رجعت حيت لقيتها نعسات ( هزات مغرفة موجهاها ليه ) شوف الله يرحم باك الى بغيتي مراتك سير بيها لبيتكم ... وحتارموو سيليباطير لي معاكم هنا طه مدد يديه لجوهرة : يلاهي معيا إخلاص ضرباتو ليديه : نووض خررج الى عندك ماتقضي سير تقضيه وخلينا نديرو لغدا قبل مايجي لبوص يتغدا بينا طه جمع يديه وشافي : ماعرفت مالو حتى هو من نهار مات داوود وهو كالس هنا ... علاش زعما مارجعش للدارو إخلاص هزات بطاطة كاتنقييها : الصراحة ماعرفتش ولكن سمعتو واحد نهار قال لواحد فتيليفون انا مابقيتش قادر نكلس فديك ددار حيت كاتبانلي فكل قنت فيها كانت ناعسة ومكمشة كيف العادة حتى تحل عليها الباب دخلات إخلاص هازة بلاطو فيديها فيه الماكلة دازت نيشان طلعات ريدوات شئ لي خلا الشمس تسلل البيت وتضرب فوجه شروق لي عقدات حجببانها ونطقات: هبطييهم إخلاص حطات البلاطو فوق الكوافوزة : انا راه مغاديييش نبقا كانتفرج فيك ونتي كاتخرجي على راسك شروق كاتغطي عنيها من شمس : إخلااص بلاما تعصبييني وهبطي ريدوات إخلاص كاتحيد لبها يديها على وجها : شوووفي فيا اشروق راه هادشي لي كاديري مغادي ينفعك بوالو شروق عنيها عمرو بالدموع : عفااك خلييني بوحدي إخلاص كاتحاول تمالك نفسها وماتضعافش: عفااك ننتي اختي ماتقتليش راسك فهاد البييت .... شهر هادا ونتي هكااا براااكة صااافي رحمي نفسك وخرجي من هنا شروق كاتشوف فيها: كيفااش بغيتيني نكمل حياتي عادي بلا بييه .. اناااا راه بلا داوود مكانسوا واالو إخلاص مسحات دموعها : داوود صاافي مات مشا مابقااش فكري دبا فراااسك شروق: لااا مابغيييييتش غيرر خلييوني انا باغة نبقا هكا حتى نموت ونمشي عندو .... يلااه خرجي عليا وماتعاوديش تجي عندي إخلاص : وخا الى مكانش كايهمك راسك فكري فداكشي لي خلا ليك خويا شروق شافت فيها : شنو ؟؟ إخلاص بتاسمات: شرووق نتي راكي حاملة اختي ........ صوت العصافير كايتسمع فودنيه بحال شي رنة مهدئة خلاتو ينسا الحريق ديالو وعقلو يفكر غير فبها .... اه هي بوحدها لي خلاتو ينسا العالم ويكون ليها بووحدها وخا القدر كان ليه رأي اخر وبعدهم على بعضياتهم ولكن مزال عندو امل وغايدير كتر من جهدو باش يرجع لبها وخا يكون كايضرب فيه غير عرق واحد .... غمض عنيه كايتقكر اخر لحضات دوزهم معاها ... وكل تفصيلها .. عنيها إبتسامتها وخدودها لي كايتوردو فاش كاتحشم وحتى عصابيتها وكيفاش كاتخرج فيه عنيها هادشي كامل تفكرو وهو مغمض عنيه وناسي الألم والجروح ديالو لي كاملين كايضربو ..... مافيقو من شرودو غير الباب لي تحل داخ جلال وهو هاز علبة الإسعفات فيديه كلس مقابل معاه ونطق : هاني جييت اصاحبي ... واش ليوم شوية داوود غمض عنيه ورجع حلهم بمعنى شوية جلال حط يديه على كتفو : غادي تولي بخيير ان شاء الله ... وربي عطاك فرصة اخرة فالحياة داوود كايحاول ييحرك فمو ولكن كلو محروق مقدرش جلال : غير هدا بلاما تفورصي على راسك .... جيت باش نهضر معك شوية .كمل هضرتو ) الهم انا ك طبيب غانقول ليك بلي هاد الحالة ديالك شوية خطيرة وصعيبة فالعيلاج ديالها حيت الحم ديالك واكل دق بزاف ولكن مع ذاليك انا غاندير كتر من جهدي باش نت تعالج وترجع حياتك حسن من لي كانت داوود كايشوف فيه بهدوء فالحين لي رجع هو كمل كلامو : غادي ناخدو مدة طويلة باش الحم ديالك يرجع كيف كان ولكن غايكون ضروري خاصك العمالية مور ماتبرا حيت الحم ديالك تضرر بزااف حك مأخرة رأسو وكمل كلامو: سمحلي جيتك نيشان وقلت لك الصراحة ولكن هادشي لي تعلمت فالمهنة ديالي اناني مانحشمش من المرضى ديالي ونقول ليهم داكشي لي غايوقع بالتفصيل باش كاتصدمش شي نهار . . داوود سد عنيه ورجع حلهم جلال : المهم هادشي لي عندي اما بنسبة الهضرة غاترجع ليك فأقرب وقت غير كون هاني ... كاتشوف فيها بعدم تصديق: وااش عرفة راسك اش كاتقولي إخلاص مسحات ددموعها: اه اختي نتي حاملة .. خويا بصصح مشا ولكن خلا موراه اتار زوين شروق هزات يديها حطاتها على كرشها وهي كاتحاول ماتيقش هاد الهضرة شافت فيها ونطقات: لا لا اكيد نتي كاضحكي عليا إخلاص حطات عليها يديها: لا اختي مكانضحكش ونتي بصصح حاملة وطبيبة هي لي اكداات ليا هادشي شروق تكات مزيررة على كرشها وهي مصدومة مقدراش تييق انها بصح حاملة إخلاص تنهدات وناضت وقفات ونطقات: انا غانخليك شوية بوحدك ... فكري فداكشي لي فكرشك كملات كلامها وخرجات وسدات الباب خلاهها بوحدها كاتفكر وعقلها ماستوعبش اش سمعات ... واش بصح هي حاملة واش داوود وخا مات خلا موراه رووح ساكنة احشائها واش هي كانت هاد المدة كاملة مخليا رووح فيها بجوع ... هادو كاملين اسألة فراسها مرة تضحك وتفرح ومرة تحزن فاش كاتفكرو ومرة تغضب وتلوم راسها حيت هملات نفسها وكلسات بجوع ......... بعد مرور وقت طويل 😉😉😉 كانت كالسة مربعة رجليها وبنت صغيرة فعمر عام كالسة قدامها وهي كاتمشط ليها وتقاد ليها شعرها مرة مرة كادورها عندها تبوسها وتعنقها كملات ليها ووقفاتها كاتشوف فيها وفلامحها ..كانت نخسة منو بكل تفاصيلو بتاسمات ونطقات (بصح باباك قتلوه وحرموني منو ولكن ربي رزقني بنسخة منو ... ) مسحات دموعها وبتاسمات رغم الجرح لي فقلبها ورجعات نطقات ( سيري احبيبة دخلي البيتك تلعبي ) لبنت لي كانت يلاه كاتمشا مشات دخلات لبيتها هزات العابها وكلسات الأرض كاتلعب ... فالحين للي كلسات هي فوق النموسية وجبدات سنسلة من جيبها حلاتها وبانت تصويرتو تنهدات وقالت بحرقة ( عمري غانسمح لبهم هما حرموني منك انا وبنتك الله ياخد فيهم الحق ) سمعات صوت دقان مسحات دموعها ورجعات ديك الصورة فجيبها وناضت هبطات مع دروج حلات الباب غير شافتو مسحات دموعها ونطقات .شروق دخل اسي عدنان لبوص كايشوف فعنيها لي مدمعين : عاوتاني كاتبكي ..واش مزال ماقدرتي تنسايه شروق الى كنتي نت قدرتي تنساه انا عمري نسيتو وبلاصتو مزالة كبيرة فقلبي لبوص جبدها عندو حط ليها راسها على صدره: عارف ابنتي صعييب ععلييك باش تنسايه ولكن هو مااات وحنا وخا نديرو لي درنا ماعمرنا غانرجعوه .شروق هزات فيه عنيها: على اقل خود لي حقو من هادوك لي قتلوه لبوص كايدوز يديه على راسها : غاناخدو ... كانواعدك نخليهم يندمو على نهار اللي عرفونا فييه .... ودم داوود مغاديش يمشي هكاك شروق زيرات عليه وهي كاتشهق : خلاااو قلبي مشوي علييه تتمة لبوص بعدها عليه وبتاسم: فين هي الخنفوسة ديالي شروق مسحات ددموعها: كااينة فالبيت كاتلعب لبوص : انا غانطلع عندها نشوفها شروق بتاسمات: وخا خود راحتك اسي عدنان لبوص شاف فيها الأخر مرة ومشا طلع بالشوية حتى. وصل لبيتها حل عليها لباب غير شافتو جات كاتجري عندو وعنقاتو هو زير عليها ونطق: حبييبة ديالي توحشت شمس معنقاه وهي كاتمتم بكلام مافهمش لي فهم هو انها بغات شوكولا لبوص بتاسم ونطق: واش دبا فوق ما نجي خاصني نجيب شوكولا شمس كاتشوف فيه ببراءة : بابي شوكولا لبوص باسها فجبهتها بوسة طوييييلة: على قبل هاد بابي انا غانجيب لبنتي كترطونة كبييرة ديال شوكولا شمس بتاسمات وعنقاتو مزيرة عليه بيديداتها صغيورين : شكرا بابي لبوص هزها حطها فوق الناموسية ديالها ونطق : نعسي شوية دبا فاش نرجع نجيب لبنتي شوكولا شمس تجبدات وتغطات : اوكي بابي ...... فواحد مستشفى كبيير وبالضبط فغرفة من الغراف دياالو كان وااحد الطقم طبي واقفين كاملين كاينسناو وعلامات الخوف على وجههم ... تقدم طبيب كبير منهم عندو وهو كيشوف فيه مد يده حطها على الفاصمة لي على وجهو ونطق: واجد بتاسمم بعدما عطاه اشارة انهم واجد وبدا يحيد فيها شوية بالشوية كلهم واقفين كايشوفو فيه وكايتمناو هااد العمالية لي شحال اهما كايتسناو فيها انها تنجح ... هو اكيد مكايقلش عليهم ابدا بعد عام كامل ديال تكرفيس ولحريق ليووم غاييسالي كولشي وغايرجع لحياتو عادي هز عنيه فدكتور بعدما كمل وحيد كولشي كايشوف فيه وكايتسنا ردة فعلو طبيب شاف ف الطقم ديالو واشرهم باش يخرجو وبالفعل داكشي لي كاين خرجو كاملين وهو رجع شاف ف داوود ونطق : تبغي تشوف وجهك الجديد داوود حرك راسو بمعنى اه وطبيب مشا جاب المرايا مدها ليه وهو شدها من عندو .. جات عنيه فوجه الجدييد كاان مختالف تماما على لقديم وهادشي ماشي شي حاجة لي جديدة عليه ههو كان عارف ان وجهو غايتبدل حين نسبة حرق وجهو كانت 80 فالمية واكيد وجهو مابقا مايتعالج فييه حط المرايا وبتاسم ونطق : شنو غاندير دبا طبيب بتاسم : خاصك تبع غير داكشي لي كانقول ليك ...اهم حاجة انك غاتبقا واحد المدة معينة بعيد على اشعة الشمس مااتخرج الى لضرورة والى خرجتي دير شي حاجة على راسك لي تهز عليك الشمس ... وداكشي لاخر حتى نهضر فيه مع جلال وهو ييشرح لك كلشي داوود حنا راسو : وخا ان شاء الله طبيب بتاسم: فهاد الوقت غادي تجيك صعيبة باش تقبل وجهك الجديد .. ولكن مع الوقت غاتولف عليه داوود كايشوف فالمراية: عارف طبيب تنهد: نخليك دبا رتاح شوية ... واحد شوية غانرجع عندك كمل كلامو وخرج خلاه غير كايشوف فراسو كان مختالف تماما على الوجه القديم لي مكايعرفوش مغايعرفوش حط يديه على وجوهو وكايحركها بهدوء ونطق : واخييرا من بعد عام ديال العداب وصل الفرج سمع صوت دقان حط ديك االمراية ونطق : دخل تحل الباب ودخل جلال وهو هاز واحد الملف فيديه بتاسم وهو كايشوف فداود ونطق: الحمد لله على سلامتك اصاحبي داوود شاف فيه: الله يسلمك اخويا جلال قرب عندو عنقو ونطق : كي بقيتي شوية داوود بادلو العناق : شوية جلال بعد عليه وكلس فوق بياص وحتى داوود كلس مقابل معاه ونطق جلال : الحمد لله العمالية نجحات ليك داوود كايشوف بعيد : اه نجحات ولكن كيفاش غاندير نتعامل مع الوجه الجديد جلال: فهاد الاول غادي يجيك صعيب ولكن دغيااا غاتولف داوود شاف فيه: داكشي لي كاين جلال :: دبا بريتي والعملية ااخيرا نجحات من. بعد عام وزايد ديال تكرفيس والعداب ... داكشي لي داز عليك مكانش ساهل نهائيا ولكن بالعازمة والقوة ديالك قدرتي تجاوزها ووصلتي لدااكشي لي كنتي كاتمناه ... اش غادير دبا داوود حك راسو: غانرجع عند عائلتي جلال : كيفاش غادير معاهم وكيفاش غاتوصل ليهم انك نت داوود وبلي باقي عايش ... صعيب باش يتقبلوك بوجه جديد داوود : عارف بلي صعيب ولكن خاصني نرجع ضرروريي ... هاد مدة كاملة وانا صابر غير على قبل هاد نهار باش نرجع وانا باري ومايشوفوش وجهي وجسم ديالي لي تشوه جلال حط يديه على كتفو : الأهم هو انك بقيتي عايش ...كلشي غايتحل مع الوقت كون هاني داوود كايشوف بعيييد : توحشتها لواحد الدراجة مكاتصورش جلال: عاارف اصاحبي ولكن حتى هي غايكون صعيب عليها تقبل اانك مزال عايش وبوجه جديد ... خاصك تعرف كيفاش تدخل لحياتها داوود وقف ودار يديه فجيبو: مابقيتش قادر نصبر... خاصني نرجع بغيت نعنقها ونشم ريحتها ......... من بعد نهار ككامل ديال العياء كانت ناعسة فوق ناموسية ومعنقة بنتها عندها لي ناعسة بحال شي ملاك صغير .... ساهية كاتفكر شنو سميت غادير دبا وكيفاش غاتعامل مع بنتها اللي غادة وكاكتبر كيفاش غاتعامل مع المجتمع لي مكايرحمش ... دبا البنت مزالة صغيرة وهي مكاتخرجش ولكن نهار تكبر البنت وتوصل على المدراسة اش غاديىر وهي بلا ورااق ... ااااه كون فكرات ولا كون عرفات ههادشي غايوقع مكانتش غاتسلم راسها لداوود ومكانتش غاتحمل وهي بلا زوج فكرة تديها وفكرة تجيبها تجيبها حتى داها نعاس وغابت العالم الأحلام كانت كالسة وطه مقابل معاها كايشوفو فطبيبة لي كاتقرا شي وراق فيديها حتى كملاتهم حطاتهم وشافت ف جوهرة ونطقات: مع لأسف تحاليل اكدو لينا بلي الحمل ديالك خطر عليك وعلى الجنين لي فكرشك طه شاف فيها : هي شنو ادكتورة طبيبة شافت فيه: الى هاد الحمل كمل غايكون خطر على الأم ... نت فاهمني شنو بغيت نقصد طه : لا انا مافهمتش طبيبة : من الأحسن نحيدوه ماحدو مزال فالأشهر الأولى جوهرة بفني : لا ابدا انا مغاديش نحيد ولدي.... فايت لي فقدت الأول مغاديش نخصر حتى هادا طبيبة : شوفي امادام كيف قلت لك هاد الحمل خطر وشحال ماككبر غايكون كايشكل خطر عليك اكتر جوهرة حطات يديها على كرشها: انا مستعدة لكلشي ... غانواجه هاد الخطر وخا يكلفني هادشي حياتي طه شد فيديها: انا بصح باغي الولاد ولكن حياتك عندي اهم جوهرة مسحات ددموعها ووقفات: يلااه نمشيو انا داكشي لي عندي صافي قلتو طه وقف وشد فبها : وخا على خاطرك يلاه نمشيو ومن بعد نهضرو فهاد الموضوع طبيبة شافت فيهم: انا هنا وقت ما حتاجيتو شي حاجة انا واجدة طه شد فجوهرة وجرها خرجو من تما داها لطموبيل طلعها وطلع حتى هو يلاه بغا يديماري وهو يسمعها قالت : ديني عند شروق طه شاف فيها: وخا احبيبتي ديمارة بسررررعة متوجه لدار شروق .......... كانت كالسة ومربعة رجليها كاتفرج لابسة كسوة حد الفخاض بسميطات رقاق لحمها كامل كايبان وطالقة شعرها مور ضهرها حتى سمعات ددقان عقدات حجببانها شكون هدا لي غايجي عندها قالت فبالها يمكن جوهرة ناضت توجهات الباب حلاتو بلاما تقول شكون وهي تعقد حجبانها خنزرات فيه ونطقات: اش كاين ... اش باغي فيصل طلعها ووهبطها: جيت نشوفك إخلاص حطات يديها على خصرها ؛ اش غاتشوف فيا هااا انا فيصل يلاه بغا يهضر وهو يسمع موراه : وااااااو هادد تيتيز كامل هنا وحنا مافراسناش دار بسرعة حتى كايبانو ليه واحد جوج واقفين وكايشوفو فإخلاص لي كانت تقريبا برا بدوك الحوايج لي شبه عارية خنزر فيهم ونطق: تحركو من هنا قبل مانهرس ليكم داك الفم واحد فبهم : خلينا اصصاحبي نشبعو شوفو ففطرف تاني : واو واو على فورمة وعلى بيوضية..... زيين مادوزيش معيا شي لليلة... نبرع .. مجا فين يكملها حتى حس بحنكو تقسم كام فيصل لي عطاه بضهر يديه ويلاه بغا يزيدو حتى شافهم هربو بجوج رجع شاف فيها لقاها خرجات عندو وداك شوية لي كانت ساترة خرجاتو وجيران كلهم خرجو من سراجم كايطلو خنزر فيها ونطق: دخلي قبل مانهرس لمك راسك إخلاص وعات على راسها ومشات دخلات كاتجري وهو تبعها زدح الباب عليها ومشا رجع لطموبيلتو طلع وكلس كايفرك فيديه ويفكر فهادشي لي وقع ليه... هو علاش هزاتو نفس عليها وحس بقلبو كايضرو وهو كايشوفها فوسط الزنقة بداك لباس وزادت شعلات فيه العافية فاش سمع دوك الجوج كايهضرو معها هكاك ... اسئلة كتيييرة فراسو مالقا لبهم جواب من غير ( هادشي كامل حبت هي خت صاحبي وبحال ختي ) هاد الجواب هو باش كايسكت راسو `.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0; if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }
