الجزء 12 - قصة بريئة بين الذئاب

.formatted-text { text-align: center; font-weight: bold; white-space: pre-wrap; margin: 20px auto; }

تتمة البارت

const text = `كانت ناعسة ومكمشة فوق الناموسية عنيها تنفخو بقوة البكا وتحت منهم زرق بسبب قلة النعاس كاتبكي وتشهق وكاتقوب كابكات والو ... كاتيكي على زهرها لي لاحها فيد هاد الوحش لي مافقلبو لا رحمة ولا شفقة كاتبكي الحب ديالها لي ضيعاات عمررها كامل وهي كاطلب انه يبغيها غير نص فداكشي لي بغاتو ولكن هو عمرو شاف فيها ولا حتى شوفة

حسات براسها كانت حمااارة ... اااه حماارة حيت بغات واحد بعييد كل البعد عليها ... وحمارة حيت كانت كاتفكر انه شي نهار غايحن غلبو من جيههتها وغايبغيها عقدات حجببانها بغضب وناضت وقفات عند دخلات الحمام غسلات وجها مزيان وخرجات لبسات علبها قشابة فالصفر وخرجات دازت ديركت الكوزينة كاتقلب على متاكل عمرات اتاي وحلات تلاجة لقات البيض والزبتو بتاسمات حيت اكتر حاجة كاتعجبها هي البيض مع الزيتون هزات جوج بيضات طيباتهم فزيت وخوات عليه الزيتون من الفوق وحطات فووق طبلة مع اتاي والخبز وبدات كتاكل وهي كاتبننن

كملات ماكلتها ناضت وقفات غسلات دوك الماعن ودورات راسها فالكوزينة حسسات بالملال قالت والله حتى نوض نخمل ونبرد غدايدي فدار مشات رجعات البيت حيداات ديك القشابة ولبسات شورط حد الركبة ومزير عليها مع تيشورت ديالو نص كم وحد الفخاض وخرجات دازت البيت لي فيها مواد التنضيف هزات كاع داكشي لي غايخصها وخخرجات بدات بالبيت لي كانت فيه خخرجات الفراش كامل وسيقاتها حتى رجعاتها كاتشعل عاد رجعات داك الفراش وناموسية ...كملات من تما ودازت الصالون ساستو كاامل حتى هو رجعات كايبري ومن تما الكوزينة حتى هي طرفاتها كاااملة حتى من البلاكارات وتلاجة غسلاتهم

ممدة وهي واقفة كاتخمل ودندن دغيا نسات العصا لي كلات ولحمها فالبلاصة برا فااش كملات داكشي كامل عطرات دار بالمسك ومشات كلسات فوق الكرسي فالكوزينة وهي مبتاسمة على هادشي لي دارت حسات بجوع جاها تاني ناضت طلات على تلاجة جبدات دجاج والخضرة عوالة على طاجين

قداات داك الطاجين وحطاتو يطيب وهي كاتغني مشات دخلات البيت حيداات عليها دوك الحوايج وابسات كسوى هابطة بكمامها ورجعات الكوزينة طلات على طاجين نقصاات عليه البوطة ومشات الصالون شعلات تلفازة وكلسات كاتفرج دقائق قليلة حتى سمعات الباب تحل قفزات ولكن رجعات تمالكات نفسها هزات راسها بان ليها داخل وهو عاقد حجبانو بستغراب من الريحة لي كايشم ودار لي رحعات نقية لمحها كالسة فصالون جات عنيه فعنيها لي باين عليهم تعب حنا راسو ودخل حاول يتجاهلها دخل دوش لبيتو دوش ولبس عليه كيطمة كري مع تيشوت كحل ( راه وخا البوص كبير فالعمر ولكن مهلي فراسو) عاد رجع خرج دخل الكوزيينة وبتاسم من الريحة طاجين لي كانت عاطية فرح حييت عمرو شم ريحة طياب التقليدي فدارو معروف غير كياكل برا ولا كايكمونديها الدار د... داز هز الكاس العاصير وهو كايضور راسو فالكوزينة لي شحاال هادي مشافها بهاد النقاوة

سمع خطوات جايين رجع كلس محاول انه يتفداها وهي دخلات طلات على طاجين وطفات علييه شافت فيه ونطقات: مممكن تجيب الخبز ونتعشاو مجموعين .... نحاولو ننساوو كااع داكشي لي دااز غير اليوم انا عييييت من المشاكل وحق الله لبوص صدماتو ماعرف مايقول ماقدرش يهز فبها عنيه ندم على كاشي لي دار فبها الصباح حط داك الكاس وناض هز جاكيط ديالو ومشا يجيب الخبز وغفران بتاسمات حيت قبل حطات داك الطاجين وحطات الزيتو لي كاتحمااق عليه فأي حاجة مع العاصير وكلسات فوق الكرسي كاتسناه وماهي الا دقائق قليلة حتى كان رجع حط الخبز فوق الطبلة ودار باش يخرج ولكن سمع: اجيي تعشا ....

لبوص شاف فيها وهو كايقول كيفاش هاد البنت غير الصباح قتلتها بالعصا ودبا كاتشدني باش نتعشا معاها .تنهد ونطق: غير بالصحة

غفران قطعات الخبز ليها وليه: غيير كلس انا عارفاك بااغي تاكل ولكن نفسك مخلاتكش .... على أقل فكر غير فكرشك لي قتلتيها بقوة ماكلة الزنقة

لبوص غير كايشوف فيها ،: نتي شنو بغبتي بالضبط

غفران شافت فيه: تييق بيا انا مابغييت حتى حاجة ... غيير هادشي طلع لي فراسي بغييتوو يحبس ..... كللس دبا تاكل وديك الساعة اي حاجة بغيتيها نديروها

لبوص بتاسم وهادي كانت اول مرة غفران تشوف إبتسامتو لي سحراتها .. جر الكرسي كلس ووهز الخبز شاف فيها لقاها ساهية فيه عقد حجبانو ونطق : هيييه

غفران قفزات: احم كول كول يلاه قبل مايبرد

لبوص بدا كياكل واول دغمة كلاها خلاتو ينسا العالم ويرجع الطفولة ديالو فاش كانت الأم ديالو كاديرو لبهم ومن النهار ماتت مكلا طاجين ولا اي أكلة تقليدية ديال دار .. غفران لحضات انه عجبو بتاسمات وحتى هي باشران فماكلتها

......... كانت متكية وجامعة رجليها عندها كاتخمم شنو غادير وكيفاش غاتلقا خدمة فهاد المدينة الكبيرة ولي خوفها هو ناس لي مكايبغيوش يخدمو شي واحد براني خوفا على رزقهم بقات ليل كامل وهي كاتݣلب ونعاس حلف لا جاها حتى ادن الفجر عاد نعسات شوية وصبح الصباح جديد ملئء بحدات جديدة جوهرة حلات عنيها وهي مكشرة ملامحها بفعل الشمس لي ضربات فيها نناضت وقفات ودخلات الحمام غسلات وجها وخرجات هزات تليفونها شعلاتو وهي تصدم من قوة ليزابيل ورسائل لي كان من عند طه عقدات حجببانها بالستغراب ودخلات الميسجات تشوف الش صبفط. ليها كانو رسائل كايأكد فيهم انه كتاشف الحقيقة وانه وقع ليه سوء تفاهم وبلي باغي يرجع لييها وبلي عرف انها حاملة زفرات بغضب ورجعات طفات تليفونها ونطقات : وخا تنطابق السماء مع االأرض مغادييش نسمح لك.

لاحت تليفون فوق الفراش ومشان حللات البليزة جبدات منها ماتلبس كانت كسوى فالصفر صيفية حيت الجو سخون لبساتها مع جاكيط كوير ولبسات سبرديلة فالبيض وجمعات شعرها كوت شوفال وهي مباتسمة ...عوالة تبدا رحلة جديدة وحياة نقية بعييد على المشاكيل خرجات مت دار وهي مبتاسمة والفرحة حيت طه عتارف بالخطأ ديالو وصلات قدام واحد المحال الملابس كبير كانو معلقين إعلان الخدمة دخلات بانت ليها البنت لي خدامة تما واقفة مع المدير توجهات عندهم وهي مبتاسمة نطقات ؛ سلام عليكم

شافو فبها ونطقو بجوج : وعليكم السلام

جوهرة : جيت على قبل الإعلان ديال الخدمة المدير شاف: تفضلي معيا نهضرو

جوهرة بتاسمات: شكرا

المدير شاف فالبنت لي معاه : كملي شغلك

كال هاد الهضرة وتوجه المكتب ديالو وجوهرة موراه دخل وكلس شاف ف جوهرة ونطق: كلسي

جوهرة تقدمات عندو وهي كادور راسها فالمكتب لي كان كبير ستغربات حيت اوا مرة تشوف شي محال ملابس فيه مكتب خاص بالمدير .... كلسات وقدات كسوتها وونطقات: كيف قلت لك انا جيت على قبل الخدمة واإعلان لي شفت فالباب

هو ربع يديه: شنو سميتك

جوهرة بتاسمات: جوهرة

هو : مشرفين اجوهرة انا ياسين

جوهرة حنات راسها: مشرفين

ياسين : امهم انا بغيت بنت تقابل لي الكليان حيت المحال ديالنا ماشي كأي محل ففهمتي ؟؟

جوهرة: كيفاش بالضبط

ياسين : خاصك توقفي مع الكليان حتى ياخد داكشي لي باغي واكيد نتي خاصك تكوني ديما مبتاسمة

جوهرة : ان شاء الله الله لا يحشمنا

ياسين : شحال فعمرك اجوهرة

جوهرة: 22 عام

ياسين : مزوجة

جوهرة جمعات قبضات يديها: اه

ياسين : اوك عندك شي ولاد

جوهرة: حاملة

ياسين : اوك صافي

جوهرة : تقدر تقولي علاش كاتطرح بحال هاد الأسئلة

ياسين جمع شي وراق ومدهم ليها : حنى كايخصنا ضروري نعرفو كلشي على الخدامة ديالننا ... الى شي نهار وقع شي مشكل نعرفو كيفاش نتصرفو

جوهرة شدات من عندو الوراق كاتقراهم : اه فهمتك ... شنو هادو

ياسين سند ضهرو على الكرسي: قرايهم على خاطرك عااد وقعي... غاتخدمي 7 ديال السوايع نورنالمو كايخدمو 9 ولكن نت مع الحمل نقصنا على حساب الراحة ديالك .... وبنسبة الراتب الشهري هو 5500 مزيانة

جوهرة بتاسمات: صافي شكرا. ( حطات دوك الوراق فوق البيرو ووقعاتهم ورجعات شافت فيه) ولكن الصراحة واش ماشي بزااف .... قصدت راتب المعروف المحلات الملابس الراتب مكايفوتش 400 ياسين بتاسم : حنا كانتهلاو فالخدامة ديالنا وكانحتارمهم ( وقف ومد لبها يديه ) مبروك عليك الخدمة مدام جوهرة

جوهرة وقفات حتى هي ومدات ليه يديها : شكرا سي ياسين .... فوقاش نقدر نبدا

ياسين رجع كلس : دبا نيت الى بغيتي

جوهرة بتاسمات: معلوم غانبغي ... شكرا مرة أخرى

ياسين : بون كوغاج

جوهرة خرجات وتوجهات عند ديك البنت لي غير شافتها وجات عندها ونطقات : اشنو تقبلتي

جوهرة بتاسمات: اه تقبلت

دعاء بتاسمات حتى هي : مبروك عليك ازيين .... انا دعاء ونتي

جوهرة بنفس الإبتسامة : جوهرة

دعاء : متشرفيين اجوهرة .... قولي لي فطرتي

جوهرة: لامزال

دعاء : مزيان اجي فطري معيا

جوهرة بتاسمات وتبعاتها دخلو لداخل حطات دعاء الفطور وفطرو كملو شافت فيها دعاء ونطقات.... يلاه نووضي نتب حلي حيت الوقت هو هدا وانا غانشوف الحوايج الى كانت شي حاجة مامقداش نقادها

جوهرة وقفات وهي تحس بمعدتها تقلبات شافت فدعاء ونطقات: الحمام فين كاين

وراتو ليها ومشات كاتجري وهي حاطة يديها على فمها

......... كان صاايك وعقلو غايب كايفكر فين بالضبط غايقلب عليها ومراكش مدينة كبيرة ومكايعرف فيها والو هز تليفونو دوز الخط فالبلاصة سمع الرد ونطق: امدرا لقيتو شي حاجة

...... لا اسي طه مكاين ليها اتر

طه قطع عليه ولاح تليفون فوق الكوسان ونطق بغضب : غانلقااااها ماعندها فييين تهرب عليا

رجع هز تليفون ودوز الخط الجوهرة ولكن كيف ديما الخط مسدود تنهد بغضب ونطق : غانلقااااك ....

✨بعد مرور 3 ايام ✨ ددازت هاد المدة عاادي على شروق لي منفوخة على داوود حلفات لا هضرات معاه كايضل يحزر فبها حتى كايعيا ويخلبها كانت كالسة مربعة رجليها فالأرض وحاطة طبسيل ديال زريعة كاننقب منها وتفرج حتى سمعات ددقان بجهد فالباب ناض قافزة معرفات مادير خافت تحل الباب وتوقع شي حاجة وكما خافت تخليه وتوقع شي حاجة اكبر

دقان كاان بجهد وكان مستامر ولكن فجأة حبس كلسات الأرض وحطات يديها على قلبها لي كايصب بجهد معرفات مادير ولا كيفاش تصرف ناضت وقفات ومشات بالشوية حطات ودنيها على الباب كاتسنط واش كاين شي حد ولكن الحس كان مقطوع هزات يديها حلات الباب ومع تحل تحلو عنيها كان طايح فالأرض وهو مغيب وكرشو عامرة بالدميات معرفاتوو تضرب بالرساس ولا بالموس وولا شي حاجة اخرة طااحت على ركابيها عندو وشدات وجها بين يديها وكاتغوت بأحر جهدها على امل بحل عنيه ويقولها انا ممعاك. ولكن لا حياة لمن تنادي... غوتهها خلا كلشي يخرج ويتجمعو علبها وهي كاتغوت وترغب فبهم يعتقوه ولكن شكون يقدر يقربو

جا واحد الولد كايجري يكون فديك 20 عام طاح عندها ونطق : اش وقع لخويا داوود

شروق كااتبكي وتنخسس : معرفتش خرجت لقيتو ملليوح قدام الباب

هو جبد تليفونو عيط على الأسعاف وعطاهم العنوان ورجع قلب نبض. ديال داوود لقاه ضعيف بزاف شاف ف شروق لي غاتهبل بالبكى حط يديه على كتفها ونطق: ماتخافييش اختي ان شاء الله خويا داوود غايكون بخيير

شروق حاطة راسها على سدرو وكادوز يديها على وجهو : داوود نوووض فيييق اداوود هئ هئ. هئ وااش حتى نت بغبتي تمشي وتخليني

هزات راسها كاتشوف فالدم لي دايز منو مشات دخلات كاتجري جابت وااحد زيف حطاتو عللى كرشو ووزيرات عليه ونطقات موجها كلامها ل داك الولد : خااص دم يحبس

هو هز راس داوود حطو على ركبتو وشد يديه مراقب النبض ديالو لي كان غادي وكايضعاف

وقت قليلة حتى ووصلات الإسعاف هزوه دغيا وشروق وداك الولد معاه وتوجهات بيه بسرعة لأقرب مستشفى مخلين نااس تما فالحييرة ديالهم والفضول غايقتلهم وكل واحد فيهم كايلغي بالغاه

.......... كانت مجببدة على كرشها كاتفرج فواحد المجلة حتى قفزات فاش تحل عليها الباب شافتو داخل وهو كايصوط. خنزر فيها ونطق: غاديي نخرج داوود تضرب وهو دبا فخطر .... الى فكرتي ولو مجرد تفكير انك تهربي غاندبحك فهمتييي

غفران قفزات وقفات قدامو : شنو قلتي داوود ... اش وقع ليه

لبوص كايشوف فيها: هادشي مكايعنيكش

نطق هاد الهضرة وخرج متوجه لسبيطار لي داو ليه داوود خلا غفران واقفة كاتشوف مافهمات واالو ممعرفاتش هاد الاحساس لي كاتحس بيه واش حيت بقا فيها ولا حيت مزالة متعلقة بيه رجعات كلسات فوق الناموسية وونطقات : انا بصصح قلبي مات من جيهتو وكتاشفت اناني مكنتش كانبغيه غير معجبة بيه وصافي ولكن بقا فيا ك جاار وك صديق ... كانتمنا ماتوقع ليه حتى حاجة خايبة

.......... كانت خدامة ومرة مرة كاتجري الحمام كاتقيا ووترجع تكمل خدمتها عادي حتى سمعات صوت دقان فالباب عققداات حجبانها بستغراب حيت الباب محلول ووماعمر شي حد دق فيه هزات راسها جيهة الباب وهي تصدم وحسات بالدنياة داارت بيها ورجليها فشلو علبه مدات يديها شدات فالحيط ونطقات بصوت شبه مسموع: اش مزال باغي عندي تتمة دخل كايجري الجناح لي فيه داوود حتى كتبان ليه شروق طايحة فالأرض وكاتبكي بالحرقة وحالتها حالة تخطاها وداز كايجري وقلبو كايزدح مققادرش يتخايل شي حاجة غاتوقع لداوود حل عليهم الباب كانو ضايرين عليه الاطباء لي غير شافوه ناضو كايغوتو عليه باش يخرج ولكن هو كاع مكايسمعهم يالاه كايبان ليه داوود تمشا جيهتو كانو معلقين ليه الاوكسجين ومحيدي ليه حوايجو على الجرحة هز راسو ف الأطباء ونطق : ولدي غايعييش يااك

واحد فيهم تقدم عندو : اه غيير خرج عفااك خلينا نديرو خدمتنا ( غوت بصوت عالي) وجدو الغرفة العمليات فالأقرب وقت كلهم كيتجاراو وكل وحد فيهم اش كايدير وهو واقف وسط البيت كايشوف فيه ورجلين باش يتحرك مابقاوش عندو ...شافمه خرجوه كايجريو بيه الغرفة العمليات وتبعهم كايجري حتى دخلوه وسدو الباب فوجهو طاح الاأرض وهادي كانت اول مرة يضعاف فيها البوص ويبن الضععف ديالوو ودموع ديالو ينزلو علاش لا وهو لي هزو رباه وكبرو وقراه حتى ولا راجل حس يد تحطات عليه هز راسو ونطق وهو كايشوف فيها ،: يااك حذرتك انك تخرجي

غفران كلسات حداه وشاف ف شروق لي غير كاتبكي وتشهق رجعات شافت فيه ونطقات: انا جيت لهنا على قبلك

شاف فيها: شنو

غفران حطات يديها على كتفو : متخافش ان شاء الله ولدك غاففوت هاد المرحلة وغاينوض يرجع حسن من لي مان لبوص اصلا كان محطم محتاج الحنان ومحتاج يسمع شي كللمة تريحو حط روسو على كتفها ونطق: اه ولدي قوي غادي يتجاوزها

غفران عنيها عمرو بدموع وهي كاتشوف فشروق لي متكية على الباب العماليات وقالت فراسها هادي هي لي تستاهل داوود وتقول انها كاتبغيه ديال بالصح مسحت دموعها وحطات يديها على راس البوص كادوزها بحنان

داز الوقت طوييل عاد تحل الباب الشء لي خالهم كاملين يقفزو لبوص شاف فطبيب ونطق : ولدي بخيير يااك ... قول ان ولدي ماوقع ليه والو

طبيب كايشوف فبهم باتسم : الحمد لله قدرنا ننعتقوه .... كانت معجزة كبيرة حيت الرصاصة جات فبلاصة خطيرة بزاف ولكن قدرنا نحيدوها ..ليوم غايكلس تحت المراقبة حتى ليل ولا صباح عاد غانرجعوه البيت العادي

كمل كلامو ومشا خلاهم البوص بقوة الفرحة لي كايحس بيها ماحس براسو حتى كان طار حلى غفران وعنقها عندو مزير عليها وكلمة وحدة على فمو( ولدي قوي ) غفران بتاسماات وحتى هي بدلاتو العناق خداهم كانت طايحة الارض ودموع دايزين فعنيها وإبتسامة فنفس وقت كاتبكي وتقول ( الحمد لله) واقف فالباب وكايشوف فيها كيفاش كاترعد وكاترجع بخطواتها لور تنهد.ونطق : ججيت باش نصلح كولشي

جوهرة حركات راسها بلا: مابقا مايتصلح

طه تمشا عندها: سمعيني

جوهرة حطات يديها على ودنيها : خرج خرج خرج مابغيييييتش.... عفااك خرج

طه وقف قدامها حط يديه على يديها: سمعييني

جوهرة دفعات ومشات كاتجري هزات ساكها وخرجات بزربة من تما وطه تبعها شدها من دراعها قربها عندو ونطق بالغوات : نتي راه مخاصكش ديري هك ... خاصك تسمعيني

جوهرة جمعات قوتها ودفعاتو ونطقات حتى هي بصوت مرتفع: علاااش نت سمعتيني ولا سولتيني اءءءءء ؟؟؟؟ قلتي لي بعدا انا اش درت كوووول ؟؟! ..... نت راك ماعطيتيني حتى الوقت فين نفهم اش درت مخليتيني حتى نسولك ( قربات عندو وزادت دفعاتو ) داكشي علاش ماتلومني على حتى حاجة .... الطريق لي جابتك ترضك وانا قلتها من قبل وغانعاودها وخا تنطابق السماء مع االأرض عمري نرجع نتيق فيك مرة أخرى حيت كيف فيققتيني من نعاس مرة ولحتيني غاتعاوددها مرة تانية

طه غير كايشوف فيها ماعرف مايقول هو فالحقيقة عندها الحق ... هبط بشوفاتو جيهة كرشها ونطق: على اقل خليني نقيس ولدي ونفرح بيه

جوهرة بهدوء : علااش شكون قالك هدا ولدك بعدا

طه رجع شدها: ولدي بزز منك

جوهرة تنترات ممنو ورجعات الور وويلاه بغات تهضر وهي تسمع صوت الطموبيل بجهد مجاات فين تستوعب اش كايوقع حتى كانت طارت حتى السماء وتخبطات مع الأرض خلات طه غير واقف مصدوووم كايشوف فيها ودمياتها مزلعيين

......... كانت مزالة متكية على الحيط ووعنيها على الباب لي مزال مسدود ابسط اومنياتها دبا هو تشوفو خارج من الباب وهو بخير تنهداات تنهيدة طوييلة وحطات يديها على قلبها وقلبات راسها جيهة لبوص لي مزال حتى هو كالس فوق الكرسي كان مسند راسو على الحيط وومغمض عنيه اما غفران فكان صيفطها مع رجالو لدار فضل انها تبقا بعيدة

شروق ناضت وقفات ومشات جبهة الباب هزات يديها وحلاتو يلاه بغات دخل وهي تسمع : فين غادة الالة

دارت ولقات طبيب واقف قدامها تنهدات وقالت: بغيت نشوفو

طبيب : ممنوع دخلي لهنا هاهو واحد شوية غايخرجوه الغرفة خاصة وديك ساعة تقدري تشوفيه

شروق حنات راسها ورجعات كلسات حدا لبوص لي كان حال عنيه كايشوف فسقف سندات راسها على الحيط حتى هي ونطقات : داوود انسان مزياان

لبوص صمت وكايتسنط عندها

شروق كملات كلامها: نهار ماتت ماما كنت ضايعة معرفت اش غاندير حتى لقيت راسي بين يديه.... هو بصح كان قاصي معيا فداك الأول ولكن فنفس وقت كان حاميني ... نهار غاب عليا غير شوية لقيت راسي بوحدي ودنياة كحالت فوجهي

لبوص قاطعها : وااش كاتبغييه

شروق سكتات سوأل ديالو صدمها حسات براسها معندهاش جواب لي

لبوص شاف فيها: مكانسولش جوج مرات

شروق هزات كاتفها : ماعرفتش.... نقدر نكون كانبغيه كيفما نقدر نكون غير ولفتو فحياتي

لبوص رجع كايشوف الفوق : الولف والحب بحال بحال ... هو بعدا تحداني وتحدا راسو والخدمة ديالو لي حل عليها عنيه غيير على قببلك نتي رجعات شافت فيه: عارفة

لبوص ناض ووقف وخرج خلاها كاتفكر وعقلها رجع طرح عليها نفس السوأل ... واااش كاتبغيه ... مالقات ليه جواب ولكن الحالة لي كانت فيها وهو فالخطر كافية باش تأكد ليها مشاعر ديالها تجاهو ولكن هي مابغاتش تشوف هادشي سمعات الباب تحل ناضت وقفات وهي كاتشوف فيه مخرجينو على البياص وهو ساد عنيه والسيروم معلق فيديه مشات كاتجري عندو شدات فيه وكادوز يديها على راسو ودموع تحجرو فعننيها

وصلوه البيتو هزوه ورجعوه فوق السرير الخاص وخرجو خلاوها معاه غير بوحدهم هي جابت كرسي وكلسات حداه وهي كاتشوف فيه وهو مغمض عينيه هكاك شدات فيديه وحطات راسها على كرشو كاتشوف فيه حتى غفاات وداتها عنيها

......... كان غادي جاي فالسبيطار وقلبو كايضرب خايف لا توقع ليها شي حاجة ولا توقع لولدو لي مزال حتىى مافرح بيه سمع الباب تحل مشا بزربة كايجري وقف قدام الطبيبة لي كانت كاتحيد القفزات ديالها شاف فيها ونطق: امضرا ادكتورة مراتي وولدي لباس

طببيبة : الحمد لله قدرنا نعتقوها ولكن مع الأسف خصرنا الجنين

طه حس بالدنياة داارت بيه كلس فوق الكرسي وشد راسسو ودموع فعنيه كايلووم راسو ويعاود على هادشي لي وقع تكا على الحيط والدنياة كادوور بيه دموع كاينزلو من عنيه وهو مقادرش يحبسهم ولا يمسحهم حياتو كاملة وهو كايتمنا يكون عندو شي ولد يفرح بيه ويهزو ويعوض راسو على داك الحنان والحب لي فقد ف طفولتو غمض عنيه وزير عليهم ونطق : لا لا هادشي غير حلم ... انا مزال غانفيق مزال هاد الكابوس غايفوت وغانرجع امراتي وولدي

حل عنيه لي عامرين بدموع ورجع نطق : لا مايمكنش ولدييي مات .... مات بسبابي انا ...( غوت بصوت عالي) لاااااااا مستحييييل ولديييييي .... ولدي لااااااا

جاو عندو الأطباء كايجريو وكايحاولو ويهدنوه ولكن هو كان دخل لحالة خايبة كايغوت بحال شي هبيل حتى دكو ليه واحد المهدء شاف فيهم وهما كانو جارينو لواحد البيتت خنزر فيهم ونطق بصوت مهلوك : وااش قلت ليكم نعسوني .... بغيت نشوفها انا بغيت ننن.....

الأطباء بقاو واقفين كايشوفو فيه كيفاش غمض عنيه وغفى وهو كايهلوس بالإسم ديالها

........ حلات عنيها على لمسات خفاف فراسها هزات عنيها لقاتو فايق وكايشوف فيها بإبتسامة بدلاتو ونطقات : كيبقيتي

داوود كايدوز يديه على وجها: مزيان

شروق تنهدات: خلعتي باباد علييك بززاف

داوود : بصصح ؟؟؟؟ .. ونتي

شرروق : انا شنو

داوود : ماتخلعتييش عليا

شروق تقدات فكلستها وبعدات عليه بالكرسي : علااش اش بيني وبينك بااش نتخلع عليك

داوود كايشوف فعنيها ؛ متأككدة مخفتيش عليا

شروق حركات راسها بلا: لا ابدا

داوود : اممم ودوك العنين لي حومر وكنفوخين بالبكى على من

شروق كاتحاول مااتشوفش فيه : غير جاب ليك الله

داوود مد ليها يديه : قربي عندي

شروق : غير خلني هكا مرتاحة

داوود مزال ماد يديه : قربي عندي راني توحشتك البرهوشة ديالي

شروق شافت فيه وعنيها ععمرو بالدموع : انا ماشي برهوشة

داوود شاف دموعها : علاش كاتبكي

شروق ححنات راسها : واالو

داوود : اجي قربي

شروق قربات عندو بالكررسي وهو شد فيديها وهزها عندو باسها ونطق: عمري غانخلييك غير كوني مرتاحة

شروق مسحات دموعها ؛ انا خفت لا نخصرك كيف خصرت ماما .... خفت بزااف ( شهقات وتلاحت وسط صدرو معنقاه وهي كاتبكي وتشهق)

داوود كايدوز يديه على رااسها بحنان: عمري نخلييك هدا وعد تحل علبهم الباب وودخل وهو داير يديه فجييبو شاف فيهم ونطق بعدما ناضت شروق بعدات عليه

لبوص : خاصنا نهضرو

داوود شاف فشروق وباس يديها ونطق: خلينا واحد شوية

شروق حركات راسها بوخا وناضت خرجات ووسدات الباب موراها فالحين لي تقدم لبوص. عند داوود ونطق: ااش وقع

داوود شاف فيه: داكشي لي كان خاصو يوقع شحال هادي

لبوص : وااش يحسااب ليك بهادشي تهنيتي منهم

داوود : لا ماتهنيتش انا عارف ... ولكن خاصهم يعرفو اش كاين

لبوص ضرب يديه مع الحيط : علاااش مابغيتيش تفهم انك هكا كاتعرض حياتك وحياة ناس لي قراب منك الخطر

داوود : انا فايت لي شرحت لك اني باغي نعييش مرتاح.... عييت من المافيا والجرائم مني حليت عيني وانا وسط ممنهم

لبوص جمع قبضة يديه لي كانت كاتقطر بالدم : تيقي بيا نت راك كاتضمر راسك وحياتك .... الى تخليتي عليهم غاتكون كاتودع حياتك

داوود كايشوف فيديه لي كاتقطر : نت نهار الأول لي لحتينا فهاد الطريق .... لوتي يديك وويدنا بالدم .... بسبابك مابقيناش عارفين نعييشو بالطريقة لي بغينا حنا

لبوص : خاصك تعرف اولدي فالعالم ديالنا ممنوع الرجوع وممنوع الحنية .... خاصك تبقا ديما حاني راسك وتنفد داكشي المطلوب منك

...... حلات عنيها وهي حاطة يديها على كرشها بحال الى نفقداتها وحسات ببإحساس خايب حركات راسها بلا كاتحاول تفني وتكدب داكشي لي كاتحس بيه... تحل الباب ودخلات طبيبة وجوهرة غير شافتها وهي تنطق بترجي : ولدي ادكتورة لباس يااك .... ماوقع ليه والو يااك

طبيبة وصلات حداها حطات يديها على راسها ونطقات : على سلامتك ابنتي ...

جوهرة بالدموع : وااش ولدي لباس

طبيبة تنهدات ؛ الله يعوضك خير ان شاء الله

جوهرة كاتشوف فيها والصدمة باينة عليها مقداتش لا تتهضر ولا تقول شي حاجة حرركات راسها بلا وطارت على كرشها كاتضرب ففيه وتغوت : لا لا لا لا لا لااااااااااااااااا ولدي ولدي ولدي

طبيبة كاتشدها : عفااك ماديريش هاد الحالة فرااسك .... امر الله كايتصرف ماعندك ماديري

جوهرة كاتبكي وتغوت : وااااااع ولدي ولدي هئ هئ هئ هئ علاااش اسيديي ربي علااش

طبيبة : استغفر الله العظيم ماتقوليش هاد الهضرة تتمة وهرة حطات راسها على كتف الطبييبة : الله ياربي الله. واش الأمل ديالي الوحيد فهاد الدنياة مشا

طبيبة كادوز يديها على راسها: كوني صبوورة وقنوعة باشما عطاك الله ماتقنطيش تحت رحمة الله.... ربي مزال غادي يعوضك ...وتيقي بيا اي حاجة عطاها ليك الله الى وفبها خيير القدام

.......حل عنبه وناض فالبلاصة حيد السيروم من يديه وقفز كايجري غادي عندها حل الباب ووقف كايشوف فيها وطبيبة تنهدات وناضت وقفات وخرجات خلاهم بوحدهم

طه شاف فيها ونطق: كيف بقيتي

جوهرة كاتشوف فيه: كيف بغيتي نتا

طه تنهدد بحزن ؛ ماتقوليش هكا

جوهرة : رتاحيتي دبا ..... غاتكون فرحتي يااك حييت الحاجة الوحيدة لي كانت عطاني امل فهاد الحياة خديتيها ... برافو عليك

طه مزال غير وااقف : جوهرة

جوهرة بصوت عالي: اش اش اش ..... وااش مزاال عندك الوجه فيين دخل عندي ..... واااش ماعندكش الرحمة فقلبك واااش ممكاتحسش

طه دمعو عنيه : جوهرة عفااك سمعيني

جوهرة هزات القرعة ديال الزاج لي كانت حداها ولاحتها علبه حتى جات فالحيط حداه وتهرسات: خرج خرج خرج .... مابقيتش باغية نشووف وجهك نت قتااااال قتلتي ليا ولديييي

طه رجع الور : كيفااش

جوهرة كاتغوت : وااااع بغيتي ولدي اعباد الله ولديييي

طه حنا راسو ورجع خرج وسد الباب هوراه مخليها كاتغوت وتضرب فكرشها طه خرج على برا وكلس الأرض شاد فراسو ودموع محجرين فعنيه مقادرش يستوعب داكشي لي وقع وخصوصا انه كايقول بلي بسبابو ... سمع تليفونو كايصوني جبدو لقا البوص قطع عليه ورجع حط تليفون ولكن فالبلاصة رجع كايصووني زفر بغضب وجاوب : اش كاين اعدنان

لبوص : اش هاد قلة الأحترام منك اطه

طه معصب بلا ووالو: طلقنا اش باغي

لبوص من صوتو عرفو ماشي هو هداك : وااش فراسك داوود اش وقع له

طه بخوف : داوود مالو اش وقع له

لبوص حك مؤخرة رأسه: وقف فوجه جيمس وكان باغي يصفيها ليه

طه : كيفاش مافهمتش

للبوص : هو قرر انه يبعد على الخدمة ديالنا ويقطع داكشي لي كايدير ..... يعني باغي يخدم خدمة شريفة

طه : واكيد هما ماقبلوش ليه حيت هو كايصيفط ليهم حتى 2000 بنت فشهر

لبوص: اه ماتتقبلوهاش وضربوه

طه : واش دبا ولا مزيان

للبوص : اه قبيلة فااق وغدا غايخرج ...راك عارفو كايكره السبيطار

طه : انا راني فمراكش وحاليا مغاديش نجي

لبوص : علااش اش داك ل مراكش ... خاصك تجي وفأقرب وقت

طه : مغاديش نجي دبت يلاه تهلا داوود دبا نهضر معاه

قطع عليه قبل كاع مايجاوبو وطفا تليفون حيت مافيه لي يهضر مع شي حد

........ كانت واقفة فالكوزينة كاتغسل الماعن حتى سمعات لباب تحل مسحات يديها ومشات طلات بان ليها داخل وقفات فالباب ونطقات : امدرا كيف بقا داوود

لبوص شاف فيها: فاق وولا لباس

غفران بتاسماات: الحمد الله على سلامتو .... واش تاكل شي حاجة

لبوص بلاما يهضر كاع كمل طريقو دخل البيتو حيد كوايجو بقا غير بشرط وتتلاح فوق الناموسية ينعس بعد مرور 3 ايام كانت مزالة فالمستشفى وحالتها مزالة هكاك مزال مستوعبات ان ولدها صافي مشا وبلي فرحتها انها غاتتولي ام طارت فالخوا وبسبب من ؟ .... بسبب شخص بغاتو وسلماتو نفسها هي عمرها غاتقدر تقبل هادشي ولا تنسا بلي ولدها ما*ت بسبب باباه

بعد المرات كايوقع شي حوايج لي عقلك مكايقدرش يستعبهم بحاال لي وقع نيت الجوهرة لي بغات شخص وتاقت فيه ولكن فرمشة عين لقات راسها مليوحة لشارع وهي حااملة ...الحمل جاها فواحد المرحلة لي كانت قاسحة ...كانت تالفة معارفة راسها اش غاديرى حى لقات راسها حاملة .. الشئ لي خلاها تبدر نضرتها الحياة..... على قبل ولدها قررات تبعد وتخدم وتكافح على قبلو ولكن مع الأسف القدر كان ليه رأي اخر وولدها لي كانت مصييرة تكافح على قبلو مشا

وهاهي دبا كالسة والصدمة مزالة مأترة عليها..الحد الأن مزال ماتيقات بلي هي جهضات وبلي كرشها خوات وداكشي لي كانت كاتسناه ماكملش

مسحات دموعها وعنيها جمرة حمرة بقوة البكى وتنهداات تنهيدة طوييلة وهزات راسها الفوق ونطقات بصوت باكي : ياااربي انا راه عمري تقلقت على قدرك ولا على داكشي لي كتبتي ليا نعيشو ... ياربي انا دييما حامداك وشكراك وغانبقا ديما فرحانة بداكشي لي عطيتيني وقسمتي ... ولكن هادشي رااه مقدرتش نتيقو .... ياربي راه قلبي كايتشوى حتى قلت اخيرا القدر ضحك ليا وعطاني احسن جائزة فهاد الحياة .... ( شهقات ) مزال حتى مافرحت بييه مزال حتى ماحسيت بيه كايتحرك وماحسسيت بدقات قلبو لداخل ديالي . .. ( مسحات دموعها ورجعات كملات هضرتها ) انا مامقلقاش حيت نت قسمتي عليا نعيش هادشي ونفقد ولدي لي مزال حتى مافرحت بييه ... ولكن عمرييي غاننسا شكون السبب

........ كان ناعسة على ضهرو وهي كلسة فوق الكرسي حداه كاتشربو من الشربة وهو كايتفشش عليها

داوود ساد فمو : وامبغييتهاش مارجة يييع

شروق ششادة معيلقة : ياااويييلي على ييع ماارجة ...واش حماقيتي ولا شنو راه طبيب قالك خاصك الماكلة باش تصح

داوود : إيييه الماكلة يعني شي دججاج ولا شي لحم شي بيض مسلوق وزيييد ووزييد ماشي ههادييي يكون الواحد صحيح يشربها يمرض

شروق حطات المعلقة : ولكن طبيب قالك متاكلش شي حاجة لي صعييبة فالهضم

داوود : غيير نوضي طيبي لي شي حاجة ناكلها انا لي عارف معدتي علاش قادة.... دبا بقوة الجوع لي فبها حتى الحجر. الى لحتيه فبها طحنو`.trim(); const cleanText = text.replace(/\s+/g, " ").trim(); const contentElement = document.getElementById("content"); const loadMoreContainer = document.getElementById("loadMoreContainer"); const chunkSize = 4000; let currentIndex = 0;

if (window.location.hostname === "www.9isasichk.com") { function loadNextChunk() { if (currentIndex >= cleanText.length) { document.querySelector('.load-more-text').innerText = "نهاية البارت"; return; } const nextChunk = cleanText.slice(currentIndex, currentIndex + chunkSize); contentElement.innerHTML = nextChunk; window.scrollTo({ top: 0, behavior: "smooth" }); currentIndex += chunkSize; if (currentIndex >= cleanText.length) { document.querySelector('.load-more-text').innerText = "نهاية البارت"; } } loadMoreContainer.style.display = "block"; loadMoreContainer.addEventListener("click", loadNextChunk); loadNextChunk(); } else { contentElement.innerHTML = cleanText; }

الجزء 12 - قصة بريئة بين الذئاب

التعليقات

إرسال تعليق

نموذج الاتصال

تصفح القصص